إسحق أحمد فضل الله يكتب: (وفاة المغالطات)    الهلال لم يحقق فوزًا على الأندية الجزائرية على أرضه منذ عام 1982….    لجنة المسابقات بارقو توقف 5 لاعبين من التضامن وتحسم مباراة الدوم والأمل    المريخ (B) يواجه الإخلاص في أولي مبارياته بالدوري المحلي بمدينة بربر    شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس)    شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم)    شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم)    لماذا نزحوا إلى شمال السودان    جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة    شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر    المالية توقع عقد خدمة إيصالي مع مصرف التنمية الصناعية    أردوغان: لا يمكننا الاكتفاء بمتابعة ما يجري في السودان    مناوي .. سلام على الفاشر وأهلها وعلى شهدائها الذين كتبوا بالدم معنى البطولة    وزير الطاقة يتفقد المستودعات الاستراتيجية الجديدة بشركة النيل للبترول    أردوغان يفجرّها داوية بشأن السودان    بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو"    اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا    وزير سوداني يكشف عن مؤشر خطير    شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط)    بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي)    إحباط محاولة تهريب عدد 200 قطعة سلاح في مدينة عطبرة    السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء    الترتيب الجديد لأفضل 10 هدافين للدوري السعودي    «حافظ القرآن كله وعايشين ببركته».. كيف تحدث محمد رمضان عن والده قبل رحيله؟    محمد رمضان يودع والده لمثواه الأخير وسط أجواء من الحزن والانكسار    وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب"    أول جائزة سلام من الفيفا.. من المرشح الأوفر حظا؟    مركزي السودان يصدر ورقة نقدية جديدة    برشلونة ينجو من فخ كلوب بروج.. والسيتي يقسو على دورتموند    شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….")    "واتساب" يطلق تطبيقه المنتظر لساعات "أبل"    بنك السودان .. فك حظر تصدير الذهب    بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات    ما الحكم الشرعى فى زوجة قالت لزوجها: "من اليوم أنا حرام عليك"؟    غبَاء (الذكاء الاصطناعي)    مخبأة في باطن الأرض..حادثة غريبة في الخرطوم    رونالدو يفاجئ جمهوره: سأعتزل كرة القدم "قريبا"    صفعة البرهان    حرب الأكاذيب في الفاشر: حين فضح التحقيق أكاذيب الكيزان    دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة    عقد ملياري لرصف طرق داخلية بولاية سودانية    السودان.. افتتاح غرفة النجدة بشرطة ولاية الخرطوم    5 مليارات دولار.. فساد في صادر الذهب    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    الحُزن الذي يَشبه (أعِد) في الإملاء    السجن 15 عام لمستنفر مع التمرد بالكلاكلة    عملية دقيقة تقود السلطات في السودان للقبض على متّهمة خطيرة    وزير الصحة يوجه بتفعيل غرفة طوارئ دارفور بصورة عاجلة    الجنيه السوداني يتعثر مع تضرر صادرات الذهب بفعل حظر طيران الإمارات    تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب    (مبروك النجاح لرونق كريمة الاعلامي الراحل دأود)    المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية    حسين خوجلي يكتب: التنقيب عن المدهشات في أزمنة الرتابة    دراسة تربط مياه العبوات البلاستيكية بزيادة خطر السرطان    والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة    شكوك حول استخدام مواد كيميائية في هجوم بمسيّرات على مناطق مدنية بالفاشر    السجائر الإلكترونية قد تزيد خطر الإصابة بالسكري    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



(7) مليار جنيه ليه..عاوزين تكرموه وإلا عاوزين تسجلوه؟
قوون نشر في قوون يوم 31 - 05 - 2013

في الحكم الثنائي الانجليزي المصري ...كان (الملاح) بعملوه بدون (طماطم)...لأن الطماطم في ذلك الوقت كانت ما معروفة.

الطماطم دا اكتشفوها قريب دا.

طيب ما يعملوه بالصلصة.

اذا كانت (الطماطم) غير موجودة فأنه من الطبيعي ان تكون (الصلصة) ذاتها غير مكتشفة في ذلك الوقت.

الصلصة دي جاءت هسع سنة 1989م.

مع الجماعة ديل.

مع ناس جمال الوالي.

يعني هم كانوا ما بعرفوا (الطماطم)..عاوزهم يعرفوا ليك (الصلصة).

قالوا كدا ..(بس الكلام دا ما يطلع من العمود).

تكريم الوالي ماشي ليكم عليه ..والمليون الدولار دي والله ما بنخليها.

يا ربي المليون دولار دي عندنا فيها كم؟.

كشعب كدا ...عندنا كم في المليون دولار دي؟.

في الحكم الثنائي الانجليزي المصري ..قالوا (الكمونية) ما كان فيها (مصارين).

ولا مصران.

كومنية خالية (مصارين).

المصارين قالوا كانت في (الفول).

الفول في الحكم الثنائي الانجليزي المصري ..كان فيه (مصارين).

قالوا كدا ..(بس الكلام دا ما يطلع من العمود دا).

تكريم الوالي ..ماشي ليكم عليه.

اصبروا انتوا بس ..يعني ح يفوتوا مننا وين؟.

ليهم يوم.

مليون دولار يا مفترين.

هسع عليكم الله المليون دولار دي بتعمل ليها كم (كوبري)؟.

بتفتح ليها كم مستشفى سرطان؟.

وبتعيد تعمير كم (ابوكرشولا).

مليون دولار ..شالوها ناس الاهلي المصري.

المصريون ..قلعوا (حلايب)...قمنا اديناهم فوق على (حلايب) مليون دولار.

كلام والله.

دي زي الزول البمشي يشتري ليه (جبنة بي جنيهين)...يقوموا يدوه فوق الجبنة دي ..بطيخة ب (40) جنيه.

او زي قطعة (الكنافة) المعاه هدية قطعة ارض درجة اولى.

المصريون ..بضربوا في الطالبات السودانيات في الداخليات ..ونحن بي جاي بنحفز فيهم ب (مليون دولار).

المصريون ..اشانوا سمعة الدكتورة السودانية (رحاب) في صحفهم بعد ان اقتالها زوجها المصري الذي طلعوه في النهاية مجنون.

ونحن بي جاي ..بندفع ليهم من قروش الشعب ...مليون دولار.

المصريون ...(مسخهم) المدعو أحمد آدم بطلع في قناة الحياة ..يسخر من السودانيين وبقول ليهم انتوا كدا اول حاجة حافظوا على نصكم التحت ...من ثم تحدثوا عن النص الفوق ...وهو يقصد بالنص التحت (الجنوب)..والنص الفوق (حلايب).

وبعد دا كلو ..بندفع ليهم مليون دولار ..وبنكون قدامهم مخلوعين كدا ..ومدهوشين ...وعاوزين نطير من الفرح.

الجبنة في الحكم الثنائي الانجليزي المصري ...كان طعمها (سكر ..سكر)..هسع طعمها بقى فيه (حموضة).

ما عارف الحصل على (الجبنة) شنو؟.

يمكن دا توجيه سياسي جديد.

انا غايتو ما عارف ..ما تجيبوا لينا المشاكل.

برجع ليكم للحديث عن المليون دولار ..حقتنا.

ج(مال) الوالي.

اصبروا ..يعني ح يمشوا مننا وين؟.

الضروس في الحكم الثنائي الانجليزي المصري ..قالوا كانت بتقوم في (النخرين).

هسع نزلت شوية.

بقت تقوم في (الخشم).

ضروس هي وإلا (ضريسة) البتتحول كدا.

المليون دولار ..عارفين بتساوي كم بقروشنا دي.

مليون دولار يعني (7) مليار جنيه سوداني.

ج(مال) الوالي.

شوفوا ال (7) مليار جنيه سوداني دي كان ممكن تعمل شنو في البلد دي؟.

طلعتوا (لوردات) اي كلام ..كبيتوا قروش البلد في (حفرة)..وقعدتوا تتلفتوا.

هسع لو سألناكم سؤال ...ج(مال) الوالي دا ...مكرمنا ليه؟.

عشان شنو؟.

ما تقولوا لي عشان طلع اكثر رئيس نادي (شعبية).

رئيس هو وإلا (اندومي)...الاكثر شعبية دا.

انتوا بتفكوا (الكضبة) وبتصدقوها.

شعبية شنو؟.

الزول دا نزل انتخابات وين؟.

مصطفى الاغا دا ..لو عاوز يطلع (التاج ود الحبرتجي) اكثر زول شعبية في العالم ..ممكن يعملها.

الاغا ..كمان نحن ما عارفنو.

7 مليار جنيه ..تكبوها فى الكلام الفارغ دا.

دي زي شنو؟.

زي الحكم الثنائي الانجليزي المصري.

قالوا ليك في الحكم الثنائي الانجليزي المصري ...موية الفول ...كان فيها (فرخة).

وقالوا كمان ...الدنيا كانت بي خيرها.

المليون ..موش هسع فيها (6) اصفار.

قالوا ليك في الحكم التركي المصري ...المليون كان فيها (صفر) واحد.

زي العشرة...هسع دي.

بعدين الجماعة ديل ..ما بعيد ...يضيفوا ليهم صفرين تاني في المليون عشان المليون يبقى فيه (8) اصفار.

ديل كتروا (الاصفار).

بمناسبة (الاصفار) دي.

انتوا وين المول؟.

وين النادي الاسري؟.

وين المدنية الطبية؟.

وين تحويل نادي المريخ الي شركة مساهمة رأس مالها 500 مليون دولار؟.

دا كلو خلوه.

وين الزول القال ما بقرأ جرايد؟.

نحن عاوزينو.

عاوزينو حالا.

عليكم الله انتوا راجين ليكم عمار من زول ما بقرأ جرايد؟.

كدا خلوه يقرأ الجرايد اول.

عشان يشوف البلد حاصل فيها شنو؟.

7 مليار جنيه ..يا مفترين.

انا وقت عرفت بالمبلغ دا ..قلت يا ربي ج(مال) الوالي دا جاب (استقلال السودان).

يكون رفع العلم السوداني.

الصورة في التلفزيون ما واضحة.

احتمال يكون نزل العلم الانجيلزي المصري ..ورفع العلم السوداني.

جمال الوالي جاب لينا (الاستقلال).

او يمكن ...يكون جمال الوالي دا براهو كدا حرر (ابوكرشولا).

عشان كدا عملوا ليه (تكريم).

تكريم ب (7) مليار جنيه سوداني.

تصوروا ..تكريم حسن خليفة العطبراوي في عطبرة ..قبل ايام كلو ما كلف مائة مليون جنيه.

جمال الوالي كرموه ب (7) مليار جنيه سوداني.

انتوا عاوزين تسجلوه ..وإلا عاوزين تكرموه.

بعد كدا جمال الوالي مفروض يلبس رقم (10) ويلعب ليكم رأس حربة عديل كدا.

يطقطق ليكم الكورة دي مفروض زي منتصر الزاكي زيكو.

طيب اتكلم معاكم ..حسب نظرتكم.

انتوا يا مريخاب عارفين ال (مليون دولار) دي ممكن تجيب كم (سادومبا).

دي ممكن تجيب ليها (4) سادومبات ...بي صلع جديدة.

وممكن كمان تصغر عمر سادومبا (10) سنوات.

يعني ممكن تجيبوا (4) سادومبات ..بي صلع جديدة ..واصغر عمر ..ويلبعوا ليكم (3) مواسم.

بدل ما تكرموا جمال الوالي في ليلة واحدة.

غايتو يا جماعة بي صراحة كدا.

الله يستركم الله من (الكتاحة).

القروش الكتيرة دي ..الليلة بتجيب ليها (كتاحة).

كتاحة الغلابة ..والمساكين ..والناس البتبيت القوا.

لو جات (كتاحة).

طوالي اعرفوا دي عمايلكم.

ولو ما جات كتاحة كمان ..بتجيكم قدام.

بعدين انتوا كدا ادفعوا ديونكم ...ادوا ناس هيثم مصطفى وعلاءالدين يوسف قروشهم ..بعدين تعالوا كرموا جمال الوالي ب (7) مليار جنيه.

ج(مال) الوالي.

قالوا ليك في الحكم الثنائي الانجيلزي المصري ...كانت (الفراخ) فيها (شوك).

زيها وزي (السمك).

يعني لو ما عملت حسابك ...بتخنقك (شوكة)...وانت بتأكل في (الفرخة).

هسع الجماعة الحرفاء ديل ..السمك بقوا يجيبوا ليك بدون (شوك).

الشوك بمشي وين ؟...والله ما عارف.

مليون دولار.

ليه؟.

عشان شنو؟.

المضحك الامين العام بتاع المريخ ...(والله ما عارف اسمو).

عارفين الامين العام الما معروف اسمو دا ..قال شنو في اذاعة الشاب والرياضة.

(الامين العام سخر في الذين يتحدثون عن المليون دولار التي دفعها الوالي لتكريم نفسه وقال ان الوالى لم يدفع ولا مليم ولاحتى اعضاء المجلس لم يدفعوا وقال ان هناك شركه راعيه هي التي قامت بدفع كافه المبالغ المالية لفرقة الاهلي وحجوزات الفنادق وكافه الالتزامات الماليه).

الوالي ما دفع (مليم) في المليون دولار دي.

والمجلس ما دفع مليم في المليون دولار دي.

طيب الدفع منو؟.

الحكومة.

ايو اتذكرت ..الامين العام (والله ما عارف اسمو)..قال هناك شركة راعية هى التى قامت بدفع هذه المبالغ.

شركة راعية من نوع (سري للغاية).

انتوا فاكرين الشركات الراعية دي حقت ابوكم.

الشركات الراعية دي (لو افترضنا كدا انو في شركة راعية)..هي شركات الحكومة.

يعني شركات البلد دي.

يعني حكاية (شركة راعية) دي ما بتمشي علينا.

شركة راعية ..خلوها ترعي ليها حاجة فيها فايدة.

بدل ما ترعي ليها حاجة فارغة كدا.

غير دا ..وزي ما علق احد الظرفاء ..وقال هل توجد في الدينا شركة راعية (سرية).

الشركة الراعية بتتحمل نفقات الرعاية من اجل الاعلان والترويج لنفسها.

والي الان ما في شركة اعلنت عن نفسها لرعاية مهرجان جمال الوالي.

ورونا انتوا الرعاية دي تبقى كيف؟.

رعاية (سكتم بكتم).

رعاية (بين اتنين).

رعاية (في سرك).

غايتو الشركة دي إلا تكون شركة امنية او شركة مخابرات عشان كدا ما عاوزة تعلن عن نفسها.

شركة (جاسوسية) كدا.

مليون دولار يا مفترين.

7 مليار جنيه والامين العام للجنة التيسيير بطلع في الاذاعة وبسخر من الناس البتكلموا ويعلقوا على هذا المبلغ (الضخم).

دا جبتوا من وين يا جمال الوالي الامين العام الما عندو احساس بالشعب دا؟.

دا ما عندو اي احساس بالمسؤولية ....شايف الكتابة عن مليون دولار ...امر غير لائق.

وبعتبر ان هنالك شخص ..سرب هذا الخبر الي الصحيفة المصرية.

تتخيلوا.

يكون دا عصام الحاج.

اصلو عصام الحاج ..الكلام الفارغ دا ما عاجبو.

عصام الحاج كشف الديون ...ما يكشف المبلغ الذي صرفه جمال الوالي من اجل تكريم جمال الوالي.

غايتو زي الحركة دي جمال مبارك ذاتو ما بعملها.

خلوا جمال الوالي.

والله جمال مبارك جاب كأس الامم الافريقية مع المنتخب المصري (3) مرات ...ما حصل في مرة كدا ...قال عاوز يكرم نفسو.

الزول بقى يكرم نفسو بي نفسو.

دي اول مرة تحصل في السودان.

دي ما حصلت قبل كدا.

ولا سمعنا بيها.

7 مليار جنيه.

شوفوا (البزار) دا.

ملحوظة : الكتاحة ما خاطية عليكم.



هوامش

الامين العام للجنة التسيير (الما عارف اسمو دا) قال في اذاعة الشباب والرياضة : (الحضري ابدى الرغبه في التسويه الوديه وبعد اتصاله باعضاء مجلس الاداره تمت الموافقه بالاجماع على الجلوس مع اللاعب والعمل على سماعه خاصه وان ماتبقى هى سته اشهر فقط).

خد.

الحضري رجع.

ارقص يا حضري.

ارقص يا حضري.

جهزوا ليه (حوض السباحة) ساكت ..ما تقعدوا تنظروا لينا ساكت.

ما عاوزين اي (مبررات).

ألعبوا ساكت.

الفيكم اتعرفت.

طلعت اي كلام.

عصام الحاج ...تاني مفروض في شارع العرضة ساكت ما يجي ماري.

اللفة الطويلة دي ...كلها اتاريها مقصود بها عصام الحاج.

معقولة بعد الاساءات التى وجهها عصام الحضري ...الزول دا تاني يرجع يلعب في المريخ.

عصام الحضري موقع عقد مع المريخ وإلا موقع عقد مع جمال الوالي.

يرجعوا عصام الحضري ..بعد الاساءات التى وجهها ليهم ..ويخلوا فيصل العجب.

انت يا فيصل عشان ما قاعد تسيء.

لو كنت بتسيء ...كنت هسع بقيت (لورد) عديل كدا.

انت يا فيصل طلعت مسكيت ساكت.

انت طلعت زي عصام الحاج.

في الانتخابات القادمة ممكن عادي جدا ...كمال دحية يصبح الامين العام لمجلس المريخ.

موش عصام الحضري رجع.

عادي جدا كمال دحية يبقى الامين العام لمجلس المريخ.

زهير عبادي في قناة النيلين ...قدم برنامج عن تكريم جمال الوالي ...وعرض اهداف للمريخ في شباك الهلال.

علاقة التكريم بالاهداف في شباك الهلال شنو؟.

استفزاز جماهير الهلال في امور لا تعنيهم ..ليس في صالح قناة النيلين.

ليس في مصلحة قناة النيلين استفزاز الشعب السوداني.

عاجل : ما هنت يا سوداننا يوما علينا ...(ناس المريخ كتروها).

انقر هنا لقراءة الخبر من مصدره.