ناس الهلال فرحانين بعدم احتفال بكري بالهدف، بكري ده لو حنين كده جاب قون ليه، بكري مابحتفل في التمارين والمباريات الساهلة، شفتو في التمرين بجيب قون وبمشي يعادي، حانوصي الغربال في الكورة الجاية ما يحتفل برضو، حاجة تحنن والله وليهم حق يقولوا حايلعبوا اوتارا، موضوع شطارة اوتارا أكعب من الجريف لكن خاتنو شماعة للهزيمة المتوقعة، هزيمة مع الرأفة، هدفين بس أصلاً مقرر ليهم اربعة لما لقوها قمة طلاب قالوا نص القيمة، بدل 500 مل خلوها 250 مل، دكتور غرزة ده شاطر خلاص، كبسولاتو ناجعة بدل صباح ومساء عملها كل شوط حبة الون تو بتاعة كلتشي وبكري خلت حسين في حتة والجريف في حتة وودت بويا في مكان واطهر في مكان. غرزة قال الودي بنص المقرر يعني مباراة الدوري ختوا تضريباتكم على اربعة، اها نجي لقون عاشور وتقريش أبوستة اب ستة استلم 3 ملييار علشان يرجع الكورة لمكسيم، لو جبتو منقستو ممكن يعمل كده بلاش وزمان منقستو قرش لعبد المعطي خطفها الدحيش ومررها بين القونين لعبد المعطي، اها قوم يا الهلال اعمل حيطة، عملوا حيطة وماعملوا حذر مفروض يعملوا الحيطة والحذر، هنا طوالي عاشور طلع تلفونو وضرب لايمن سعيد، يا عم ايمن قاتلي كورة بره الخط، ايمن قال ليه بص يا باشا ده قون مضمون دفاع الهلال وحارسو حايصلوا لعندك انت فوت الكورة لعندهم. اها دي كورة (ودية) الكورة الجاية (قصاص) وشكراً لودنا اطهر الهجان عمل شغل كويس خالص، والشكر ممتد لولدنا شيبوب المحبوب كما يمتد إلى اوكرا. احسن حاجة في المباراة دي انه كان لازم يطلع مدعوم منها يا يطلعوا دعم الطلاب يا دعم الهلال ولأنه الكورة اصلا لدعم الطلاب فالهلال لم يجد دعماً، مباراة صناديق داخل الصندوق انفرد بكري وغلط مكسيم واحتفل الصندوق بيوبيله الفضي. اليوبيل الذهبي قالوا في الدمازين، الدماعة ديل مساكين خلاص، زمان لما فيهم زيكو الكوبرا وهسع لامي فيهم بكري العقرب في اليوبيل الذهبي حايجيهم فتح الرحمن الاصلة طبق الليلة يوم (الاثنين) الدماعة يكونوا متحسسين شديد أي واحد تقولو الليلة شنو يعمل نفسو زعلان، الليلة يوم الاثنين ما تغلطوا تسألوهم. بكري المدينة امس كان لاعب بلقب (النملة ام ريش) علشان كده ما اتشقلب، فرحهم بعدم زوجتك مع رجل في الغابة فقال لهم كلها ثلاثة شجرات عملوتها غابة، خلا المهم وكلو من الكاردينال ما اتبرع للمريخ بمستشفى.