سودارس : ألقحني يا ضفر ألحقني

رئيس لجنة المنتخبات عطا المنان يتفقد البعثة ويتحدث للجهازين الإداري والفني الهلال يختتم تحضيراته بمران خفيف استعدادًا لمواجهة "روتسيرو" غدًا لاستعادة الصدارة لاعبو الدوريات الخارجية يتوافدون لجدة ويكتمل عقدهم فجراً ارتفاع أسعار الذهب في السودان لواء ركن (م) د. يونس محمود محمد يكتب: جرد الحساب في إحالة العميد طبيب طارق كجاب لأول مرة.. حكم يحمل إنستغرام ويوتيوب المسؤولية عن إدمان وسائل التواصل النفط يصعد والذهب يستقر مع تقييم احتمالات وقف الحرب "ChatGPT" تتيح مقارنة المنتجات بدل الشراء المباشر ترتيبات بالشمالية لتنفيذ مشروع المبادرات المجتمعية المشتركة ترتيبات لقيام مجمع تشخيصي متكامل لتوطين الخدمات الصحية بشرق الجزيرة تقرير أمريكي يكشف استهداف مباشر لمستشفى الضعين في عيد الفطر مقربون من محمد صلاح يرجحون وجهته القادمة.. إيطاليا أو أميركا؟ الزمالك يؤجل ملف تجديد عقد حسام عبد المجيد موقف زيزو من الرحيل عن الأهلى فى الصيف المقبل أحمد العوضي : بشكر جمهوري إنه عمره ما خذلني وصاحب الفضل فى نجاحي شيماء سيف تنشر فيديو طريف مع زوجها محمد كارتر على إنستجرام طارق الدسوقي: اشترطت الإطلاع على السيناريو للموافقة على دوري في علي كلاي دراسة تكشف ترابطا بين أمراض معدية وخطر الإصابة بالخرف 10 أطعمة يجب تناولها لعلاج نقص البوتاسيوم 10 ثوانٍ فقط للمستبدل .. فيفا يعلن تطبيق حزمة تعديلات تحكيمية في المونديال وزير الخارجية ووالي الخرطوم يفتتحان مقر وزارة الخارجية بشارع عبدالله الطيب بالخرطوم ايذانا بعودة كامل الوزارة لممارسة عملها من العاصمة الخرطوم السودان ومصر يوقعان بروتوكول مشترك لمكافحة بعوضة الجامبيا شاهد بالصور.. السلطانة هدى عربي تخطف الأضواء بإطلالة مبهرة من حفلها الأخير بالرياض أمجد فريد الطيب يكتب: حياة تجلت في وضوح المبادئ: وداعا فينك هايسوم الخليج الضحية الكبرى: إيران وجهت 83% من هجماتها إليه… و17% فقط إلى إسرائيل عثمان ميرغني يكتب: حرب السودان ومخطط شد الأطراف شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) نصائح لوقاية مرضى حساسية الصدر من التقلبات الجوية والرياح شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب 4 وجهات محتملة لصلاح بعد قرار رحيله عن ليفربول ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

ألقحني يا ضفر ألحقني

كورة سودانية نشر في كورة سودانية يوم 17 - 02 - 2015

محمد عبد الماجد
دق الدلجة
ألقحني يا ضفر ألحقني
جيرانا جاهم حرامي (نص الليل).
تلب بالحيطة.
تلبت.
المتلبة في بلاد الاغريق بتختلف عند (المتلبة) عند الاتراك.
دربو كان ظاهر في الحوش – كراعو كبيرة ..الظاهر عليه بيلبس حذاء مقاس (48).
اصبعو الكبير طالع برة (الشبشب).
كسر الدولاب …(الدهب) قاعد تحت الهدوم ما شالو.
فتح الخزنة ..(القروش) تحت الورق ما هبشها.
بي صمتها.
فتح التلاجة – لقينا (العصير) بي حالو – موية ساكت ما شربها.
العصير بي حالتو الخليناهو فيه.
الموبايلات فوق التربيزة …ما مشى عليه…الجلكسيات تفتح النفس وتشرح
الصدر ..ما مشى عليها.
طيب يا جماعة الله الزول دا سرق شنو؟..وقت الحاجات كلها قاعدة وما في
اي حاجة ناقصة.
للامانة (الحرامي) دا ما سرق اي حاجة..الزول دا بس كتب لينا في الحيطة
المريخ اتغلب من عزام صفر / 2 ومشى بعد كدا.
والله دا (حرامي) مثقف.
دا حرامي ود حلال عديل كدا.
لكن برضو ..حرامي (حاقد)…في داعي يجيب ليه خبر صادم كدا.
حرامي ما عندو ادب ..في داعي يفتح الجراح دي.
يا ريت لو كل (الحرامية) كدا …الواحد يتلب ليه حيطة ويكسر ليه دولاب
ويقول المريخ اتغلب.
وانتوا وقت (الحرامي) دا ما شال حاجة ..التلتلة لزومها شنو؟..متجرجرين
وماشيين على قسم البوليس فوق كم؟.
الشفع واقفين برة القسم.
زول ما شال ليه حاجة ..عاوزين تحاسبوه على (التليبة).
في ناس ما بتلبو وبشيلو اي حاجة – نشفو البلد.
من مكتابهم بقوموا بالواجب وبخلصوا العملية.
انتوا وقت الزول دا ما (تلب) عاوزين تحاسبوه ليه؟.
على كم كيف؟…نحن ماشيين نبلغ على الخبر الصاقعة الجابو لينا دا.
في داعي يجيب لينا خبر صادم كدا.
عليك الله هسع خبرو دا لو كان شال بدلو دهب (المرا) ما كان احسن لينا
من يقول لينا المريخ اتغلب.
صدمنا.
وهرس فشفاشنا.
واتغلب منو؟.
اتغلب من عزام.
فريق عمرو (8) سنوات وشهرين.
فريق اتكون سنة 2007م ..يجي يغلبكم انتوا يا بتوع (1927م). في 2015م.
اصلو ما بتتعلموا.
وينها كاساتكم الجوية؟.
خلوها الكاسات الجوية – اصلا انتوا براكم ما مقتنعين بيها.
وينها شالكا؟.
انتوا شالكا دي لعبتوا قدامها (فشخرة).
لاعبين قدام (شالكا) دعما للمجهود الحربي.
وينو معسكركم في القاهرة (21) يوم؟.
وينو معسكركم في قطر (30) يوم؟.
وينها مبارياتكم في الدوري الممتاز (4) اسابيع؟.
وقت بتتلغبوا بالسهولة دي وبتطيروا من دور ال (64) – المعسكرات لزومها شنو؟.
التعب فوق كم؟.
وقت مرة بتتطلعوا قدام كمبالا سيتي.
ومرة بتطلعوا من عزام.
الطريف مزمل ابوالقاسم امس كتب في (كبد الحقيقة) بعد المباراة امس : (
سيتعرض لاعبو الاحمر الى مضايقات كثيرة وسخرية مريرة من الاعلام الازرق
على مدار اسبوعين).
يعني انتوا يا مزمل شايلين هم الاعلام الازرق.
خلونا نحن…انتوا ما عاوزين تحاسبوهم.
نحن فريقنا غلب 2 / صفر ..وبرضو ما بنرحمو.
الناس طلعوا زعلانين ..وقالوا الهلال ما لعب ..وقدم مباراة فاترة.
وصبحي قال فريق كي ام كي لو لعب امام قدماء الدوليين بيأخد تسعة.
وانتوا يا مزمل بعد اتنين عزام ..عاوزين تشوفوا ليكم اعذار للاعبين.
لاعبين معسكرين في القاهرة والدوحة والخرطوم اكثر من (60) يوم ..وعاوزين تعذروهم.
نحن ممكن نواسيكم.
نحن ما عندنا مشكلة.
ممكن نقول ليكم الكورة اصلها كدا.
والكورة مجنونة.
والتعويض ح يكون في مباراة الاياب.
ما مشكلة – يعني شنو تتغلبوا اتنين..الريال بتغلب.
ولا حاجة.
هو الغلب اتنين دا غلب.
ناس عنكبة ديل في (7) دقائق ممكن يعوضوا النتجية.
غايتو بكري المدينة لو حسبوا ليه الكور البتمشي (الكشافات) اقوان ..ممكن تتأهلو.
يا مزمل ..خلينا نخلي لينا خط رجعة.
خلونا نضع احتمال …طيرانكم من دور ال (64) – غارزيتو براهو قال كدا.
خلونا نضع كل الاحتمالات – عشان بعدين الصدمة ما تكون شديدة.
احسن نعمل ليكم (تمهيدي).
موش انتوا بتلعبوا في (التمهيدي).
وليكم انتوا يا مزمل ان تقولوا ان الهلال لم يتأهل وان النتيجة التى
خرج بها في الخرطوم نتيجة ما مريحة.
وان فريق كي ام كي قادر على التعويض في زنزبار ..قولي كدا ..نبهونا –
نحن يمكن نسرح.
لكن يا مزمل قبل ما اطلع منك وامشي حتة تانية ..انتوا (علي جعفر) دا
عاوزين تخلوه.
ما عاوزين تسألوه.
علي جعفر دا لو بلعب في الهلال ..كان هسع على الاقل بيلعب في (الاهلي شندي).
دا لو جاملناه وما نزلناه الدرجة التانية.
علي جعفر دا لو ما عاوزين تحسموه ..فكوه لينا ..باقي الكورة الفي رأسو
دا بنجففها ليه.
زولكم شغال زي عصارة الزيت..محل ما يقبل يجيبوا فيه قون.
بعدين مدافع – (اللفة) عندو إلّا يرمي (اربعة) ..دا لا مدافع ولا حاجة.
علي جعفر دا مفروض لو قعدتوه في (الكنبة) تكلموا (المعز محجوب) يكون
عامل منو حسابو.
الزول دا في الكنبة ممكن يغلط.
اجمل من كل هذا ..ان كلية اعلام المريخ امس كلهم استنجدوا بي (ضفر).
كلهم طقوا الكواريك ..وقالوا لي غارزيتو ألحقنا بي (ضفر).
اتخيلوا (ضفر) بقى المنقذ.
زول يستنجد بي (ضفر).
اخير (علي جعفر) كان عاوزين تجيبوا (ضفر).
الاستنجاد بي (ضفر) – عارفنو زي شنو؟.
زي الزول الوقع ليه في (بئر) وقعد يكورك.
قام واحد من ناس الحلة اسمو (التوم) اتكرب ونزل ليك في البئر ..عشان يطلعو.
الزول طلع ..والناس قالوا ليه حمد الله على السلامة.
زولكم الطلعوه من (البئر) وقت لقى الزول الطلعو (التوم) قال لي ناس
الحلة رجعوني (البئر).
قال ليهم اخير لي (البئر) من يطلعني (التوم) دا.
اقنعهم ليك بالمنطق.
رجعوه ..والموضوع اتقفل على كدا.
هسع انتوا يا مريخاب ما بتخجلوا ..عاوزين تستنجدوا بي (ضفر).
احسن ليكم تتغلبوا (سبعة) من الاستنجاد بي (ضفر).
ضفر شنو كمان؟.
مزمل ابوالقاسم كتب : (عودة ضفر ومحاولة تجهيز مالك اسحق يمكن ان تعالج
بعض سوءات الدفاع الاحمر).
مزمل مع (ضفر) عاوز يجيبوا ليه (مالك) – لا – لا دي حالة صعبة شديدة.
دي حالة متأخرة خالص.
مالك!!.
مالك يا مزمل!!.
مالك دا من يوم سجلوه في المريخ من الاهلي شندي الي يومنا هذا ما كمل ليه مباراة.
واظن اخر مباراة لعبها مع المريخ كانت في اعتزال كمال عبدالغني.
انتوا الحاجات القديمة دي بتجبوها من وين؟.
بطلعوها لينا من فين؟.
اما الحبيب مامون ابوشيبة فقد كان اكثر وضوحا وصراحة.
ابوشيبة قنع.
ابوشيبة قال : ( الخسارة بهدفين نظفين نتيجة سيئة ومخيفة فاي هدف للخصم
في مباراة الاياب يعني الوداع بنسبة كبيرة جدا ، لأنه من الصعب ان يفوز
المريخ 4 / 1 على بطل تنزانيا الذي وضح انه الاحسن اعدادا وعتادا).
طيب نحن نقول شنو؟.
ابوشيبة بقول كدا.
اما في حكاية النجدة ب (ضفر)..فقد كتب ابوشيبة : ( وقد تأكد ان دفاع
المريخ هو اضعف خطوطه ..وتأكد ان على جعفر والريح يطمئن لهما ..والكثيرون
يؤكدون ان ضفر افضل منهما ..وضفر مبعد من السفر ..أما حكاية).
يعني ضفر حتى مباراة الذهاب ما شافها – عشان يحسن التعامل في مباراة
الاياب!!…غايتو عندكم جهاز فني رأسو قوي بي شكل.
الجماعة طلعوا لينا (ضفر)..مالديني.
ضفر لقاها.
ضفر طلع خطير.
ضفر طلع كابتن ماجد.
ضفر طلع عجيب.
والحقني يا ضفر ..الحقني.
…….
و
لا بد من القول ان فيصل موسى شكل اضافة كبيرة عندما شارك امام كي ام كي.
فيصل موسى خطير.
لو شارك فيصل موسى منذ بداية الشوط الثاني ..الهلال كان ح يغلب كتير.
بشه ايضا تحرك بي ايجابية.
وكذلك اضاف سيدي بيه الكثير عندما اشرك بديلا.
اما اطهر الطاهر فقد كان من نجوم المباراة.
قدم مباراة كبيرة ..وعكس كورات كثيرة.
سيسيه يلعب مقلوب ..اوشك ان يتسبب في اكثر من هدف في الهلال.
مباراة الاياب ..نتمنى ان يعود الطرف الشمال ..بوتاكو او عبداللطيف بويا.
طبعا بويا سوف يشكل اضافة كبيرة للهلال عندما يعود.
وسيسه سوف يجد منافسة كبيرة من اطهر الطاهر في الطرف اليمين.
و…
السيدة (ل)..امس البلد كانت فيها ازمة جرايد حادة …ازمة الغاز
عرفناها ..ازمة الجرايد دي شنو كمان؟.
و..
وقرّض على كدا.

انقر هنا لقراءة الخبر من مصدره.