* السيستم قفل .. موضة قديمة جداً وغير مواكبة * عدم المطابقة في البيانات تؤكد تخلفنا * تدل على عدم معرفتنا بالإدارة الناضحة والتي من المفترض تكون على رأس أندية كبيرة واتحاد وطني * السيستم قفل … نغمة قديمة فارقها الهلال فراق الطريفي * كم مرة اكتوى الهلال بنيران السيستم القافل ؟ * الهلال تخلص من العادة السيئة من بدري * لكن في الفترة الأخيرة بقى سيستم الهلال مسلك عدييل * سيستم الهلال فاتح (24) ساعة * مدربين يمشوا ومدربين يجوا ….لاعبين يشطبوا ولاعبين يسجلوا * إداريين يغادروا وآخرين يخلفوهم * لكن سيستمنا بقت شهية مفتوحة عديل كدا * سيستم 3 بيستم * سيستم ومحترف (داقي) سيستم) * محترفو الهلال حتى السيستم اتعرف عليهم * دا سيستمنا كدا انتوا سيستمكم كيف؟ * سيستمكم قافل 24 ساعة بقت على مجيد وكوكو بس * من قبل أكثر من 6 شهور سيستمكم قافل * السيستم قفل في رئيسكم من قولة تيت * بقيتوا بدون رئيس لأن السيستم قفل في سوداكال * جات لجنة ود الشيخ برضو السيستم قفل فيها * الوزير اليسع حاول ينقذ الموقف السيستم قفل فيهو * السيستم قفل في لجنة التسيير ورفض مجلسكم التغيير * السيستم بقى على الأجانب بس ؟؟ * سيستكم قافل في كل مكان وفي أي زمان * فقل في بكري المدينة … وحرمه من المشاركة أفريقياً * سيستم ثقيل … طيركم من التمهيدي * السيستم يواصل الثقالة ويعصلج مع المحترفين * السيستم لا يفرق بين سودكال ومجيد ولا يفرق بين كوكو ومادبو * السيستم قافل طوااالي والبلف كمان قافل * سوداكال قافل البلف والسيستم وقافل لجنة التسيير ومقفول معاهم * السيستم اتثاقل عليكم كثير قافل سوداكال * حتى مادبو قافل فيهو السيستم يبدو تأخر موعد وصوله من باريس للمرة الرابعة * سيستم مادبو قافل برضو * السيستم الوحيد الفاتح عندكم سيستم قريش وخز أخير * ما تفتح يا سيستم ……؟؟؟؟ * افتح ياسيستم نحن الأبطال * برضو السيستم عامل رايح أبى يفتح * قفل في مجيد وكوكو * انتوا متأكدين انكم اديتوا المعلومات الصحيحة يا مسستمين ؟؟؟ * اديهو المعلومات بتاعة عبد المجيد المحترف ولا عبد المجيد المدرب؟ * كدي راجعوا انتوا ما مضمونين السيستم اتلخبط بين مجيد النيجري ومجيد السوداني * وكوكو اوع تكون دخلتوا بيانات محمد كوكو لاعب أهلي شندي كمان * غايتو جهجهتوا معاكم السيستم * السيستم فاتح مجلسكم القافل * سيستم مقفول ..رئيس مقفول… مصير مجهول اصلو ما معقول أخيراً * الملكي إلى البطولة رقم 13 اثقل نادي.
