سودارس : (السيستم) يرفض تصريحات (شروني)

الدعم السريع يعلن السيطرة على النهود وزير التربية والتعليم بالشمالية يقدم التهنئة للطالبة اسراء اول الشهادة السودانية بمنطقة تنقاسي سقطت مدينة النهود .. استباحتها مليشيات وعصابات التمرد عقار: بعض العاملين مع الوزراء في بورتسودان اشتروا شقق في القاهرة وتركيا عقوبة في نواكشوط… وصفعات في الداخل! الهلال يواجه اسنيم في لقاء مؤجل تكوين روابط محبي ومشجعي هلال كوستي بالخارج عثمان ميرغني يكتب: هل رئيس الوزراء "كوز"؟ كم تبلغ ثروة لامين جمال؟ شاهد بالصورة والفيديو.. حسناء الشاشة نورهان نجيب تحتفل بزفافها على أنغام الفنان عثمان بشة وتدخل في وصلة رقص مؤثرة مع والدها سلسلة تقارير .. جامعة ابن سينا .. حينما يتحول التعليم إلى سلعة للسمسرة حين يُجيد العازف التطبيل... ينكسر اللحن شاهد بالفيديو.. في مشهد نال إعجاب الجمهور والمتابعون.. شباب سعوديون يقفون لحظة رفع العلم السوداني بإحدى الفعاليات أبوعركي البخيت الفَنان الذي يَحتفظ بشبابه في (حنجرته) من رئاسة المحلية.. الناطق الرسمي باسم قوات الدعم السريع يعلن تحرير النهود (فيديو) شاهد بالصور والفيديو.. بوصلة رقص مثيرة.. الفنانة هدى عربي تشعل حفل غنائي بالدوحة تتسلل إلى الكبد.. "الملاريا الحبشية" ترعب السودانيين إعلان نتيجة الشهادة السودانية الدفعة المؤجلة 2023 بنسبة نجاح عامة 69% والد لامين يامال: لم تشاهدوا 10% من قدراته الحسم يتأجل.. 6 أهداف ترسم قمة مجنونة بين برشلونة وإنتر استئناف العمل بمحطة مياه سوبا وتحسين إمدادات المياه في الخرطوم هيئة مياه الخرطوم تعلن عن خطوة مهمة هل أصبح أنشيلوتي قريباً من الهلال السعودي؟ جديد الإيجارات في مصر.. خبراء يكشفون مصير المستأجرين باكستان تعلن إسقاط مسيَّرة هنديَّة خلال ليلة خامسة من المناوشات ترامب: بوتين تخلى عن حلمه ويريد السلام إيقاف مدافع ريال مدريد روديغر 6 مباريات تجدد شكاوى المواطنين من سحب مبالغ مالية من تطبيق (بنكك) ما حكم الدعاء بعد القراءة وقبل الركوع في الصلاة؟ عركي وفرفور وطه سليمان.. فنانون سودانيون أمام محكمة السوشيال ميديا تعاون بين الجزيرة والفاو لإصلاح القطاع الزراعي وإعادة الإعمار قُلْ: ليتني شمعةٌ في الظلامْ؟! الكشف عن بشريات بشأن التيار الكهربائي للولاية للشمالية ترامب: يجب السماح للسفن الأمريكية بالمرور مجاناً عبر قناتي السويس وبنما كهرباء السودان توضح بشأن قطوعات التيار في ولايتين تبادل جديد لإطلاق النار بين الهند وباكستان علي طريقة محمد رمضان طه سليمان يثير الجدل في اغنيته الجديده "سوداني كياني" دراسة: البروتين النباتي سر الحياة الطويلة خبير الزلازل الهولندي يعلّق على زلزال تركيا في حضرة الجراح: إستعادة التوازن الممكن التحقيقات تكشف تفاصيل صادمة في قضية الإعلامية سارة خليفة الجيش يشن غارات جوية على «بارا» وسقوط عشرات الضحايا وزير المالية يرأس وفد السودان المشارك في إجتماعات الربيع بواشنطن حملة لمكافحة الجريمة وإزالة الظواهر السالبة في مدينة بورتسودان ارتفاع التضخم في السودان شندي تحتاج لعمل كبير… بطلوا ثرثرة فوق النيل!!!!! انتشار مرض "الغدة الدرقية" في دارفور يثير المخاوف مستشفى الكدرو بالخرطوم بحري يستعد لاستقبال المرضى قريبًا "مثلث الموت".. عادة يومية بريئة قد تنتهي بك في المستشفى وفاة اللاعب أرون بوبيندزا في حادثة مأساوية 5 وفيات و19 مصابا في حريق "برج النهدة" بالشارقة عضو وفد الحكومة السودانية يكشف ل "المحقق" ما دار في الكواليس: بيان محكمة العدل الدولية لم يصدر ضبط عربة بوكس مستوبيشي بالحاج يوسف وعدد 3 مركبات ZY مسروقة وتوقف متهمين الدفاع المدني ولاية الجزيرة يسيطر علي حريق باحدي المخازن الملحقة بنادي الاتحاد والمباني المجاورة حسين خوجلي يكتب: نتنياهو وترامب يفعلان هذا اتعرفون لماذا؟ من حكمته تعالي أن جعل اختلاف ألسنتهم وألوانهم آيةً من آياته الباهرة بعد سؤال الفنان حمزة العليلي .. الإفتاء: المسافر من السعودية إلى مصر غدا لا يجب عليه الصيام بيان مجمع الفقه الإسلامي حول القدر الواجب إخراجه في زكاة الفطر

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

(السيستم) يرفض تصريحات (شروني)

كورة سودانية نشر في كورة سودانية يوم 31 - 05 - 2015

دق الدلجة
محمد عبد الماجد
(السيستم) يرفض تصريحات (شروني)
في مسرحية (شاهد ما شافش حاجة) عندما اراد (سرحان عبدالبصير) ان يوصف حالة الراقصة القتيلة في المحكمة قال عنها : (انها ماشية على حل شعرها).
والمحقق في المحكمة يصرخ وينادي.
سرحان عبدالبصير – كيف يعني ماشية على حل شعرها.
ممكن توضح للمحكمة اكتر.
وسرحان يقول.
ماشية على حل شعرها – يعني ماشية على حل شعرها.
ليس عند سرحان عبدالبصير اكثر من هذا (التفسير).
العبارة تغني عن التفسير ..لكن المحاكم تحتاج الى ايضاح اكبر وكلمات قاطعة ولا ترتهن للتفسيرات.
كلام زي دا ما بنفع في المحاكم.
ناس المحاكم عاوزين كلام واضح وصريح – ومفهوم لعامة الناس.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس (الشفيع ود زاد الضل) قال سيستم ناس الاتحاد العام زي (شبكة ناس المرور) قدر ما تمشي ليهم للترخيص يقولوا ليكم الشبكة طاشة.
انتوا شبكتكم دي واقف فيها المعز محجوب.
ما علينا.
عشان ما نطلع من الموضوع.
وتقعدوا تفتشوا ليكم سبب.
يبقى الاتفاق ان عبارة (ماشية على حل شعرها) يعني خروج من النص.
تعني الانفلات.
فما ان تمشي البنت على حل شعرها إلّا دل ذلك انها ما عندها كبير.
وانها بتطلع وتدخل على كيفها.
ما في زول بيسألها.
العبارة في السودان بفوضاويتها كلها تصلح ان نطلقها على (الاتحاد العام لكورة القدم) فهو ايضا (ماشى على حل شعره).
وماشي على حل شعره ..يعني ماشي على شعره زي ما بقول سرحان عبدالبصير.
ما يحدث من الاتحاد العام لكورة القدم السوداني هو (مشى على حل الشعر)…عديل كدا.
هسع عليكم الله اسامة عطا المنان مشى زيورخ لي شنو؟.
عشان يشارك في الجمعية العمومية للفيفا وإلّا عشان ينفي تصريح شروني.
نفي تصريح شروني بتاع اعتماد التعاقد مع اللاعبين خارج مكاتب الاتحاد العام من التسجيلات القادمة …عاوزة ليه زول يسافر لي (زيورخ) عشان ينفيه.
التصريح دا يا اسامة عطا المنان كان يمكن من (الابيض) تنفيه.
المنتخب الاولمبي في الابيض …والاتحاد العام كلو في (زيورخ).
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس (الامين ود شجرة الدر) ..قال بعد بلاتر ما فاز ..تاني معتصم جعفر سلام الله ما بدينا ليه.
الحكاية بايظة من (بلاتر).
بلاتر ذاتو ماشي على حل شعره.
لو وجدنا (سرحان عبدالبصير) اخر – لقال لنا بالصوت العالي ان الاتحاد العام لكورة القدم السوداني ايضا (ماشي على حل شعره).
وماشي على حل شعره – يعني ماشي على حل شعره.
قصة (السيستم) والتى اعلن عنها علي الامين مسؤول التسجيلات في صحيفة قوون ..وقال ما في سيستم رفض ليه لاعب …يثبت (اللخبطة) التى يعمل بها الاتحاد العام.
ديل (السيستم) العام ذاتو برمجوه لصالح المريخ.
فقد بحث الاتحاد العام مخرج للمريخ من اجل المخارجة من (الياسو) ومن (غارزيتو) ..فقالوا ان (السيستم) رفض الياسو.
والسيستم مسكين ..ما عندو اي دخل.
غارزيتو عارف الكلام دا.
لكن واضح ان (سيستم) الاتحاد العام مسيطر عليه جمال الوالي سيطرة تامة.
يرفض البرفضو جمال الوالي.
ويقبل البقبلو جمال الوالي.
جمال الوالي قال نعم.
السيستم بقول نعم.
جمال الوالي بقول لا.
السيستم بقول لا.
سيستم في (الجيب) الصغير.
وناس معتصم جعفر واسامة عطا المنان ما عندهم كلام فوق كلام الوالي.
لكن انتوا يا ناس الاتحاد العام وقت سيستمكم بسمع الكلام كدا ..ما كان تريحو المريخاب وتقولوا ليهم السيستم رفض اندرزينهو.
تريحو ناس (ضفر) من التلاتل الراجياهم دي.
كان تعملوها في (السيستم).
اول الاتحاد (العام) حقنا دا ..ما قال وليد الشعلة موقوف ..وغير مسموح بتسجيلو في الهلال.
يعني السيستم رفض (وليد الشعلة) عشان – وليد اتهرب من المنتخب الاولمبي.
شفتوا (السيستم) دا وطني كيف؟.
على طريقة (سرحان عبدالبصير) لو جبنا (السيستم) دا وحققنا معاهو وقلنا ليه انت ليه رفضت قبول بيانات (الياسو).
تفتكروا (السيستم) ح يقول شنو؟.
السيستم ح يقول جمال الوالي وصلاح ادريس لو اتفقوا على حاجة …يبقى ليس امام (السيستم) غير الامتثال لاتفاق الوالي والارباب.
مصفاة الجيلي ذاتو بترفض ..لو الوالي وصلاح اتفقو.
هي بقت على (السيستم) الصغيّر دا.
اتخيلوا السيستم بتاع الاتحاد ..بتاع مجدي شمس الدين صاحب صلاح ادريس ومعتصم جعفر صاحب جمال الوالي يرفض طلب للوالي وصلاح ادريس.
يمين في الحالة دي لو قالوا للسيستم سمع لينا نشيد (دجاجي يلقط الحب ويجري وهو فرحان) يسمعو ليكم زي الحلاوة.
ولا بقيف.
ولا بتلفت.
ما في (سيستم) في السودان بقدر يرفض ليه طلب لجمال الوالي وصلاح ادريس.
دا يبقى سيستم ما عندو رأس.
ما عندو (مخ) عديل كدا.
اسامة عطا المنان ممكن يطلع (السيستم) من الملة ..لو ما رفض (الياسو) عشان خاطر سيلا وديدي.
انتوا جنيتوا في رأسكم دا.
السيستم بتاعنا دي ما بعملها.
وسيستم الاتحاد العام ثبت انه ماشي على حل شعره.
ماشي على حل شعره – يعني ماشى على حل شعره.
خلوه السيستم.
شفتوا الاتحاد العام نكر تصريحات عبدالعزيز شروني كيف؟.
نكروها حطب.
قالوا ما في كلام زي دا.
الكلام نزل في صحيفة الصدي.
وقالوا عبدالعزيز شروني.
في داعي اسامة عطا المنان من زيورخ يطلع ويقول ما في كلام زي دا.
اكيد جمال الوالي ضرب لي اسامة عطا المنان ..وقال ليه انتوا دا شنو البتعملوا فيه دا؟.
انتوا بالطريقة دي بضيعوا علينا (بكري المدينة).
يكون اسامة عطا المنان دخلوه ليك في حتة ..ما عرف يطلع منها كيف؟.
الاولى عملتوها في (السيستم).
اها يا جماعة تصريحات شروني دا برضو رفضها السيستم؟.
السيستم دا اسامة عطا المنان ذاتو.
غايتو عندكم جنس (سيستم).
سيستم مريخابي اكتر من (ود الجنيد).
سيستم ما فاضل ليه – إلّا يشيل ليه (طبلة) ويدخل يشجع في المريخ.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس الزول تاني لو عاوز ليه (طحنية) – اول حاجة يشوف (السيستم).
بي امانة كدا في ظل هذا (الفساد)…الكورة السودانية ما اظن تمشي لي قدام.
خلونا بس نتونس بيها ساكت في (جرايدنا) دي.
لكن عشان نمشي لي قدام في ظل هذا الاتحاد ..اقنعوا من الموضوع دا.
نحن كنا فاكرين اسامة عطا المنان مسطير على وكالة سفرو.
فاكرين الحكاية وكالات سفر.
الموضوع طلع اكبر.
الجماعة ديل طلعوا مسيطرين على (السيستم) ذاتو.
على كدا – اقنعوا من (ضربات الجزاء).
ومن الكروت الصفراء.
والكروت الحمراء.
المواضيع كلها بتكون بتسير على هذا النهج.
النهج الذي بلغ حد ان ينفوا تصريح رسمي من الاتحاد العام في خلال 24 ساعة.
ويقولوا السيستم رفض الياسو.
لا الكلام بقى خطير.
اتوقع ان يكون (علي الامين) مسؤول التسجيلات في الاتحاد قد تعرض لضغوطات كبيرة بعد ان اكد ان (السيستم) ما عندو اي علاقة برفض الياسو.
ولولا ان علي الامين زول كلمتو واحدة …وزول واضح ودغري ..كان يمكن يطلع ينفي تصريحاتو دي.
لكن الظاهر ما قدروا على (علي الامين).
لكننا لا نستبعد ان يحفروا لعلي الامين ..ويقصو ليه.
يا علي الامين …نحن بنتابع ..ونشوف البحصل ليكم شنو؟.
احتمال يودوكم محطة ابوحراز ..عشان تتابع (الاقمار) دي شغالة كيف؟.
شروني اتراجع.
………………..
و
مباراة الهلال امام النجم التونسي ما عاوزين فيها انتصار للهلال.
عشان ما يكون في تضخيم اعلامي.
عاوزين المعسكر يمضي في هدوء.
جماعتكم ديل قلبهم بطير.
ما في حاجة بتثبتهم ..لو انتصرتوا على النجم.
ناس من حفظهم بلعبوا مع فريق درجة تانية.
حظكم دا …لو لقيناهو كان هسع بقى عندنا (18) كأس دوري ابطال افريقيا.
غير (السيكافيات) الما قاعدين نحسبهم.
………..
السيدة (ل) ناس الارصاد قالوا يمكن تجي مطرة ..خلي التلفون في الشاحن.
وقرّض على كدا.

انقر هنا لقراءة الخبر من مصدره.