محمد عبدالقادر يكتب: شهادة البوشي.. و"فضيحة صمود "    السودان.. وفاة لاعب كرة قدم    قرارات لجنة المسابقات باتحاد الكرة الدامر    من الرياض إلى موسكو.. "الثلاثية المرتقبة" بين بيفول وبيتربييف تلوح في الأفق    سباق انتخابي محتدم في اتحاد الألعاب المائية بالسودان... الكشف المبدئي يُشعل المنافسة والحسم في 11 أبريل    وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين    البرهان يلتقي سفير دولة الكويت لدى السودان    أول إصابة بشرية بإنفلونزا الطيور H9N2 في أوروبا.. هل نبدأ القلق؟    ترامب يمثل أمام المحكمة العليا اليوم بسبب «الولادة».. بولتيكو تكشف التفاصيل    استهداف منزل يضم قيادات تحالف تأسيس بينهم التعايشي في غارة مسيّرة بنيالا    بالصور.. القيادي السابق بالدعم السريع "بقال" يسخر: (زول عرد من الخرطوم وامدرمان وجغمته مسيرة في نيالا يقول ليك استشهد في الصفوف الأمامية)    مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم)    فرض غرامة على شركة تابعة لأبل لانتهاكها قواعد العقوبات المفروضة على روسيا    مواعيد مباريات الجولة الثانية بمجموعة الهبوط بالدوري    منتخب غانا محطة رينارد القادمة بعد الرحيل عن تدريب السعودية    معلومات خطيرة حول هلاك قيادي بحكومة "تأسيس".. تم اغتياله بواسطة مسيرة تتبع للمليشيا بتعليمات من يوسف ضبة والسبب منصب الشباب والرياضة!!    عيد ميلاد جومانا مراد.. مسيرة نجاح من دمشق إلى القاهرة    ريهام عبد الغفور : جمهور الأقصر دافئ وصادق وخريطة رأس السنة يحمل روحا مختلفة    ألم العين.. أسباب شائعة وأعراض تستدعى استشارة الطبيب    سيلينا جوميز تكشف رحلتها الصعبة لتشخيص اضطراب ثنائي القطب    إزاى تحمى نفسك من نزلات البرد فى الجو الممطر؟    "جهلة وعنصريون".. يامال ينفجر غضبًا بعد الهتافات الإسبانية ضد المسلمين    أمجد فريد: اعترافات داعمي مليشيا الدعم السريع فضحتهم وشراكتهم في الجرائم    السودان.. زيادة مخيفة للإصابة بالضنك في 7 ولايات    كيكل يعلّق على تحرّكات الميليشيا    السودان.. وزير يشرع في تكوين قوّة عسكرية ضاربة..ماذا هناك؟    شاهد.. المطربة إيمان الشريف تنشر صورة حزينة لها بعد إتهامها بالإساءة للهرم كمال ترباس والفنانة الكبيرة حنان بلوبلو    ارتفاع وارد واسعار الذرة والسمسم بسوق القضارف    شاهد بالصورة والفيديو.. حسناء سودانية تقتحم المسرح وتدخل في وصلة رقص مثيرة مع المطرب عثمان بشة خلال حفل بالقاهرة    شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي)    بالصورة.. البرنس هيثم مصطفى وزيراً للرياضة في السودان    قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر    عثمان ميرغني يكتب: فساد.. الفساد..    ارتفاع جديد في أسعار الوقود بالخرطوم    شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي    السيسي للرئيس ترامب: لا أحد يمكنه وقف الحرب في المنطقة إلا أنت    مصر.. الدولار يقترب من 54 جنيها لأول مرة    وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد    رئيس الوزراء يصدر قرارًا بشأن الرسوم الجديدة في المعابر    محمد عبد الباسط يكتب: لهذا تحركت باكستان الآن للوساطة بين أمريكا وإيران    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ترامب يصدر أوامره ويكشف تطورات مثيرة مع إيران    الأمن يداهم مخزن يبيع الوقود المهرب لعصابات التنقيب عن الذهب    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الحالة السيدي بيه «موسى الزومة شال دفتر العيادة»
قوون نشر في قوون يوم 04 - 07 - 2013


«كما انو العكار من طين..كمان من طين بجي الروّاق»



في الهلال هذه الايام تسوّد الحالة (السيدي بيه) بصورة واضحة ...وسافرة.

الحالة السيدي بيه دي كيف كمان؟.

مالك عاوز تسقّط (مربوطتنا).

دي حالة صعبة.

تجيب الفول – تصلّحو.

من سماحتو ..قبل ما تقوّم عليه – تقفل الموبايل ...(تقول داخل ليك اجتماع).

الحالة السيدي بيه دي زي ايه؟.

اقول ليكم شنو؟.

اوصفها ليكم كيف؟.

البلد الايامات دي فيها ازمة وصف – وازمة غاز.

واحد سألوه من (بيتهم)...وصف ليهم كبسولة الامن الشامل.

دي (دغالة) بس.

شالوا ليهم (بطيخة) ومشوا على كبسولة الامن الشامل – متل التلاتة الما عندهم موضوع.

الحالة السيدي بيه.

زي (اعاين ليه واضحك وامشي واجيه راجع).

قصصت كرعينا من المشي.

ديل كرعين – وإلا جوز فلسكاب.

زمان بدري ...زمنا نحن ديل هسع ما عارف – (جوز الفلسكاب) كان حاجة سمحة خلاص.

هسع جوز الفلسكاب ..بقى كلام فارغ.

خلينا هسع في الحالة السيدي بيه.

زي شنو؟.

وصفها لينا عليك الله.

انا يعني ح اقعد اوصف ليكم لمن العمود يكمل.

هسع عليكم الله العمود مع (مسكولات) احمد الحاج ...وعالمية فخري الدين مضوي – فضل فيه شنو؟.

الصفحة العالمية في قوون ما فاضل ليها إلا تجيب ليكم مع المباراة ...(تحلية).

ما خلت ليكم شيء.

تجيب ليكم الكورة بي (ضبانتها).

خلينا في الحالة السيدي بيه يا ود الناس...(زي القميص الما فيه زراير).

ولا زرارة.

قلت ليكم قبل كدا اسحق الحلنقي عندو (مساسقة) مدهشة..عندو (شفقة) غريبة.

نوع الزول البقيف في التلاجة – يفتح التلفزيون.

يقفل على (ستة اسود)...يعرج بي (دو).

الحلنقي جاب لينا الحالة السيدي بيه دي بي شفقتها.

شفقت الزول الضّايق ...(لو وشوش صوت الريح في الباب يسبقنا الشوق قبل العينين).

يتلفتوا متل (سماسرة) محكمة الاراضي.

مرات الزول بتخلع.

بلبس (النضارة) في الاذين الايمن.

سيدي بيه دا – قالوا ليك ناس موسى الزومة ديل لو ما (اتصفّحوا) – لا بقدروا عليه ولا حاجة.

الزومة شال (دفتر العيادة).

زمان لمن يكون عندنا امتحان رياضيات ..كنا نبشيل دفتر العيادة.

شفوت نحن.

سيدي بيه دا عاوز ليه دفار (باكات) عشان يثبتوه.

يشيل ويغرف.

زي (المطرة) البتجمع (فجأة).

السما يشيل في لحظة.

جوا يخطبوا الابو قال ليهم (عقد) بس.

دي الحالة السيدي بيه.

لكن دا برضو ..ما بمنع اننا نقول ان ناس الهلال (كتروها) – زي ما بقول (فيصل سيحة) في سيف الدين مساوي.

الجماعة بقوا كل (خميس) يعملوا ليهم (مهرجان).

بس تقول محمد الامين في نادي الضباط ...(شغال كل خميس).

غايتو يا البرير انت ناس الهلال ديل كترت ليهم (المهرجانات).

المهرجانات رقدت.

ما خليت ليهم (مهرجان) يرقدوا عليه.

من الفرحة عملوا ليه (مهرجان).

يوم مهرجاناتكم دي بتكتل ليها (بلة جابر).

بلة بقى وقت يجيبوا ليه سيرة سيدي بيه – يعمل نفسو بقرأ في الرسائل.

حركة قديمة.

عملناها نحن زمان - وقت تلاتين عشرة كان جديد.

كان اعلى حاجة في الموبايلات.

زي بلة جابر قبل (8) سنوات.

البرير مفتح ..بقى لو ركب ليه (لمبة) في الحوش ...يعمل ليه (مهرجان).

لو مسكل – يعمل (مهرجان).

واعلام البرير – كمان يعجبك ..يزيد ليك الحكاية (كوز).

انتوا بمناسبة (الكوز) دا.

الحركات البعملوا فيها ناس الهلال الايامات دي شنو؟.

حركات جمال الوالي ذاتها.

ناس الهلال (مهرجاناتهم) كترت ...والمهرجانات مع احترامنا الشديد ...ما دليل عافية.

دا شغل (اعلام) ساكت.

كمان نحن ما بنعرف الاعلام.

شنو؟.. يقعدوا مع لاعب ...يعملوا مهرجان.

يوقعوا معاه عقد مبدئي ...يعملوا مهرجان.

يودوه الاتحاد العام عشان يعمل ابداء رغبة ...يلقوا (السيستم) قفل ..يعملوا مهرجان كيتا في الموردة.

الموردة هسع الدخلها شنو؟.

السيستم يفتح ...يعملوا مهرجان...كيتا في المريخ.

اللاعب يمشي (اجازة) ..ويرجع بعد ما طيارتو تتأخر (90) مرة ..بعملوا مهرجان العودة.

بالميت كدا.

سيدي بيه دا الي الان عملوا ليه (29) مهرجان.

تقول (دفاع شعبي).

ابوكرشولا ..لمن حرروها ...ما عملوا ليها (مهرجانات) بالشكل دا.

حركات المريخاب ديل نحن ما بتخارج معانا – ولا بنجامل فيها ..ولا بنكضب.

ولا بنغشكم.

الشيء البتغيظ ...الحركات الظهرت حديثا دي...(جابت ليها مطرة كمان).

والله نحن الحركات دي لا بتعجبنا ..ولا بنسكت عليها.

بنقولها عديل.

شنو يا ناس الهلال اي مهرجان ..تقعدوا تكرموا فيه (والي).

تصوّروا مهرجان الليلة ...الهلال سوف يكرم ثلاث ولاة.

مهرجان اليوم سوف يتم فيه تكريم عثمان محمد يوسف كبر والي ولاية شمال دارفور..وسوف يتم ايضا تكريم احمد هارون والي ولاية جنوب كردفان..وسوف يتم تكريم والي ولاية الخرطوم ...(الوالي الاخير يمكن يسحبو تكريمه).

هذا غير ان الامين البرير كان قد كرّم (الوالي) جمال.

يعني بالواضح كدا ...ما خلوا ليهم (والي) ما كرموه.

يا جماعة الله – نحن الجماعة ديل لاقين منهم شنو؟.

الهلال في بطولة سيكافا (التعبانة) دي ...ما خلوه يشارك ..رغم من ان الهلال كان سوف يمنح البطولة قوة وجمال.

وكان على الاقل سوف يفوز بالبطولة نادي سوداني.

بدل ما تخرج انديتنا على هذا النحو – على التوالي اذ خرج هلال كادوقلي ثم خرج اهلي شندي ثم خرج المريخ الفاشر.

طلعوا ليك من البطولة زي القبول الخاص.

يا محسن سيد ...(فانلتك) دي تاني ما بتلعبك بطولة.

فانلة سيكافا ما جابتها – عاوز بيها شنو؟.

شبكتنا الموسم كلو انا بتفأل بالفانلة ..وانا بغلب بيها.

فانلة هي وإلا (نيمار).

الهلال لو شارك – الكلام دا ما كان بحصل.

كنا على الاقل فزنا بالبطولة.

ويا ريت القصد (الاتحاداوي) ..لو وقف على كدا.

تصوّروا الاتحاد العام (الغتيّت) دا ...عاوز يحرم الهلال من حقه في المشاركة في البطولة العربية.

فى حقارة اكتر من كدا.

مع هذا.

الهلال الليلة يا جماعة عاوز يكرم ليه ثلاث ولاة.

وكان الهلال قبل كدا قد كرم (والي) المريخ.

يعني ما قصرنا لينا مع (والي).

اي (والي) لافى كرمناه.

الوالي الوحيد الكرمو الهلال – وهو بستحق ذلك ..هو والي الدين محمد عبدالله له الرحمة والمغفرة.

الهلال ذهب (وطنيا) ابعد من ذلك ...وشارك في (مهرجان) في الابيض من اجل دعم المجهود الحربي.

اها يا جماعة نحن قصرنا.

بعد كدا الجماعة ديل – في (الضلمة) يحدروا لينا.

ناس محمد سيد احمد ديل شغالين لينا (حدر).

اللورد رقم (18).

الاستا ذ محمد سيد احمد (اللورد).

اللوردنة ان شاءالله تضوي ليك.

ان شاءالله تولع عديل كدا.

من سيكافا ...منعونا (قالوا دي حاجة ما بتخصكم)..ومن البطولة العربية عاوزين..يحرمونا ...ونحن نشيل ونكرّم فيهم.

ومحمد سيد احمد من (دغالتو)..السيستم مع قفلتو عاوز يعرج للبرير.

السيستم يقفل – ويفتح محمد سيد احمد اللورد.

لورد بالانتساب.

اها قصرت معاك يا محمد سيد احمد.

لورد بي اللوردنة من على بعد.

يعني التعليم من على بعد.

والغريبة بعد ما السيستم (فتح)... محمد سيد احمد عاوز يجمّد نشاط الامين البرير.

جاء من الحصاحيصا ..عشان يجمد نشاط الامين البرير ويرجع.

انت يا محمد سيد احمد لو جمدت نشاط الامين البرير ...تاني بتشوفوا ليكم (شامبيون) وين؟.

لو جمدتوا نشاط الامين ...آل البرير قالوا بسحبوا (الشامبيون) من السوق.

نحن بنعلب كمان.

مع دا كلو – تشيلوا وتكرموا فيهم يا الامين.

مع اعتراضنا الواضح والمعلن عن المهرجان وتكريم (الولاة) من غير اي سبب ودواعي...نقول ان اعلام البرير للاسف الشديد عاوز يختزل الحكاية في (سيدي بيه).

ومن غير شك..بل الاكيد ان الاعلام المكثف سوف يضر بي (سيدي بيه).

ويمكن اعلام البرير (البناطح هذه الايام في الصحف الرياضية)..يمكن ان يتسبب في صهر سيدي بيه ليصبح (وارغو) جديد.

الهلال فيه اكثر من (24) لاعبا غير سيدي بيه ..يستحق ان نلتفت اليهم ..وان لا نختزل تواجدهم في سيدي بيه.

المشكلة ان اعلام البرير بمط في الحكاية ..عشان يسد حاجات تانية.

من غير شك ان سيدي بيه لاعب موهوب ..وهو قادر ان شاءالله ان يعيد جماهير الهلال الي المدرجات.

ومن غير شك ان معالجة قضية سيدي بيه ..امر جميل وممتاز.

لكن حل قضية سيدي بيه ..لا يعني اغفال قضية ترواري.

لا معنى لي سيدي بيه ....وان كان بنقطها في غياب ترواري.

الامين البرير ...ومجلس الهلال ..لا بد من ان يعالج قضية تراوري ..حتى يعود.

ادفعوا ليه قروشه.

ادفعوا ليه حقوقه.

شنو سويتوها لينا كلها (سيدي بيه).

سادومبا ضاع من الهلال وفقدناه في وقت صعب عندما استقدم الهلال تراوري.

لا نريد ان نفقد تراوري عندما استقدمنا سيدي بيه.

بمبا ايضا قضية شايكة.

اللاعب ظهر ليه اكثر من وكيل.

ومجلس الهلال اجل تسجيله رسميا في كشوفات الهلال الي ما بعد المهرجان.

نحن نفهم شنو يعني؟.

عاوزين تختبروه.

عاوزين تشوفوا هل بستاهل يدفعوا لوكيله (10) الف دولار.

ملف المحترفين في الهلال في عهد الامين البرير ..يحتاج الي معالجة فورية.

ويجب ان يتعامل البرير مع المحترفين تعامل (احترافي) بعيدا عن العاطفة ...والاعلام.

نريد ان نرى الهلال مكتملا ..ويجب ان يتمتع الهلال بكل امكانيات لاعبيه الذين يوجدوا في الكشف الان.

لا يعقل ان نحرم في كل فترة من لاعب محترف.

فلانتاين ..حرم الهلال منه ..وظلت خانته شاغرة في الهلال اكثر من (6) شهور.

وسيدي بيه ..ظل بعيدا عن كشوفات الهلال (6) شهور.

وها نحن نكرر الازمة نفسها مع تراوري اللعاب ..وبمبا المحترف الجديد.

ما تغشوا الناس بالمهرجانات.

ويجب ان يناقش اعلام الهلال هذه القضايا بامانة ..ووضوح بدلا من اختصار الحكاية في (سيدي بيه).

قبل هذا ..فلت من الهلال كروجر ...والتونسي رحيم ...والجزائري مدرب اهلي شندي السابق.

وتمخض الجبل وولد (صلاح محمد آدم).

وساكتين.

ما كدا يا جماعة.

ويا البرير كمّل جميلك ...واكمل فترتك من غير مشاكل ..او عقبات.

جمهور الهلال ما ناقص مشاكل.

واقامة مهرجان كل خميس وتكريم الولاة – لن يحل القضية.

وقد ابلغنا.

واسمعنا.

مع ذلك ...لا اريد ان افسد الامر على الهلالاب في مثل هذا اليوم ..وقد صبر جمهور الهلال كثيرا.

وهو يبحث دائما عن مخرج.

ونتمنى ان يستمتع الجمهور اليوم ...وان يفرح بالمهرجان ..ويفرج عن كربه.

سيدي بيه ..لاعبا للهلال بعد معضلة كبيرة.

والشيء بالشيء يذكر.

فقد كان انقى الناس محمد الحسن سالم حميد يستخلص من حكمه وفلسفته الشعرية ...ما يمكن ان نخرج به من الازمات.

عند حميد هذا الفيصل.

فما طال المطر

بيصّب

طبيعي إنو البحر ...

ما راق

كما إنو العكار من طين

كمان من طين

بجي الروّاق

بربكم ...من كان يمكن من الشعراء في الارض ..(بما فيهم الشعراء والروس وشعراء العصر العباسي ) ان يعطينا هذا القول.

هو محمد الحسن سالم حميد وحده ..الذي يعفى اجسادنا بقوله هذا ..ويخرجنا من ازماتنا واوجاعنا بحكمته تلك.

فما طال المطر

بيصّب

طبيعي إنو البحر ...

ما راق

كما إنو العكار من طين

كمان من طين

بجي الروّاق

اذن دعونا نخرج اقوى من كل ازمة ...ومن كل (عكار) ..وقد خرج الهلال قويا بعد ازمة سيدي بيه.

وبعد ان مسك لينا محمد سيد احمد في (السيستم) قفل.

سيستم شنو البقفل من تسعة دا.

سيستم وإلا مركز صحي.

قدر ما تمشي ليه – تلقى قافل.

اعيد قول حميد مرة اخرى ..ففيه من الشفاء الكثير ...في كلماته شفاء.

فما طال المطر

بيصّب

طبيعي إنو البحر ...

ما راق

كما إنو العكار من طين

كمان من طين

بجي الروّاق

اللهم ارحم حميد ...واغفر له ..فقد كان انقى الناس واجملهم دواخلا ...وحكمة.

كان حميد فينا بهذا الصمود.

وللتمدد بقية ...في ارض الله الواسعة.

وفتحوا عيونكم زي (الريال) او زي برشلونة...انا كلمتكم ..ولقطت ورقي ومشيت.

ملحوظة : لكن الحالة السيدي بيه دي عجيبة خلاص ..تخلي ليك الزول زي (بلة جابر)...يرفع ايدو من الدقيقة الخامسة للغيار.

قال ماشي فرنسا قال.

ماشي للفحص.

ملحوظة : وإلا بلاش.

هوامش

هكذا اردت ان اخرج بكم اليوم بعيدا من القريب ...حتى لا اثقل على الذين اوقفتهم بالامس.

ترواري لو رجع – اعملوا ليه الخميس القادم (مهرجان).

وكرموا والي الجزيرة.

والي نهر النيل ...كرموه الشهر القادم.

لمن سنكارا يجيب ليه قون.

لو بقت على دي ...يا والي نهر النيل اقنع من التكريم.

سنكارا دا في التمرين وقت يجيب ليه قون ...ببلع لسانو.

قالوا ليكم نحن كمان ما عارفين.

نحن عارفين اي شيء.

بس الكلام دا ما يطلع من العمود دا.

انت يا محمد سيد احمد ..متين عملت ليك (سيستم)...عشان تقفلوا علينا.

اها الفيفا سيستمها فتح.

رأيك شنو؟.

امشى اتحاد الحصاحيصا ...واقفل سيستمكم من اربعة.

زول بسألك مافي.

علاقة السيستم بي تكريم الولاة شنو؟.

والله ما في اي علاقة.

لكن ناس مجدي شمس الدين ديل – يمكن يعملوا ليهم علاقة.

الشيء المضحك ...ان الاتحاد العام بعد (السيستم) ما فتح ..طلع ليه (بيان).

انتوا تقفلوه ...وقت الامين البرير يفتحو ...تعملوا فيها فرحانين.

بلا غلبة معاكم.

يا مجدي الفيكم اتعرفت.

سيستم ما قادرين تفتحوه.

الامين البرير دا لو قعد ليكم ...القسطنيطينية بفتحها ليكم – خلى السيستم.

موضوع تراوري يجب الا يهمله الهلال.

وموضوع بمبا لو وصل الفيفا ليس في صالح الهلال.

ما معقول الامور تقيف على (10) الف دولار.

قروشكم الشوية دي ...شارع البلدية تقفلو ...خلى السيستم.

الحضري قالوا رجع.

معليش ما فاضي ليه الايامات دي.

لكن برجع ليه.

انتوا فاكرين الحضري رجع عشان سواد عيونكم.

الحضري رجع عشان مصر (سخنت).

دي علينا نحن يا حضري.

نحن (ناقشين) اي حاجة.

مرسي ذاتو يمكن يجي البلد دي.

خلى الحضري.

وكمان عامل فيها ...ملتزم.

حليل الالتزام ...لو بالطريقة دي.

الاتحاد العام بي (محمد سيد احمد) لو عاوز يطربقها على رأسو – الهلال ما يشارك في البطولة العربية.

البرير حالف يجمد ليكم الموسم كلو في الحالة دي يا محمد سيد احمد.

لو عاوزين المهرجان الليلة ينجح ...جيبوا لي سيدي بيه ..(بلة جابر).

شوفوا بيحصل شنو؟.

وخلوا لينا نحن الباقى.

انت يا بلة موش قلت ماشي تحترف في الدوري الفرنسي.

اها الدوري الفرنسي ..جاك هنا.

موسى الزومة عامل فيها عندو شد عضلي.

هو وينو العضل؟.

كورتكم كلها في (الكشافات).

تقول في الهئية القومية للكهرباء.

عصام الحاج يا جماعة اخبارو شنو بعد وصول الحضري؟.

اكيد عصام الحاج الايامات دي عندو مغص.

الموضوع دا برضو بنرجع ليه بتفاصيل اوفى.

اصبروا انتوا..ما تضيقوا.

عاجل : العاوز يضيّق ..يضيّق برة ويرجع.

انقر هنا لقراءة الخبر من مصدره.