* والعاقل من الوصايفة من يشاهد مباراة القمة اليوم على شاشة التلفزيون، فبعيداً عن التعصب الأعمى وفخر الإنتماء فإن كل المعطيات تشير الى أن القمة مريخية حمراء ..! * قد يكون التعصب في كرة القدم (أعمى)، ولكنه مع المريخ تعصب (ذو بصير وبصيرة) ..! * لو كنت وصيفابي (لا قدر الله) فإني لن أرتكب حماقة الذهاب لإستاد الخرطوم اليوم، وسأكتفي بمشاهدة المباراة على شاشة قناة قوون ..! * كيف يتحمل مشجعاً ينتمي للهلال رؤية المعز محجوب واقفاً بين الثلاث خشبات، وهو يعرف أن المعز لا يتكرم برمي جسده على أية زاوية تسدد له فيها الكرة، كما انه أصبح مضحكاً حد الشفقة في تعامله مع المعكوسات ..! * يقدم المعز الدعوة مرة ومرتين للخصوم كي يزوروا شباكه بالطريقة غير المدروسة التي يخرج بها للكرات المعكوسة ..! * شخصياً أرى (ملصة) جمعة أرحم من (عكسة) معز .. ومسكين جمهور الهلال فهو كالمستجير من الرمضاء بالنار ..! * يا وصايفة حراسة المرمى دي تسعين في المية يعني انتو هسه داخلين بعشرة في المية .. (عشان كدا ما تتفاءلوا اكتر من اللازم وتقوموا تكتروا المحلبية) ..! * إذا تحدثنا عن فروقات الدفاع، فالوصايفة لن يشاهدوا كرة اليوم حتى على شاشة التلفزيون ..! * اتير توماس (صانع لعب المريخ) قبل أن يكون متوسط دفاع في الهلال ..(والكلام دا حقو من هسه تقولوه للكاردينال) ..! * يمثل مساوي أكبر ثغرة في دفاع الوصايفة، وإذا لعب (الصفراوية) اليوم بسمبو فإنهم حتماً سيتذكرون حديث مدربهم التونسي السابق نصر الدين النابي ..! * النابي قال سيمبو دا ما مدافع، دا داير زول يدافع عن وجوده في النادي ..! * الواحد داير يدافع عن سيمبو لكن نحنا بنعرف كورة أحسن من النابي ..! * ودا كلو كوم ولو لعبتو لينا خليفة يبقى كوم براه ..! * يا جماعة قبل كده قلنا ليكم خليفة دا قعد في الكنبة فترة طويلة ..! * أصبح خليفة لاعب (كنباوي) مخضرم ..! * هسع يا وصايفة بكرة بعد تراوري يجيب القون التاني البتحمل المسؤولية منو ..(ما تقولوا لي خليفة ..خليفة ذنبو شنو ؟). * غايتو يا خليفة انت مستهدف وممكون وصابر ..! * اكثر ما يميز خليفة كلاعب كرة قدم الصبر) . * الصبر الصبرو خليفة علي الكنبة (لو شراهو في عود كان خدر ملأ الواطة).. ! * لو ما صبرك دا يا خليفة كان واطاتك أصبحت ..! * إذا دا حالكم يا وصايفة مفروض كورة بكره دي يتولى مسؤولية الإشراف عليها خليفة . * خليفة إكتسب خبرة كبيرة من جلوسه مع المدربين في الكنبة ..! * مسكين جمهور الوصايفة يا خليفة ..(مسكين أبيض اللون). هسه (كمبسة) بقدر يقول لينا زايغ من كورة بكرة ليه ..(تكلم تكلم يا خليفة أنك عاجز عن الكلام أنك أبيض) ..! * يا عمر بخيت (فريقك ما بشد الحيل). * نكرر نصحنا للوصايفة بحضور المباراة على شاشة التلفزيون ..(والليلة يوم بشتنة "أبيض اللون"). * إذا جينا للنُص ما بتقبلوا كلامنا أحسن نمشي للهجوم ..! * النُص دا يا محمد عبد الماجد ما بنقدر نتكلم فيه كله أولادنا ..! * نزار ولدنا ومهند الطاهر دا خالص أمرو اتحسم ..! * يفقد الوصايفة اليوم جهود نزار بإعتباره (خارج الفورمة) ..أما الغزال فتركيزه مع التسجيلات (لانو وردة كورتو ما كورة أربعمية مليون) ..! * يعني بالعربي كده الليلة (نص الوصايفة فاقد تركيز) ..! * فريق بلا حارس وضعيف الدفاع وشارد الوسط أحسن يحترم مشاعر المشجعين ويعيد سيناريو الدمازين ..! * الدمازين دي آخر نهائي كأس سودان يا الرشيد ..(أيوه قمة بن علي) ..! * هروب (فللي) ..! * و(فللي) تُحدِث عن (هلال) كالأسود الجارية ..! * و(فللي) دي بتذكرنا هجوم الوصايفة ..! * خط هجوم الوصايفة فيه (ولدنا بكري) والبينا وبين بكري عامرة ..! * يا أمير كمال العبوا مع بكري دا براحة الود دا محتاجين ليه، اما مدثر كاريكا فإن ضفر قادر على حسمه مبكراً ..! * يا جماعة مدربكم (عاكف) الحاصل شنو ..! * نقول هاردلك للوصايفة مبكراً و(يا جماعة ألزموا بيوتكم وابلعوا حبوبكم) ..! * نتلاقى يا صفوة بعدين في استاد الخرطوم ..(وحتوحشونا يا محمد عبد الماجد) ..! * مباراة اليوم (قمة من طرف واحد) و(جمهور من طرف واحد) ..! * حضرنا ولم نجدكم ..(وراحة سعيدة نتمناها لكم يا وصايفة بالمنازل) ..! * غداً نتحدث بتفصيل كامل عن هدف تراوري التاني ..! * كأس السودان بطولة حصرية للزعيم على مر التاريخ والزمان . * إتحصري ..! نقش أخير * الليلة الأحد ضرب (صيد البلد) ..!
