* واحد بلدياتنا اولاد فريقهم ممتحنين شهادة سودانية لقاهم حزنانين سألهم: ان شاء الله نجحتوا؟ قالوا ليهو: ما نجحنا كلنا قادين. سأل الأول: انت قادي شنو؟ رد قادي عربي، قال للتاني: أها أنت؟ رد برضو عربي. سأل الثالث وانت؟ رد برضو عربي. قال ليهم: الحكاية شنو انتو بتتكلموا »راندوك« ولاشنو؟ . * واحد اختو شينه شديد خلاص قاليها: اوعي تطلعي الشارع ناس ضبط الجودة حايميين!!. * نقطة نظام!! عن اذنك سيادة حضرة الالفة بلد محتاجه لي وقفه .. ناس اتغربت فاتت وناس قعدت وعاشت في الوطن منفي.. بلد في قمة القرفه.. مشاكل زي مطر طرفه.. يلوليها يداعب فيها زي طفله... اوديك وين ومطلوب دين؟ ازوغ بي وين؟ ياالماهية يا الصرفه.. حرام تتقفل الابواب بس ارجوك سيب ضلفه بلد محتاره يا الالفه. *قال ليها: بحبك... ردت : وانا كمان. قال: انتي ماذا؟! ردت: انا كمان بحب نفسي!! * واحد لبطنجي جاء بيت عزاء كلما يسمع يقولوا دايرين يجيبوا حاجة يشحد عربية زول يمشي يلف بيها ويتأخر في المرسال. تاني يوم للعزاء جاء شحد واحد بلدياتنا عربيته قام قاليهو: يا اخينا ماتروق شويه انت جاي تعزي ولا تسوق عربات!؟ * أصح شئ... وألذ شئ انك تعيش في الدنيا نشوان منتشي، حتى الحزن ان زاد عليك حاول تضاري من الوشي... ما الدنيا اصلها يوم عليك ويوم نايره زي قمر العشى... نحنا العمر لو كان بنحسبو بالسنين ماكان سعدنا وشفنا شئ! * أغاني عاجباني: الوحيد خلاني وحيد اظنو مشي الطاحونه!! »سوف يأتي« شايل بطيخه في كتفو وجريدة في اباطو.. »يازولي ماك هين« .. ماك هين .. على الطلاق ماك هين... »شايل جراح«.. في كيس أسود!! * المقامات لو رسائل او حروف مسترسلة... نحن نطلع للثريا ونجمة نجمة نرسلها .. ونصطفى الكلمات لآلئ وبي ايدينا نوصلها .. ولو صدأ الايام غشاها بي دموعنا نغسلها. * كلام الريد بنقولوا برانا وهمس الشوق ساكن جوانا... بشوفتك الخير عمانا وبعدك يزيد اذانا... بكل صدق وامانة واحشنا بس ياغالي ما تنسانا. * البعذب في الحقيقة إني قصرت فيك كنت في قسوة ظروفي بمشي في الاشواك واجيك بي فرح استني جيتك وببكي دم ساعة مشيك!! * »أم جركم« بعدما شبعت من خريفها القديم، قصقصت ريشها وتهيأت للخريف الجديد، غازلت رعدو وتراقصت على نغمات مطرو.. وحينما تنفست دعاشو، اكلت اعشابو همست سراً: كاذب من ظن يوما ان »أم جركم« بتأكل خريفين.
