سودارس : عصام الحضري لو ما اعتذر (بلة جابر) ما يرجع

لجنة أمن ولاية الخرطوم تعكف على تسليم المواطنين ممتلكاتهم المنهوبة المضبوطة باقسام الشرطة شاهد بالصورة والفيديو.. فتاة سودانية تسخر من "ميسرة": (البنات بحبوا الراجل السواق حتى لو ما عندو قروش وشكلك انت ما سواق عشان كدة كبرتها منك) شاهد بالصورة والفيديو.. فتاة سودانية تسخر من "ميسرة": (البنات بحبوا الراجل السواق حتى لو ما عندو قروش وشكلك انت ما سواق عشان كدة كبرتها منك) البرهان والسيسي يجريان مباحثات مشتركة في مصر إسحق أحمد فضل الله يكتب: .....(الشوط الجديد) شاهد بالفيديو.. أطفال سودانيون يصطادون "صقر الجديان" الضخم والجمهور يرفض: (رمز الدولة لا يحبس ولا يوضع في قفص) استشهاد فردين من الدفاع المدني في قصف مسيّرات مليشيا الدعم السريع على محطة كهرباء المقرن بعطبرة شاهد بالصور.. عبد الرحيم دقلو يعرض نفسه لسخرية الجمهور بظهور مثير للشفقة ومعلقون: (يا حليل أيام القصور والصبغة وإن شاء الله تكون عرفت الخرطوم حقت أبو منو؟) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب موظفو وزارة الثقافة والإعلام والسياحة يغادرون بورتسودان لمباشرة مهامهم من الخرطوم بمشاركة 6 عرب.. الأندية الإنجليزية تدفع ثمن كأس الأمم الإفريقية "فيفا" يطلق تذاكر ب60 دولارا لكل مباراة في "مونديال 2026" مسيرات مليشيا الدعم السريع تستهدف محولات محطة المقرن التحويلية بعطبره تعادل مثير بأجمل مباريات الدوري الانجليزي استمرار اللجان.. وهزيمة "هلال الجان"..!! مدرب رديف المريخ يثمن جهود الإدارة..محسن سيد: لدينا مواهب مميزة وواعدة في الرديف وزير سوداني سابق يعلن عودته للمشهد بخطاب من رئيس الوزراء مسيرات انتحارية تستهدف عطبرة عزمي عبد الرازق يكتب: عودة لنظام (ACD).. محاولة اختراق السودان مستمرة! البرهان عدم حرمان أي سوداني من استخراج الأوراق الثبوتية حتى وإن كان لديه بلاغات جنائية فهذه حقوق مشروعة انخفاض أسعار السلع الغذائية بسوق أبو حمامة للبيع المخفض مكتول هواك يترجّل توجيه بصرف اجور العاملين قبل 29 ديسمبر الجاري "ونسة وشمار".. زوجة مسؤول بالدولة تتفوه بعبارات غاضبة وتعبر عن كراهيتها للإعلامية داليا الياس بعد إرسال الأخيرة رسالة "واتساب" لزوجها هل استحق الأردن والمغرب التأهل لنهائي كأس العرب؟ تونس.. سعيد يصدر عفوا رئاسيا عن 2014 سجينا هل يمكن أن يؤدي الحرمان من النوم إلى الوفاة؟ بنك السودان يتأهب لإطلاق المقاصة الإلكترونية الأردن يفوز على السعودية برأس رشدان ويتأهل لنهائي كأس العرب والي الخرطوم يوجه بالالتزام بأسعار الغاز حسب التخفيض الجديد ضبط أخطر تجار الحشيش وبحوزته كمية كبيرة من البنقو البرهان يصل الرياض النوم أقل من 7 ساعات ثاني أكبر قاتل بعد التدخين ريال مدريد ينجو من فخ ألافيس ويلاحق برشلونة بعد غياب طويل.. أول ظهور للفنانة المصرية عبلة كامل بعد قرار السيسي ترامب يعلن: الجيش الأمريكي سيبدأ بشن غارات على الأراضي الفنزويلية كارثة إنسانية قبالة اليونان وغالبية الضحايا من مصر والسودان ترامب يلغي وضع الحماية المؤقتة للإثيوبيين الإعلامية والشاعرة داليا الياس ترد على إتهام الجمهور لها بالتسبب في فصل المذيع الراحل محمد محمود حسكا من قناة النيل الأزرق قوات الجمارك بكسلا تحبط تهريب (10) آلاف حبة كبتاجون وفاة إعلامي سوداني مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) تصريحات ترامب المسيئة للصومال تثير غضبا واسعا في مقديشو حريق سوق شهير يسفر عن خسائر كبيرة للتجار السودانيين مياه الخرطوم تكشف تفاصيل بشأن محطة سوبا وتنويه للمواطنين إدارة التعدين بولاية كسلا تضبط (588) جرام و (8) حبات ذهب معدة للبيع خارج القنوات الرسمية محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي إحباط تهريب كميات كبيرة من المخدرات والمواد الخطرة بنهر النيل الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة وصول 260 ألف جوال من الأسمدة لزراعة محاصيل العروة الشتوية بالجزيرة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

عصام الحضري لو ما اعتذر (بلة جابر) ما يرجع

قوون نشر في قوون يوم 11 - 01 - 2012

البشوف مصائب غيرو تهون عليه مصائب نفسو.
مرات تدخل ليك في عمود ..بدون سبب كدا.
تقوم تتنفض...تلقى ليك زول داخل ليهو في (قندران).
تحمد نفسك على (العمود).
اتاري (العمود) رحمة.
تتكيف مرة واحدة.
على المستوى الرياضي ..كل ما اشوف البعملو عصام الحضري في المريخ
..يهون عليّ ايقاف الامين البرير 4 سنوات.
اخير (الايقاف).
انتوا يا مريخاب ما بتعرفو عوجة (حضريكم).
بالمناسبة دي.
موضوع الحضري وصل وين؟.
طولنا منو.
اخر مرة ...قالوا الحضري قال بحلف انو ما استلم حقو من المريخ.
يا جمال الوالي الزول دا ما بحلف ساكت.
قفلتو دي ما قفلة زول اخد قروشو.
دي قفلة زول ما ادهو حقو.
يكونوا اكلوه قروشو.
يا جمال الوالي كدا شوف انت (مرتب) الحضري كان بستلمو منو؟.
انت موش زمان حصل ليك موقف (بائخ) كدا ...ما استفدت منو؟...وإلا ما
اخذت منو (العبرة).
ما اتعلمت حاجة.
زمان الجماعة ديل موش قالوا ليك علاءالدين يوسف (بصم).
وقرضوا على كدا.
انت صدقت.
وهو لا بصم لا حاجة.
(حبيبي ابصم لي وانا ابصم ليك).
انتوا قايلننا نحن نسينا الموضوع دا.
موضوع (البصمة) دا ما بتنسى.
شنو انتوا قايلنها سايبة ساكت كدا.
تبصموا انتوا يا حلوين ..ويجيكم الاتحاد العام بالاعذار.
يا جمال الوالي باختصار.
الجماعة الببصموا ديل يمكن يكونوا بشيلوا (حقوق الحضري)
ومرتباتو..وبقولوا ليك الحضري استلم.
الحضري صرف.
والحضري لا استلم لا حاجة.
(صارف ما شافش حاجة).
واحد قال مرتبات الزمن دا بقت زي (عزومة المراكبية)..ما بتشوف منها أي حاجة.
يا والي راجع حساباتك.
ديل بصموا عديل ونكروا ...غالبهم يقولوا ليك الحضري استلم حقو.
نحن والله الحضري دا ما بنجيب ليهو (تورتة).
ولا بنعمل ليهو (عيد ميلاد)...لكن كمان ما بناكل حقو.
دي نحن ما بنعملها.
لا بنجيب (التورتة)..لا بناكل حق زول.
واضحين نحن.
مرة عندنا واحد ...جاء الخرطوم.
زي أي زول بجى الخرطوم.
ما في أي مشكلة.
الزول دا لقى ليك الخرطوم دي (ساقطة) شديد.
برد شديد.
صاحبكم (يعطس) من مدينة جياد الي ان وصل الثورة الحارة واحد سبعين.
برد عنيف.
البرد النوع التدخل يدك في جيبك ..وتقعد تفتش عنها.
ما تعرفها مشت وين؟.
تنسى ايدك عديل كدا.
ما تشعر بيها إلا لمن (تمسكل) ليها.
اها زولكم قعد ليهو اسبوع في الخرطوم ...ورجع البلد.
اها اول ما نزل من (البص) كدا لاقهو ليك (ود الموزعنو)...موش في زول
كدا من تنزل من (البص) بلاقيك.
زي (التريس) في بداية اللعب.
من اول جرة يفكو ليك.
وانت المسكين في الوقت داك لو معاك عشرة جواكر..(التريس) ما بنزلك.
الزول دا مسمينو (ود الموزعنو) عشان كتير ...تمشي أي حتة تلقاهو...اسمو كدا.
اعمل ليهو شنو؟.
أي حتة تمشي ليها ..تلقى فيها.
زولكم دا وقت مشي البلد ..قلت ليكم لقى (ود الموزعنو) وش.
ود الموزعنو قال ليهو : اها الخرطوم كيف؟.
صاحبكم ما اتفلت ..قال ليهو : والله الخرطوم فيها (برد) زي الساعة
اربعة صباحا في مطار هيثرو في لندن.
تلاجة بس.
دا بالنسبة للبرد.
امشي ليكم لحكاية الالقاب.
تنسوا الزول موضوع (الحضري).
عندنا ولاد في الحلة ..اي زول (مطوفش) بطقو ليك بي اسم.
ما في زول شغال بي اسمو الفي شهادة الميلاد...كلهم شغالين بي اسماء حركية.
يعني عباس ...تلقاهم مسمينو (اول شارع خليهو)..عشان أي زول بجي يسأل
ليه من حتة ..مستوصف او مدرسة او محطة مواصلات ..هو بتولى الامر وبقوم
يوصف ليهو.
واي وصف عندو ببدأ ب (اول شارع خليهو).
عشان كدا سموه (اول شارع خليهو).
في واحد في الحلة اسمو عبدالكريم ...عارفين عبدالكريم دا لقبو منو؟.
لقبو (الجرة الاخيرة).
عارفين ملقبنو بي (الجرة الاخيرة) ليه؟.
عشان عبدالكريم دا بمسكوه ال (14) كرت في الكوتشينة وبسلمها (14) كرت.
ومرات كمان بلقو ورقو زايد.
مرات بكون شايل ليهو (17) ورقة.
المشكلة ما في الحكاية دي...المشكلة في انو عبدالكريم دا كل مرة بقول
الجرة القادمة انا بفتح.
لمن تصل للجرة الاخيرة ..زولكم ما بفتح.
ومرات كمان جرتو الاخيرة بتكون (جوكر)..وبرضو ما بفتح.
زول (كضاب) ساكت.
عشان كدا مسمينو (الجرة الاخيرة).
الحاجة البتغيظ ..زولكم دا كان في كل مرة بعمل مشكلة في (الجرة الاخيرة).
كل مرة بعمل ليهو كارثة في الجرة الاخيرة.
لذلك ...الناس في الحلة سموهو (الجرة الاخيرة).
عندنا زول مسمينو (تلاتة تسعات).
عارفين ليه؟.
عشان أي حتة فيها مشكلة بتلقى قاعد (يتشبر) فيها.
عندنا زول مسمينو جدول اتنين.
عارفين ليه؟.
عشان أي حاجة بقسمها.
يلقاك شايل ليك (رغيفة) بقسمها معاك.
بلقاك شايل (موزة)...بقسمها معاك.
دا لو لقاك شايل ليك (جريدة).بقول ليك اديني منها صفحيتن.
عشان كدا الناس سموهو (جدول اتنين).
الحاجة بقسمها معاك ..بقسمها معاك.
ولا تتعب.
ولا تجادل.
نرجع لي موضوعنا الرئيسي.
انتوا عارفين موضوعنا الرئيسي شنو؟.
موضوعنا الرئيسي (الحضري).
الموضوع دا وصل وين؟.
زمان قالوا جمال الوالي قال الحضري لو اعتذر نحن ما عندنا مشكلة ..ممكن
نسكح ليهو يرجع.
وممكن ندفع ليهو؟.
بس اول حاجة الحضري يعتذر.
الحضري طبعا (صعب).
والزول الصعب الاعتذار عندو عيب.
عندو حاجة كعبة.
الحضري قال ما بعتذر.
ولا بكذب.
احسن ليهو يقعد في بيتو من يعتذر للمريخ.
الحضري يعتذر.
انتوا بتلعبوا وإلا شنو؟.
الحضري لو بعتذر ما كان خلى الاهلي المصري.
لو بعتذر الحضري ما كان بمشي سيون.
اتذكرت.
الحضري دا اعتذر للاهلي المصري.
اعتذر لمشجع مشجع ..وقعد يبكي بدموعه.
بكاء عديل.
بكاء على الهواء مباشرة.
بكاء في الفضائيات.
مع ذلك ناس الاهلي رفضوا اعتذار الحضري.
ديل ناس الاهلي عندهم مباديء وقيم.
ما زيكم يا ناس المريخ ...منتظرين الحضري يعتذر وتقعدوا تكسروا ليهو في (التلج).
لكن ما تتعبوا ساكت.
الحضري ما بعتذر.
الحضري يعتذر للمريخ ...لا دي ما بتحصل منو؟...الحضري شايف المريخ زي
الاحامدة في مصر.
هي مصر فيها فريق اسمو الاحامدة.
ما عارف يمكن!!.
المهم الحضري شايف المريخ زي فريق الاحامدة.
عشان كدا ما بعتذر.
دي حاجة ما تحلموا بيها.
لكن انا عندي ليكم حل لمشكلة الحضري دي.
بما انو الحضري ما بعتذر.
شوفوا ليكم أي لاعب واقنعوه يعتذر بدل الحضري.
انتوا زمان موش اقنعتوا قلق وإلا جندي نميري ما عارف يبصم بدل علاءالدين يوسف.
اها هسع شوفوا بلة جابر او موسي الزومة...عشان يعتذر ليكم بدل الحضري.
اقنعوا بلة جابر.
بلة جابر ما عندو مشكلة ..ممكن يعتذر.
ما بقول شيء.
لو (عصلج) معاكم ....جيبوا ليهو (بوفيه مفتوح).
بفتح معاكم.
اعملوا ليهو (وردية مفتوحة) في البوفيه المفتوح.
ليكم علي بعتذر.
لكن بلة جابر ذنبو شنو؟.
يعتذر ساكت كدا.
غايتو وقت تكون ماعاوز ليك زول ...بدخلو ساكت.
يا بلة اعتذر ..ما تكتر الكلام.
ملحوظة : لكن الحضري يمكن يصر ...ويقول إلا يعتذر جمال الوالي.
هوامش
مازدا المرة دي اشتغل (تقديم).
اتغلب تلاتة قبل البطولة ما تبدأ.
انت يا مازدا تلاتك دي ما عاوز تخليها حتى في المباريات (الحبية).
مازدا فقد اهم اوراقه ...بكري المدينة الذي كان يعتبر هو اللاعب الاول لمازدا.
نزار حامد ..(شاهد النسخة الاصلية) في بطولة الامم الافريقية.
نزار حامد دا يمكن بعد بطولة الامم الافريقية ما يرجع ليكم يا الهلالاب.
يمكن يمشي اوروبا.
اعملوا حسابكم.
يا ضفر ...والله كل ما نذكرك.
نحمد الله انك مشيت المريخ.
مفروض الهلالاب يكروموا معتز رئيس نادي النيل.
الزول دا كرموه يا هلالاب.
ما قصر معاكم.
الله شافكم.
محمد سيد احمد هو الظاهرة السالبة الاوضح في اتحاد الكرة.
تصريحاتك دي يا محمد اخير منها (البونية).
محمد سيد احمد دا رئيس لجنة (التصريحات).
الزول دا شغال تصريحات ..تصريحات ..تصريحات.
بس بصرح.
اعمل ليك أي مشكلة ...وجيب محمد سيد احمد يصرح.
محمد سيد احمد ما بقصر معاكم في (التصريحات).
التصريح بجضمو ليكم.
ما عندو أي مشكلة في الحتة دي.
عاجل : خايف فلانتاين دا يجيكم يا هلالاب يوم 14 فبرائر.

انقر هنا لقراءة الخبر من مصدره.