«الزنقه» ويقصد بها الضيق او الزرة عندنا في السودان , وعرفنا من خلال الزعيم الليبي انها في ليبيا يقصد بها الشارع الضيق او « الزقاق « ومزنوق علي وزن «لايوق» ويقصد بها الشخص المتضايق ويستعملها الكثيرون وهي مربوطه بالزهاب لل w.c. هنالك مقولة تقول « تاكلو المنقه وتخافوا من الزنقه « بمعني اذا اكثرت من اكل المنقه ربما استدعي الامر ذهابك للحمام , لذا يجب عدم الاكثار من اكل المنقه . المعني البعيد تذكروا الظروف الصعبه وانتم في حالة الهدوء والعيش الرقد . او الرفاهية لا تدوم ولابد من التحسب للاوقات الصعبه . هدايا الحلقة: رسائل ساخره: 1) الف مبروك عملية الاستنساخ التي عملت لك نجحت والدحيش بصحة جيده. 2) وحده رسلت الرسالة التالية لحبيبها « أمنيتي ان تصاب بفشل كلوي عشان اثبت لك حبي واتبرع لك بكلوه « 3) لو خيروني بين حبك ومال قارون حاختار مال قارون سوري الحياة صعبه 4) واحد قال لي خطيبته اثبتت الدراسات ان الجمال يعجل بالوفاء قالت ليه يا بختك عمرك طويل « هاك كمال الشناوي ده « 5) كان هدفي في الحياة ان اكسب حبك ولما تحقق الهدف اتحسب اوف سايد «تسلل» 6) واحده قالت لي خطيبها شفتك امبارح في حديقة الحيوانات فعلا صلة الرحم حاجة كويسه 7) واحدة رسلت لي خطيبها « اتمني ان يجمعنا القدر يوما عشان اخد قروشي الدينتك ليها 8) يقال ان المرأة نوعان « مرأة لاتفكر ورأة تفكر خطأ « 9) واحدة قالت لي خطيبها الاصلع احبك عدد شعر راسك قال ليها يا حاقده 10) واحد قال لي خطيبته لو طلبتي نجوم السما بي صراحه تبقي عبيطه 11) واحد رسل لي خطيبته الرساله التالية « انتي ورده انتي مشمش انت فعلا حاجة تدوش انتي عندي ذي الأريل لو غبتي عني اشوش 12) واحد قال الزمن معاي قاسي كل ما يعجبني بنطلون القاهو ما مقاسي 13) وحدة رسلت لي خطيبها الرساله التالية « اقدر علي سنه جوع وما اقدر اتحرم منك اسبوع وما اقدر اعيش من دونك «ياجربوع» 14) الاب قال لي ابنه هل نتيجة الامتحان طلعت الولد قال ليه ماشي اجيب النتيجة الاب لو نجحت حازبح ليك خروف ولما رجع الابن قال لي ابوه بابا الخروف اتكتب ليه عمر جديد 15) واحد شين جدا مشي اتقدم لي واحده قال لي ابوها « انا يا عمي وبلا فخر عملت نفسي بي نفسي» ابوها قال ليه انا قلت استحاله دي تكون خلقة ربنا 16) بروفسور كان لايستغني عن نظارته الطبية مرة مشي المطعم بدون النظارة قال لي الجرسون اقرأ لي قائمة الطعام الجرسون قال ليه « انا اسف يا سيد فأنا أمي وجاهل زيك « خاتمه: الافتراء علي خلق الله عاقبته خطيره « إذا دعتك قدرتك الي ظلم الناس فتذكر قدرة الله عليك»وان الله سبحانه وتعالي قد حرم الظلم علي نفسه وجعله بين الناس محرما والظلم ظلمات يوم القيامه فنعوذ بالله ان نكون من الظالمين والمظلومين مع تحياتي،،،
