لحن وغناء: الكابلي ارشيف الصحافة 13 فبراير 1969م وبعد خطاوي طويلة يمشيها الغريب الكان دياروه عيون حبيبتو يقص درب تاه وانسهك والخطوة عاد تكوي الكراع تصليها نار وديار حبايبو عيون حبايبو تزيدو شوق يطوي النهار بعد الدرب ما كان بيشرد وينسهك امل الوصول يرسم درب يبنيلو دار كانت حبيبتو في ليلة جافاها القمر فارشالو شال ترت لحمتو سدايتو ممن رمشين عيونها الفيها قال شعرو وغناهو ووسادتو كانت صدرها التبق نهيدو جفل وجال عارف القميص ما بيحملو ما اظني اقدر احملو وكتين يصارع في القميص ويجابدو يفلح يفتقو كانت خريفو تصب لبن تزرع بلادو شتل فرح شتلا يضلل كل صيف ويشوفها وكتين يطمح الشوق يغلبو تبقالو قيف ورموشها امو عيونها امو ما دارو تبسملو وتضمو ما رمشها بطمن قلوبنا ويبدل الشك باليقين ما لونها خاطفا هو الجروف من قمحه من نعناعة من ليمونه رويانه الفروع ما هي بتضوع بالخمره والكبريت تضوع ما ثغرها الرطب بالمبوح فوق السبيطه تنز عسل ما صدرها الرحمه ونهيدها يصارع في القميص كايس الحلل ما خطوها الوزينه وكتين الغروب يكسيها فوق الليل خجل ما خصرها ما همسها ماما عاد كفى بت قبيلة مأصله ما ديارناس تاقت ليكم عيونها الواسعه ما بتضمنا ما امنا الليها بتحن وتضمنا وفي ليله جافاها القمر كانت تقود خطواتو نجمه خايفه الضياع وضياعو كان غنوه بتنوح فوق للنجم ماده الشراع فوق دمعه سايله تخوض مراكبوه يداهمو شوق ما النجمه فوق فوق تترقط تشكو الضياع ما غيرا بيلفو الضياع ما غيرها بتيتم ما غيرها بنشر من قليبو صديد ودم ما شعرو بتبكم بجافيه النغم ما عاد حرام في غيابها بها يحلم وفي ليله جافاها القمر كانت رفيقتو نجيمه ماديلها السحاب بلت جحيم نارو الوحيحه يحنن الطير في السماء كانت تفليلو وتدوبي تنم تطريهو الديار الفيها ميلادو ابتدا ما هو اتولد يومو اللي شاف في عيوانها امو كان لقا تنسجلو من خصلاتها سجاده نغم ووسادتو صدرا ما فطم ابدا رضيع برمشها تغطيهو بكفها تلوليهو بشعرها تدفيهو وليها يحلم بالرجوع واليوم وصل لدارو لفرح الربيع باركوا الوصول باركوا الوصول باركوا الوصول