#الهدية من شخص لآخر تعتبر عربوناً للصداقة والحب، وهي ابداء حسن النية للعلاقة مع الآخرين، هذه الحلقة سنخصصها للهدية وذكرها ومعناها في القرآن الكريم والحديث الشريف والغناء السوداني.. ذكر الهدية في القرآن الكريم: # وردت كلمة هدية في القرآن في سورة النحل على لسان بلقيس بنت الهدهد ملكة سبأ، قال تعالى: (وإني مرسلة إليهم بهدية فناظرة بما يرجع المرسلون)، وجاءت على لسان سليمان عليه السلام في نفس السورة (فلما جاء سليمان قال اتمدونن بمال فما آتاني الله خير مما آتاكم بل أنتم بهديتكم تفرحون). الهدية في السنة: # رسولنا الكريم صلى الله عليه وسلم كان يعلم اصحابه كيف يحبون بعضهم بعضاً، وكان يقبل هداياهم ويرغبهم في ان يتهادوا، وجاءت احاديث كثيرة في هذا المعنى: 1/ تهادوا تحابوا تزدادوا حباً. 2/ الهدية تورث المحبة والمودة وتذهب الحقد من الناس. 3/ تهادوا فإن الهدية تذهب بالضغائن. الهدية في الغناء السوداني: 1/ حبيبي فكر وقدر.. ايه الجبتو ليك هدية.. Chat: جواهر لا.. ازاهر لا.. اغلى وحات عينيّ. «وردي» 2/ يا زمن وقف شوية واهدي لي لحظات هنية. «ابراهيم عوض». 3/ اهديك حنان ما قلبي عندك من زمان وانا راجي عطفك منتظر. 4/ هدية من ايدك مقبولة.. معناها اني على بالك وتعيد الايام الاولى.. نتأمل حسنك وجمالك. «سيد خليفة». 5/ مين فكرك يا حبيب.. ومين الهداك اليّ وجرحى قرب يطيب.. جددتو تانى على «محمد ميرغني». 6/لا هماك عذابنا.. لا دموعنا وشقانا نهديك المشاعر.. وتخون الامانة «زيدان» 7/ العقول تتخبل.. والاديب في الناس للقاك يتهبل اهدي ليك الروح.. وانت ليه ما تقبل اكون محروم «حقيبة». 8/ مالك يا حب.. مالك علينا ومنو الهداك لينا.. علشان تجينا «ثنائي النغم». 9/ الفريد في عصرك.. الزمان زمانك اهدي لي من فضلك.. نظرة في رمانك «حقيبة». 10/ يا حبيبي عمرى كله.. اهديته لحبك يا حبيبي وانت عارف والغرام يشهد به ربك «وردي». هدايا الحلقة: 1/ الراجل ما قصر مع صاحبه المغترب قطع ليه تذكرة الطيارة واداه ريالات ولمن المغترب جاء راجع في الاجازة مروق جاب هدايا لاهله واصحابه شئ تلفزيونات وشئ ساعات وشئ مسجلات وعمم وجلاليب وجاب لي صاحبه «مصحف جميل» صاحبه قال ليه: كتاب الله ما باباه لكن الفيك اتعرفت!. 2/ حرامي في عيد الحب جاء راجع بدون هدية لزوجته واعتذر ليها قال ليها معليش لقيت كل المحلات فاتحة!. 3/ حمار شال ليه ربطة قش هدية ومشى لابو الدحشة التى ينوى خطبتها من ابوها، رفسو!. 4/ اثنين اغبياء الاول قال للثاني اكان عرفت الفي الكيس ده بديك منه سمكة هدية، صاحبه قال ليه الكيس فيه بحر. 5/ صعيدي قال لزوجته انا ماشي ابيع الحمار واشترى ليك هدية، في السوق الحمار اتسرق جاء راجع وقال ليها معتذراً: معليش الحمار ضاع وضاعت الهدية، قالت ليه معليش دخلتك علينا تساوي مية حمار!. 6/ دكتور بيطري بقول لزوجته انا «بهيم» في حبك قالت ليه طيب اوعى «ترفس» لي طلب. 7/ الرئيس عمر البشير نحن عارفنه هلالابي وبالامارة لمن كان سكرتير نادي كوبر غيّر شعار النادي من احمر الى كحلى، وقال 80% من الشعب السوداني هلالاب والباقي هلالاب زعلانين. السيد الرئيس قال هديته للمريخ جمال الوالى، الجماعة قالوا انتو الرئيس ده قلب ولا شنو؟!. 8/ ام العروس: انت شفتها وين؟ الخطيب: دكتور بيطري ام العروس: وعلى كده انت دكتور معروف الخطيب: مافي حمار في البلد ما بعرفنى!. 9/الزوجة: على فراش الموت: حتعمل ايه بعد ما اموت؟ الزوج: حأفضل فاكرك طول العمر الزوجة: حتتزوج واحدة ثانية؟ مش مشكلة حرام برضو تعيش عذابي؟ الزوج: يا حبيبتي مافي داعى للكلام ده الزوجة: حتشيل صورتي من الحيطة وتضع صورتها؟ الزوج: ايه الكلام الفارغ ده؟ الزوجة: بس غيروا اوضة النوم علشان بقت قديمة الزوج: شقتنا يا روحى عمرا ما حيدخلها غيرك الزوجة: حتلبسها هدومي الزوج: مستحيل يا روحي انتى اتخن منها بكتير!. خاتمة: #تهادوا تحابوا واطردوا البغض من الصدور واحذوا حذو الرسول صلى الله عليه وسلم، وتحابوا في الله حتى تدخلوا الجنة في ظل الذين يظلهم الله في ظله يوم لا ظل الا ظله. مع تحياتي،،، احمد دوله
