أنا كان عندي والي ولا صاحبي صليح كان جنزرني ما دام قلبي ماهو نصيح بقيت في صلاتي اتذكر هواها واصيح أنم في الركعتين والباقي اتمو نويح قريقس قول لو قلبي الليله طاري نديدو واضحت حالي زي حال المتلت قيدو لي أمل الرجوع والماضي تاني أعيدو ولاّ حكايتي زي جمل الطريفي وسيدو ظِبَيَّا كان بيردن فوق مشارعي ضعنها ذخيرتو الحيه في تمرة فؤادي ركنها علي الماقالو خرتت من وليها رسنها سينا مساسق النمله المواليه سكنها خَتَفِي الحرقصن قبله ومزنهن رشّ دغدغ مهجتي وضرع الموايق بشَّ ريدتي وحات سبيباً فوق قصارك نشّ ما خلف لي غير طاعون وروح منقشه الوقفت قصادي وغمزت لي عينيها ديسا كابي لا عند القصار كاسيها الخلاني ارح طول النهار باريها شوف عيني البنات مرات يشاغلن فيها سماحة البقعه والغوش الملون زيف ما بنسوني مريودي الطبيعه ظريف حالي الليله من فرق الملمو عفيف حال فرعون بعد ما موسى وصل القيف آه يا نفسي من هذا الأذى المحقون نفسي سقيمه من العافيه راقد دون أنا والله من فرق المتبر لون بشيل الليل نويح وارجا النهار مغبون عندك قاهر الجن والإنس غبيوها هيبة عنتر الكل العرب هابوها ان سلطت علي أعمار البشر ولوها ترد الروح بعد مُلاَّكها ما يشيلوها تواريب ليمنا كل خريف بتبطل كافيه متين يصدف مسورنا وتفتكرنا الجافيه نتلقاها بي لهفة قلوباً وافيه رجلا راكبه في نعالين ورجلا حافيه يا اب حلق القعاد طولنا فيهو خلاس لاكين للأسف قاعدين مع اولاد ناس دفق الحِرته والبكري القلاه المحماس وهجم اللونو أنضف من دهب عباس