القوز يقرر السفر إلى دنقلا ومواصلة المشوار    لاعب منتخب السودان يتخوّف من فشل منظومة ويتمسّك بالخيار الوحيد    الدب.. حميدتي لعبة الوداعة والمكر    ⛔ قبل أن تحضر الفيديو أريد منك تقرأ هذا الكلام وتفكر فيه    إلي اين نسير    منشآت المريخ..!    كيف واجه القطاع المصرفي في السودان تحديات الحرب خلال 2025    صلوحة: إذا استشهد معاوية فإن السودان سينجب كل يوم ألف معاوية    إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل    كامل إدريس في نيويورك ... عندما يتفوق الشكل ع المحتوى    مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف    عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته    إجتماع بسفارة السودان بالمغرب لدعم المنتخب الوطني في بطولة الأمم الإفريقية    بولس : توافق سعودي أمريكي للعمل علي إنهاء الحرب في السودان    البرهان وأردوغان يجريان مباحثات مشتركة    شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها)    شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي)    بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها    وحدة السدود تعيد الدولة إلى سؤال التنمية المؤجَّل    تراجع أسعار الذهب عقب موجة ارتفاع قياسية    عثمان ميرغني يكتب: لماذا أثارت المبادرة السودانية الجدل؟    ياسر محجوب الحسين يكتب: الإعلام الأميركي وحماية الدعم السريع    محرز يسجل أسرع هدف في كأس أفريقيا    شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!!    وزير الداخلية التركي يكشف تفاصيل اختفاء طائرة رئيس أركان الجيش الليبي    "سر صحي" في حبات التمر لا يظهر سريعا.. تعرف عليه    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    إسحق أحمد فضل الله يكتب: كسلا 2    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    احذر من الاستحمام بالماء البارد.. فقد يرفع ضغط الدم لديك فجأة    استقالة مدير بنك شهير في السودان بعد أيام من تعيينه    كيف تكيف مستهلكو القهوة بالعالم مع موجة الغلاء؟    4 فواكه مجففة تقوي المناعة في الشتاء    اكتشاف هجوم احتيالي يخترق حسابك على "واتسآب" دون أن تشعر    رحيل الفنانة المصرية سمية الألفي عن 72 عاما    قبور مرعبة وخطيرة!    شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة)    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    عزمي عبد الرازق يكتب: عودة لنظام (ACD).. محاولة اختراق السودان مستمرة!    ضبط أخطر تجار الحشيش وبحوزته كمية كبيرة من البنقو    البرهان يصل الرياض    ترامب يعلن: الجيش الأمريكي سيبدأ بشن غارات على الأراضي الفنزويلية    قوات الجمارك بكسلا تحبط تهريب (10) آلاف حبة كبتاجون    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    مياه الخرطوم تكشف تفاصيل بشأن محطة سوبا وتنويه للمواطنين    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



قلت للحكم حقنا خليناه لي الله قام أداني كرت أحمر..!!
النور بارتيز حارس الهلال والمريخ واتحاد مدني وجزيرة الفيل وبيت المال
الصحافة نشر في الصحافة يوم 11 - 06 - 2010

ضيفنا الليلة الكابتن النور ابراهيم كوكو سراج أو «النور بارتيز» واحد من أبرز حراس المرمى في السودان، لعب في المريخ وعدد من أندية الدوري الممتاز ودوري الدرجة الاولى، وقدم مستوى ممتازا وجد الاشادة من الاداريين والمدربين واللاعبين والجمهور، فهو لاعب صغير السن، وصاحب موهبة متفردة في ظل وجود ندرة في حراس المرمى بالسودان.. التقينا به أمس برفقة الزميل خالد عوض وكانت هذه الونسة.
٭ يا بارتيز البداية كانت وين؟
- بديت بي براعم نادي الهلال، وبعدها الناشئين في الهلال، وبعدها اشبال العباسية ولعبت موسمين وصعدوني الفريق الاول.
٭ كان معاك منو في الهلال؟
- أمجد عبد الكريم ومحمد عبد الكريم هو الآن في امبدة، ومحمود صديق وعاصم عابدين هو الآن الطرف الشمال لنادي الخرطوم.
٭ الهلال الأول كان فيه منو؟
- أحمد النور وعبد الرحيم كاشان وأبو بكر الشريف.
٭ من بديت حارس مرمى؟
- لا كنت لاعب ارتكاز، لكن وأنا في الناشئين كان لعبي قوي، واية مباراة بلعبها كنت باخد كرت اصفر أو أحمر، وعشان نفسي حار رجعوني الحراسة واستمريت.
٭ من العباسية مشيت وين؟
- سجلوني في فريق المريخ تحت السن.
٭ المرمى كان فيه منو؟
- عمار وبهاء الدين ومحمد رابح، وأنا رابعهم، وبعدهم جابوا محمد الطيب من أهلي الخرطوم والمحترف النيجيري شيكوزي.
٭ مباراة في الذاكرة؟
- مباراة لعبتها في الممتاز ضد الاهلي الخرطوم كان الحارس الاول محمد رابح، وأنا الاحتياطي، ورابح الحكم طرده وأنا دخلت بدلو، وكانت الاولى لي مع المريخ.
٭ جاء فيك قوون؟
- رغم أنها الاولى وسط جمهور كبير، لكن حافظت على الشباك نضيفة لكن برضو لصغر سني كانت في رجفة بسيطة.
٭ قدامك في الدفاع كان في منو؟
- حسبو وبكري مكين والضو، وأنا سجلوني في الايام الاخيرة لابراهومة وخالد احمد المصطفى، والسنة الاولى لرئيس النادي جمال الوالي.
ً ٭ سجلوك بي كم، وسجلوا معاك منو؟
- بي قروش بسيطة، وكان معاى دكتور صخر ومصطفى بلية من العباسية وعبد الحميد عماري من السعودية.
٭ مباراة في الكنبة؟
- مباراة المريخ والتاكا كسلا الشهيرة، وتم فيها إيقاف فاروق جبرة.
٭ رحلات خارجية مع المريخ؟
- سافرت إلى الامارات ومصر وايران.
٭ مدرب استفدت منو؟
- السليني ومحمد موسى والمصري الدهراوي.
٭ ما واصلت مع المريخ ليه؟
- ما أخدت الفرصة الكاملة، وكان في عدم توفيق.
٭ مشيت وين بعد داك؟
- لعبت مع جزيرة الفيل والاتحاد مدني الحارس الاول.
٭ تجربتك مع منتخب الشباب؟
- كنت الحارس الاول وكابتن المنتخب الوطني في 4002م، ولعبنا ضد مصر، اتغلبنا أربعة واتعادلنا في مباراة الرد صفر/صفر، وكان في التدريب احمد بابكر وحسون.
٭ معاك منو في المنتخب؟
- سفاري وحسن اسحق كرنقو وبلة جابر والبعيو، واختاروني من فريق المريخ.
٭ لعبت مع الأولمبي تاني؟
- اختاروني من جزيرة الفيل، ولعبنا ضد غينيا في استاد المريخ وكان الحارس الاول ايهاب زغبير وهو الآن بلعب في المهدية وأنا الاحتياطي.
٭ رأيك شنو في الحارس أكرم الهادي سليم؟
٭ هو زميلي وصديقي وحارس تمام، والبميزو إنو ممكن يلعب باص قوون للمهاجم، بس أحياناً بسبب مشاكل.
٭ والمعز محجوب؟
- لاعب خبرة وجسمو تمام وشخصيتو قوية، والمهاجمين بخافوا منو.
٭ مدافع بترتاح وإنت واقف وراه؟
- سفاري وأمير دامر ونجم الدين أبو حشيش وده كوتش جوه الميدان، وبوجه الحراس عشان ما يسرحوا وسامي عبد الله.
٭ الحراس في السودان مشكلتهم شنو؟
- الكور العكسية والانهيار لما يدخل مرمامهم هدف مبكر، والحارس لازم يكون «شفت» لأنو لو بقى مسكين المهاجم بستهتر بيه، ولازم يعمل حركات ارهاب، وأنا لما اعملها مرات بقولوا على مجنون.
٭ مدافع مظلوم؟
- أبو بكر محمد الشيخ بكري من أهل الخرطوم مكانو القمة وسليمان محمد لُبط.
٭ مهاجم بتعمل ليه حساب؟
- وارغو السريع ومدثر كاريكا الحريف، وأفضل مهاجم الراحل ايداهور، وكنت وانا في مدني بعمل الف حساب لي قودوين وكلتشي ومهند الطاهر.
٭ الحكام مالك معاهم؟
- أنا ما بحب الظلم، وقبل الكورة اول توجيه أبعد من الحكم، مع اني ما اخدت كروت إلا في مباراة اتحاد مدني ضد الامل عطبرة كرت أصفر، واتحاد مدني مع الخرطوم احمر وبدون ذنب.
٭ قلت شنو للحكم في كورة الاتحاد والأمل؟
- لاعب الأمل بلبوط ضرب زميلنا عبد المنعم، قلت للحكم وانا مكتف يدي يا برف أخد لينا حقنا، قام أداني كرت أصفر، وقال لي هاك حقك.
٭ وقلت شنو لحكم مباراة الاتحاد والخرطوم؟
- الحكم شاف اللاعب محمد مرسال أف صايد بعد ده عدّ الكورة قوون، بعد نهاية المباراة مشيت ليه بي هداوة قلت ليه «حقنا خليناه لي الله» ورجل الشرطة لزاني وكاميرا التلفزيون نقلت الحدث على اعتبار اني أنا شتمته، وقام أداني كرت أحمر، وأنا لا نبذتو لا مديت يدي.
٭ بتشجع منو من الحراس الأجانب؟
- الحضري حارس متمكن وشيكوزي لعاب شديد، وبيعجبني البرازيلي هيبتون حارس بوردو البرتغالي ودوني حارس روما وكاسياس.
٭ من المفترض أن تكون اتلعبت مباراة هلال مريخ يوم الخميس.. تتوقع النتيجة كم؟
- البجتهد بكسب واتوقعها تعادل.
٭ رأيك شنو في الأنطون في القمة؟
- الأشياء دي موجودة في كل الدوريات، وشاهدت في يوم اللعيبة قبل المباراة بسخنوهم بالبخور.
٭ موقف طريف في الذاكرة؟
- المدافع صالح سنار اللاعب السابق بفريق الهلال العاصمي لاعب قوي وما بتقطع كورتو منو بي أخوي وأخوك، لكن مع ده صاحب نكتة وهظار.. بذكر يوم كان زميلي في الاتحاد مدني وانا اصطدمت بي مهاجم نيجيري قوي ضربتو في بطنو ووقع وأنا وقعت ورقدت في النجيلة، وقلبت عيني، جاني صالح سنار قال لي إنت كويس قلت ليه لا، قال لي أنادي ليك الدكتور قلت ليه لا، قال لي أنا منو قلت ليه إنت الحكم، قام كورك وقال يا دكتور الزول ده جنَّ.
٭ أين أنت الآن؟
- حارس مرمى نادي بيت المال بالدرجة الاولى، والنادي ماشي متطور وح يصل الى الممتاز.
٭ لقب بارتيز قصتو شنو؟
- كنت بحلق صلعة بالموس في العباسية، ووقتها كان ظهر حارس مرمى فرنسا بارتيز بي صلعتو، واشتركنا في رقم الفنيلة «61» واطلق عليَّ اللقب زميلنا حيدر الأمين.
٭ خت لينا تشكيلة لفريق قومي؟
- الحراسة أكرم وبهاء الدين والمعز، والدفاع سفاري وسامي وبكري الأهلي، والوسط سعيد السعودي وعمر بخيت وعلاء الدين فييرا وهيثم مصطفى، والهجوم السعودي وراجي.
٭ لو اتيحت ليك فرصة العودة للقمة عندك مانع؟
- أبداً اتمنى أن أرجع للقمة.. وعندي الكثير.

انقر هنا لقراءة الخبر من مصدره.