محمود عزيز سر الفضائل والغنا محفورة سيرتك في القلوب يالسبتنا ولوّعتنا يوم الخميس جانا الخبر دمّر قلوبنا وأحزنا رحل الغمام عم الظلام وفجعتنا يايمة فايزة استغفري وخليك عظيمة ومؤمنة واتصبري وما تشيلي هم دا الامتحان من ربنا معقورة بطن الفن خلاص من بعدو ما جابت جنا واتيبس الرحم القبيل انجب عشقنا وسعدنا يا الديمة ساكن في القلوب كم مرة كم اطربتنا ستظل خالد في الفواد زي نور عيونا ودمنا شلت المكارم والخصال بي روعتك وحدتنا وتلوت آيات الجمال داخل صميمنا ونبضنا وفتحت مليون الف باب لي روعتك وجمعتنا من قمت برتاح ليك شديد يا نور عيونا وحبنا لابس احاسيسك وشاح شايل عذابنا وهمنا شايل رويحتك في غناك مهموم تعبر عننا شايل معاناة الجميع كاتم معاناتك ضنا شايل جراح كل العمر كل السنين والازمنة حواتة يا رمز الوفاء وكل الولاء والجدعنة ادعولو بالخير والنعيم في الجنة يرفل في الهنا إن شاء الله في الفردوس مقيم يا الرحت ما ودّعتنا