بسم الله الرحمن الرحيم شمارات اسي نحنا ماماوكلي يا سهير! *الاستاذة الرائعة سهير عبدالرحيم *وفي تغريدة فريدة كعادتها حينما تغرد *ذكرت فيما معناه ان سيدنا(سيدنا دي مني) سيدنا جبريل *حايمشينا مولاي كما خلقتني الا من صفقة شجرة مثل فتي الغابة ماوكلي *عارفه ياسهير نحنا اسي ماوكلي *ماشين(تيوب ليس)الا من صفقة شجرة تستر عوراتنا وعواراتنا *وفي ناس ماشة(صفقة شجرة ليس)وبقولوا ليهم اوعك تقطع صفقة شجرة *عشان مايجينا جفاف وتصحر *طيب وعوراتنا! *نخليها للشمس كدة؟؟؟؟ *بالطريقة دي دحين مابجيها جفاف وتصحر؟؟؟ *عارفه ياسهير اجمل واصدق لوحة تعبر عن مواطن الليلة *انك ترسم مواطن ماوكلي *وعلي (قفاه ) ترسم ليك بيت عنكبوت *يحب العنكبوت ان ينسج بيوته علي الاماكن الغير مستخدمة *فما فعله جبريل بنا صنع منا شعب ماوكلي *يمكن ماوكلي افضل لي سببين *الاول لقي صفقة شجرة تسترو *والتاني انو الحيوانات كلها بتحبو *اما نحن *ماوكلي بدون صفق لانهم بعد مشونا عرايا حذرونا من ان نقطع صفقة شجرة نستر انفسنا بها *وثانيا نحن كشعب مافي حيوان بحبنا *كل الحيوانات بتكرهنا *حيوان واحد قلبو بحن علينا مافي *خالننا ماوكلي *عشان مايكلفوا انفسهم عناء خلع ملابسنا عندما يقرروا ان(ياكلونا) *انتهينا ياسهير يا اختي *ايها الناس *هل تقبلون باداء دور ماوكلي في هذه الغابة التي نعيش فيها؟؟؟ *واذا قبلتم *هل ستضمنون صفقة الشجرة التي تستركم؟؟؟؟ *اذن علام الصمت يا (ماوكليون) ؟؟؟؟ *ايها الناس *مشي (الحفا) بكبر الرجلين *اما مشي(العري) فبعمل شنو شخصيا مامتأكد *ولكنها فرصة لنتحسس اجسادنا *او اطلال الاجساد التي نعيش بداخلها عرايا وتعيش هي بخارجنا عريانه الا من الامل *الامل في البطل *البجي راكب الحصان من بعيد *كربتك كربتك كربتك *وتيشن تيشن تيشن *يقضي عليهم *ويفروا تاركين حصينهم وتاتشراتهم *وينفخ المسدس *يدخلو في جرابو *يرجع الطاقية لي ورا *وتتملي شاشتنا بكلمة *THE END *ينتهي الفيلم *تولع الانوار الكانت مظلمة اثناء العرض *ونخرج في سرور نفرقع في باقي التسالي الذي نسيناه جراء قسوة الخيانة اثناء الفيلم *اها *نجي لي شمارات والي الخرتوم *والينا المكلف علينا *اين تسهر هذا المساء يا اخينا؟؟؟؟ شمارات الكلب ننساك كيف والكلب قال في الفيلم كان في كلب بقول كلبا كلبك ترفع راسك بقطع ضنبك…عشان يخوفنا…اه وييين يا والي لقاء