سودارس : فيصل العجب (سري للغاية)

كامل ادريس يلتقي نائب الأمين العام للأمم المتحدة بنيويورك شاهد بالفيديو.. شباب سودانيون ينقلون معهم عاداتهم في الأعراس إلى مصر.. عريس سوداني يقوم بجلد أصدقائه على أنغام أغنيات فنانة الحفل ميادة قمر الدين محرز يسجل أسرع هدف في كأس أفريقيا شاهد بالفيديو.. جنود بالدعم السريع قاموا بقتل زوجة قائد ميداني يتبع لهم و"شفشفوا" أثاث منزله الذي قام بسرقته قبل أن يهلك شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي) السودان يردّ على جامعة الدول العربية وزير الداخلية التركي يكشف تفاصيل اختفاء طائرة رئيس أركان الجيش الليبي البرهان يزور تركيا بدعوة من أردوغان المريخ يحقق الرمونتادا أمام موسانزي ويتقدم في الترتيب سر عن حياته كشفه لامين يامال.. لماذا يستيقظ ليلاً؟ "سر صحي" في حبات التمر لا يظهر سريعا.. تعرف عليه تقارير: الميليشيا تحشد مقاتلين في تخوم بلدتين جنوب إفريقيا ومصر يحققان الفوز مجلس التسيير يجتمع أمس ويصدر عددا من القرارات شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) سيدة الأعمال رانيا الخضر تجبر بخاطر المعلم الذي تعرض للإهانة من طالبه وتقدم له "عُمرة" هدية شاملة التكاليف (امتناناً لدورك المشهود واعتذارا نيابة عنا جميعا) شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة في افتتاح منافسات كأس الأمم الإفريقية.. المغرب يدشّن مشواره بهدفي جزر القمر استقالة مدير بنك شهير في السودان بعد أيام من تعيينه مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر ريال مدريد يزيد الضغط على برشلونة.. ومبابي يعادل رقم رونالدو رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! انخفاض أسعار السلع الغذائية بسوق أبو حمامة للبيع المخفض تونس.. سعيد يصدر عفوا رئاسيا عن 2014 سجينا ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) حريق سوق شهير يسفر عن خسائر كبيرة للتجار السودانيين مياه الخرطوم تكشف تفاصيل بشأن محطة سوبا وتنويه للمواطنين محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

فيصل العجب (سري للغاية)

قوون نشر في قوون يوم 04 - 06 - 2013

لجنة التسيير انبثقت وكوّنت ليها لجنة (تعزيل) يعني اعتزل هسع دي

المريخاب الذين كانوا يتحدثون الي وقت قريب عن (الوفاء والاخلاص)...وكميات كدا من (البندورات)...والعجور والفلفل والفلافل ...نسوا كل شعاراتهم التى رفعوها ..واصبحوا يتحدثون بلغة واحدة عن (العجب كفاهو).

العجب لازم يعتزل.

العجب دا عاوز يلعب لي متين؟.

العجب كبر.

نحن كل مرة (بنتخلع) ..ونقول يا جماعة الكلام دا عن (العجب) بتاع (المرجيحة).

العجب الواحد دا.

معقولة دا (العحب)...المعجون يا سلك!!.

انتوا مالكم بتنسوا (معاجنكم) سريع كدا.

رفقا بالمعاجين يا سلك.

يا ربي دا فيصل معجون ..ولا زول اخر ...(شفتوا ? اخر - دي وضعتها ليكم كيف؟).

زي فنجان القهوة.

دا العجب.

ولا واحد تاني.

الملك (العجب)...معقولة يا ناس شندي فوق.

والله ناس شندي فوق ما عندهم اي علاقة بالموضوع دا.

دا العجب بتاعنا دا ...بتاع (عجبكو الهندسية).

وإلا دا زول (بلة جابر) ساكت.

والله عملياتكم دي في (موسى الزومة) كتيرة.

الطريف في الامر ..الامين البرير.

الامين البرير مالو؟.

الامين البرير قال ما عاوز اي (معجون) في الهلال.

قال عاوز يسجل لاعبين صغار في السن.

ما عاوز اي (معجون) في الهلال.

والله البرير (السمعتو امس دي)...لا معجون لا (مسواك) بدخلو الهلال.

البرير شرطو الاول اللاعب يكون صغير السن ..ويكون طويل ..وبنيتو الجسمانية كويسة....وعريض المنكبين.

البرير خلي هسع.

خلينا في موضوع العجب ..حسب الفهم المريخي.

في يناير الماضي ..(يناير القريب دا) ...المريخاب كانوا يتحدثون عن (الوفاء).

شبكونا ليك (وفاء)...زي الطحنية.

قالوا الهلال ما فيه اي (اخلاص).

قلنا ليهم (اخلاص) شنو نحن عاوزين نطلع لينا (شريط كاسيت).

هو (الاخلاص) في قصص الحب خلوه ..عاوزين انتوا تجيبوا لينا في الكورة.

اخلاص دا وإلا حدايق السلام؟.

المريخاب قعدوا ينظروا فينا جنس تنظير.

قالوا الهلال لم يقدر قائده هيثم مصطفى.

وان الهلال تصرف بصورة غير كريمة للاعب اجزل العطاء في الملاعب وقدم الكثير للهلال.

وكنا نقول نحن : (والله المريخاب كلامهم صاح).

والله نحن غلطانين لي اضنينا.

ناس الهلال مفروض ما يتعاملوا بالصورة دي مع هيثم مصطفى.

دي صورة غير لائقة.

لذلك كان اتجاه المريخاب نحو (هيثم مصطفى) ولد الهلال من اجل رد بعض (الوفاء) له ..وذلك بتسجيله في المريخ.

عصام الحاج بتاع (التقشف)...طلع عندو(وفاء).

طلع عندو (اخلاص).

اها يا عصام الحاج ...اول ناس اتنكروا ليك المريخاب ...هو انت.

قالوا عصام الحاج بقى يجي نادي المريخ ..زي كأنو ماشي عزاء.

نفسو مارقة.

يقعد في كرسي (مطرف)...ويتخارج سريع.

كباية شاي ما بشربها.

العملوه في عصام الحاج ...المريخاب عاوزين يطبقوه في فيصل العجب.

المريخاب واضح انهم ممكن يكونوا (اوفياء) مع لاعبي الهلال اكثر من وفاءهم مع لاعبي المريخ.

فقد تبدل (الوفاء والاخلاص)...الذي كانوا يتحدث عنه المريخاب في يناير (القريب دا)...الي النقيض تماما في يونيو (النحن فيه الان دا).

قلبوا مية وتمانين درجة.

بقوا يعاملوا ليك فيصل العجب زي كأنو غريب في المريخ.

خلاص جمال الوالي قال العجب (كبر)...المريخاب كلهم قالوا (كبر).

اتحدى (اعلامي) واحد في المريخ ...يقول كلام غير البقولو جمال الوالي.

جمال الوالي قال العجب يعتزل ...الاعلام كلو قال العجب يعتزل.

حتوه قرض....على العجب.

اصلو ما عندهم رأي تاني غير رأي جمال الوالي.

عشان كدا ..طوالي كوّنوا ليهم (لجنة) فيها عشرين عضو.

انتوا يا جماعة (لجانكم) دي مالها (عريضة) كدا.

زي الحكومة العريضة.

اللجنة قدر (الكتله).

انتوا عاوزين تقنعوه بالاعتزال ...وإلا عاوزين تودوه يحترف في (ريال مدريد).

عشرين عضو قابلو العجب عشان يقنعوه بالاعتزال ...والله دي البرلمان ما بعملها.

الجماعة ديل جنهم (لجان).

جمال الوالي عاوزين يكرموه ..عملوا ليه (لجنة).

العجب عشان يعتزل ..عملوا ليه (لجنة).

ديل قالوا ليك لو عاوزين يضربوا تلفون ...(التلفون العادي دا فيه حاجة)...قالوا بكوّنوا ليهم (لجنة).

على كدا ....لو عاوزين يقنعوا (بلة جابر)...انو يعتزل ...بقوم (تنبثق) ليه لجنة من اللجنة الام حقت فيصل العجب.

يا سلك انا عاوز اسألك سؤال.

سؤال واضح وصريح.

بدون لف ودوران.

المعجون دا ...عاوز ليه لجنة من عشرين عضو.

دا معجون شنو؟.

هو فيه شنو عشان تعملوا ليه لجنة من عشرين عضو.

ضربة اليرموك ما عملوا ليها لجنة من هذا الكم.

الشيء المدهش ...ان مجلس المريخ (لجنة التسيير) قرر يعطي العجب فرصة عشان يفكر في الاعتزال.

يا جماعة العجب دا قال ليكم ما بعتزل ...(زي هيثم مصطفى).

فيصل العجب ...الشفتو في شارع النيل دا ..يشرب في القهوة والشاي ...بيلعب على الاقل خمس سنوات.

انتوا ما شفتوه ساكت.

الزول دا ممكن يلعب (7) سنوات.

حكاية انو يعتزل دي ما عندو.

ولا بفكر في حاجات دي.

هو لو عاوز يعتزل ...كان بكون محتاج لتكوين لجنة فيها (20) عضو.

انتوا يا جماعة ما تدخلوا مجلس الشورى معاكم.

دخلوا ناس مصطفى عثمان اسماعيل...يمكن يحلوا ليكم الحكاية.

يمكن يقنعوا ليكم العجب.

ديل ناس (قناعين) خلاص.

الواحد لو جبتوا ليه (قطر) بقنعوا ليكم.

الشيء العاوز اسأل عنو المريخ ...انتوا العجب دا كان بيلعب في مريخ القطينة.

وينو (الوفاء) الفلقتونا بيه شهر يناير؟.

وين القائد؟.

وين الاخلاص؟.

انتوا وقت ما قدر الكلام دا ..بتتفاصحوا فينا شهر (يناير) مالكم.

وقت ما بتنستروا في (يونيو)...مالكم في شهر (يناير) بتعملوا لينا فيها (كثير عزة).

والله طلعت اي كلام.

يمين العجب دا يمشي اي حتة ..إلا نلحقكم امات طه.

لو مشى (هلال الساحل) ..ما بنريحكم.

وتاني ما عاوزين اي واحد فيكم يتكلم عن (الوفاء)...وعن (الاخلاص).

ولا كلمة.

ما تقعدوا تملونا (فقر) ساكت.

الكلام الانتوا ما قدروا ...ما تعملوه؟.

لكن انتوا اكيد عاوزين تسألوا سؤال.

هل ممكن فيصل العجب يمشي الهلال؟.

غايتو الحاجة البعرفها انا ...الامين البرير قال ما عاوز اي (معجون) في الهلال.

لكن كمان الفريق بدون (معجون) ما ببقي.

لا بد من (معجون).

اريد هنا ان اتحدث عن موقف الامين البرير ...الرافض لتسجيل فيصل العجب.

حيث تعامل الامين البرير مع الامر بعيدا عن الكسب الاعلامي والجماهيري.

كان يمكن ان يصنع الامين البرير الكثير من الضجيج ..والكسب الاعلامي الضخم لو انه سجل فيصل العجب في الهلال.

لكن الامين البرير لم ينظر الي الامر على هذا النحو..وهو لم يتعامل معه من منطلق (ردود الافعال).

بعد ان سجل المريخ هيثم مصطفى ..الامين البرير دا مفروض يسجل (جمال الوالي) ذاتو في الهلال.

ان شاءالله في الرديف.

غير ان البرير لم يتعامل مع الامر من هذا المنطلق ...عليه فان العجب بعيد عن الهلال ...رغم الضغوط التى تحيط بالامين البرير.

البرير ...قال لا.

لكن عشان تكونوا معاي في الصورة...انتوا تسجيل هيثم مصطفى في المريخ ..جمال الوالي موش قال فيه لا.

جمال الوالي موش رفض الحكاية دي.

خلاص يمكن (الرفض) دا يكون زي رفض الوالي.

كمان نحن ما بنعرف.

نحن صعبين.

نحن شفوت.

عارفين اي حاجة.

السؤال الان.

نجم الدين دا ...هسع شاطبنو بالصورة دي كدا ليه؟.

ذنبو شنو؟.

عشان قال رأيو بي صراحة في الكوكي.

وإلا عشان نجم الدين متضامن مع العجب.

عارفين نجم الدين ...اتشطب بالصورة دي ليه؟.

عشان طلع من غرفة تسجيلات الهلال قبل كم سنة بصورة غير جميلة.

وحق الهلال ما بروح ساكت.

ملحوظة : نحن لحمنا مر.

هوامش

موانزا غادر كشف المريخ.

شفتوا حقارة الجماعة ديل كيف؟.

انتوا ليه لعبتوا (موانزا) مع الاهلي المصري وقت عاوزين تشطبوه تاني يوم.

عشان تعرفوا (الدغالة) وصلت وين في المريخ؟.

اشركوا مع الاهلي المصري اسوأ لاعب.

لاعب مشطوب.

المريخ السنة دي عاوز يشطب كل كباتنه.

لم يجدد للعجب ..عاوزين يشطبوا سعيد السعودي ..وبفكروا في المخارجة من اكرم الهادي سليم.

الدورة التانية كابتن المريخ ح يكون (امير كمال).

دا اذا ما شطبوه في اخر يوم.

الاهلي شندي سجل صاح ...سجل الاثيوبي صلاح سعيدو.

الاهلي بي طريقتو دي يوم بكتل ليه زول.

الناس ديل بسجلوا مية المية.

اللجنة التى كونت لاقناع العجب على الاعتزال ...قالوا اعطت العجب فرصة عشان يفكر.

العجب قال ليهم انا بديكم فرصة لي بكرة.

الجماعة ما عرفوا يمشوا وين؟.

ضياع (كروجر) من الهلال خسارة كبيرة للازرق.

كنا قد تمنينا ان يصعد انبي على حساب سان جورج ..حتى يكون الطريق ممهدا لكروجر للانتقال الي الهلال كمدير فني.

ان شاءالله الامور (تظبط) بعد دا.

الهلال في انتظار المهاجم المحترف السوبر.

الامين البرير شغال بالدس.

عشان كدا ما بتفهم منو اي شيء.

اي حاجة يقول ليك لسع ..ما حسمنا الموضوع.

يا البرير ألحقوا (السيستم).

السيستم ما يقفل عليكم.

باقى نحن (السياتم) دي مجربنها.

ومتلدغين منها.

كلو ولا السيستم.

الفريق الذي سوف يكسب نجم الدين من غير شك سوف يكون كسب لاعب ممتاز.

ونجم الدين بين الخرطوم وهلال كادوقلي ومريخ الفاشر.

الباشا لو ذهب الي ليبيا ..نص قوة المريخ ح تنتهي.

ما حقيقة اضراب لاعبي المريخ قبل تكريم جمال الوالي.

الوطنيون قالوا عاوزين مرتباتهم.

انتوا ما قلتوا عندكم (لوردات).

اول مرة اشوف لي (لوردات) ما قادرين يوفروا حتى مرتبات اللاعبين الوطنيين.

طلعتوا اي كلام.

لوردات دعاية ساكت.

فيصل العجب ما قادرين يقنعوه.

زول عقدو انتهى مع المريخ ...مالكم امالو.

ان شاءالله يلعب في اهلي شندي.

انتوا مالكم.

العجب قال اخر فرصة للمريخ الليلة الساعة تسعة ونص صباحا.

ألحقوا.

بعد تسعة ونص صباحا ...دقيقة ما بديكم.

محمد احمد اعاد توقيعه رسميا في الهلال ...رغم من ان محمد احمد نص موسم كامل ما شارك فيه.

اهم ملفات الهلال ملف التدريب.

واذا لم يحسم الهلال هذا الملف خلال هذا الاسبوع ...فان (السيستم) سوف يقفل.

انتوا قالوا ليكم الفيفا دي ما عندها (سيستم) للمدربين.

نذكر مجلس الهلال ان السيستم باقى ليه (6) ايام ويقفل.

يا العجب انت ذاتك الحق (سيستمك).

عشان تكون عارف.

سعيد السعودي قالوا ...لو تلفونو ضرب بقول شطبوني.

المسكين جابوا له (هلع).

اما بلة جابر ...فقد قفل التلفون عديل كدا.

قال عشان يرتاح من (الاشاعات).

بلة جابر لو اتشطب ...مفروض طوالي ناس الخرطوم يسجلوه.

والله الزول دا جاب ليهم (هدف) ما بحلموا بيه.

تأكد لنا تماما ان الكوكي مدرب اي كلام.

كلام صلاح ادريس في (الكوكي) طلع صحيح.

وهذا امر سوف نعود اليه بعد ان تضح الرؤية.

احسن حاجة انو المريخ مدربو (الكوكي).

قاعدين في (الصقيعة).

صقيعة ساكت.

هسع في واحد فيكم بقول للوالي (استقيل).

اشمعنا (العجب).

العجب ما بعتزل.

ولا تحلموا.

والمهلة سوف تنتهى اليوم.

عشان (لجنتكم) دي تكون عارف.

عاجل : عصام الحاج بعد كدا ..بطق ...ما صاح كدا يا جمال الوالي.

انقر هنا لقراءة الخبر من مصدره.