توضيح من سوداتل حول مشروع ممر Bypass الإقليمي لحركة الترافيك العالمية عبر السودان    حساسية الجلد أثناء الحمل.. متى تستدعى القلق واستشارة الطبيب؟    تحديث ذكي جديد ل"واتساب" في آيفون    نائب البرهان يفجّرها بشأن حل مجلس السيادة واتّهام قادة كبار في جوبا    تشابه دماغ البشر والذكاء الاصطناعي يدهش العلماء    القانون يلزم الشركات السياحية بسداد تأمين مؤقت عن رحلات العمرة    لو ليك فى الرومانسى.. لا تفوت هذه المسلسلات فى دراما رمضان 2026    كاكا قال لدوائر فرنسية إنه يتوقع إنهياراً وشيكاً لقوات التمرد السريع    اكتشاف وجود علاقة بين الاكتئاب وهشاشة العظام    دراسات: إوميجا 3 تحسن الإدراك وتعزز المزاج    قرارًا جديدًا لوزير التعليم العالي في السودان    عقوبة مالية على الإتحاد وإيقاف عضو الجهاز الفني لنادي المريخ    الجيش يفشل هجومًا عنيفًا لميليشيا الدعم السريع    والي النيل الأبيض يشيد بالليلة الثقافية الأولى لهلال كوستي    (ده ماهلالك ياهلال؟؟)    السعودية تدين بشدة الهجمات الإجرامية لقوات الدعم السريع على مستشفى الكويك العسكري وعلى قافلة إغاثية لبرنامج الغذاء العالمي    مهارات يامال تعجز مبابي ونجم مانشستر سيتي    شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص    شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا)    بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل)    الفنان محمد صبحى يعود إلى ماسبيرو بالمسلسل الإذاعى «مرفوع مؤقتا من الخدمة»    بالصور.. الشيخ محمد هاشم الحكيم يحتفل بزواج إبنته الدكتورة من زميلها بالجامعة (قلت له لا أريد منك شيئا سوى أن تتقي الله فيها وتعينها في دراستها)    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة    ذكرى رحيله.. قصة حب نور الدمرداش وكريمة مختار وزواجهما    الهلال يتلقى أول خسارة بدوري المجموعات أمام مولودية الجزائري    أبل تفتح CarPlay أمام تطبيقات الذكاء الاصطناعي الصوتية    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    السودان يرحّب بالقرار 1591    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان    الجوهرة السودانية عامر عبد الله ينضم رسمياً لأحد الأندية الخليجية    محاولة أوكرانية جديدة لإفشال مفاوضات السلام بعيداً عن ارض المعركة    وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية    رفض الزوج شراء سجائر لها فقتلته.. جريمة زوجة مصرية تثير الجدل    توصيات المؤتمر القومي لمعالجة قضايا الشباب    بيان مهم لوزارة المالية في السودان    المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    صعود الذهب عالميًا يرفع أسعار المعدن النفيس فى قطر صباح الخميس    صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا    رسالة أخيرة في بريد الرئيس البرهان قبل تمرد الحركات المسلحة الدارفورية    تعرف على سعر الأسمنت اليوم الاثنين 2 -2 -2026 فى مصر    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



كرّموا جمال الوالي في (ماتش) اعتزال العجب
قوون نشر في قوون يوم 30 - 05 - 2013


المريخاب قاعدين يغنوا للعجب (أنساني وأنا بنساك)



إلى الآن أنا ما فاهم موقع (فيصل العجب) شنو؟ من الإعراب...الزول دا خلاص وصل للمحطة النهائية؟ ..وإلا ح يقعد على مضض (6) شهور تانية.

مريخابي تعبيرًا عن الواقع الآن ..قلت ليه قالوا العجب قدر ما تضربوا ليه بتلقوا تلفونو مقفول.

المريخابي قال لي : العجب تلفونو ما مقفول ..العجب ..ما عندو رصيد...(رصيدو نفد).

بعدين هو ذاتو يقفل تلفونو على شنو؟...ما في وزول ذاتو ح يضرب ليه.

هذا شعور عام في المريخ الآن ..أي واحد تجيب ليه سيرة (فيصل العجب)..يقول ليك هو فيصل العجب دا عاوز يلعب لي متين؟.

كفاهو ..عاوز يعمل شنو تاني؟.

الجماعة مضايقين منو شديد.

سيرتو بقوا يزحوا منها غادي.

نحن من زمان عارفين هيثم مصطفى وقت يمشي المريخ بنتهي ليك من (الأسطورة).

وقت هيثم مشى المريخ ..اتضحت حقيقة العجب.

العجب طلع (صفر كبير).

بقوا يعاملوه زي (مكسيم).

الجماعة لقوا هيثم مصطفى ..تاني يعملوا بي فيصل العجب شنو؟.

نكروه عديل كدا ..كأنهم ما بعرفوه...بقوا يتغابوا فيه (العرفة).

زمان في غنية بتنطبق على المريخاب الآن ..أغنية بتقول دي القمرا ..شن أسوى أنا بالنجوم.

شفتوا (نجومكم) ديل ..ناس بلة جابر وناس نجم الدين وضفر وفيصل العجب وسعيد السعودي ..ما بقسّموا مع هيثم مصطفى.

هسع ديل المريخاب كلهم عاوزين يتخلصوا منهم.

بقوا يتقارصوا منهم ..تقول كانوا بيلبعوا في فريق تاني.

بضايقوا منهم عديل كدا.

أي واحد تسألوا من فيصل العجب الآن بغني ليه أغنية عثمان الشفيع (أنساني وأنا بنساك) الأغنية التى كتبها عبدالمنعم عبد الحي...وأظن أن اللحن وضعه النطاس اللحني برعي محمد دفع الله.

أنساني وأنا أنساك

والحلوة القضيتا معاك

تصير مرّة

ونتقاسم مرار البين

أنا ويّأك

غرفة فيصل العجب في المعسكر ..كتبوا فيها الكلام دا ..(أنساني وأنا أنساك).

عشان كدا ..فيصل العجب طفش من المعسكر.

بقى يتعرض لمضايقات ...وتوريات من هذا النوع.

قالوا ليك تلفون فيصل العجب كلو اتملأ (رسائل) بهذا المقطع الذي عرضناه لكم....(أنساني وأنا بنساك).

عشان كدا فيصل العجب ..بقى يقفل تلفونو.

فيصل العجب ..طبعاً حريف في قفل التلفونات.

يفتح التلفون يلقى جمال الوالي ضارب ليه ...يرجع يقفل التلفون تاني.

مع الفتحة ..(كمال دحية) بضرب.

طبعاً كمال دحية ..مفرغنو لضرب التلفون.

قالوا ليه أنت شهر مايو دا كلو ما عندك شغلة ..بس اضرب تلفون لي فيصل العجب.

خليك (ضارب) على طول.

كمال دحية (بضرب) صاح.

تلفون يا جماعة ...ما تقعدوا تعاينوا لي كدا.

يعني ح يضرب (أسمنت).

انتوا مالكم بتلخبطوا الكلام.

يا جماعة ما صاح كدا ...برضو حركتكم دي ما لذيذة....العجب دا خلوه على راحتو.

ما صاح تضايقوه كدا.

عملتوها ظاهرة.

المريخابي بقى يمشي (حدائق السلام)..ويمشي شارع النيل ويقعد يغني لي فيصل العجب أغنية عثمان الشفيع (خلاص ما تنسى وأنا بنساك).

المريخاب عاوزين يفهّموا فيصل العجب الحتة دي بالعافية ..والعجب ما عاوز يتزحزح من مكانو.

حكاية أنو يخلى الكورة دي ..فيصل العجب ما عندو.

العجب دا ح يظل يلعب كورة قدم إلى أن يلعب في فريق درجة ثالثة.

كوّنو العجب ..يعتزل ليكم الكورة ..دي والله العجب ما عندو ..ولا بجاملكم في الحتة.

اعتزال شنو؟..البعتزلوا ليكم العجب ...انتوا جنيتو.

العجب دا ح يلعب كورة قدم إلى أن يصل إلى سن سيد سليم.

شفتوا لو مال بقى يدخل ليكم الإستاد بالعكاز ..ما بخلى الكورة.

يقولوا ليه قوم سخن يا العجب.

يقول للكوتش : قلت شنو؟.

قلت ليك قووووووم سخن يا العجب.

ما سامع ..قلت شنو؟.

سخن ..سخن ..يعني قوم جاري.

لمن يوصفوا ليه (التسخينة) وصف.

انتوا يا مريخاب ..موش هسع بتقولوا العجب بقى (تقيل).

شفتوا (التقلة) دي لو ما اتنقلت لي (اضانو) العجب ما بعتزل.

أوضحها ليكم اكتر من كدا.

بس يا جماعة الكلام دا ما يطلع من العمود دا.

ما ظريفة في حق العجب.

العجب دا ح يلعب كورة شفتو إلى أن يشير إلى (الكشافات) في ركن الملعب ..ويقول : رايات الكورنر ديل الليلة مالن طوال كدا.

يعاين للمرمى ...يقول ليكم : دا باب ناس منو؟.

نظرو ببقى كعب.

يعاين لي بلة جابر قاعد جنبو ..ويقول (وارغو) دا الرجعو المريخ تاني شنو؟.

العجب دا ح يلعب في المريخ إلى أن يصيبو (الزهايمر)...وما في زول يقول ليه كلمة.

المريخ يكون لاعب مع الموردة ...يفتكر الموضوع (تمرين)..تقسيمة ساكت.

الحكم يديه (كرت أصفر)..ينزلوا (رصيد) في الموبايل.

ما عندو (زهايمر).

يعني العجب ...لو ما وصل (السعبين)..ما بتكتب ليه (خطاب اعتزال).

خطاب الاعتزال ذاتو ..نحن مخططين في الهلال يكتبوا ليه (حفيدو).

عشان يكون في وفاء ..وإخلاص.

وأنا من زمان بقول ليكم : (نحن أي حاجة عندنا بي نظام).

نحن ما عندنا حاجة ساكت.

ما تقعدوا ..تتطقطقوا لي في (أصابعيكم) ساكت.

تتلفتوا متل (السلطة) الما فيها عجور.

طبعاً ما في أي علاقة بين (التلفت)..والسلطة الما فيها (عجور).

لكن أعمل ليكم شنو؟.

تلخبطوا الزول في (سنونو).

والجماعة بعملوا في شنو؟.

بغنوا للعجب في (أنساني وأنا بنساك).

والمريخاب بحاولوا يفهموه ..بحاولوا يوروه أنو الكورة دي نهايتها أصلها كدا..ولازم اللاعب في النهاية يعتزل.

حاجة طبيعية جدًا.

الجماعة قاعدين يغنوا ليه الأيامات دي :

حبيبي الدنيا يوم بتروح

لا بدوم لا فرح لا نوح

ونحن اليوم ورود بتفوح

غداً نصبح حطام أحلام

وتزرونا الرياح في الدوح

فليه قلبك تزيدو جروح

(حايمين) بيه من حديقة لي حديقة ..عشان يقتنع.

من حبيبي مفلس ..إلى حبيبي ملفس.

ما خلوا ليهم (حبيبي مفلس) ما مشوا عليها.

والله كلامك دا لو عملتوه في (العرس) ...كان هسع عقدتوا ليه.

الكلام الرومانسي دا فيصل العجب ذاتو ما بقتنع بيه ولا حاجة.

انتوا ذاتو والله يا مريخاب بتبالغوا ..يعني ما معقول ..ولا منطقي ...تجيبوا لي فيصل العجب (هيثم مصطفى) عشان يلعب في المريخ ..وتقولوا لي (فيصل العجب) اعتزل ، أنت كبرت.

دي ما بتبقى.

ولا هي مقبولة ولا منطقية.

والجماعة قاعدين يغنوا.

يشيلوا ويغنوا في أغنية عثمان الشفيع ..عشان العجب ..يفهم الرسالة ..ويقوم يتظارف كدا ..ويقول خلاص أنا عاوز أخلي خانتي.

اسمعوا يا جماعة ..ما تقعدوا (تترامسوا) فينا ساكت ..دي فيصل العجب ما بعملها ليكم.

ما تحلموا فينا ساكت.

العجب يكتب خطاب اعتزالو ...والله لو لعب فيصل العجب في فريق (المكريعة) درجة رابعة..ما يعتزل ليكم.

والجماعة بعملوا في شنو؟.

الجماعة قاعدين بغنوا:

حبيبي يا الظالم المظلوم

حبيبي يا الحالم المهموم

أفيق وأترك عزيز النوم

وأحلام تائهة في دنياك

هناك لو دام

سحابة يوم

حبيبي الدنيا ما بتدوم

والعجب عامل نفسو ما فاهم أي حاجة ...وحاجات زي دي فيصل العجب ..ما بفهمها ليكم.

وأن فهمها ..بعمل ليكم فيها ما فاهم حاجة.

حبيبي الما جفاك نضار

وما أضنت رؤاك أشواق

وما فجعت هواك أيام

وما كحلت سهاد عيناك

شربت من المودة دوام

ومن كأس السلامة سلام

خلاص أنساني وأنا أنساك

نتقاسم مرار البين أنا وياك

والله فيصل العجب ..لو جبتوا ليه فرقة (عقد الجلاد)..عشان يقتنع ليكم بالأغنية دي ما بتقنع.

قالوا ليك (سعيد السعودي)..ينزل ويطلع من المعسكر ..وهو بغني في الأغنية دي.

سعيد السعودي عاوز يوصل الرسالة لفيصل العجب ..باعتبار أن فيصل العجب لمن يعتزل ..سعيد السعودي سوف يصبح رسمياً كابتناً للمريخ.

دا طبعاً لو ما شطبوا سعيد السعودي.

الشيء الميحرني ..والما قادر افهموا إلى الآن.

هو أن المريخاب ..عاوزين يكرموا (جمال الوالي)..في مأتش اعتزال فيصل العجب.

يعني فيصل العجب ..ما راضين يعملوا ليه مباراة اعتزال منفصلة.

عاوزين يكرموا جمال الوالي ..ويقوموا بالمرة دا ...يقولوا لي فيصل العجب بالمناسبة دي يا فيصل العجب ..قوم اعتزل.

أها يا جماعة الكلام دا ..كدا بجي.

دي زي حكاية المغترب ..البكون مرتاح شديد ...ويقوم يرجع من الخليج ويقول عاوز يعرس.

يقوم يبهل الحكاية بهل.

ما خلي ليه حاجة.

حفلات (15) يوماً.

الصيوانات قافلة شوارع الحلة التانية..والضبائح شغالة زي (الرصيد البنزلوه في التلفون).

اضبح ونزل.

الخروف يطلعوا ليك من جلدو زي (الشنطة).

في منتهى البساطة.

ما في زول في الحلة ما اتحنن.

إمام الجامعة ذاتو حننوه.

أها (الأب) شاف البزار دا ..قال أحسن يستغل الحكاية شوية ..ويقوم يعرس للولد الصغيّر مع أخوه المغترب دا.

الزول دا لو قعد براهو ما بعرس.

بعدين الحاجات الجابها العريس المغترب بتعرس لي عشرة أشخاص.

يقوموا يعملوا شنو؟.

يقوموا يقبضوا الأخ الصغير ..ويحننوه ليكم مع أخوه.

الولد الصغير يقول لي أبوه : لكن يا حاج أنا ما معاي قروش.

الأب يقول ليه ما مشكلة ..حاجات أخوك دي تعرس ليها لي استاد كامل.

يقوم الولد يقول لي أبوه : لكن أنا ما عندي عروس.

يقوموا يشوفوا ليه أقرب بنت مناسبة ...(بنت عم)..بنت الجيران.

أي واحدة كدا ..يسدوا بيها البزار دا.

العرس ينتهى على كدا ..والموضوع يتلملم.

هسع ناس المريخ عاوزين يعملوا نفس الحاجة.

عاوزين فيصل العجب يقوم يعتزل في ماتش تكريم جمال الوالي.

شفتوا الحقارة.

يعني (ماتش) اعتزال خاصة ..ما عاوزين يعملوها للعجب.

عاوزين يعملوا ليه (درع)..ويقولوا ليه شكرًا على كدا.

والعجب في المريخ ..أقدم من جمال الوالي.

والله فعلاً الكورة ما فيها خير.

نهايتها دائماً على هذا النحو.

ملحوظة : العجب لو بقيتو نائب رئيس ممكن يعتزل ليكم.

هوامش

بالمناسبة يا مريخاب ..سادومبا أكبر من فيصل العجب.

يعني فيصل العجب إلا يحلق ليكم (صلعة).

انتوا عاجبكم في سادومبا (الصلعة).

الشغل دا شغل (صلعة) ساكت.

صلعة سادومبا دي ...(صلعة) لورد.

انتوا وين الزول القال ما بقرأ جرايد.

الزول دا انسحب ولاًّ شنو؟.

بقينا ما بنشوف ليه أي تصريح.

بعدين نحن في انتظار (المول).

قايلننا بنخلى (المول).

عشان تاني ما تتكلموا لينا ساكت.

المضحك ..المحترفون البتوافدوا للمريخ هذه الأيام ...كأنهم جايبهم (الدهب).

ديل يا جماعة ما ناس كورة..ديل ناس (دهب) ساكت.

كورة شنو البلعبوها ديل؟.

نوع ديل (مريخ الفاشر) ما بقبل بيهم.

الظاهر اللوردات ديل قنعوا من الكورة.

يكون فكروا في (المول).

دا شغل تجاري دا.

الكوكي رفضهم في التمرين.

بختنا ..لو دي تسجيلاتكم.

سجلوا ساكت.

بالمناسبة ..لو دا حالكم ..ما تفرطوا في (مكسيم).

مكسيم أحسن من الجماعة البتجيبوا فيهم ديل.

معقولة كل يوم الساعة ستة صباحاً بصل محترف.

دا محترف ولاَّ سيد لبن ..البجي الساعة ستة صباحاً ديل.

يا برير ..اشتغل شغلك صاح ..وسجل صاح ...ما بتجيك أي عوجة.

عاجل : فيصل العجب مالو بمسكل الأيامات دي ..معقولة ما عندو رصيد.

انقر هنا لقراءة الخبر من مصدره.