سودارس : اللوردات الجروا!! هدف (كرنقو) في المريخ ..يا الحضري (أعد)

شاهد بالفيديو.. (يووووه ايه ده) فنان سوداني ينفعل غضباً بسبب تصرف إدارة صالة أفراح بقطر ويوقف الحفل شاهد بالفيديو.. رد ضاحكاً على مزاح الجمهور: (الحوت ما بتلحق وأسطورة لن تتكرر وكنت بغنيها من زمان).. الفنان مأمون سوار الدهب يغني إحدى أغنيات الأسطورة محمود عبد العزيز ويهديها لإبنته بعد زواجه منها شاهد بالفيديو.. رد ضاحكاً على مزاح الجمهور: (الحوت ما بتلحق وأسطورة لن تتكرر وكنت بغنيها من زمان).. الفنان مأمون سوار الدهب يغني إحدى أغنيات الأسطورة محمود عبد العزيز ويهديها لإبنته بعد زواجه منها شاهد بالصورة والفيديو.. حسناوات سودانيات يشعلن حفل "جرتق" بلوغر معروف بعد ظهورهن بأزياء مثيرة للجدل شاهد بالصورة والفيديو.. حسناوات سودانيات يشعلن حفل "جرتق" بلوغر معروف بعد ظهورهن بأزياء مثيرة للجدل شاهد بالفيديو.. (يووووه ايه ده) فنان سوداني ينفعل غضباً بسبب تصرف إدارة صالة أفراح بقطر ويوقف الحفل "الجيش السوداني يصد هجومًا لمتمردي الحركة الشعبية في الدشول ويستولي على أسلحة ودبابات" غوغل تطلب من ملياري مستخدم تغيير كلمة مرور جيميل الآن يبدو كالوحش.. أرنولد يبهر الجميع في ريال مدريد التهديد بإغلاق مضيق هرمز يضع الاقتصاد العالمي على "حافة الهاوية" تدهور غير مسبوق في قيمة الجنيه السوداني ايران تطاطىء الرأس بصورة مهينة وتتلقى الضربات من اسرائيل بلا رد كيم كارداشيان تنتقد "قسوة" إدارة الهجرة الأمريكية "دم على نهد".. مسلسل جريء يواجه شبح المنع قبل عرضه خطأ شائع أثناء الاستحمام قد يهدد حياتك خدعة بسيطة للنوم السريع… والسر في القدم السلطات السودانية تضع النهاية لمسلسل منزل الكمير وجوه جديدة..تسريبات عن التشكيل الوزاري الجديد في الحكومة السودانية (برقو ومن غيرك يابرقو) المباحث الجنائية المركزية ولاية الجزيرة تنفذ حملة أمنية كبري بالسوق العمومي وتضبط معتادي إجرام مباحث شرطة الولاية الشمالية تتمكن من إماطة اللثام عن جريمة قتل غامضة وتوقف المتورطين مونديال الأندية.. فرصة مبابي الأخيرة في سباق الكرة الذهبية كامل إدريس يدعو أساتذة الجامعات للاسهام في نهضة البلاد وتنميتها بلاغ بوجود قنبلة..طائرة سعودية تغيّر مسارها..ما التفاصيل؟ أردوغان: الهجوم الإسرائيلي على إيران له أهداف خبيثة المملكة تستعرض إستراتيجية الأمن الغذائي لدول مجلس التعاون الخليجي خسائر ضخمة ل"غانا"..تقرير خطير يكشف المثير أنباء عن اغتيال ناظر في السودان الترجي يسقط أمام فلامنغو في مونديال الأندية افتتاح المرحلة النهائية للدوري التأهيلي للممتاز عصر اليوم باستاد الدامر. فيكم من يحفظ (السر)؟ في السودان :كيف تتم حماية بلادنا من اختراق المخابرات الإسرائيلية للوسط الصحفي من الجزيرة إلى كرب التوم..هل دخل الجنجويد مدينة أو قرية واستمرت فيها الحياة طبيعية؟ الحرب الايرانية – الاسرائيلية: بعيدا عن التكتيات العسكرية نقل أسلحة إسرائيلية ومسيرات أوكرانية الى افريقيا بمساعدة دولة عربية والي الخرطوم يصدر عدداً من الموجهات التنظيمية والادارية لمحاربة السكن العشوائي أدوية يجب تجنب تناولها مع القهوة إدارة مكافحة المخدرات بولاية البحر الأحمر تفكك شبكة إجرامية تهرب مخدر القات (يمكن نتلاقى ويمكن لا) عناوين الصحف الرياضية السودانية الصادرة اليوم الأثنين 16 يونيو 2025 سمير العركي يكتب: رسالة خبيثة من إسرائيل إلى تركيا رباعية نظيفة .. باريس يهين أتلتيكو مدريد في مونديال الأندية بالصورة.."أتمنى لها حياة سعيدة".. الفنان مأمون سوار الدهب يفاجئ الجميع ويعلن إنفصاله رسمياً عن زوجته الحسناء ويكشف الحقائق كاملة: (زي ما كل الناس عارفه الطلاق ما بقع على"الحامل") المدير العام للشركة السودانية للموارد المعدنية يؤكد أهمية مضاعفة الإنتاج المباحث الجنائية المركزية بولايةنهر النيل تنجح في فك طلاسم بلاغ قتيل حي الطراوة السودان..خطوة جديدة بشأن السفر 3 آلاف و820 شخصا"..حريق في مبنى بدبي والسلطات توضّح بالصور.. زوجة الميرغني تقضي إجازتها الصيفية مع ابنتها وسط الحيوانات معلومات جديدة عن الناجي الوحيد من طائرة الهند المنكوبة.. مكان مقعده ينقذه من الموت بعد حالات تسمّم مخيفة..إغلاق مطعم مصري شهير وتوقيف مالكه إنهاء معاناة حي شهير في أمدرمان وزارة الصحة وبالتعاون مع صحة الخرطوم تعلن تنفيذ حملة الاستجابة لوباء الكوليرا اكتشاف مثير في صحراء بالسودان رؤيا الحكيم غير ملزمة للجيش والشعب السوداني شاهد بالفيديو.. داعية سوداني شهير يثير ضجة إسفيرية غير مسبوقة: (رأيت الرسول صلى الله عليه وسلم في المنام وأوصاني بدعوة الجيش والدعم السريع للتفاوض) أثار محمد هاشم الحكيم عاصفة لم يكن بحاجة إلي آثارها الإرتدادية علي مصداقيته الكلامية والوجدانية ما هي محظورات الحج للنساء؟ قُلْ: ليتني شمعةٌ في الظلامْ؟!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

اللوردات الجروا!! هدف (كرنقو) في المريخ ..يا الحضري (أعد)

قوون نشر في قوون يوم 13 - 09 - 2013

ندخل ليكم على (ارمينيا)...فتشت ليكم عن ما حدث امس في مباراة القمة في نطاقنا المحلي ..فلم اجد ما يوفي حق ..عمر بخيت وبويا وبشة.

لقيت الحكاية دي صعبة على ناس (نشرتنا الجوية) ديل ..والارصاد الجوي..ورفع الدعم عن المحروقات...وناس (ابوي انا ما تقول ليه لا)..نطلع نسمع (اغنية) ونرجع تاني نواصل.

ابوي يا يابا ما تقول ليهو لا

وافق عليهو انا راضيه بيهو

من زمان بحبه وهو لي حبيب

ما خان عهودو وجا بقى لي خطيب

قابلو بي حنيه و بي صدر رحب

قولو ان شاءالله خير يبقى في النصيب

يابا ارعى بتك وافرح بجديده

وريدهم يابا سال و الدموع شهيده

ماتحرم قلوب قصتهم قصيده

و قصة حبه في الغرام فريده

هسع الاغنية دي ندخلها شنو بالموضوع ..مالك انت عاوز تلخبط لينا الموضوع.

تقطع من رأسك بس.

الاغنية دي نهديها لي (بلة جابر).

يا زول على بالايمين ..(بلة جابر)...ما عندو اي ذنب في الحكاية دي.

بلة جابر ذنبو شنو ؟..(انت ساكت شايلها معاه).

زول المباراة ما شارك فيها ...تهدي ليه اغنية بالشكل دا.

دي حقارة دي.

هو حالتو دي (بلة جابر)..امس ما شارك...طيب لو شارك كان حصل شنو؟.

الخلاص ..شوفوا (باسكال)..كلمتكم عنو قبل كدا..امس باسكال عليكم الله ما طبق الاغنية دي.

البعمل فيه باسكال دا شنو؟.

وكمان (مصبغ) شعرو.

دي الفلهمة العورا ذاتها...قون عمر بخيت جابتو (صبغة) باسكال.

لو مشينا المعمل ...الكشف بثبت ان الهدف الذي سجله عمر بخيت فيه (صبغة) باسكال.

اقول ليكم حاجة.

لو ناس (النسور) قاعدين ..كان ساقوا (باسكال) فحصوا ليه.

الشيء البعمل فيه باسكال في مباراة الامس ...ما عمل زول (واعي).

افحصوا ليه.

قول (وه) يا باسكال.

كدا افتح خشمك.

المباراة كلها تتلفت تقول عندك عربية معطلة في (الكوبري).

عشان تاني تتفاصح.

يا باسكال ..انت (فصاحتك) دي فصاحة زول دكتور ...ما فصاحة (لاعب كورة).

شغال (نضمي)..نضمي بس ..زي (تلاتين عشرة).

موش في زول من الكلام الكتير بكون شايل (شاحنو) في جيبو.

يتكلم في الموبايل ساعة ونص لمن (بطارية) الموبايل تنزل.

اها (باسكال) دا ..مفروض يشيل معاه (الشاحن)..عشان بطاريتو بتنزل سريع من (النضمي) الكتير.

يا باسكال عارف انت بتذكرني بي شنو؟.

بتذكرني بالزول البقولوا ليه مبروك جابو ليك (ولد).

يمشي يجيب (علبة الحلاوة).

يقولوا ليه دي (حلاوة) تجيبها ...انت جابوا ليك (ولد) وإلا جابو ليك (شاحن موبايل).

انت شنو (شاحن الموبايل) الماسكو لينا الليلة.

تتخيلوا الهلال انتصر بدون (شرعية).

حالتها دي من غير (شرعية).

لو بقى في (شرعية) كان حصل شنو؟.

نحن (الشرعية) نعمل بيها ايه ..اذا كانت حاجاتنا ماشه باسطة من غير (شرعية).

والله الوزير دا لو كان زول حقاني ..كان يجيب اللوردات ال (17) ديل .ويودوهم حصة.

لوردات شنو؟..الجماعة طلعوا زي رابطة طلاب (كفر البطيخ) في جامعة (جواهر لال نهرو) في الهند.

اللوردات ديل البرير براهو بدون (شرعية) عمل فيهم كدا ..وبدون نصيبو من تمرير النفط عبر الاراضي السودانية..وبي رفع الدعم عن المحروقات كمان...انتصرنا.

اللوردات ال (17) ديل طوالي مفروض يودوهم (خدمة إلزامية)..ما يقعدوا ينظروا فينا ساكت.

ودوهم (كورس) للبرير.

ان شاءالله يدرسهم (هاشم ملاح).

ان شاءالله (شلكاوي)...يمكن يستفيدوا شوية.

(17) لورد ..مقابل (17) انتصار للهلال في الدوري الممتاز.

يعني كل انتصار ب (لورد).

شفتوا كيف؟.نحن اي حاجة عندنا بي نظام.

الهلال في ليلة السابع من ذو القعدة وفي القمة رقم (207) ...حقق (17) انتصار على المريخ في الدوري الممتاز.

دا (نظام) عالي.

لكن بالجد (لورداتكم) طلعوا زي (الممرضين) الما بعرفوا يضربوا (حقن).

طلعتوا اي كلام.

نرجع لي (ارمينيا)..ونشوف الحاصل شنو؟.

اعلام المريخ ...قبل مباراة القمة ..شبكونا ليك المريخ ..والزعيم ..وفرق ال (5) نقاط.

كبوا لينا جنس (نظريات)..البسمع كلامهم عن المريخ ..بقولوا بتكلموا عن (برشلونة).

مجلس المريخ طلع (بيان)...وكروجر طلع (هيثم مصطفى).

العلاقة شنو؟.

انا اتلخبطت في الحتة دي.

البيان طلعوا قبل المباراة ..وهيثم مصطفى طلعوا في اثناء المباراة.

شفتوا (الحسبة) دي كيف؟.

اعلام المريخ طبعا ..ممكن يدعي ..ويعمل ليك بطولات (فارغة)...ويهاجم التحكيم ويصوّر ليك المعز محجوب على اساس انه (ارهابي).

ممكن يدعوا ساكت ..يقطعوا ليهم (ضربات جزاء) من رأسهم.

وهم.

وهم ساكت.

بلسان (باروير سيفاك) وهو شاعر أرميني اتولد سنة 1924 م في قرية (سوفيداشين)...نصوّر حال اعلام المريخ ..ونثبت ادعاءتهم ..ونقول لهم ..يمكنك ان تقول اي شيء ..في النهاية لا يصح إلا الصحيح.

يقول (باروير سيفاك)...والزول دا بالمناسبة ما عندو اي دخل بالوزير.

ولا بعرف شارع العرضة..ولم يسمع في حياتو بي (باسكال).

يقول (باروير سيفاك).

أستطيع أن أدّعي :

هذا الماء العكر ليس عكرّا ،

أستطيع أن أدّعي :

هذا الكوخ قصر منيف،

أستطيع أن ادعي :

هذا الدخان بخار فحم حجري ،

وهذا القماش الاحمر الناعم لهب ونار ،

أستطيع أن أدّعي ، انك قريبة مني،

برغم الجبال والوديان التى تفصل بيننا ،

أستطيع أن أدّعي ، انك بسيطة وخجولة،

رغم أنك لم تعيرني انتباها!

أستطيع أن أدّعي

أن هذا النوم يقظة ،

وأن الخسارة الموجعة انتصار لم يسبق له مثيل،

وأن ثمرة الكمثري هذه ، ابريق كبير،

وأن الجنّاز احتفال سعيد ،

وأن الجبل حفرة هائلة ..مقلوبة ،

وأن إصبعي قلم..

أستطيع أن أدّعي ..

ولكن ..ما فائدة ذلك كله؟!

نعم ما فائدة ..اللوردات ...والمحترفين الاجانب ال (6)..والطابق التاني والدعم الحكومي والجهاز الاجنبي الذي يكلف خزينة الدولة اكثر من (50) الف دولار في الشهر...ما فائدة ذلك ..والهلال في النهاية بنتصر ..وبفوز وبعمل اي حاجة في المريخ.

تتقدموا ..وإلا تعقدوا عديل ...الهلال في النهاية بنتصر.

تقدم المريخ بهدف السبق ..فرد الهلال بثلاثية.

ما اعظم هذا الصرح ...وما اروع الهلال.

القصيدة اعلاها تنطبق تماما على اعلام المريخ الذي عمل لينا (بطولات)..وانتصارات وهمية في الصحف.

مامون ابوشيبة مازال يتحدث عن (ضربة جزاء) وهمية ارتكبها احمد النور مع عبدالمجيد في التسعينات.

ومجلس اللوردات (الناس الكبار ديل)..بتحدثوا في بيان رسمي للمجلس عن تدخل المعز محجوب الخشن مع مهاجم مريخ الفاشر.

الحكاية بايظها من لورداتها.

يتحدث اعلام المريخ عن بطولة (جوية) جابوها من سوق الامارات قبل اكثر من عشر سنوات.

وعاوزين يعملوا لينا (الحاجة) دي بطولة ...وكمان عملوها جوية.

هذا هو اعلام المريخ ...واولئك هم اللوردات.

بدلوا الحقائق ..وزوروا الوقائع ..وعملوا لينا (نمور من ورق) من لاعبي المريخ.

على اي شاكلة في الممتاز ضربناهم.

شالوا الكورة وطلعوا ...(ما قلنا حاجة).

ملأوا لينا البلد كلها اجانب ...(ما قلنا حاجة).

هزمناهم بثلاثية وفي مرماهم حارس فلسطيني ...(ما قلنا حاجة).

دبلنا ليهم الحنة ...(ثلاثية) ايضا..بحارس مصري ..قالوا هو افضل حارس في افريقيا ..حقق (32) بطولة ..ونال جائزة افضل حارس في افريقيا في ثلاث بطولات امم افريقية متوالية.

منحناهم (هيثم مصطفى)..عندما اعتقدوا ان سر الهلال وجماله والفته وانتصاراته في الرقم (8).

شالوا هيثم مصطفى ..بتدبير سخيف ...واتهزموا تلاتة.

نعمل ليكم شنو؟.

هزمنا باسكال وغاندي والحضري واوليفيه وسيلمانو وكلتشي ..و(اجنبي) الهلال هيثم مصطفى بي خليفة واتير توماس وبكري المدينة.

نسيت اقول ليكم (نظرية).

نسيت اوقع ليكم الكلام سمح.

فاتت عليّ دي.

المريخ فيه (7) اجانب.

الحضري وباسكال وغاندي وسليمانو وكلتشي واوليفه وهيثم مصطفى.

هيثم مصطفى دا ما بشبهكم..برضو (اجنبي) في المريخ.

اجنبي من (الهلال).

من الليلة تاني ح نقول على هيثم مصطفى انو (اجنبي) في المريخ ..احفظوا لي الكلام دا.

قصيدة (باروير سيفاك) تنطبق تماما على اعلام المريخ والذي استطاع بخديعة كبيرة ان يوهم جمهور المريخ بانهم عندهم فريق.

المقصورة عاوزة تلعب ليكم.

اللوردات عاوزين يبقوا ليكم (نزار حامد).

الصاقعة (نزار حامد)..اثبت انو براهو كدا بي (759) لورد.

نحن لورداتنا في الملعب ..بيلعبوا كورة ...بجربوا في (امير كمال)..وبخرطوا في علاءالدين يوسف وبنظروا في عصام الحضري.

لورجاتنا نزار حامد الصاقعة ..وبشة بشة ..وعمر بخيت.

خليكم انتوا مع عبدالصمد ..ومنو كدا طارق ..واللورد القال ما بقرأ جرايد.

لو بتقرأ جرايد ما كنت جيت المريخ.

ضيعوك ..ودروك.

نطلع فاصل نسمع هذه الاغنية ونرجع تاني ..ونهديها للورد الما بقرأ جرايد.

اعتذارك ما بيفيدك

ودموعك ما بتعيدك

العملتو كان بإيدك

انا مالى ذنب فيه

ليه جيت تبكى ليه جيت تشكى

انا خلدتك بشعري فى زمانك

وياما غنيت وكان كلو عشانك

وكان جزاي منك صدودك وهوانك

انا استاهل

انا استاهل وضعتك فى مكان ما مكانك

روح الٌقدر بى نفسو ما بقسو عليك

جيت تايب يا حليلك والفؤاد ملكوه غيرك

ربى يعدل ليك سبيلك كل

مناى فى الكون عديلك

ونهاية الخير نصيبك

ليه

ضيعوك

ودروك

انت ما بتعرف

صليحك من عدوك

استغلو الطيبة فى قلبك

وبى اسم العواطف خدعوك

حتى من كلمة حنانهم وودادم حرموك

الله يا خد ليك حقوقك ويجازي الظلموك

طبعا الاغنية ممكن تنطبق على هيثم مصطفى اجنبي المريخ ...لكن ما بنقولها لي هيثم مصطفى ..عشان عارفين الظروف التى انتقل بها هيثم الي المريخ.

لكن برضو بنقول لي هيثم مصطفى :

استغلو الطيبة فى قلبك

وبى اسم العواطف خدعوك

حتى من كلمة حنانهم وودادم حرموك

الله يا خد ليك حقوقك ويجازي الظلموك

طبعا الظلم هيثم مصطفى (غارزيتو)...خلاه يلعب جوار اوليفيه والباشا وبلة جابر.

بلة ذنبو شنو؟.

ثبت ان المريخ في كل امتحان وفي كل منافسة ..يخزل جماهيره.

الهلال صاحب المجلس فاقد للشرعية ..ومشاكل واعتصامات ..وبيانات تطلع من لاعبي الهلال مطالبة بالاستقرار ..ومحاكم وطعون..مع ذلك الهلال استطاع ان ينتصر.

المريخ الذي يلعب فيه الحضري (44) سنة ..صاحب اكبر خبرة في الملاعب الافريقية.

اتهزم يا رجالة.

(ماما جابت بيبي بيبي حلو صغير يالله حبيبي شوووووو زاكي ومقندر شو بنحب نلعب ما عو وبنغنيلو بندلعو يا الله ما اروعو الغالي مثل الامر).

الاغنية حقت (طيور الجنة) دي نهديها للحضري ..ح نتفاهم معاه على قدر عقلو.

اغنياتنا السودانية دي كبيرة عليه.

والمريخ اتهزم يا رجالة على طريقة (متعودة دائما).

(17) انتصار مقابل (17) لورد.

المريخ الذي منحه هيثم مصطفى حياة جديدة ..ونقل ليه فواصل من ابداعات الهلال ومنحه شيء من روح الهلال.

اتهزم يا رجالة.

المريخ ...العاجبهم استادهم ..وطابقهم التاني ..ونجيلتهم الامريكية ...ومقصورتهم الطايرة.

والله نجيلتكم دي فيها حلاة تلاتة ...تلاتة مازدا.

كروجر ذاتو عمل ليه (تلاتات).

زي ما قال رمضان..كروجر تلاتة سابقة امام الهلال ردها كروجر الي (رمزي صالح).

وتلاتة مع سان جورج.

وتلاتة امس.

والله يا كروجر بقيت اخطر من (مازدا).

تلاتاتك تتخابط.

المريخ اتهزم يا رجالة.

المريخ الذي تمنحه الحكومة نصيب من الثروة ..ونصيب من (السلطة)..وعندهم حصة في النفط ..وفي الضرائب ..وفي (نهر النيل) ذاتو.

عندهم مقاعد في البرلمان ...وفي مجلس الوزراء ..وفي الاستثمار (مصطفى عثمان اسماعيل).

اتهزم يا رجالة.

المريخ ..صاحب ال (17) لوردات ..لورد ينطح لورد ..مزارع ..ومدارس خاصة ..وشركات اتصالات ..وفنادق ..واسبيرات.

اتهزم يا رجالة.

المريخ الذي سيطر على اتحادات البلد (المصنوعة)..والمبرمجة والشغالة ..اتحاد الخرطوم والاتحاد العام لكورة القدم السوداني.

اتهزم يا رجالة.

المريخ الذي عيّنوا ليه (3) مساعدين للرئيس.

اتهزم يا رجالة.

في مقابل هذا ..كانت هناك خلافات ..وصراعات ..ومحاكم ..وطعون وبيانات من لاعبي الهلال..وحقوق ضائعة ..وفلس.

انتصر الهلال في هذا الوضع ..واكد ان (فنائل) الهلال يمكن ان تنتصر على المريخ وعلى محترفيه ال (7)..بقيادة الحضري وباسكال وغاندي وكلتشي وسليمانو واوليفيه وهيثم مصطفى.

انتصر الهلال على المريخ بتوليفه (سوادنية)..توليفة وطنية...واثبت ان روح الهلال واردته وقوته اقوى من كل الظروف واعظم من كل مقومات الفريق المنافس.

جايبين ليكم مدرب اجنبي ب (30) الف دولار وبي (برمودة)...وجهاز فني اجنبي ..يقابله صلاح محمد أدم ومجدي كسلا وياسر الجيك في الهلال.

ورئيس صاحب اكبر شعبية في الوطن العربي (بالله).

اصلو ما بصدق.

انتصرنا لأننا نحن الهلال ..ولأن الهلال فريق عظيم ..وفريق جميل ..منحناه بعض من روحنا فمنحنا الحياة والفرحة والسعادة ..وصار بيننا هذا التبادل الجميل.

نطلع نسمع اغنية ونرجع تاني.

العنبة رويانة

واللواري وحلانة

يا الله يا ربي

تتم لي قصدي

ألقي الحبيب جنبي

والحنة في يدي

شفتوا (العنبة) دي كيف؟.

دي اغنية (سباتة).

العنبة طبعا عمنا (الحضري)..قاعد تتفاصح ..وتنظر في الناس ..وعامل فيها حارس مرمي كبير.

وانت اي كورة يا الحضري جات فيك قون.

عمر بخيت شات ليه كورة من منطقة (الفاو)..ودخلت في شبكتك.

قلنا يمكن عامل السن ...والكبر ...جعل الحضري ما يشوف الكورة.

نحن عرفناكم ..وقلنا ليكم الف مرة ..الحضري بعد (6) ما بشوف.

ما بشوف.

ووضح لينا كمان ان الحضري بعد (6) ما بسمع كمان.

يعني لا بشوف لا بسمع.

باسكال يكورك المباراة كلها ...والحضري ما سامع.

قلنا هدف عمر بخيت دا يمكن يكون باسكال لعب فيه دور كبير.

قمنا عملنا شنو؟.

قلنا لي عبداللطيف بويا ..اعمل لينا (اعد).

اعمل لينا (اعد) لهدف كرنقو في الحضري عندما كان يحرس مرمي الاهلي القاهري (فريق القرن).

بويا شال المقاسات ...وعبر ليك المسافة ..وشق ليك بالطريق الشاقي الترام.

وقال كدا هدف.

هدف (شبعان).

هدف (بطانة) عديل كدا.

لو كان هدف عمر بخيت من (الفاو) فان هدف عبداللطيف بويا من (البجراوية).

هدف (آثري) عديل كدا.

شفتوا كيف؟.

اها يا الحضري (فهمك) كمل وإلا لسع.

نعمل ليك شنو؟.

نسمعك اغنية من (طيور الجنة).

يا اخوي اتخارج من البلد دي ..ناس نزار حامد ديل اخطر عليك من (الاخوان).

ديل صعبين.

ما بتفاهموا بعد تمانية.

وانت بعد (6) ما بتشوف.

قلنا هدف عمر بخيت الحضري ما شافو...(ما مشكلة).

هدف عبداللطيف بويا الحضري ما سمع بيه...(ما مشكلة).

هدف بشة دا كيف؟.

بشة دا جنو وجن الحراس الاجانب.

فلتر ليك (رمزي صالح) قبل كدا ...وامس فلتر ليكم (الحضري).

بشة دا ما تجيبوا ليه (حارس اجنبي).

بشة طوالي بشيل الاوراق الثبوتية ..بجردو ليكم من جنسيتو.

ولا بجامل في حاجة زي دي.

ملحوظة : يا احمد الحاج ...والله ما خليتنا نتسمتع بالاعادة.

هوامش

بكرة ان شاءالله نلتقى في صحفتين فاتحات على بعض (من الغلاف للغلاف).

عشان نشوف اللوردات الجروا ديل.

طلعتوا اي (لوردات).

يا الطيب حسن بدوي.

يا الطيب عووووك.

لو جبت لينا لجنة تسيير ما عاوزين فيها اي (لورد).

كلو ولا اللوردات.

ما عاوزين اي لورد في المنطقة.

احمد الحاج ضرب ..استعجل المطبعة.

يا احمد يعني ارسل ليك العمود بدون (هوامش).

الناس تقول علي شنو؟.

دا يوم ما يكتبوا فيه هوامش.

علاءالدين يوسف استبدل...وهيثم مصطفى استبدل..الشغيل الذي نال كرت اصفر من اول ربع ساعة كمّل المباراة.

بشة كان يمكن ان يسجل الرابع.

لكن القائم ...قبضت من (اللوردات).

يكون رشوا (القوائم).

الحضري يعمل مخالفة ..ويضرب بكري المدينة ...والكرت الاصفر يأخدو بكري المدينة.

والله علم.

شفتوا نتيجة (بيان) اللوردات.

وديدي ..كان وديدي جدا مع المريخ.

الحضري في مباراة الامس ....يس القاعد في بيتو كان احسن منو.

يا الحضري خلاص ..(اقلب الصفحة).

اعتزل قبل ما تتبهدل.

كفاية ..العمر ليه احكام.

.........

عاجل : اها ال (3) مساعدين رأيهم شنو في ال (3) دي.

انقر هنا لقراءة الخبر من مصدره.