سودارس : ما فاضل ..إلا تجيبوا لينا (بايرن ميونخ) في ميدان عقرب

توضيح من سوداتل حول مشروع ممر Bypass الإقليمي لحركة الترافيك العالمية عبر السودان حساسية الجلد أثناء الحمل.. متى تستدعى القلق واستشارة الطبيب؟ تحديث ذكي جديد ل"واتساب" في آيفون نائب البرهان يفجّرها بشأن حل مجلس السيادة واتّهام قادة كبار في جوبا تشابه دماغ البشر والذكاء الاصطناعي يدهش العلماء القانون يلزم الشركات السياحية بسداد تأمين مؤقت عن رحلات العمرة لو ليك فى الرومانسى.. لا تفوت هذه المسلسلات فى دراما رمضان 2026 كاكا قال لدوائر فرنسية إنه يتوقع إنهياراً وشيكاً لقوات التمرد السريع اكتشاف وجود علاقة بين الاكتئاب وهشاشة العظام دراسات: إوميجا 3 تحسن الإدراك وتعزز المزاج قرارًا جديدًا لوزير التعليم العالي في السودان عقوبة مالية على الإتحاد وإيقاف عضو الجهاز الفني لنادي المريخ الجيش يفشل هجومًا عنيفًا لميليشيا الدعم السريع والي النيل الأبيض يشيد بالليلة الثقافية الأولى لهلال كوستي (ده ماهلالك ياهلال؟؟) السعودية تدين بشدة الهجمات الإجرامية لقوات الدعم السريع على مستشفى الكويك العسكري وعلى قافلة إغاثية لبرنامج الغذاء العالمي مهارات يامال تعجز مبابي ونجم مانشستر سيتي شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا) بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل) الفنان محمد صبحى يعود إلى ماسبيرو بالمسلسل الإذاعى «مرفوع مؤقتا من الخدمة» بالصور.. الشيخ محمد هاشم الحكيم يحتفل بزواج إبنته الدكتورة من زميلها بالجامعة (قلت له لا أريد منك شيئا سوى أن تتقي الله فيها وتعينها في دراستها) أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة ذكرى رحيله.. قصة حب نور الدمرداش وكريمة مختار وزواجهما الهلال يتلقى أول خسارة بدوري المجموعات أمام مولودية الجزائري أبل تفتح CarPlay أمام تطبيقات الذكاء الاصطناعي الصوتية هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع السودان يرحّب بالقرار 1591 شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان الجوهرة السودانية عامر عبد الله ينضم رسمياً لأحد الأندية الخليجية محاولة أوكرانية جديدة لإفشال مفاوضات السلام بعيداً عن ارض المعركة وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية رفض الزوج شراء سجائر لها فقتلته.. جريمة زوجة مصرية تثير الجدل توصيات المؤتمر القومي لمعالجة قضايا الشباب بيان مهم لوزارة المالية في السودان المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد صعود الذهب عالميًا يرفع أسعار المعدن النفيس فى قطر صباح الخميس صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا رسالة أخيرة في بريد الرئيس البرهان قبل تمرد الحركات المسلحة الدارفورية تعرف على سعر الأسمنت اليوم الاثنين 2 -2 -2026 فى مصر ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

ما فاضل ..إلا تجيبوا لينا (بايرن ميونخ) في ميدان عقرب

قوون نشر في قوون يوم 29 - 12 - 2013

المريخاب ديل بشطحوا جنس شطح..ما في زول بلحقهم ليك في الحتة دي.

اتذكر عندما نشرت صحف المريخ صورة لجمال الوالي مع رئيس برشلونة في لقطة عابرة في (الكامب نو) ، يبدو فيها بعد (الدبلجة) أن رئيس برشلونة بهمس في اذن رئيس نادي المريخ...اتذكر جيدًا أن واحدًا من المريخاب قال لي : ( أكيد رئيس برشلونة بهمس في اذن جمال الوالي وبقول ليه عقد موسى الزومة مع المريخ بنتهى متين؟).

اتلفت على المريخابي ..وقلت ليه ..قول رئيس برشلونة قال الكلام جمال الوالي ح يفهم ليك (الاسباني) دا.

جمال الوالي ما بعرف لغة اسبانية ...كمان عاوزين تطلعوا لينا بعرف لغة اسبانية.

انتوا طبعاً عندكم جمال الوالي عارف أي حاجة..بعرف انجليزي (ok)..بعرف فرنسي (si)..بعرف اسباني (siacute).. بعرف تركي (evet)..بعرف برتغالي (obrigado).

جمال الوالي دا موش الحكومة.

وعلى رأي عادل إمام (في حد بعرفش اكتر من الحكومة).

انتوا موش الحكومة!!.

قعدت ليكم المريخابي في علبو في موضوع جمال الوالي دا..(انتوا بتكضبوا وتصدقوا كضبكم).

بعدين رئيس برشلونة يسأل من عقد موسى الزومة ليه؟. عاوز بيه شنو؟...إلّا في برشلونة يكونوا عاوزين يركبوا ليهم (لمبة) في الكشافات.

ديل لو قالوا ليهم موسى الزومة بلعب كورة قدم إلى الان ..ممكن الفيفا تجمد لينا النشاط.

تقول لينا ما عاوزين كورة.

نحن الكورة دي بطلناها...انتوا بتلعبوا ولّا شنو؟.

جيّهت ليكم المريخابي جيهة ..لمن عقدتو ليكم ..ما عرف يمشي وين من باقى السؤال.

المريخابي بقى لي زي الطاقاهو ملاريا...يبلع في ريقو زي الباب الفاتح.

أول الباب الفاتح ببلع ريقو.

والله في البلد دي أي حاجة ما بعيدة.

ديل بلعوا (الكوبري) ما يبلعوا (الريق).

بلعوا ابار النفط ..بقت على (الريق).

المريخاب بنفخوا ...نفخ شديد...ما بتلفتوا في الحاجات دي.

ديل مرة جابوا ليهم (نجيلة)...ما كان فاضل ليهم إلّا يدخلوا لينا (النجيلة) دي في نشيد العلم.

ناس مزمل بقوا يقولوا فيها (السلام الجمهوري).

هسع المريخاب قايمين في حاجة اسمها (بايرن ميونخ).

حاجة جديدة عليهم.

الواحد يسرح ليه تسريحة كدا ..ويقول ليك دي تسريحة بايرن ميونخ.

يشتروا ليهم فول ..يعملوا ليه (زيت)..ويقولوا ليك دا زيت بايرن ميونخ.

يسمعوا ليهم أغنية ...يقولوا ليك دي أغنية بايرن ميونخ.

مخلوعين خلعة ...لمن بقينا نخاف عليهم...ديل ممكن يتفقعوا لينا في حتتهم دي من (الخلعة).

معاوية الجاك بقى يقوم من 4 صباحاً يجك في شارع النيل.

أقول ليه يا معاوية أنت شارع النيل دا كنتوا بتقعدوا فيه ..هسع بقيتوا تجكوا فيه ..الحاصل شنو؟.

معاوية الجاك بقول لي : (لاعبين مع بايرن ميونخ).

بقول ليه : ( طيب علاقة جكتكم أنت وبابكر سلك بمباراة بايرن ميونخ شنو؟).

معاوية يقول لي : يا زول ناس بايرن ميونخ ديل (فرجة) ساكت عاوزين ليهم لياقة.

بعدين الظروف ما معروفة ..يمكن كروجر يحتاج لينا في اخر (5) دقائق ..الأجانب لسه ما رجعوا.

أنا بعذر معاوية الجاك في كلامو دا ...(الحكاية جديدة عليهم)..وبي صراحة جماعتنا ديل ما عندهم ثقة في ناس موسى الزومة.

غايتو معاوية الجاك لو مشى الدوحة عشان يحضر المباراة في أول (3) دقائق من عمر المباراة برجعوه السودان.

معاوية ما بقدر على (الخبت) دا.

انتوا شفتوا النفخ الجد جد.

ذكرت صحيفة الزعيم في عددها الصادر أمس بأن نادي بايرن طارد مدرب المريخ كروجر للحصول على معلومات عن المريخ قبل مباراة الفريقين في 9 يناير في الدوحة و أكدت بأن هناك إعلامي جزائري توقع فوز المريخ على بطل العالم نظرًا للدوافع الكبيرة التي سيدخل بها نجوم المريخ بجانب الحذر من الأحمر و احترام بطل العالم.

تتخيلوا (العجور) دا.

دا عجور عديل كدا ..اصلو ما عندي ليه اسم تاني.

والله (العجور) ما عندو أي ذنب.

بايرن ميونخ ...الرجاء المغربي الذي لعب أمامه في نهائي كأس العالم للأندية ما سأل عنو ..دخلوا المباراة وهم ما عارفين ذاتو بلعبوا مع منو؟.

كمان ناس بايرن ميونخ بتلفتوا.

المريخاب قالوا بايرن ميونخ (بطارد) في مدرب المريخ كروجر.

شوفوا الكضب.

بطارد ...بطارد عديل كدا ...يعني عملوها ظاهرة.

انتوا يا جماعة الكلام دا وقع ليكم.

لا ما وقع.

بايرن ميونخ (بطارد) في كروجر مدرب المريخ.

شوفوا الحلاوة.

ايه العظمة دي.

صدقناكم ..بس ما تكتروا (البسكويت) مع الشاي.

الظاهر ما قاعدين تتغطوا كويس.

كروجر دا لو دخل مباراة لبايرن ميونخ في المانيا ..مدرجات الدرجة الثالثة كتيرة عليه.

بتخلع.

الألمان ذاتهم فاكرين (كروجر) دا في السودان شغال في مصفأة الجيلي.

ما قايلنو مدرب.

تجوا انتوا بعين قوية تقولوا لي (بايرن ميونخ بطارد في كروجر).

عشان شنو؟.

عشان يشيل معلومات عن نادي المريخ.

أكيد فاكرين (المريخ) دا تلج ..ولّا بطيخ في دول العالم الثالث.

قالوا ليك كروجر قال لي ناس بايرن ميونخ ...المريخ دا بطل الممتاز.

الألمان شفوت ..قالوا ليه الممتاز دا شنو؟...انتوا كمان عندكم ممتاز.

كروجر قال ليهم ..المريخ دا بطل الكأسات المحمولة جوًا.

الالمان قالوا لي كروجر ..انتوا كأساتكم البتجبوها بي طيارات الرش دي بتسموها كأسات محمولة جوًا.

كروجر (اضايّق)...والالمان ما بضايقوا ساكت...قام قال ليهم المريخ دا (الزعيم).

قالوا ليه زعيم شنو؟..في زعيم بنضرب سبعة.

كروجر زهج ..وقال يقول ليهم الحقيقة ...قام انفجر كدا وقعد يعيّط ..وقال ليهم أقول ليكم بي صراحة ..المريخ دا (وصيف) الهلال.

الالمان قالوا ليه : ( طيب ما تقول كدا من الصباح)...شنو شابكنا الممتاز والكأسات المحمولة جوًا ..والزعيم ..قالوا ليكم نحن تاريخكم دا ما عارفنو.

نحن (سبعة) الوحدات عارفنها.

اربعة الظفرة ...عارفنها.

اها يا جماعة ناس ينضربوا سبعة من الوحدات الاردني وينضربوا اربعة من الظفرة الامارتي بيأخدو كم من بايرن ميونخ.

والله تأخدوا قدر عدد البعثة.

عشان كدا ما تكتروا العدد...الحكاية دي بتنعكس عليكم في الأهداف.

المبالغة في الخبر الذي جاء فيه مطاردة بايرن ميونخ لكروجر من أجل الحصول على معلومات عن المريخ ..قال المريخاب أن هناك صحفي جزائري اتوقع فوز المريخ على بايرن ميونخ.

شفتوا (الشطح).

دي صحفي مريخابي ما بعملها.

مزمل أبوالقاسم ذاتو ما بعملها ..تقولوا لي صحفي جزائري بتوقع فوز المريخ على بايرن ميونخ.

الزول دا فاكرها (قرعة).

قايلها (ليدو).

اكيد المعلومة ما عندو.

بعدين أنا عاوز أسألكم سؤال.

هسه بله جابر دا وصلتوا ليه المعلومة كيف؟.

قلتوا ليه شنو؟..عشان تخبروه أنكم ماشين تلعبوا أمام بايرن ميونخ.

اكيد ما خليتوا ليكم (سمكة) عشان تشرحوا ليها الموضوع دا.

في ناس ما بستوعبوا إلّا بالسمك.

يعني الواحد لو عاوز تقول ليه ماشي لندن ..إلّا تجيب ليك (77) سمكة عشان توصل ليه المعلومة دي.

لو ماشي واشنطن ..إلّا تجيب ليك (119) سمكة ..عشان يستوعب ليك الحكاية دي.

أما لو ماشي القمر ..إلا تقوم تجيب ليك (720) قفة سمك ..عشان يفهم ليك النقطة دي.

هسع ناسكم ديل ..عاوزين ليهم (965) دفار سمك ..عشان موضوع بايرن ميونخ دا يقع ليهم في رأسهم.

ملحوظة : من الكضب ما فاضل ليكم إلّا تجيبوا لينا بايرن ميونخ في ميدان عقرب ..عشان يلعب عصرًا.

هوامش

يتخيل بي كلامكم دا بايرن ميونخ ..دار الرياضة أم درمان كتيرة عليه.

ناس بلعبوا (تمهيدي).

تمهيدي عديل كدا.

تمهيدي يا ناس ..وبتفاصحوا.

ناس الأهلي شندي الما بلعبوا تمهيدي ما بعمل البتعملوا فيه دا.

إن شاء الله (بايرن ميونخ) يمرقكم من التمهيدي.

ركزوا في الناس القدركم.

ركزوا في (كمبالا سيتي).

هسه بله جابر لمن يلعب أمام بايرن ميونخ ..عاوزنو يلعب ليكم كيف أمام كمبالا سيتي؟.

انتهينا من التسجيلات.

ودخلنا على الفيفا.

ثم انتهينا من موضوع المدرب.

والان دخلنا في التأهيل والديون والشعار.

هذه الأشياء يجب ألا تصرف المجلس من الاعداد الجيّد للفريق.

الراحة السلبية ..أمر في غاية الضرورة.

لكن ماذا بعد الراحة السلبية.

مدرب الهلال الجديد يحتاج إلى تجارب اعدادية جديدة ..حتى يكتشف قدرات لاعبيه.

وحتى يصل إلى الأسلوب والطريقة التى سوف يلعب بها.

الجميل أن مدرب الهلال نصر الدين النابي قادم من رحلة عمل طويلة في الدول الافريقية.

وهذا يؤكد أن نجاحه إن شاء الله سوف يكون كبيرًا مع الهلال.

المدرب الذي يأتي من دول الخليج ..يبقى تأقلمه على الأجواء في السودان صعب.

لذا نتوقع نجاح كبير للنابي مع الهلال.

فقط يحتاج للدعم الجماهيري والإعلامي.

وقبل ذلك يجب أن يصل النابي سريعاً للسودان ..حتى يختار طاقمه ويشرع في التجهيزات للمعسكر الذي لم يحدد مكانه حتى الان.

يحفظ لمجلس الهلال أنه في اجتماعات متواصلة ..ويحقق نجاحات يومياً.

........

عاجل : بايرن ميونخ قالوا ح يقفل أمام المريخ في أول (15) دقيقة.

انقر هنا لقراءة الخبر من مصدره.