سودارس : دا عدم (الموضوع) البقولوه ذاتو

شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية أردوغان يفجرّها داوية بشأن السودان القادسية تستضيف الامير دنقلا في التاهيلي بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير مانشستر يونايتد يتعادل مع توتنهام ((سانت لوبوبو الحلقة الأضعف)) شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

دا عدم (الموضوع) البقولوه ذاتو

قالوا ليك في جماعة طيبين نشر في قوون يوم 18 - 02 - 2014

الطيبة كاتلاهم.

النوع البتلقاهم اليوم كلو نايمين في الصالون ...(لا هم ولا مشغلة).

طلعوا من دور ال (64) يعملوا شنو عاد؟.

ما عندهم أي شغلة.

شوفوا ليكم (كوتشينة) ودوروا (حريق).

الحريق مفيد للجسم.

والله ما في حاجة بتكتل ليكم الوقت اكتر من (الحريق).

البحرق ..طوالي يقوم ينظم (سيكافا).

عشان ما في زول يزعل ساكت.

في ناس في (الحريق) بغالطوا جنس غلاط ..يقطعوا ليهم (قوانين) من راسهم.

اكتب ليه تلاتة.

تلاتة لي منو؟.

تلاتة لي تراوري.

وتلاتة لي عنكبة ...(قاعد يفرفر كدا زي الزول اللعاب).

أقول ليكم شيء.

دكوها.

وزعوا من أول وجديد.

انتوا يا ناس المريخ لو ادوكم (14) جوكر ما بتفتحوا.

عليكم الله هسع هيثم مصطفى دا ما بي (7) جواكر.

خلوا (الجوكر) في البيت ..وسافروا كمبالا.

كمبالا ماشين لي شنو؟..سياحة ..دورة في البريد والبرق ..سباحة..ماشين كمبالا لي شنو؟.

نفسي أعرف بس.

باقى قبل سنة ونص ..قلت ليكم نحن أي حاجة عندنا بي نظام.

أي حاجة.

وصلة الكهربة دي لو رفعناها ...بنرفعها بي نظام.

ما في أي لخبطة.

ما بتسمعوا الكلام ..وبتقعدوا تغالطوا.

عندكم شنو غير (الغلاط) طلعتوا من دور ال (64).

وتغالطوا.

كمان الشيء العرفناها قالوا ليك (التمهيدي) دا فيه جنس (برد).

بردو يلطش.

برد يلخم ...النوع البخليك تقعد تباري في (الحيط) زي الخياطة.

وانتوا فاضيين ..وما في حاجة وراكم.

برد ساكت ...ممكن يخليكم ما تطلعوا من البيوت.

تطلعوا تمشوا وين في البرد دا؟.

تحويل (الطبق) 26 درجة شرق ..لمشاهدة قناة النيلين ..عملوا موضوع.

يقوموا ويقعدوا فيه.

احسن من تقعدوا ساكت.

اقول ليكم.

اوزنوا (الطبق).

قناة النيلين يا ها الباقية ليكم.

موش عبدالكريم الكابلي عندو أغنية بقول فيها (سهري يا هو الباقي لي).

يا أخوي يا (سلك) ما تساهروا كتير.

خلوا ليكم باقى (حيل).

شوية (حيل) للدوري الممتاز ...كمان (الممتاز) وصافتو ما تروح عليكم.

تدقسوا كدا ..مريخ الفاشر بخش.

والله أنا من قالوا لي مريخ الفاشر سجل (فيصل العجب) عرفت ليكم طوالي ناس الفاشر ديل بفكروا بعيد.

ناس مريخ الفاشر ديل ..يكونوا عاوزين يجوا أم درمان.

تفتكروا ليه؟.

عشان ينزلوا لافتة (مريخ أم درمان)..ويركبوا في لافتة نادي المريخ (الكبير) لافتة مكتوب عليها (مريخ الفاشر).

الناس ديل وقت شالوا (العجب) بكونوا بفكروا في حاجة تانية.

التفكير دا ما تفكير ..مريخ الفاشر.

الشغل دا شغل مريخ عاوز يبقى هو المريخ الأول في البلد.

انتوا قايلين شنو؟.

كمان نحن ما بنعرف نحلل.

ما بنعرف نقول.

ولّا أقول ليكم (حاجة تانية).

فكرة مختلفة ...(ما تقعدوا تقلعوا لي في عيونكم متل الترابيز المقلبة).

أول الترابيز المقلبة ..بتقلب عيونها.

امشوا (الجزيرة) ازرعوا قطن المحور الوراثي.

قطن المحور الوراثي كمان فيه كترت (نقة).

تنقوا من هسع للموسم الجديد (زول بسألكم ما في).

امشوا (الجزيرة).

أحسن ليكم من القعاد ساكت.

هسع واحد فيكم يقوم يقول لي (الجزيرة) ترددها غيروها.

الاسم ذاتو غيروه.

الجزيرة بقت بن سبورت.

قالوا ليك واحد يلف في الطبق ...عاوز يجيب (الجزيرة).

الكلام دا زمان.

قدر ما شرحنا ليه ..قلنا ليه (الجزيرة) دي ما بتجي بي لف الطبق ..أنت قايلها (النيلين).

الجزيرة دي بتجي بالكرت ..ما بالطبق.

بالصحن يا أستاذ ...ما الطبق.

صاحبكم بعد تعب كدا ..جاب ليك تلفزيون (مدني).

صاحبكم لقى ليك ثنائي الجزيرة بغني في (كانت أيام سعيدة يا ربي مناي تعيدها).

قال : معقولة ناس الجزيرة ديل كورة برشلونة غلبتهم ...قاموا جابوا أغنية (كانت أيام سعيدة يا ربي مناي تعيدها).

اتذكر زمان وقت التلفزيون القومي تكون في مباراة بين الهلال والمريخ والتلفزة تغلبهم ..بقوموا يجيبوا ليك عثمان حسين يغني في أغنية ما بصدقكم ..(عشان الناس ما تجوط ساكت).

نحن الحاجات دي حافظنها.

عارفنها.

نحن (ناقشين) أي حاجة.

لكن كلامي دا كلو ما تشتغلوا بيه.

فكروا في أي مشروع ...خلوني أنا.

خلوها الجزيرة.

امشوا (الشمالية)...ازرعوا (قمح).

هسع عليكم الله ال (12) مليار جنيه دي لو كبيتوها في (القمح) ما كان أحسن من تكبوها للالمان ديل.

في النهاية ال (12) مليار جنيه ...(كورنر) ما طلعتوا بيه.

ال (12) مليار جنيه ..لو عملتوها في (اكياس) دعاية في سوق أم درمان كان هسع بقت (24) مليار جنيه.

تكبوها في (بايرن ميونخ)...وكورنر ما تطلعوا بيه.

اتصرفوا ..فكروا في أي شيء ..أي موضوع.

أنا عارف ما عندكم (موضوع).

ناس المريخ عندهم الصدى والزعيم والهدف (تلاتة جرايد)..ح يكتبوا شنو بعد (الخروج) دا.

ح تعملوا ايه؟.

ركزوا في التمارين.

تاني ح يقولوا ليك (عنكبة) يتألق في التمرين.

تراوري يسجل هدف اسطوري في أكرم الهادي سليم.

شيمليس يبدع في (التسخينة).

ما عندكم خيار غير (التمارين) دي.

سلك ذاتو الأيام دي لو ركز على (المحاماة) أحسن ليه.

أعمل لينا (مسلسل) تركي يا سلك.

سلك في (الدراما) ما بتلحق.

لو كتب ليكم مسلسل سوداني (سلك) قادر يقلبوا ليكم (تركي).

مالك ومال ناس عنكبة وتراوري وعلي جعفر يا سلك.

الدراما محتاجة ليك اكتر من الكورة.

البلد دي كورتها في (الهلال)..أنت يا سلك الهلال ما بتبلع ليك.

عشان كدا شوف (الدراما).

على الأقل إلى أن يبدأ الموسم القادم.

ليك عليّ يا سلك ..لو نحن لحقناكم (وطرنا) لا قدر الله ، أجي أبقى ليك (مساعد مخرج).

أنا ذاتي عندي مسلسل هندي...البطل بموت من الحلقة الأولى ..(عشان ما يقعد يكضب لينا).

حبيبة البطل ..بتزوجها (سيد اللبن) البجيب لينا اللبن ..عشان ما يقعد من يوم 29 يقول عاوز قروشو.

أها رأيك شنو يا سلك ...(المسلسل دا كدا ما خطير).

وإلّا أعمل ليكم (مسلسل روسي).

الروس ما بتفاهموا ..يعني عادي في (الدعايات) تجي تلقاهم قاعدين جنبك.

شفتوا (الفهم) دا كيف؟.

انتوا ما قاعدين ساكت ..ما عندكم أي شغلة ..أي اقتراح أقولوا ليكم ترحبوا بيه.

حتى لو اقتراح (مخستك).

ما عندكم خيار أفضل من كدا.

قاعدين ساكت.

يقولوا ليكم الكلام ألف مرة.

كل مرة جمال الوالي يقول ليكم : (أنا ما قصرت في حاجة ..وأي حاجة عملتها للمريخ).

طيب يا جمال الوالي أنت وقت عملت أي حاجة ...ناسكم ديل بطيروا من دور ال (64) ليه؟.

عاجبهم (الطيران) يعني.

ولّا البلد ناقصة (طيران).

الطيران دا برتبط عندي ب (الطيبة).

الطيبة القلتها ليكم في بداية العمود.

في ناس كدا (الطيبة) كاتلاهم.

يطلعوا من (التمهيدي) كلو سنة؟.

يا ولد أدخل جوه.

يا ولد ما تقيف في الباب.

يا ولد خش البيت.

وديل بطلعوا من (التمهيدي).

وقت يسألوهم ..طلعتوا من التمهيدي ليه ..يقولوا ليك : (والله رطل اللبن بقى ب 4 جنيه).

أمانة فيكم.

سألتكم بي الله ..في علاقة بين (اللبن)...والتمهيدي.

اعملوا ليكم (راكوبة) اقعدوا فيها.

أحسن من تقعدوا ساي.

اشربوا شاي.

اعملوا أي حاجة يا جماعة ...لو قعدتوا (فاضيين) كدا ح تنجهونا.

الفراغ مميت.

الفراغ قاتل.

الفراغ ممل.

امشوا شارع النيل.

طلعوا (الكراسي) اقعدوا في طرف الشارع.

اتفرجوا في (العربات) ..شوفوا أي عربية ماركتها شنو؟....وموديل كم؟..ومشكلتها شنو؟.

سنة كاملة ما ح يكون عندكم موضوع.

شوفوا ليكم موضوع.

اعملوا ليكم مشروع (دواجن).

جيبوا (كتاكيت).

لمن تكبر وتبيض ..اضبحوها.

اعملوها فراخ داجنة.

المشروع دا فيه قروش أحسن من كورتكم دي.

اعملوا ليكم مصنع (تلج).

التلج أفضل..في البرد دا ..لو كبيتوا ليكم موية في (طشت) بتبقى (تلج).

بس البشتري ليكم (تلج) في البرد دا منو؟.

أقول ليكم.

اعملوا ليكم (مطعم).

البلد دي ما في حاجة شغالة فيها غير (المطاعم).

الناس بقت تاكل ..وتنكر.

شوفوا ليكم محل في شارع المطار.

أو تعالوا شارع الستين..اطلعوا من أم درمان.

موضوع (الكورة) دا طويل.

إلا أقول ليكم ...حولوا رصيد ..قالوا ليك تحويل الرصيد فيه جنس (قروش).

وإلّا أنا مالي..ليه أفكر ليكم ..فكروا براكم ..وارجعوا لي في عمود سلك.

ملحوظة : تفتروا الزول من (التمهيدي) حقكم دا.

هوامش

الهلال فاز على شيلسي 2 / صفر.

يعني نفس نتيجة اطلع بره.

اصلو في الإعداد تاني ما بنقول ليكم كلمة حلوة.

اصلو نحن ما بنتعظ من ناس المريخ.

دقست ناس المريخ ما بندقسها.

لكن قالوا ليك الهلال قدم كورة ..اسكتوا خلوها ساكت.

اتذكرت المريخ.

قالوا ما قدم أي كورة.

في الحقيقة ..وارغو قالوا عمل أي حاجة ..وعملوا معاه ضربة جزاء كمان.

اتذكرت المريخ.

قالوا ليك وارغو كورتو أخير عدمها.

مهند الطاهر جاب ليه جنس هدف ..زي قالب الحلو.

اتذكرت المريخ.

قالوا ليك هدف مهند الطاهر ما عندو أي فرق من أهداف موسى الزومة.

نظام شنو؟.

نظام فتحنا وكدا.

...

عاجل : يا مهند نحن في الإعداد دا ..ما عاوزين منك أي (هوبة) ما تلخبطنا ساكت.

انقر هنا لقراءة الخبر من مصدره.