سودارس : خدمة التواصل (الوارغ آب)

افراد (القطيع) والشماتة في الهلال..!! (بيراميدز والأهلي والملعب والبقية تاتي) السودان.. وزير الشباب والرياضة يصدر قرارًا وزير المعادن: السودان ينتقل من تعدين الذهب إلى عصر المعادن الاستراتيجية والطاقة النظيفة بدر للطيران تدشن رسميا خط بورتسودان دنقلا ارتفاع في وارد المحاصيل الزراعية بسوق القضارف توجيهات بحجز جميع المركبات والشاحنات المخالفة لقرار حظر تداول الحديد الخردة ونقل الحطب بالخرطوم وزير الشباب والرياضة بنهر النيل يؤكد دعمه لتفعيل العمل الشبابي والرياضي بالولاية المنصوري يتعهد بتقديم الدعم لتنمية الثروة الحيوانية بمحلية الحصاحيصا وجامعة الجزيرة موعد تجربة سيري 2.0 لأول مرة على آيفون "إيغاد" ترحّب باستئناف السودان المشاركة في المنظمة عبلة كامل حديث السوشيال ميديا رغم الغياب رحمة أحمد تفاجئ الجمهور بظهورها بالحجاب على البوستر الرسمى لمسلسل عرض وطلب انخفاض أسعار النفط والذهب والفضة يواصلان مكاسبهما عثمان ميرغني يكتب: كبري الحلفايا... بإطلالة نارية وقرد صغير.. رامز جلال يلمح لمقالبه في رمضان السودان.. الإعلان عن توفير 40 ألف وظيفة حكومية السودان..تمديد فترة تسجيل طلاب الشهادة الثانوية للوافدين ترامب يهاجم مغنيا شهيراً.. "رقصه مقزز وكلامه غير مفهوم" وزير الشباب والرياضة يخاطب جماهير السَّلَمة الكباشي ويتكفّل برعاية البراعم والناشئين مدير مستشفى سنار التعليمي يشيد بالمقاومة الشعبية والمنظمات لتطوير المستشفى علامة تحذيرية لمرض باركنسون قد تظهر فى الأنف قبل سنوات من التشخيص مشروب من مكونين يخفض وزنك ويحافظ على استقرار سكر الدم شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة شاهد بالفيديو.. قائد ميداني من أبناء "المسيرية" يعلن انشقاقه من الدعم السريع ويقسم على المصحف بسحب كل أبناء القبيلة من المليشيا ليفربول يخسر أمام السيتي وهالاند يعود لهز الشباك ويكسر عقدة أنفيلد شاهد بالفيديو.. افتتاح مستشفى بمواصفات عالمية بمنطقة شرق النيل بالخرطوم والجمهور يشببها بأكبر المستشفيات بالخليج شاهد بالصور.. مواطن سوداني محتجز بأحد إقسام الشرطة بمصر يرسل رسالة لأقاربه على قطعة "كرتون" (أحضروا لي ملابس) مدير عام قوات الجمارك: لن نتهاون في حماية الوطن من سموم المخدرات والسلاح مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال الجمارك في السودان تحسم جدل رسوم بشأن الأثاثات والأجهزة الكهربائية للعائدين الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز اكتشاف وجود علاقة بين الاكتئاب وهشاشة العظام أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع السودان يرحّب بالقرار 1591 شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل توصيات المؤتمر القومي لمعالجة قضايا الشباب لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد صعود الذهب عالميًا يرفع أسعار المعدن النفيس فى قطر صباح الخميس رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

خدمة التواصل (الوارغ آب)

قوون نشر في قوون يوم 19 - 02 - 2014

الهلالاب دائما اصحاب (نظام) حديث ..وفريد ..وعندهم (هارموني) خاص.

الشاي بالزلابية دي اختراع (هلالي) خالص.

ناس المريخ ديل لو قعدوا (350) سنة ما بخترعوا ليهم حاجة بالشكل دا.

يتخيل لي الهلالاب ديل هم الاخترعوا (التمريرة القصيرة).

هيثم مصطفى كانت عندو جولات وصولات في الحتة دي.

وهيثم مصطفى هو الاخترع حكاية (تمريرة) القون.

هيثم مصطفى عندو (360) رواية للقون.

هسع هيثم مصطفى في المريخ طبعا شغال بي رواية واحدة في المريخ.

فرد (بلك).

وهم الاخترعوا (الون تو).

من زمن حمد والديبة ..الناس كانت تشيل (قفتها)..وتمشي على الاستاد.

في زول بمشي الاستاد بي (قفه).

حمد والديبة ..اجبروا الجمهور يدخلوا الاستاد ب (قفة).

الون تو ..عندهم زي (السمك).

قالوا ليك زمن حمد والديبة ..الناس كانوا بشبعوا عديل كدا من (الون تو).

ناس الهلال عندهم (ابتكارات) بهذا الشكل.

شفوت.

وعارفين اي حاجة.

ناس الهلال هم الاخترعوا المرقه يوم الخميس العصر.

هم في الغالب اصحاب (ابتكارات) عديدة...وفهم حديث.

بحبوا (التفردات).

الواحد من تلقى (متفرد) كدا ..اعرف طوالي انو (هلالابي).

اقول ليكم حاجة بالاثبات والتفرد.

عوض احمودي عازف العود الشهير (هلالابي).

هلالابي اكتر من بشة.

قالوا ليك كمان عوض احمودي دا ... (هوبة) مهند الطاهر بتطربو ليك اكتر من (القمر بوبا).

وعازف آلة البيكلو ..اسامة بيكلو ...هلالابي بشاكل ضلو في الهلال.

بيكلو بعزف ليك هدف (بويا) في الحضري زي (لن ننسى اياما مضت).

اها عليكم الله في (تفرد) اكتر من كدا.

غايتو الهلالاب ديل عندهم جنس (تفردات).

خالد عزالدين سنة 2007م كان عندو تقلعية (النظام العالمي الجديد) عندما كان الهلال فارض ليه (نظام) براهو.

الكلام دا قبل الجماعة ديل ما يلطشوا اسم (العالمي).

حاجاتنا برانا.

ما زي جماعتنا (البشفوا) ديل.

يشفّوا لينا في (الالقاب) من جوة وبرة ..ويجوا يلصقوها على المريخ.

المريخاب لطشوا من الهلال لقب (الزعيم).

فكينا ليهم (الزعيم)..يعني شنو؟...هو قالوا ليكم (الزعامة) في الاسماء.

الزعامة بالفعل.

الهلالاب عشان (شفوت) ..خلوا ليك المريخاب يعلقوا في اسم (الزعيم)...قاموا اطلقوا على هلال الملايين اسم (سيد البلد).

هسع اسم (سيد البلد) بنشف ليك في (ريق) المريخاب ..الواحد من تجيب ليه سيرة (سيد البلد) يقعد يعاين للساعة.

طبعا الزول لو عاوز تعرفو مضايق شديد شوفو لو كان بعاين في الساعة ..طوالي اعرف الزول دا (قرفان).

ونفسو مارقة.

مباراة الهلال وتشيلسي التى لعبت يوم الاثنين الماضية ...كان فيها (فنون) جميلة.

كان فيها معارض تشكيلية.

كان فيها (ندوات ثقافية) بين مهند الطاهر ومحمد احمد بشة.

قالوا ظهرت في تلك المباراة (الثنائيات) من جديد...تاني رجعوا يولدوا (الكهربة) من ثنائيات الهلال.

والشاي باللبن.

الهلالاب رجعوا ينوتوا ليكم (التمريرات)...ويهرمونها ليك...لمن تتهرمن.

اول انتوا فاكرين انا جبت ليكم سيرة عوض احمودي واسامة بيكلو ساكت.

نحن ما قاعدين نتكلم ساكت.

ما عندنا حاجة بنقطعها من رأسنا.

نحن اي حاجة عندنا بي نظام.

قالوا ليك في مباراة الهلال وتشيلسي الودية ...ناس وليد علاءالدين ..شغالين زي كأنهم في اوركسترا الاذاعة.

ما شاءالله ..ما شاءالله.

اي (مشجع) في الاستاد طلع مبسوط..زي كأنو طالع من حفلة (عقد الجلاد).

الشاف (سيدي بيه) كلو ..قال انتوا (الفاتح وديدي) دا نظرتو بعيدة الي هذه الدرجة.

هسع دا بطروده.

لو دي ما (امرخة) ساكت.

الحمدلله ناس الاتحاد التفتوا للموضوع ..قاموا رجعوا (السكر) للتموين تاني.

اقصد رجعوا (سيدي بيه).

الناس طلعت من الفرجة في (سيدي بيه) زي كأنها طالعة من (قاعة الصداقة).

نضاف ..وجداد ... وما بشكوا من اي حاجة.

كأنهم طالعين من حفل موسيقي ..منتشيين وبيلمعوا ..وما شايلين هم.

تسالي ما شايلين.

طبعا (التسالي) دليل (قلق).

طالعين (فرايحية).

ما زي الزول وقت يكون طالع من السوق الساعة اربعة شايل ليه (بطيخة)..وجريدة.

المعنى كدا (مقطع) اي حاجة.

نحن قبل الاقوان في الهلال بتهمنا (العروض).

لكن طبعا ما للدرجة ناس المريخ ..يتغلبوا امام بايرن ميونخ ..يقولوا ليك المريخ قدم عرض جميل.

العرض الجميل القدمو منو (عنكبة).

يتغلبوا امام زينت الروسي ..يقولوا ليك المريخ قدم عرض جميل.

العرض الجميل القدمو منو (ضفر).

يتغلبوا امام الوحدات الاردني يقولوا ليك المريخ قدم عرض جميل.

العرض الجميل القدمو منو (بلة جابر).

يتغلبوا امام ريد بول النمساوي يقولوا ليك المريخ قدم عرض جميل.

العرض الجميل القدمو منو (موسى الزومة).

يتغلبوا من كمبالا سيتي يقولوا ليك المريخ قدم عرض جميل.

العرض الجميل القدمو منو (احمد الباشا).

انتوا تعالوا هنا ..انا عاوز اسألكم سؤال.

انتوا فريق كورة قدم وإلّا شركة اتصالات؟.

عاوزين نعرف ..عاوزين نفهم.

العروض الجميلة ..البتطلعكم من (التمهيدي) عاوزين بيها شنو؟.

دي زي (عروض) طابور الصباح في مدرسة الاساس.

شن فائدتها العروض؟.

شن طعمها؟.

الهلالاب (شفوت) ..اول حاجة بحسموا النتيجة ..بعد كدا بقبلوا على (العروض).

يعني لو نيمار لعب ليه كورة بالكعب وبرشلونة مغلوبة ...الاستاد كلو بهتف ضدو.

بهتفوا بالاسباني طبعا.

ورنالدو ..لو ثبت ليه كورة بي صدرو لعبها برة الشبكة ...وريال مدرب مغلوب ...الاستاد كلو بقول ليه انت الفلهمة ليك شنو ؟..عشان تلعب لينا بي (صدرك).

لذلك ناس الهلال مفروض يفهموا الحتة دي ...العروض بتأتي بعد (النتيجة)..وبعد ما تحسموا المباراة.

الايامات دي قالوا ليك ناس الهلال عندهم خدمة تواصل جديدة.

خدمة قالوا اخطر من (الواتس آب).

خدمة جديدة ..اسمها (الوارغ آب).

الخدمة دي حقت (وارغو)...الزول دا قالوا ليكم دخل ليه (نظام) جديد في تنكلوجيا الهلال.

المريخاب طبعا عارفين التكنلوجيا دي.

جمال الوالي قال وارغو ح ينجح في الهلال.

الامين العام ..قال وارغو ح ينجح في الهلال.

هم عارفنو.

ناقشين التكنلوجيا الشغال بيها (وارغو).

خدمة (الوارغ آب) دي ..ح ندشنها في اول مباراة رسمية للهلال.

ان شاءالله تشوفوها في كادوقلي.

عشان تفهموا الخدمة دي كيف؟.

بعدين خدمة (الوارغ آب) دي ما فيها تعقيدات كتيرة زي (الواتس آب) هي خدمة اكثر تقدما.

يعني (ضفر) ...لو دخل (الوارغ آب)..بكون دا اخر ظهور ليه في عمرو.

تاني ما بظهر.

الواتس آب ..طبعا عاوز (جلاكسي).

اها خدمة الوارغ آب ..دي ما عاوزة اكتر من انك تكون (هلالابي) وتقعد تستمتع بالخدمة.

تستمتع بالروعة.

سيدي بيه مع وارغو ..ومهند الطاهر مع وليد علاءالدين.

نزار الصاقعة مع محمد أحمد بشة...تاني عاوزين اكتر من كدا شنو؟.

تدخل (الوارغ آب)..طوالي الهلال بجيب قون.

كاريكا يفتح في الشمال.

وكوليبالي يفتح في العمق.

بكري المدينة يدخل (الوارغ آب) باليمين ..الكورة طوالي تجي (هدف).

اها نوع الفنون دي.

نوع المتعة دي.

نوع الروعة دي.

عليكم الله بتلقوها في الواتس آب.

التنكلوجيا دي ناس سعيد السعودي ما بستوعبوها لينا.

فيصل العجب طبعا عمل (خروج) ومشى مريخ الفاشر.

القعاد في الخرطوم ما نفع معاه.

البقعدو مع ناس ضفر ديل شنو؟.

انتوا عارفين خدمة التواصل (الوارغ آب) دي المعطلها شنو؟.

عارفين ..مشكلتها الوحيدة شنو؟.

استاد الخرطوم دا.

خلوا استاد الهلال يتكتمل وتعالوا شوفوا العجائب.

ح تستمتعوا عديل كدا.

خدمة (الوارغ آب) عاوزة بس ارضية ملعب جيدة ..وتحكيم نضيف ..وادخلوا للتواصل.

ملحوظة : تاني ما بتنوموا.

هوامش

مع خدمة (الوارغ آب) دي لا عرفت اكمل العمود ..لا عرفت اشاهد مباراة برشلونة وسيتي.

تلخبطوا الزول في تواصلو.

الاتحاد العام جمد عقوبة سيدي بيه.

يكون البلد ما فيها (سكر).

قلق واصل تألقه مع الخرطوم الوطني.

فيصل العجب في منتهى التألق مع مريخ الفاشر.

وبعد دا ناس المريخ عاوزين يطلعوا من (التمهيدي).

انتوا طفشتوا العجب ..وطفشتوا قلق ..وعاوزين تتأهلو.

تتأهلو بي منو؟.

بي ناس ضفر وعنكبة.

عليكم الله هسع قلق وإلا عنكبة؟.

العجب وإلّا عنكبة.

العجب دا لو قعد ليكم في بيتو ..احسن ليكم من مشاركة عنكبة.

كورنر من العجب ....ولا قون من عنكبة.

كمان نحن ما بنعرف.

كمان نحن ما بنقول الحقيقة.

كمان نحن ما بنعرف.الموضوع واحد ...ما عاوز ليه اي (جرجرة).

الموضوع ما عاوز ليه (تلتلة).

تطلعوا من (التمهيدي) وتقعدوا في شارع النيل.

شارع النيل علاقتو شنو بي التمهيدي.

انتوا يا الهلالاب ..ساكت عاوزين تجيبوا سيرة (التمهيدي).

قالوا ليك مريخابي طقتو عربية.

شالوه وجرى على المستشفى.

الدكتور عاين ليه كدا ..لقى عندو (تمهيدي) في الشريان.

طبعا ما في علاقة بين التمهيدي وحادث الحركة.

لكن نحن الهلالاب شفوت.

بنعرف نلقى لينا (مدخل).

ما بنعدم المدخل.

....

عاجل : انتوا السويدي (ابرا) قايل نفسو مهند الطاهر ..مالو بجيب في الاقوان بالطريقة دي.

انقر هنا لقراءة الخبر من مصدره.