سودارس : استفيدوا من وقتكم ..وجيبوا (ميشو) ريحونا من اللفة الطويلة دي

القوز يقرر السفر إلى دنقلا ومواصلة المشوار لاعب منتخب السودان يتخوّف من فشل منظومة ويتمسّك بالخيار الوحيد الدب.. حميدتي لعبة الوداعة والمكر ⛔ قبل أن تحضر الفيديو أريد منك تقرأ هذا الكلام وتفكر فيه إلي اين نسير منشآت المريخ..! كيف واجه القطاع المصرفي في السودان تحديات الحرب خلال 2025 صلوحة: إذا استشهد معاوية فإن السودان سينجب كل يوم ألف معاوية إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل كامل إدريس في نيويورك ... عندما يتفوق الشكل ع المحتوى مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته إجتماع بسفارة السودان بالمغرب لدعم المنتخب الوطني في بطولة الأمم الإفريقية بولس : توافق سعودي أمريكي للعمل علي إنهاء الحرب في السودان البرهان وأردوغان يجريان مباحثات مشتركة شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها) شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي) بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها وحدة السدود تعيد الدولة إلى سؤال التنمية المؤجَّل تراجع أسعار الذهب عقب موجة ارتفاع قياسية عثمان ميرغني يكتب: لماذا أثارت المبادرة السودانية الجدل؟ ياسر محجوب الحسين يكتب: الإعلام الأميركي وحماية الدعم السريع محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! وزير الداخلية التركي يكشف تفاصيل اختفاء طائرة رئيس أركان الجيش الليبي "سر صحي" في حبات التمر لا يظهر سريعا.. تعرف عليه والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة استقالة مدير بنك شهير في السودان بعد أيام من تعيينه كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) مياه الخرطوم تكشف تفاصيل بشأن محطة سوبا وتنويه للمواطنين الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

استفيدوا من وقتكم ..وجيبوا (ميشو) ريحونا من اللفة الطويلة دي

قوون نشر في قوون يوم 12 - 08 - 2012

مع ايماني التام ..وقناعتي الكلية في ان (ميشو) المدرب الصربي هو اقل
المديرين الفنيين الذين تولوا زمام الادارة الفنية في الهلال قدرة..وهو
افشلهم على الاطلاق...إلا انني مع ذلك لا استبعد ان يتعاقد المريخ مع هذا
المدرب الصربي.
وذلك لسبب واحد وجوهري ..ومقبول عند كل المريخاب ...وهو ان هذا المدرب
سبق له العمل في الهلال.
وهذا شيء لوحده يكفى.
كما ان ميشو يتميز بصفة فريدة ...لا يشاركه معه أي مدرب اخر.
ميشو ما بنوم.
ووقت يكون عنده مباراة هامة ..بقفل غرفتو عليه ..وما بكلم زول.
نحن غايتو غير نضارتو السوداء...ديك ما عرفنا ليه أي شيء.
خمانا ساكت بالنضارة السوداء.
الله يقطع سنين النضارات السوداء.
بعدين الزول من يبلس ليه نضارة سوداء ...اعرف طوالي ان هذا الزول (كضاب).
الحاجات دي في الافلام الاجنبة ظاهرة.
من يجيبوا ليك الزول لابس ليه نضارة سوداء ..اعرف طوالي ان هذا الزول (مجرم).
عليه ...نحن نقول ان المريخاب ...بمشوا ويجوا ..ويجبوا (ميشو).
ديل فكروا في اسحاق كرنقو ...(عشان كان بيلعب في الهلال).
وقت غلبهم يجبوا كرنقو الكبير ..قاموا جابوا اخوه.
زي التلاتة اشخاص ...البكونوا عاوزين ليهم زول رابع يتم ليهم (الوست).
وقت ما يلقوا ليهم زول رابع ..يربع ليهم العشرة ..بقوموا يطلعوا يجبوا
ليهم أي زول من الشارع.
في تلاتة انفار قاعدين المغرب ..وما لاقين ليهم زول يتم ليهم (الوست).
قاعدين يفكروا كدا ...وما عارفين يعملوا شنو؟.
الساعة 6 ..سيد اللبن دق الباب.
قالوا ليه بس تعال هنا ..الله جابك لينا من السما ...اقعد تم لينا عشرة الوست دي.
سيد اللبن ..قال ليهم انا ما بعرف ...والله لو قعدت إلا اتمها ليكم (موية) ساكت.
الجماعة قالوا ليه : انت الموية دي تعملها في اللبن ...وعاوز تعملها
هنا في الوست كمان.
المريخاب بقلدوا ...حاجات الهلال ..بموتوا فيها.
الباشا بقى نجمهم الاول ...وهذا فقط عشان الباشا دا كان بيلعب في الهلال.
قالوا ليك ناس المريخ ..هسع عاوزين يموتوا في ياسر الكجيك.
نفسهم الهلال ينهى تعاقده مع ياسر الكجيك ..عشان يجيبوه مدربا لحراس المريخ.
عجبتهم الفكرة دي.
انتوا بالمناسبة دي وين هشام السليني؟.
الزول دا اختفى نهائي ..في الصحف بقينا ما بنشوف تصريحاته.
زمان هشام السليني دا كان عندو تصريح في أي (كورنر) ضد المريخ.
تصريحات السليني كانت اكتر من تدريباته.
حتى انني مرة كدا ..تقلت في (الفول) واتخيلت ان الحراس الذين يدربهم
هشام السيلني دا ح يطلعوا (صحفيين) نسبة لكترة التصريحات التى كان يطلقها
مدربهم.
اعود واقول اني اتوقع ان يتولى (ميشو) المدرب الصربي تدريب المريخ
..والسبب وضحتو ليكم في الاسطر السابقة.
اظن كدا والله اعلم ان مجلس المريخ بشترط في التعاقد مع المدرب الاجنبي
هو ان يكون سبق له العمل في الهلال.
(ميكلوس ..برانكو ...مصطفى يونس ..ريكاردو) نماذجا.
ديل رئيسهم لو ما كان هلالابي ما كان وجد كل هذا الدعم والمساندة والالتفاف حوله.
لذلك فان المريخ الان بلف لفة طويلة ساكت ..وبعمل ليه في سناريو طويل
...عاوز يبرر بيه في النهاية التعاقد مع ميشو.
ينتقدوا في البداية ريكاردو.
ريكاردو بيلعب بمهاجم واحد ...وبي خمسة مدافعين امام الرابطة
كوستي...تقول لاعب ضد برشلونة.
ويركاردو عنده بس 14 لاعب ...تقول بيلعب حريق!!.
يستلمهم 14 ..ويسلمهم 14...كوتشينة بس.
اعلام المريخ عاوز يقنع المريخاب ...ان ريكاردو هذا ما نافع.
انتوا الزول دا وقت كان في الهلال 3 سنة ما كان شارقكم.
3 سنة يهاتوا بيه.
خلاص ريكاردو بقى كعب الان.
بعيدين قماشة ناس بلة جابر وموسي الزومة دي تفشل ليها اعظم مدرب في الدنيا.
اشطر مدرب في العالم ناس بلة جابر ديل ما بقدر يعمل بيهم حاجة غير يحرس
بيهم القطر.
ديل كورتهم في (بوفيهم).
تطلعهم من (البوفيه) ما بفهموا أي حاجة.
اعلام المريخ بعد الانتقادات الكثيرة التى وجهه لريكاردو ...فرض بقرار
جماهيري فاروق جبرة مدربا عاما للمريخ.
دا كل عشان شنو؟.
عشان تحصل مشكلة ..ويطيحوا بي ريكاردو.
فعلا المشكلة حصلت.
وريكاردو وفاروق جبرة بقوا الشحمة والنار.
بعد المشكلة دي الجماعة ديل عاوزين يخشوا بي (ميشو).
اصلهم لو ما جابوا ميشو ما بستريحو.
بطنهم ما بتبرد لو ما اتعاقدوا معاه.
رغم من انهم في قناعاتهم الشخصية ان ميشو مدرب فاشل ...لكن هم عارفين
انو الهلالاب ديل ما بجيبوا حاجة ساكت.
عشان كدا ...لازم يجيبوا ميشو ...يشوفو السر شنو؟.
بعيدين ميشو دا فاهم الاوضاع كويس ...وحافظ الهلال حفظ ...يعني هو احسن
مدرب يمكن يمسك المريخ في هذه الموسم.
اتوقع اقالة ريكاردو الساعة اتناشر ليلا يوم السبت ..وتعيّن ميشو يوم
الاحد مديرا فنيا للمريخ.
المريخاب ديل نحن أي حاجة بنعملها ...هم بعملوها اليوم التاني.
فاروق جبرة دا الجابو المريخ شنو؟.
فاروق جبرة دا جابو المريخ الهلال.
قولوا لي كيف؟.
الهلال عيّن التاج محجوب مدربا عاما للهلال ..في وجود حمد كمال مساعد
مدرب وغاريتو مدرب عام.
المريخاب عجبتهم الرصة ...قالوا نحن نجيب لينا مدرب عام زي ناس الهلال.
قام عملوا شنو؟.
جابوا فاروق جبرة.
شافوا تعاقد الهلال مع التاج محجوب تم كيف؟...وعملوا نفس الصورة.
جابوا فاروق جبرة مدرب عام.
الهلالاب قالوا نحن نمقلب المريخاب البقلدوا فينا ديل.
ناس الهلال عملوا شنو؟.
عملوا ليهم سناريو مشكلة بين التاج محجوب وغارزيتو.
غارزيتو قال ما عاوز التاج محجوب.
امشي يا فاروق جبرة اعمل ليك مشكلة زي المشكلة العملها التاج محجوب مع غارزيتو.
ريكاردو...لقى فرصتو ..قال انا ما عاوز فاروق جبرة ...زي ما غارزيتو ما
عاوز التاج محجوب.
غارزيتو طبعا شخصيته قوية ..قدر ينفذ قراره ويبعد التاج محجوب
...ريكاردو ما قدر يبعد فاروق جبرة.
لكن الاكيد ...والمضمون هو ان فاروق جبرة سوف يبعد ريكاردو بعد يوم السبت.
يعني اخر يوم لي ريكاردو في المريخ ...هو يوم السبت القادم.
خلوا الموضوع دا.
تعالوا شوفوا المريخاب قلدوا الهلال في شنو؟.
المريخاب قلدوا الهلال في دائرة الكورة التى عينها الهلال ..وكنت قد
كتبت عنها قبل ذلك في هذه المساحة.
ناس الهلال شالوا فوزي المرضي من دائرة الكورة.
ناس المريخ شالوا عادل ابوجريشو.
ناس الهلال جابوا خالد بخيت وابوشامة.
ناس المريخ ما كذبوا وجابوا خالد احمد المصطفى ومحمد موسي.
يعني أي حركة نعملها في الهلال ..بعملوها ناس المريخ بكرة.
والله مفروض نمقلبكم ..نقلب استاد الهلال (سينما).
عشان اليوم التاني نلقاكم شلعتوا (طابقكم التاني) وقلبتوا استادكم (سينما).
يا اخي ديل من تقليدهم لينا ...هو ان غارزيتو ابعد هيثم مصطفى حفظه
الله ورعاه واصبح لا يشركه.
ناس المريخ طوالي ابعدوا العجب.
هيثم مصطفى يشارك.
بكرة العجب يشارك مع المريخ.
بس شغالين معانا كدا ...خطوة ...خطوة.
انتوا وقت شغالين تقليد كدا...ليه عاملين ليكم مجلس ادارة ..وجهاز فني
...وجهاز تنفيذي.
التقليد ما بحتاج لكل هذه الاجهزة.
أي زول ممكن يعمل ليكم الاشياء التى يقوم بها الهلال وبالكربون.
والكربون دا ما عاوز ليه أي حرفنة.
يا جمال الوالي انت ما تتعب وتضيّع قروشك ساكت.
حاجاتكم البتعملوا فيها دي ما عاوزة ليها جهاز فني اجنبي.
حاجاتكم دي أي صحفى مبتديء ممكن يعملها.
ملحوظة : هسع لو علاءدالدين فييرا مشي حلق زيرو ...الشغيل بمشي يعمل نفس الحركة.
هوامش
شكل الهلال امام الرابطة ...لم يكن جيد ...وقد استطاع فريق الرابطة
تقديم مباراة قوية امام الهلال.
انتصر الهلال لكن الاداء لم يكن جميلا.
لكن احسب ذلك من مصلحة الهلال.
عشان في نفخ شديد الايامات دي في الهلال قبل مباراة القمة.
والنفخ دا ما كويس.
مطلوب من الهلال مراجعة ثغراته.
اذا دخل الهلال لمباراة القمة بهذا الكبرياء والتعالي من دون شك سوف
يفقد المباراة.
العطاء والاجتهاد هو الفيصل في الميدان.
واداء الهلال امام الرابطة كوستي كان يغلب عليه اللعب الجهاز ...واللعب المعلب.
عاوزين اجتهاد اكتر.
الكورة ما بتعرف الكبير.
ولا بتعرف الاحسن ...ولا الافضل.
الكورة بتعرف المجتهد ...والجاد ...والذي يمتلك ارادة و رغبة اكبر في الانتصار.
لذلك مطلوب من لاعبي الهلال ان يخرجوا من (علبهم).
ان يطلعوا برة شوية ...من هذا الكبرياء.
الانتصار لا يأتي عبر هذا الطريق.
في اعتقادي ان الهلال في هذه الايام ...يحتاج الي الانتقاد ..واللوم
والعتاب..عشان يدخلوا مباراة القمة مولعين نار.
انتقدوهم.
غارزيتو هو الاخر عليه مراجعة حساباته.
التنظير الكتير ما كويس.
وغارزيتو وصل بالهلال مرحلة ...تجعله ينظر كما يشاء.
يوم السبت يمكن ان ينزل الهلال ان شاءالله بالمريخ هزيمة تاريخية.
اوعكم تضيعوا هذه الفرصة.
المريخ يحرس مرماه حارس عمره 45 سنة ...وليس هناك فرصة افضل من هذه
الفرصة في الحضري.
الحضري كبر.
الحضري ..بقى ما بشوف عديل كدا.
دفاع المريخ فيه باسكال ونجم الدين وليما ومصعب عمر ..وليس احسن من ذلك
الرباعي بالنسبة للهلال.
دفاعكم دا لو (طقطقت) ليه ساكت بقوم جاري.
فقط مطلوب من لاعبي الهلال اللعب بمسؤولية.
يوم الوقفة ...يا ناس الهلال المريخ سوف يقدم لكم في طبق من ذهب.
يمكنكم ان تنتهوا من المريخ بشكل نهائي.
قدر ما تسألوا شبكة المريخ من الاهداف ...ح تقول ليكم وهل من مزيد.
على غارزيتو ان يدرب لاعبيه منذ الان على الانتصار الكبير على المريخ
وبعدد وافر من الاهداف.
في المريخ العجب رجع يشارك تاني (دا احسن خدمة ممكن يقدمها لينا ريكاردو).
العجب (التقيل) مع الشفوت ناس سانيه وايكانغا وكاريكا وسادومبا ...يمين
كورة ما يشوفها.
العجب ممكن يكون اضافة للهلال في مباراة السبت.
اشركوه ...وخلوا الباقى علينا.
هلال الساحل خسر امس 0-4 ...طبيعي ان يخسر بهذا العدد وهو قابض ليه 50
مليون على تحويل مباراته من بورتسودان الي استاد المريخ.
هانت والله الاقوان بجيبوها ناس نجم الدين.
عاجل : لو دا فريقكم ..سافروا من بدري قبل الوقفة.

انقر هنا لقراءة الخبر من مصدره.