يُشبه أهل الحكمة الإنسان بالهلال في أطواره المختلفة فالهلال يبدأ وليداً صغيراً ثم يكبر ويبلغ أشده في منتصف الشهر فيكون بدراً واضح الرؤية عظيم الفائدة ثم يبدأ في التدهور والتراجع قبل انتهاء الشهر ثم ينطوي ويختفي ليظهر هلال جديد. وكذلك الإنسان: يولد صغيراً فقيراً معدماً ثم يترعرع ويكبر حتى يبلغ أشده مروراً بمرحلة شبابه حتى اكتمال نضجه اذا بلغ أربعين سنة {حتى اذا بلغ أشده وبلغ أربعين سنةً} الأحقاف آية ا15ب. ثم ينحدر حتى محطة أرذل العمر ان أبقاه الله حياً او في انتظار الموت ثم يختفي هلال عمره ويذهب اما الى الجنة او النار. المتأمل في ذلك يدرك ان الأيام والليالي هي القاسم المشترك بين كل منهما قال صلى الله عليه وسلم اغتنم خمساً قبل خمس: {شبابك قبل هرمك، صحتك قبل سقمك، غناك قبل فقرك، فراغك قبل شغلك، وحياتك قبل موتك}. هذه الخمسة سماها النبي صلى الله عليه وسلم الغنائم وكأن العبد في حرب مع الزمن لأن القاسم المشترك فيها هو الزمن: 1) بين الشباب والهرم زمن. 2) وبين الصحة والمرض زمن. 3) وبين الغنى والفقر زمن. 4) وما بين الفراغ والعمل زمن. 5) وكذلك ما بين الحياة والموت أيضاً زمن. هدايا الحلقة: مجنونة ومجنون في مستشفى المجانين ماشين جنب حوض السباحة المجنون رمى نفسه في الحوض والمجنونة قامت أنقذته تاني يوم الدكتور قال ليها عندي ليك خبر حلو وواحد حزين: الأول انتي خفيتي وحتخرجي من المستشفى والتاني صاحبك المجنون شنق نفسه، قالت ليه ما ممكن أنا كنت معلقاه عشان ينشف!. واحدة سألت راجلها هل إنت بتحب المرأة الجميلة ولا الذكية؟ قال ليها لا أنا بحبك انتي!. واحد من اهل الخيال قال لي صاحبه ياخي ما عارف قشة الكبريتة دي ما عايزة تولع ليه مع إني قبل شوية ولعتها؟!. ليه في الصعيد الحمار بيسبق الحصان؟ لأن الحمار بيلعب على أرضه وبين جمهوره!. واحد اسمه دبوس زوجته قالت ليه بتحبني يا دبوس؟ قال ليها بدون شك!. واحد قال لي زوجته بتحبيني قدر شنو؟ قالت ليه قدر ما إنت بتحبني، قال ليها والله انتي قلبك اسود شديد!. واحد غبي لقبوه بالحمار قام قال ليهم: بلاش كلمة حمار سموني حاجة تانية، سموه جحش مشى لي مرته فرحان قال ليها خلاص الناس سموني جحش قالت ليه بي زعل: امشي كده بكرة تكبر وتبقى حمار تاني!. بتاع خيال اشترى عصفورين لأمه واحد بغرد والتاني ساكت، أمه سألته قالت ليه: ليه التاني ساكت؟ قال ليها: ده الملحن!. واحد مصري من أهل الخيال صاحبه قال ليه: تصدق بوش جاي مصر بكرة، قال ليه: على الطلاق الأهلي يغلبه ليك 4 صفر!. عشرين فلاح كانوا راكبين في غواصة، ماتوا كلهم ليه؟ لأن سمكة دقت عليهم باب الغواصة!. الشافع في بيت عرس قال لي أمه: ليه العروس لابسة فستان زفاف ابيض؟ قالت ليه: لانه ده اسعد يوم في حياتها، قال ليها: طيب العريس لابس بدلة سوداء ليه؟!. سواق حافلة قلبه وقف نزل لزاه!. بخيل اتزوج واحدة بخيلة جابوا بت سموها حصالة!. واحد بتاع ألعاب فيديو أبوه مات كتب على قبره زقيم أوفرس!. صعيدي عنده أرق قالوا ليه عد لحدي 500 حتنوم، بدا يعد لما وصل 300 نعس قام غسل وشه علشان يكمل ال 500!. خاتمة: في الخمسة التى ذكرناها ومجموعها هو العمر فإنما يكون الشخص فائزاً غانماً او غارماً. فالشباب غنيمة ويفسده الهرم والصحة غنيمة ويفسدها السقم، الغنى غنيمة ويفسده الفقر، والفراغ غنيمة ويفسده العمل بما لا ينفع، والحياة غنيمة ويفسدها هادم اللذات االموت. كل هذه غنائم فأسرع للحصول عليها وهي في متناول اليد، أرجو من الله ان يوفقنا جميعاً على حصد هذه الغنائم وان يبارك لنا فيها. علشان المريخاب ما يمشوا بعيد هلال السودان في أوج قوته وهو ظاهر طول الشهر والعام وهو المنارة الرياضية والثقافية التى تضئ كل القارة الإفريقية والعالم العربي، وهو المتأهل لدور مجموعات كأس أفريقيا للأندية الأبطال، وما طار من دور ال 64. مع تحياتي،،، أحمد دولة