سودارس : الموضوع دا حدو وين؟..مرة نلعب في مدني ومرة في النقعة

السودان ومصر يوقعان بروتوكول مشترك لمكافحة بعوضة الجامبيا شاهد بالصور.. السلطانة هدى عربي تخطف الأضواء بإطلالة مبهرة من حفلها الأخير بالرياض أمجد فريد الطيب يكتب: حياة تجلت في وضوح المبادئ: وداعا فينك هايسوم الخليج الضحية الكبرى: إيران وجهت 83% من هجماتها إليه… و17% فقط إلى إسرائيل عثمان ميرغني يكتب: حرب السودان ومخطط شد الأطراف منتخبنا يتدرب صباح الخميس بإستاد بورتسودان قائمة صقور الجديان لوديتي السعودية بعثة المنتخب تصل بورتسودان وسط إهتمام كبير 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب كواليس صادمة... كيف تعطلت صفقة تسليح الجيش السوداني في اللحظات الأخيرة؟ يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الموضوع دا حدو وين؟..مرة نلعب في مدني ومرة في النقعة

قوون نشر في قوون يوم 16 - 04 - 2014

الهلال في السودان بقى يتعاملوا معاه زي الفريق (الاجنبي).
بتتبرشلوا فينا كدا ليه؟.
تتبرشلوا دي من (برشلونة)..ما يقوم واحد منكم ينسبها لينا للعباسية.
عشان الموضوع من البداية يكون واضح.
واضح وصريح.
الصراحة سمحة ...المريخ طلع من (التمهيدي).
المريخ طلع من التمهيدي ..الدولة تدعم فيه ...والهلال وصل مرحلة المجموعات ...ويحاربوا فيه.
الهلال دا من دولة تانية.
من برة السودان يعني؟.
ما استوعبونا.
ما استوعبوا لينا مرحلة المجموعات دي.
ديل فهمهم حدو دور ال (64).
بالتلتلة كدا ..ممكن يفهموا ليك لغاية دور ال (32).
تاني ما بتزحزحوا شبر من (الفهم) دا.
لو شقيتهم على اتنين ..ما بفهموا ليك مرحلة المجموعات دي.
قالوا ليك طبيب جديد كدا.
يا دوب اتخرج.
ادارة المستشفى قامت دخلتو ليك (عملية) توسعة شرايين.
من قولة تيت ..صاحبكم لقى نفسو في الموقف دا.
ما عرف يمشي وين؟.
ما عرف يتصرف كيف؟.
عارفين عمل شنو؟.
دخل ليك العملية شايل معاه (الدكشنري).
كل ما يعمل ليه خطوة في العملية..يعاين في (الدكشنري)...عشان يشوف نفسو واقف وين؟.
المهم الدكتور لمن انتهى من العملية لقى ليك نفسو في الصفحة (386) من الدكشنري.
هسع يا ناس المريخ ..بي صراحة كدا ..وبي كل امانة ...مرحلة المجموعات دي عاوزة ليها (دكشنري).
بي كتاب (المطالعة) الشالينو لينا دا ما بتفهموا لينا اي حاجة فيها.
وبتقيفوا لينا كدا ..(تحفروا) لينا بس.
لذلك طبيعي جدا يتعاملوا مع فريق وصل مرحلة المجموعات بالطريقة دي.
البلد كلها (تحارب) في الهلال.
ما متعودين على مرحلة (المجموعات) دي.
الاتحاد العام الذي يدير امور الكورة في البلد دي ...شغال لينا بنظام (اللجان الشعبية).
نظام تقليدي وقديم.
مهمتهم كلها يطلعوا ليك (شهادة سكن).
انا ما عارف (العبقرية) في دي وين؟.
تاني ما عندهم اي فهم.
ما بتسفيد منهم تاني ب (فجلة).
يا جماعة انتوا الاتحاد العام دا بيديروه (اجانب).
بيديروه (حبش).
الناس ديل ما عاوزين مصلحة البلد ..فريق بمثل السودان ..ووصل مرحلة المجموعات بتعاملوا معاه بالطريقة دي.
في مباراة الاهلي شندي ..جابوا لينا (حكم) مباراة تقول قوانين الكورة دي درسها في (المنطقة الصناعية).
جبنا لينا قونين..صاحبكم رفع رأيتو ...زي (صيوان البكا) البقفل الشارع.
مرات في صيوانات بكا ..تلقاها شتره كدا ...تلف الحلة دي كلها عشان تلقى (الصيوان).
لمن تصل البكا ..تلقى الفراش رفعوه ..وتلقى ليك زول قاعد في كرسي براهو ..بدون ما تسألو يرفع الفاتحة.
يا جماعة انتوا حدكم معانا وين؟.
يا مجدي.
يا اسامة الهلال دا لو طلع من البطولة الافريقية ...تذاكركم دي ما في زول بمشي عليها.
لا تشموا بيها (الحصاحيصا).
الهلال دا الفريق الوحيد البسافر برة البلد.
الفريق الوحيد ..البتجيه اندية افريقية لكي تلعب معاه.
في حكم اجنبي بدخل البلد دي ...غير ما يكون قاصد يحكم مباراة للهلال.
عشان كدا الهلال دا ابقوا عليه عشرة.
هو الوحيد البدخل عملة صعبة للبلد دي.
لا مشروع الجزيرة.
ولا الصمغ العربي.
ولا السكر.
الهلال براهو ..بصل المجموعات ..وبصرفوا ليه بالدولارات.
ما في (دولار) بدخل البلد دي من غير الهلال او من الغرض القطري.
تقوموا يا مجدي تحاربوا في الهلال بالطريقة دي؟.
ليه بتعملوا كدا.
يا مجدي انت سكرتير الاتحاد العام ..مالك عاوز تتعامل لينا بي فهم سكرتير نادي ام دوم.
ما قادر تستوعب انك بتدير الكورة في البلد كلها.
اطلع من حكاية ..سجلنا (الكروت).
والجمعة القادمة عندنا معسكر مقفول في جناين الجريف.
انت سكرتير الاتحاد العام.
انت يا مجدي شمس الدين ...ما صديق علي صالح.
انت ما مصطفي توفيق.
اطلع من الحتة الضيقة دي.
اكبر شوية.
تخصموا من الهلال (3) نقاط بسبب حكم مباراة ....القون بنغضو متل (الجردل).
اول الجردل بنغضوه.
ديل ينغضوا الهدف من العين.
نغضوا لينا (هدفين).
قلنا نقعد ساكت.
قالوا لينا تمشوا تلعبوا في (الكاملين).
طلعونا من الخرطوم.
قلنا ليهم نمشي نلعب في الكاملين المناسبة شنو؟...العصمة الكاملين دي نزلت من الممتاز قبل اكثر من (10) سنوات.
نحن البودينا الكاملين شنو؟.
قالوا لينا : ابدا ..تمشوا تلعبوا في (الكاملين).
نحن هلالاب.
نحن صعبين.
نحن شفوت.
ركبنا رأسنا.
قلنا ليهم كمان (الكاملين) دي لو جبتوها لينا في (قاردن سيتي) ما بنلعب فيها.
هي شنو؟.
انتوا قالوا ليكم الموضوع (نقري) ساكت كدا.
لجنة الاستئنافات ..شافت الهلال (مسخن) ..قالت خلاص الهلال يمشي يلعب في مدني.
الامل عطبرة بقى زي (الاستارتر)...الواحد في البيت ..يشيلو من لمبة الصالون عشان يولعو بيه لمبة المطبخ.
من لمبة المطبخ يولعو بيه لمبة الحوش.
الاستارتر يلف ليك البيت دا كلو في المغرب لمبة - لمبة.
الامل هسع بقى زي (الاستارتر) دا.
يجيبوه من عطبرة الخرطوم.
يقولوا ليه : لا ..المباراة في الكاملين.
الامل (خفيف) يعجبك ..يسافر الكاملين.
في الكاملين ..يقولوا ليه المباراة في مدني.
عليكم الله في نادي عندو (مجلس ادارة) بقبل بالكلام دا ..يحولوا فيه من مدينة لي مدينة.
زي (المخدة) في بيت العزابة.
قالوا ليك دائما بيت العزابة بتكون فيه (مخدة) واحدة.
الزول البجي بدري ..بشيل (المخدة).
العزابة يقعدوا يحجزوا ليك في (المخدة).
النوم بالدور.
يرقد احمد في (المخدة) لمن ينوم ...عمر يسحب منو (المخدة) عشان ينوم بيها.
ينوم عمر ..يجي عثمان يسحب (المخدة).
اها لمن الواطة تشرق بكون (عباس) يا دوب داخل البيت ..يسحب ليك (المخدة) من (حسن)...ويرقد ينوم.
في الخرطوم نغضوا لينا (هدفين).
هنا في العاصمة عملوا فينا كدا.
وما اكتفوا بالكلام دا.
قالوا لينا تمشوا تلعبوا في مدنى.
مشينا مدني.
ونحن بنلعب في المجموعات.
في مدني الحكم ضربة جزاء واضحة ..حولها لينا مخالفة برة الخط.
هسع ناس مريخ الفاشر ..بقوموا بي نفس الدور.
والاتحاد العام للاسف الشديد قاعد يتفرج.
مريخ الفاشر ..حدد قيام المباراة في استاد (النقعة)..وهو استاد (مخزن) لا يصلح.
سابوا استاد الفاشر الذي لعب فيه مريخ الفاشر كل مبارياته ..وذهبوا الي استاد (النقعة) حينما كانت المباراة امام الهلال.
بحثوا عن نقاط المباراة عبر وسائل غير شريفة وغير كريمة وذلك بان يلعب الهلال في ارضية فيها كل السوء.
من اجل ان يفقد الهلال نقاط المباراة ..وحتى يتعرض لاعبو الهلال لاصابات ..تجعلهم يفقدوا عناصرهم في مباراة القمة القادمة..وفي مرحلة المجموعات.
شفتوا كيف يقوم مريخ الفاشر بخدمة المريخ الكبير.
انظروا الى مثل هذه الاساليب غير الكريمة ..والتى كان يفترض ان يحسمها الاتحاد العام.
لكن الاتحاد العام بقيادة معتصم مجدي واسامة ..كل ما يمكن ان يضر الهلال هم سعداء به.
بل هم يدعمونه بصورة واضحة.
الهلال لعب في مدنى ..ثم سافر ليلعب في الفاشر في ملعب لا يصلح للمباراة.
اخر مباراة لمريخ الفاشر لعبها في استاد الفاشر ..والاستاد المعتمد للمريخ عند الاتحاد العام هو استاد الفاشر.
كيف يقبل الاتحاد العام ان تلعب المباراة في استاد النقعة ..فقط من اجل الاستفادة من سوء الارضية.
مثل هذا السلوك ..وتلك الاساليب تحدث في مجاهل افريقيا وفي ادغالها.
في الوطن وبين اندية الوطن الواحد ..كان يفترض ان يكون هناك حد ادنى من الامانة ..والمسؤولية ومحاولة الانتصار بشرف.
وليس بهذه الطريق غير الشريفة.
الدوري الممتاز اذا دخلت فيه مثل هذه الاساليب ..والتى بدأت من مباراة الهلال والاهلي شندي ..ثم انتقلت الي مباراة الهلال والامل عطبرة ثم وصلت (النقعة) الان فان مجلس الهلال عليه ان يضع حدا لمثل هذه التلاعبات ...والسلوكيات غير الشريفة.
اما الاتحاد العام فانه اذا قبل بمثل هذه التصرفات ..فاننا سوف نقول ان الاتحاد العام لكورة القدم السوداني منو العوض وعليه العوض فقد اصبحت تصرفاته لا تحتمل.
اوقفوا هذا (العبث).
وتذكروا ان الهلال يمثل السودان في مرحلة المجموعات.
يجب ان يحقنوا بشيء من فتيمينات الوطنية.
اصحوا شوية يا مجدي.
ما تعملوها ظاهرة الي هذا الحد.
ملحوظة : لكن ديل بخجلوا؟.
هوامش
رحل عثمان اليمني ...وهو من اوائل الذين ادخلوا (الحداثة) على اغنية الطنبور ..وجعلها تدور بين الناس في كل المدن والانحاء.
تعدي بها حواجز منطقته وبلغ بها كل الانحاء والاطراف.
سوف نعود الي اليمني..له الرحمة والمغفرة.
مباراة الهلال اليوم امام مريخ الفاشر مباراة صعبة ..لكن الهلال ان شاءالله قادر على العودة بالنقاط الثلاث.
خطورة المريخ في (العجب).
وفيصل العجب عندو دوافع خاصة للتسجيل في شباك الهلال.
لكن عشان استاد (النقعة) دا ..الهلال سوف ينتصر ان شاءالله.
هل سوف يلعب مريخ الفاشر امام المريخ العاصمي في استاد (النقعة)؟.
نحيا ونشوف.
كوليبالي سوف يعود في مباراة اليوم ..وسيجيل ان شاءالله اكثر من مرة.
محمد عبدالرحمن ..مهم في مباراة اليوم.
ليت النابي يلعب بثلاثة مهاجمين بشكل صريح.
وارغو في مباريات الولايات اكثر فعالية.
نتمنى وارغو من بداية المباراة.
وارغو وسيدي بيه في تشكيلة واحدة.
كذلك نبحث عن المعز مجحوب في تشكيلة الهلال الاساسية اليوم.
مثل هذه المباريات ..تحتاج الي خبرة المعز محجوب.
يا احمد الحاج ..عاوز تفوتنا كورة الارسنال.
والليلة برشلونة والريال.
يعني زحمة شديدة.
غايتو ح نتوزع كدا ..من كورة لي كورة.
....
عاجل : ناس مريخ الفاشر عاوزين يتموها سوء ارضية...(هي ناقصة).

انقر هنا لقراءة الخبر من مصدره.