سودارس : مباراة القمة يدخلها المريخ بشعار (كلنا زغبير)

مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم) شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي) شاهد بالفيديو.. والدة الفنان الراحل محمود عبد العزيز: الحوت تعرض لظلم فادح من هؤلاء وهذا ما فعلته عندما علمت بتعاطيه "السجائر" وهو طالب في الثانوي والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي بالصورة.. البرنس هيثم مصطفى وزيراً للرياضة في السودان اكتمال عقد الجهاز الفني للكمال قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر "آبل" تستعد لإطلاق أول آيفون قابل للطي شاهد بالفيديو.. نجمة السوشيال ميديا السودانية هبة الجندي تعود للظهور بعد غياب طويل بتقرير إخباري عن الأحداث السودانية وتطورها شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية "يغفر الله للجميع إلا باجيو!".. مأساة اللاعب الذي مات واقفا – فيديو النفط ينخفض 1% بعد تقرير ترامب إنهاء حرب إيران اختبار نسخة مدفوعة جديدة من "إنستغرام" عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* قرار لحكومة السودان بشأن معبر أدري عثمان ميرغني يكتب: فساد.. الفساد.. إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) (أماجوجو والنقطة 54) برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي كريم عبد العزيز وفريق مطلوب عائليا يبحثون عن دولة أوروبية للتصوير الخارجى أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة سارة بركة: أحمد العوضى مجتهد بشكل كبير وبيحب شغله جدا وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

مباراة القمة يدخلها المريخ بشعار (كلنا زغبير)

قوون نشر في قوون يوم 08 - 05 - 2014

* الشخص الوحيد الذي لم (يزغبر) حتى الان رغم ان اسمه (زغبير) هو ايهاب زغبير.
* لكن لا نستبعد ان يعمل ايهاب زغبير (زغبرة) من مباراة القمة وان كان ذلك بعد (5) دقائق من بداية المباراة.
* وما ثبات ايهاب زغبير حتى الان إلا لأنه ابن فارس الهلال وصنديد اسوده عبدالفتاح زغبير.
* وهذا الشبل من ذاك الاسد رغم الفوارق الكبيرة في المستويات بين الاب والابن.
* ناس الهلال ما عندهم (ولد) ما بثبت ..وان كان بيلعب في المريخ.
* اكرم الهادي سليم عمل عملية (هروب) مكشوفة.
* تهربون ...على طريق تهتدون وتفلحون...وشنو كدا ما عارف؟.
* يمكن لنا ان نتابع مسلسل (زغبرة) اكرم الهادي سليم من الالف الي الياء.
* وانتوا بعدين احكموا براكم.
* خلوني انا.
* اكرم الهادي سليم ..اول حاجة عمل فيها (مصاب)..وسافر الامارات ..(مالو ومال التلتلة دي).
* مباراة القمة اقتربت ..ناس المريخ انفتحوا ليك (تلفونات) في اكرم الهادي سليم.
* يا اكرم تعال ..يا اكرم الحقنا ..يا اكرم ارجع لينا.
* قالوا ليه ارجع سريع ..مباراة القمة يوم 10 مايو.
* قال ليهم عندي عملية ..والدكتور قال لي ما ممكن ترجع للملاعب إلّا بعد (45) يوما.
* المريخاب قالوا ليه عملية شنو؟..خلي اي حاجة في ايدك وتعال راجع سريع.
* انجدنا بس.
* اكرم الهادي سليم مسكين ضحي وطلع من غرفة العمليات ..ورجع السودان.
* عرف ليك حكاية (العملية) دي ما بتمرقو من مباراة الهلال.
* عندو رباط صليبي.
* عندو حصوة.
* عندو قضروف ..ح تلعب ح تلعب يا اكرم الهادي سليم.
* رجع اكرم من الامارات ...وعاد للسودان ..وجد ليك الهلال مولع نار.
* شغال (تلاتات) ساكت ..البقابلو كلو بضربو تلاتة.
* اكرم الهادي سليم قالوا ليك قال ..والله دا فريق لا بقيفو قدامو ولا حاجة.
* ما في حارس (بضحي) كدا ويقيف قدام ناس صلاح الجزولي دا.
* إلّأ حارس قنعان من نفسو.
* اكرم قعد يفكر ..وقال دي يطلعو منها كيف؟.
* اكرم الهادي سليم سافر مع المريخ الي عطبرة.
* ناس المريخ من (الخلعة) الفيهم ..وقفوا ليك اكرم الهادي سليم في المرمي.
* دخلوه التشكيلة طوالي.
* يعني من العناية المركزة الي الملعب.
* طوالي.
* اكرم الهادي سليم عرف ليك الموضوع دا ما فيه حل ..إلا (ينبرش) ليهم في مباراة الامل عطبرة.
* اكرم الهادي في البداية حاول يشاكل الحكم ويحتك معاه عشان يمنحو (كرت احمر).
* لكن الحكم متصعب للمريخ اكتر من (صديق علي صالح) قدر ما اكرم الهادي سليم استفزاه عشان يمنحو كرت احمر ..ما استجاب ليه.
* اكرم قال ايوا ..الظاهر الحكم دا مع الحاجات الموصونها ليه ..قالوا ليه اوعك (تكرت) اكرم الهادي سليم.
* كدا يا مريخاب.
* اكرم انتظر ليك الدقيقة (98) تجي ومقلب ليك المريخاب.
* اتلعبت كورة في السماء ...اكرم الهادي قعد يتفرج ليها (زي المسلسل التركي) الي ان اتولى عليها الطاهر حماد ..وقلب هوبة في الاجواء السودانية في عطبرة ..واتصل بي ناس الارصاد الجوي في الخرطوم ..وحجز ليه (تذكرة).
* وطار في (الهوا) فوق ..وسمّع جدول تسعة كلو ..وشرب ليه موية ..وجاب القون في اكرم الهادي سليم.
* الكلام دا حصل ..واكرم الهادي سليم (كابتن المريخ) في تلك المباراة كان قاعد يتفرج.
* اكرم عاوز يتخارج من مباراة القمة ..عاوز يعمل (زغبير)...عرف ليك (العملية) ما بتخارجو ..قال يتخارج بالطريقة (السحرية) دي.
* عرف ليك ناس المريخ ..لو دخلوا ليه كرعينه الاتنين ..مع ايديه الاتنين برضو في (الجبص) ما ح يعفوه من مباراة الهلال.
* لو جابوه (مخدر)..مبنج بنج كامل ..بجيبوه عشان يقيف حارس مرمي امام الهلال.
* لذلك كان هدف الطاهر حماد ..الطريقة الوحيدة التى يمكن ان (يهرب) بها اكرم الهادي سليم من مباراة القمة.
* ناس المريخ بعد ما شافوا هدف الدقيقة (98)..طوالي قنعوا ليك من اكرم.
* قالوا احسن ايهاب زغبير ..بي حالتو دي.
* المريخاب بعد مباراة عطبرة ..كلهم قبلوا على اكرم الهادي سليم ...هاجموه ليك لمن فهم حاجة.
* الفريق طارق عثمان ..ما عتق ليك اكرم الهادي سليم.
* اكرم لقاها ليك فرصة ..قفل الموبايل ..وعمل فيها زعلان ، ومشى قعد في البيت.
* اها يا جماعة المسرحية دي كلها ..وعاوزين تقنعوني انو اكرم الهادي سليم ما هرب من مباراة القمة.
* بالله.
* تتفاصحوا ساكت يا اكرم ووقت تجي مباراة القمة ..تعملوا فيها زعلانين اي واحد يشيل (شنطتو) ويمشي اهلو.
* الحاجة الغريبة ..ليس فيما فعله اكرم الهادي سليم.
* تتصوروا الهادي سليم والد اكرم هو ذاتو عمل فيها زعلان...وقام عمل نفس حركة ولدو.
* يعني الهادي سليم الكبير ..عمل (زغبير).
* دي (زغبرة) اسرية كاملة.
* اقنعوني انتوا ان الموضوع دا عادي ..وحصل صدفة.
* شفتوا لو صدفة ..دي صدفة (زغبيورية) بتبقى.
* اها بعد اكرم وابوه ما زغبروا ...عارفين (الزغبر) منو؟.
* زغبر (ضفر).
* اكرم الهادي سليم (زغبر) من مباراة عطبرة عشان ما في زول يكشفو.
* عشان ما تبقى ظاهرة.
* واحمد عبدالله ضفر .(زغبر) ليك في الفاشر.
* اظنكم ..متفقين معاي.
* ما في زول عندو شك.
* الموضوع واضح وظاهر.
* ضفر امام هلال الفاشر في الدقيقة (90) اخد ليه كرت احمر في منتصف الملعب.
* كرت احمر بعد ان مهد له ضفر بكرت اصفر.
* انتر ضفر الدقيقة (90) ومشى منتصف الملعب وبدون اي داعي عمل ليه مخالفة ..مفروض يطروده فيها من البلد ...وليس من الملعب فقط.
* يعني (اطردني) يا حكم المباراة.
* لمريخ وقتها كان متقدم بهدفين ..يعني ما في دواعي نفسيه لهذه المخالفة ..إلا لو كان (ضفر) عندو خطة تانية.
* كون سمع ليك بي ناس صلاح الجزولي ديل ..قال احسن يتخارج من (الفاشر).
* قوم ناس (بشه) ديل يشطبوه بدون اي سبب ..احسن يفكر ويقعد ليه موسم موسمين في المريخ.
* اس موسى الزومة ديل قاعدين ليهم عشر سنوات والي الان الواحد فيهم وقت يعكس ليه كورة ..بعكسها في (الكشافات).
* قول الواحد فيهم (دافنين) صرتو في (كشافة).
* المهم (ضفر) اتحرفن ..لكن ما زي حرفنة اكرم الهادي سليم..واتخارج ليك من مباراة القمة
* ضفر هسع ح يقعد ليك في بيتو ..يطلع التلفزيون ويتفرج ليك في ناس بلة جابر يوم 10 مايو..عشان يشوف ناس بشه ديل بعملوا فيهم شنو؟.
* الزول القالوا (زغبر) برضو ..قالوا علاءالدين يوسف.
* قلنا ليهم معقولة (فييرا) يزغبر.
* قالوا لينا زغبر.
* قلنا ليهم اصلو ما بنصدق ..لو علاءالدين يوسف (زغبر) هو الاخر ونال ليه كرت اصفر ..ناس (مرتضي كبير) الجابرهم شنو للبهدلة دي.
* يا مرتضي ارجع (شندي) طوالي ..ولاد الخرطوم الشفوت ديل اكرم الهادي سليم وضفر وعلاءالدين يوسف ما يمقلبوك.
* يلعبوا الموسم كلو ..وقت تجي مباراة القمة يعملوا (زغبير).
* وانت المسكين يجبوك من (البيت) عشان تلعب.
* عاوزين يشطبوك الجماعة ديل ..اوعك تجازف وتقيف قدام ناس نزار حامد الصاقعة.
* ناس نزار حامد ديل يفرتكوا بلد.
* انتوا بتلبعوا وإلّا شنو؟.
* هيثم مصطفى طبعا عامل (زغبير) من بداية الموسم ...ناس بلة جابر ديل لا بلعبوا معاهم ولا حاجة.
* بلة جابر بقى كابتن المريخ.
* يعني دي زي الدكان البتمشي تقول ليه عاوز لي (طحنية)..يقول ليك (رقمك) كم؟.
* تقول ليه عاوز (طحنية) ما عاوز لي (رصيد).
* يقول ليك الجماعة ديل (الطحنية) ذاتها بقوا يحولوها.
* والله الجماعة ديل نقعد معاهم سنة تانية ..يحولوا ليك اي حاجة.
* الرصيد.
* الطبق.
* المواقف.
* الوزارات.
* المستشفيات.
* كمان عاوزين تحولوا (الطحنية).
* وروني (الطحنية) دي لو اتحولت من الطحنية ح تبقي شنو؟.
* ح تبقى (صلصة) يعني.
* اوعكم كلو شيء ولا (الطحنية).
* نحن بنقبل اي حاجة...بس ما تهبشوا لينا (الطحنية).
* هسع تلقاكم قلتوا (الطحنية) دي كمان ذنبها شنو؟.
* تتلفتوا زي شجر الاراك.
* اول شجر الاراك بتفلت.
* الزغبيرة في المريخ طبعا ما زالت مستمرة ...واليوم وغدا ح تشوفوا العجب.
* قالوا امير كمال عامل فيها مصاب ..وقال يا جماعة انا ما جاهز.
* ما بقدر عديل كدا.
* ألعب امام بارين موينخ نعم.
* اطلع نجم المباراة ...ما مشكلة.
* ريبيري يشيد بي مشكلة ...لكن والله ناس صلاح الجزولي ديل لا بقدر عليهم ولا حاجة.
* زغبير سيد الاسم ذاتو قال اشمعنا اي واحد فيكم يعمل (زغبير)..وانا زغبير نفسو ما اعمل زغبير.
* دا كلو هين.
* دا كلو فاهمناه.
* لو قلت ليك في زول كبير ..برضو عامل (زغبير) ما بتصدقوا.
* انتوا بتصدقوا جمال الوالي ذاتو عاوز يعمل (زغبير) الي (لندن).
* ناس اكرم الهادي سليم وضفر (زغبرتهم) حدها شارع الاربعين.
* جمال الوالي مارقها لي (لندن).
* غايتو يا (بشه) بتعمل عمايل في الناس ديل.
* بشه منو؟.
* انت قاصد شنو؟.
* قاصد محمد أحمد بشه ..انتوا فهمتوا شنو؟.
* مالكم انتوا.
* عليه فان مباراة القمة القادمة سوف يدخلها المريخ بشعار (كلنا زغبير).
* ملحوظة : الزول لمن يقول ليكم الحقيقة بتزعلوا.
* هوامش
* الناس البزغبروا بعد المباراة ..طبعا معروفين
* مزمل ابوالقاسم ومامون ابوشيبة ومعاوية الجاك واحمد محمد أحمد...ديل كلهم ح يحتجبوا بعد المباراة.
* يحتجب لظروف فنية.
* انتوا افهموا باقى الموضوع ..الاحتجاب لظروف فنية ..دي (الزغبرة) الكتبت ليكم عنها ذاتها.
* بابكر سلك ح يكتب ..وح يقول الحقيقة ...هو الوحيد البقول ليهم اقلبوا المريخ (كافتريا).
* موش زمان سلك دا قال ليكم اقلبوه نادي ثقافي.
* سلك ما بغشكم.
* بقول الحقيقة.
* لكن ابوشيبة لو ما (زغبر) كمان بقوم يهاجم ليكم الحكام.
* عارفين مامون ابوشيبة دا بذكرني بي شنو يا سلك؟.
* بذكرني بالزول اللوام.
* عندنا زول في الحلة ..قدر ما تقابلو يقول ليك انت ما جيتني في وفاة حبوبتنا.
* تقعد تعتذر ليه ..تقول ليه والله ما سمعت ..يقول ليك طيب ليه ما جاتنا في عرس حسان.
* بعد اسبوع تاني يلاقيك ..يقول ليك ما جيتنا في مرض الخالة ..بتمرض خالتكم وتلفون ما بنشيلو نضرب ليكم.
* تقول ليه : اول الخالة عيانة؟.
* بس شغال (لوم) كدا.
* اي زول لايمو.
* هسع مامون ابوشيبة اي حكم ..لايمو ليكم.
* اي حكم ظالم المريخ.
* اي حكم بساعد الهلال في الانتصارات.
* الهلال الذي صعد لمرحلة المجموعات ...بيساعدوه الحكام في الممتاز.
* والمريخ الذي خرج من دور ال (64) في البطولة الافريقية ...حكام الممتاز بستهدفوه.
* ايها (المتزغبرون)...يستهدفوا ليكم شنو انتوا؟.
* يا ابوشيبة اثبتوا ساي.
* منذ الان ..نراهنك انك يوم الاحد لو ما احتجبت تكتب ان المريخ لم يقدم اي كورة ..وان الهلال يستحق الانتصار الذي حققه بجدارة.
* وح تقعد تقول ديل (اشباح) ما بشبهوا المريخ.
* اصبر بس وشوف يا ابوشيبة.
* لو ما كتبت الكلام دا قول انا غلطان.
* واتذكر ..واعترف.
* البرازيلي الجايبو كامبوس كبير في السن.
* لو عاوزو معاه في الجهاز الفني ..ممكن.
* لكن (كورة) الزول دا ما بلعب.
* معقولة محترف عمرو (36) سنة ..وبرازيلي كمان ..دا إلا يكون جايبنو للنجيلة.
* يكون (اختصاصي) في الحتة دي.
* ما عاوزين اي تخبط في التسجيلات.
* الوقت ما بسمح.
* عاوزين تسجيلات ..تجيب لينا البطولة الافريقية.
* النابي كان كبيرا حتى وهو يغادر.
* النابي يمكن ان يعود للهلال في ظروف افضل.
* نعترف ان الظرف الان غير مناسب ..والاجواء غير صالحة.
* نتمنى التوفيق لكامبوس.
* وقبل ذلك ..لا بد من توفير الاجواء المناسبة لكامبوس من اجل العمل في مناخ جيد.
* اذا لم تصلحوا الاجواء ..يبقى ما في فايدة.
* اي مدرب مهما كان كبيرا ..اذا لم توفروا ليه الاجواء المناسبة فلن ينجح.
* مباراة مازمبي تبقت ليها ايام.
* ما تنسوا مازمبي مع لخمة المريخ.
* ....
* عاجل : نسيت اقول ليكم (عبدالصمد) عامل زغبير من بدري.

انقر هنا لقراءة الخبر من مصدره.