رويترز تنشر تقريراً استقصائياً حول إنشاء معسكرات لمليشيا الدعم السريع باثيوبيا    القوات المسلحة رصد وتدمير عدد من المسيرات المعادية ومنظوماتها بدقة عالية    عاطف حسن يكتب: بنك الخرطوم.. اعتذارك ماااااا بفيدك .. !!    سودانير تعلن استئناف رحلاتها من مطار الخرطوم    الهلال ينتزع صدارة الدوري الرواندي من الجيش    شاهد بالفيديو.. بعد أداء العمرة.. شيخ الأمين يعفو عن كل من أساء إليه ويدافع عن الفنانين: (أحد الصحابة كان عنده "عود" يعزف ويغني عليه)    جامعة الخرطوم تمنع لبس البنطال للطالبات والتدخين وتعاطي التمباك داخل الحرم    شاهد بالصور.. زواج شاب سوداني من فتاة "صينية" مسلمة ومطربة الحفل تكتب: (جمعتهما لغة الحب والدين الاسلامي الحنيف لمدة 14 عام)    مناوي: حرق معسكرات النزوح مخطط قاسي لإرغام النازحين على العودة قسراً إلى مدينة الفاشر التي فروا منها طلبا للأمان    بالصورة.. أمر قبض في مواجهة الشيخ محمد مصطفى عبد القادر.. ما هي الأسباب!!    شاهد.. مقطع فيديو نادر للحرس الشخصي لقائد الدعم السريع وزوج الحسناء أمول المنير يظهر فيه وهو يتجول بحذر قبل ساعات من اغتياله    شاهد بالفيديو.. جمهور ولاعبو أم مغد الكاملين يحملون مدرب الفريق على الأعناق احتفالاً بالتأهل لدوري النخبة: (جندي معانا ما همانا)    ارتفاع وارد الذرة واستقرار أسعار السمسم في بورصة محاصيل القضارف    الدولار يواصل التراجع أمام الجنيه فى منتصف تعاملات اليوم    دراسة: السمنة وراء واحد من كل عشر وفيات بالعدوى على مستوى العالم    دعوى ضد ميتا ويوتيوب بشأن إدمان الأطفال للتطبيقات    رافعًا شعار الفوز فقط... الأهلي يواجه النيل في ديربي مدينة شندي    آبل تستعد لأكبر تغيير فى تصميم آيفون منذ سنوات مع iPhone 18 Pro    أسباب ارتعاش العين وطرق العلاج    رئيس شركة نتفليكس يكشف عن تدخل ترامب فى الصفقة الجديدة.. اعرف التفاصيل    درة تكشف عن دورها فى مسلسل "على كلاى".. شخصية مركبة ومعقدة    مني أبو زيد يكتب: القبيلة والقبائلية في السودان بعد حرب الخامس عشر من أبريل    مسؤول سوداني يغادر إلى تركيا    الأهلي شندي يشكر المدرب النضر الهادي    السودان.. وزير الشباب والرياضة يصدر قرارًا    وزير المعادن: السودان ينتقل من تعدين الذهب إلى عصر المعادن الاستراتيجية والطاقة النظيفة    دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات    ارتفاع في وارد المحاصيل الزراعية بسوق القضارف    رحمة أحمد تفاجئ الجمهور بظهورها بالحجاب على البوستر الرسمى لمسلسل عرض وطلب    عثمان ميرغني يكتب: كبري الحلفايا...    بإطلالة نارية وقرد صغير.. رامز جلال يلمح لمقالبه في رمضان    علامة تحذيرية لمرض باركنسون قد تظهر فى الأنف قبل سنوات من التشخيص    شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة    مدير عام قوات الجمارك: لن نتهاون في حماية الوطن من سموم المخدرات والسلاح    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



السيول والأمطار والفيضانات من عملوا ليها (لجنة) ..الناس بقت تغرق ..والبيوت ذاتها بقت تتوقع
قوون نشر في قوون يوم 27 - 05 - 2014

الهلالاب ديل (لجنتهم) ما ثابتة ..عاوزنهم يثبتوا ليكم (التشكيلة)
"""""""""""""""""""""""""""""""
البقول ليك في (الحقيقة) ...ما عاوز يقول ليك الحقيقة...شفتوا ليكم (حقيقة) بقولها في الجرايد
""""""""""""""""""""""""""""
المريخ في أسبوع واحد ..أعار (كابتن) وشطب ليه (كابتن) يا بله بل راسك
""""""""""""""""""""""""""""""""""""""
·اللجان في السودان (قنعانين) من خير فيها...(اصلو ما تنتظروا ليكم خير من لجنة).
·البطيخة لو عملت ليها (لجنة) بتلقاها بقت (قرعة).
·الخريف دا ما جهجه الناس إلّا لمن عملوا ليه (لجنة).
·الناس كانت مسيرة أمورها في أمان الله.
·من عملوا ليهم (لجنة) للسيول والأمطار والفيضانات ..الناس بقت تغرق ..والبيوت ذاتها بقت تتوقع.
·الحيطة يكون ما فيها أي مشكلة ..من يكونوا ليها (لجنة) تاني يوم تقع.
·لو خليتونا في (الصقيعة) للمطر والسيول والفيضانات أرحم لينا من (لجانكم) القاعدين تشكلوها دي.
·اللجنة يعملوا ليها رئيس ومقرر وأعضاء ..على شنو ما عارف؟.
·صرف قروش ساكت.
·الموضوع ولا مستاهل.
·ولا عاوز ليه اللفة الطويلة دا..ساكت مضيعين القروش في (اللجان).
·قالوا ليك في الخريف الفات (الكلام دا ما في المطرة الأخيرة دي)..في الخريف الفات ..في زول بيتو وقع.
·وشفعو غرقو.
·وحالتو بقت بالبلاء.
·هو ذاتو عاوز يغرق.
·قبل ما يغرق كدا – لحقو ليك ناس قناة الجزيرة ..عشان يسألوه عن (الخريف).
·طبعاً ناس قناة الجزيرة بدخلوا في (حتات) صعبة كدا.
·يطلعوا ليك من وين ما عارف؟.
·صاحبكم هو بغرق قال ليهم : والله الخريف ما عمل لينا أي حاجة ..الجهجهنا (اللجان) الشكلوها لينا دي.
·المشكلة ما في المطر – المشكلة في (اللجنة).
·عشان كدا الخريف القادم دا ..الماشي علينا يعني– عليكم الله يا ناس الحكومة ما تعملوا ليه أي (لجنة).
·خلونا نحن برانا بنتصرف مع الخريف.
·السيول أرحم لينا.
·من يقولوا ليك شكلوا ليهم (لجنة)..اقنع من بقية الموضوع..(وهذا عرف ساد في السودان).
·قيل إذا أردت أن تنتهي من شيء ..كوّن ليه (لجنة)...(دي حكمة معروفة في المؤسسات).
·المؤسسة من تقول ليك شكلنا لجنة لمتابعة الموضوع ..(ابقى مارق ساكت).
·وأقعد انتظر بره.
·زي الحكمة (الروسية).
·الحكمة الروسية بتقول شنو كمان؟.
·الحكمة الروسية بتقول ليك : (من يقولوا ليك المدير في اجتماع – أعرف طوالي أنو المدير دا ما شغال).
·من هذا المنطلق ...(شوفوا برضو المسؤول من يقول ليكم من هذا المنطلق – تأكدوا بغش فيكم).
·ومن يقولوا ليكم بي (صراحة) ..أعرفوه عاوز يكذب...في (صراحة) بقولها في التلفزيون.
·والبقول ليك في (الحقيقة) ...ما عاوز يقول ليك الحقيقة...شفتوا ليكم (حقيقة) بقولها في الجرايد.
·لذلك نحن أي شيء عندنا منتهي..لأن أي شيء عملنا ليه (لجنة)..وربعنا ايدينا زي طلاب الصف الرابع (الطالب الما حافظ يقوم).
·نحن كنا طوالي بنقوم.
·جننا وجن (الحفظ).
·الواحد فينا كان أحسن يقولوا ليه اكتب ليك (قصيدة) من رأسك – بدل ما يقولوا ليك احفظها.
·نحن (صبارات) ولّا ترامس شاي عشان نقعد (نحفظ) القصيدة.
·اللجان في السودان نشفت أي شيء.
·الجنيه السوداني كان ما عندو أي مشكلة..بنك السودان عمل ليه (لجنة)...الجنيه دق الدلجة.
·هسع الدولار قرب يلحق العشرة جنيهات.
·ليه في شنو؟.
·جنيهكم بقى زي باكاتكم ..(كورتكم كلها في الكشافات).
·انتوا صحي ناس المريخ شطبوا موسى الزومة ..(الكلام دا هسع ما فاضي ليه برجع ليه بكرة).
·ما عاوز أناقشكم في موضوع موسى الزومة دا.
·ما فاضي يا جماعة.
·لكن برجع ليكم بكرة أو بعد بكرة لي موسى الزومة.
·مشروع الجزيرة ..كان سلة غذاء العالم ..قمح وقطن وعباد شمس.
·ما فيه أي مشكلة.
·من عملوا ليه (لجنة) المشروع أصابه الجفاف ..وبقينا نسمع بالتقاوي الفاسدة.
·الفاسدة لجانكم دي ما تقاويكم.
·تفسدوا انتوا وتعملوها في (التقاوي).
·التقاوي دي بتفسد من رأسها.
·منها وليها كدا.
·السكة الحديد كانت زي الطلقة ..لموا فيها عملوا ليها (لجان) السكة الحديد وقفت.
·بقى الواحد لو ركب ليه (قطر) يقنع ليه من (سنة) من عمرو.
·شغل لجان.
·الزول يكون نصيح ما عندو أي حاجة ..بس عندو شوية (فتور).
·يمشى المستشفى يكشف ...الدكتور يشكل ليه لجنة تدرس حالتو ..اليوم التاني يرقدوا ليك الزول.
·يطلعوا ليك عندو سرطان وعندو فشل كلوي وعندو مشكلة في القلب.
·ما يخلوا ليه حاجة.
·يوهموا ليك الزول لمن يموت بالشفقة.
·كلو من اللجان.
·في منطقتنا ..كان عندنا (مستشفى) شغالة زي الطلقة.
·في أمان الله.
·ناس المحلية قالوا يعملوا ليهم لجنة لتطوير المستشفى.
·عملوا ليهم (لجنة).
·بعد (4) شهور فقط من تكوين اللجنة ...اللجنة قررت تقلب المستشفى (بوتيكات).
·اللجنة طلعت تقرير قالت فيه ما في داعي للمستشفى ...نوصي بتحويل المستشفى إلى (بوتيكات).
·قلبوا المستشفى (بوتيكات)...ونسينا ليك موضوع المستشفى.
·هسع واحد من (البوتيكات) قلب محل باسطة...قال شغل (الملابس) ما نفع معاه.
·عشان كدا قلب (باسطة).
·بوتيكات شنو البتنفع في منطقتنا ...ناسنا ديل ناس باسطة ساكت.
·لكن (الباسطة) ذاتها لحقوها ليك امات طه.
·عارفين كيف؟.
·كونوا ليها (لجنة).
·طوالي قنعنا من (الباسطة).
·إن شاء الله بس ما يلحقوا لينا (الطحنية) ويعملوا ليها (لجنة) يقوموا يقضوا لينا عليها.
·الطحنية دي أوعكم تهبشوها لينا.
·كلو شيء ولا الطحنية.
·ابعدونا من (اللجان) دي.
·خلونا بس كدا.
·بنتصرف برانا.
·هسع الجماعة ديل (أبو عيون حمر) ديل وقت لقوا الهلال ماشي كويس – قاموا عملوا ليه (لجنة).
·الغريبة اللجنة قاعدين يسموها لجنة (التسيير) وهي ما قاعدة تسيِّر أي حاجة.
·قاعدين لينا كدا ..يتغالطوا بس.
·نحن كان عندنا (مقبرة).
·مقبرة بندفن فيها.
·في جماعة كدا اتسلطوا علينا ..قالوا يعملوا ليهم لجنة لتطوير المقابر دي.
·قلنا ليهم المقابر دي ح تطورها كيف يعني؟...ح تقلبوها (مشرحة).
·قالوا أبدًا...ح نعمل ليها (اضاءة).
·عملوا اللجنة ..وانتظرنا (الاضاءة) شمعة ما شفناها ليهم.
·آخر حاجة المقبرة ما طلعنا لينا فيها بي (ميت) واحد.
·الموضوع (اتلجن) تماماً.
·الهلال هسع بقوا كل (6) شهور يشكلوا ليه (لجنة).
·خلاص عاوزين ينتهوا مننا.
·نحن بدون (لجان) حالتنا ما بتسر.
·الغريب أي وزير يجي يقول ليك كوّنوا لجنة من أجل فتح باب العضوية.
·عليكم الله فتح باب العضوية دا عاوز ليه (لجنة).
·الباب دا أي زول ممكن يفتحو.
·اصلوا انتوا عاوزين تفتحوا ليكم باب قراش.
·عاوزين تفتحوا باب القسطنطينية
·عضوية شنو البفتحوا بابها بي (لجنة).
·لجنة هي ولّا مفتاح؟.
·اللجنة الماضية الوزير قال إنه تم تشكيلها من أجل قيام الانتخابات.
·الانتخابات ما قامت.
·قام الوزير تاني كوّن ليه لجنة من نفس قوام اللجنة السابقة مع بعض الاضافات عشان شنو؟.
·عشان تعمل الانتخابات.
·وتعمل شنو تاني؟.
·وتفتح باب العضوية.
·يا جماعة انتوا ما عارفين الموضوع وقت تعملوا ليه (لجنة) ما بتم.
·عشان كدا الانتخابات دي تاني ما بتقوم طالما عملتوا ليها (لجنة).
·انتخابات شنو البتعملوا ليها (لجنة)؟.
·الهلال بقى يغيِّر (لجنة التسيير) في كل مباراة.
·كل مباراة ندخلها بي (لجنة جديدة).
·الهلالاب ديل (لجنتهم) ما ثابتة ..عاوزنهم يثبتوا ليكم (التشكيلة).
·إذا كان ما في استقرار إداري أكيد يكون ما في استقرار فني.
·هسع وينها تسجيلاتكم؟.
·وينو عماركم؟.
·ما شفنا منكم أي شيء.
·استاد الهلال مغلق للصيانة من اللجنة الأولى وحتى ظهور اللجنة التانية.
·ملحوظة : الله يستر على الهلال من اللجان.
هوامش
·المريخ في أسبوع واحد ..أعار (كابتن) وشطب ليه (كابتن) يا بله بل راسك.
·الكابتن سعيد السعودي (أعاروه)..والكابتن موسى الزومة (شطبوه) عديل كدا.
·ديل كباتن شنو ديل؟.
·طبعاً في كابتن بيلعب في (الفاشر).
·بكرة إن شاء الله لو الله مد في الأعمار ..نكتب ليكم عن الموضوع دا.
·شطبوا موسى الزومة.
·موسى الزومة بعد العمر دا بشطبوه.
·الكلام دا ما صاح.
·يا جماعة ديل يقولوا عليهم شنو؟.
·شطبوا (موسى) واستقبلوا أمس المحترف الكاميروني (هامان) من أجل تسجيله في كشوفات المريخ.
·معقولة دي.
·الموضوع دا كدا من ناحية (أخلاقية) ساكت ما بجي.
·تشطبوا (موسى) وتسجلوا (هامان).
·يا جماعة الله الكلام البتعلموا فيه دا غلط.
·بكرة لازم نرجع للحتة دي.
·الخندقاوي ظهر في قناة (النهار) على أنه نائب رئيس نادي الهلال.
·زولكم دا إذا كان في (النهار) بعمل كدا ..وبقول أنا نائب رئيس نادي الهلال..في الليل يقول شنو؟.
·يقول أنا رئيس الهلال عديل كدا.
·قالوا ليك مدحت شلبي بين الفواصل هو ذاتو (اتخندق).
·الخندقة وصلت مدحت شلبي.
·الخندقة بتجر.
·المريخ أي محترف يجيبوا ينزلوا ليك في (سيكافا).
·دي بطولة شنو يا جماعة.
·لا تسجيل ولا إضافة في الكشف.
·ويقولوا ليك سيكافا دي بطولة.
·فعلاً مريخ سيكافا.
·الحكاية فوضى.
·أمس وعبر برنامج الزميل حسن فاروق في إذاعة هلا 96 ..تحدث المدير الفني السابق للهلال نصرالدين النابي حديث طيب عن الهلال.
·مازال هذا الرجل يتحدث بصورة جميلة ورائعة عن كامبوس.
·رغم أن كامبوس يهاجمه بعض أعضاء المجلس.
·سلفه لا يهاجمه بينما يهاجمه الأعضاء.
·النابي قدم درساً للجنة تسيير الهلال القديمة الجديدة.
·النابي قال إن الهلال مرشح بقوة للفوز باللقب خاصة بعد المستوى الذي ظهر به الترجي.
·وأبدى النابي تخوفه الكبير من فريق فيتا كلوب خاصة بعد الاحباط الذي تسلل للهلالاب.
·النابي أشاد بالمدير الفني لفريق فيتا كلوب وحذر من قوة أطراف فيتا كلوب في ظل النقص الذي يعاني منه الهلال في المباراة القادمة.
·الزميل حسن فاروق عبر برنامجه (زمن إضافي) استطاع أن يقلب دواخل النابي عبر الهاتف من بلجيكا.
·النابي يحمل كل الحب للهلال.
·قال النابي إن الهلال يحتاج لمهاجم يلعب بقدمه الشمال ولاعب ارتكاز ، ومدافع.
·نتمنى أن يحسن المجلس والجهاز الفني للهلال في التسجيلات وأن تكون هناك إضافات قوية لكشف الهلال الافريقي.
·قلتوا لي ناس المريخ جابوا (هامان).
·الظاهر الحكاية غلبتهم.
·الهجوم على كامبوس في هذا التوقيت أمر غير لائق من الهلالاب.
·طفشتوا النابي وعاوزين كمان تطفشوا كامبوس.
·................
·عاجل : على فرعون يا هامان.

انقر هنا لقراءة الخبر من مصدره.