مدير السكة الحديد: استئناف رحلات قطار عطبرة – الخرطوم خطوة في مسار التعافي الاقتصادي    رئيس شركة نتفليكس يكشف عن تدخل ترامب فى الصفقة الجديدة.. اعرف التفاصيل    درة تكشف عن دورها فى مسلسل "على كلاى".. شخصية مركبة ومعقدة    عقار يلتقي مديرة برنامج السودان بمنظمة أطباء بلا حدود ببلجيكا    ماسك: بناء مدينة ذاتية النمو على القمر خلال 10 سنوات    الهلال يعود للدوري الرواندي ويواجه الجيش اليوم    مني أبو زيد يكتب: القبيلة والقبائلية في السودان بعد حرب الخامس عشر من أبريل    مسؤول سوداني يغادر إلى تركيا    الأهلي شندي يشكر المدرب النضر الهادي    وزير الطاقة يوجه بالعمل على زيادة التوليد الكهربائي    افراد (القطيع) والشماتة في الهلال..!!    السودان.. وزير الشباب والرياضة يصدر قرارًا    وزير المعادن: السودان ينتقل من تعدين الذهب إلى عصر المعادن الاستراتيجية والطاقة النظيفة    بدر للطيران تدشن رسميا خط بورتسودان دنقلا    دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات    توجيهات بحجز جميع المركبات والشاحنات المخالفة لقرار حظر تداول الحديد الخردة ونقل الحطب بالخرطوم    ارتفاع في وارد المحاصيل الزراعية بسوق القضارف    "إيغاد" ترحّب باستئناف السودان المشاركة في المنظمة    رحمة أحمد تفاجئ الجمهور بظهورها بالحجاب على البوستر الرسمى لمسلسل عرض وطلب    انخفاض أسعار النفط والذهب والفضة يواصلان مكاسبهما    عثمان ميرغني يكتب: كبري الحلفايا...    بإطلالة نارية وقرد صغير.. رامز جلال يلمح لمقالبه في رمضان    وزير الشباب والرياضة يلتقي وكيل جامعة الدلنج ويبحث أوضاع كلية التربية الرياضية    علامة تحذيرية لمرض باركنسون قد تظهر فى الأنف قبل سنوات من التشخيص    مشروب من مكونين يخفض وزنك ويحافظ على استقرار سكر الدم    شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة    شاهد بالفيديو.. قائد ميداني من أبناء "المسيرية" يعلن انشقاقه من الدعم السريع ويقسم على المصحف بسحب كل أبناء القبيلة من المليشيا    شاهد بالفيديو.. افتتاح مستشفى بمواصفات عالمية بمنطقة شرق النيل بالخرطوم والجمهور يشببها بأكبر المستشفيات بالخليج    شاهد بالصور.. مواطن سوداني محتجز بأحد إقسام الشرطة بمصر يرسل رسالة لأقاربه على قطعة "كرتون" (أحضروا لي ملابس)    مدير عام قوات الجمارك: لن نتهاون في حماية الوطن من سموم المخدرات والسلاح    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    الجمارك في السودان تحسم جدل رسوم بشأن الأثاثات والأجهزة الكهربائية للعائدين    الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز    اكتشاف وجود علاقة بين الاكتئاب وهشاشة العظام    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    توصيات المؤتمر القومي لمعالجة قضايا الشباب    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    صعود الذهب عالميًا يرفع أسعار المعدن النفيس فى قطر صباح الخميس    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



تموا الناقصة – ونظموا سيكافا
قوون نشر في قوون يوم 07 - 06 - 2014

· اتعودنا على ذلك ..في كل مرة نلدغ من نفس الجحر...(يا ولد اقفل الشباك).
· الله – معليش قاعد (ألخبط) لمن الهلال يكون متعادل.
· لا في ولد هنا – ولا في شباك.
· الجحر دا غيروه لينا شوية.
· شوفوا لينا (جحر) جديد.
· شوفوا لينا (الاسعار) الولعت دي.
· اسعار شنو؟.
· انا قلت (اسعار).
· بنكرها ليكم حطب مع (المطرة) دي.
· غيروا السيناريو.
· في الافلام الهندية حكاية (البطل) يطلع اخو (حبيتو) بالرضاعة ويكتشف ذلك قبل (العقد) بثواني ...غيروها.
· الافلام الهندية ..بقى البطل يحب ليك البطلة ...ولمن خلاص يكونوا عاوزين (يعقدوا) تتخيلوا بحصل شنو؟.
· تصوروا البطل ما بطلع اخو البطلة بالرضاعة.
· الحكاية دي انتهت.
· غيروها.
· نحن كمان عاوزين حكاية الخسارة في اخر عشرة دقائق دي تنتهي..(يا ولد اقفل الباب).
· باب شنو؟.
· والله لا في ولد لا في باب.
· لكن المطرة شغالة زي (البنقز).
· اعملوا ليكم حركة جديدة...اي فكرة مختلفة.
· قالوا ليك في زوجة كرّهت زوجها ب (العدس).
· كلو يوم تعمل ليه (عدس).
· الفطور (عدس) – الغداء (عدس) – العشاء (عدس).
· والسندة البتكون بين الفطور والغداء ذاتها (عدس).
· الزوج من العدس بقى زي (الصومعة).
· عيونو (عدسية).
· ريحتو عدس – عدس.
· نخرتو ذات تعقر متعدسة.
· دا في واحد قال ليه انت عمرك كم سنة؟.
· قال ليه (53) عدس.
· زولكم مشى يطلع ليه بطاقة شخصية..طلعوا ليه بطاقة (عدسية).
· مرة قالوا ليه انت اسمك منو؟.
· قال ليهم عدسي محمد عدسي.
· الله يقطع سنين العدس.
· جدو ذاتو (عدسي).
· الزوج دا مرة انتفض ..وقال لي زوجتو تاني ما تعملي لي (عدس).
· لو شفت لي عدس في البيت دا ح اوديك بيت ابوك.
· لو الجيران عملو عدس ..انت طالق.
· المرا ارتشعت ...اصلو اي مرا من تجيب ليها سيرة بيت ابوها بتسمع الكلام.
· تمشي في العجين ما تلخبطو.
· الراجل طلع الشغل وجاء راجع الساعة اربعة (منفوش) زي شوال التبن الصابة فيه مطرة.
· قعد ليك في الحوش ..وقال يستعمل سلطاته ...وكورك للمرا : يا مدام عملتي لينا شنو في الغداء؟.
· زوجتو قالت ليه (شوربة).
· الزوج قال ليها الله شافك ..انا الليلة كنت عاوز اوديك بيت ابوك – لكن (الشوربة) دي مرقتك.
· عالم ما بتمشي إلّا باللكزة.
· صاحبكم استدرك بعد شوية – قال ليها عملتي لينا (شوربة) شنو؟.
· المرا نطت – شوربة (عدس) – لكن عدس طاااعم.
· الزوج حاول يسترجع كرامته قال ليها : اوعك تكوني كترت العدس في الشوربة.
· جابوا ليه شوربة العدس ضربها ليك زي (اراضي الحكومة).
· ما خلي فيها حاجة.
· هسع نحن مبارياتنا دي كلها بقت (عدسي).
· ريحتها عدس – عدس.
· ما معقول نحن في اخر اي عشرة دقائق نخسر.
· غيروا لينا (العدس) دا.
· ان شاءالله ب (شوربة).
· يا ولد ادخل جوة في المطر دي.
· ولد شنو؟.
· قلت ليكم لمن الهلال يكون خسران ...بتداخل على السطور.
· اذكر مرة الهلال كان مغلوب.
· طلعت (اللاب توب) قلت اكتب العمود.
· قدر ما حاولت اكتب عن المباراة بلقى نفسي بكتب عن (اتفاقية الحكم الثنائي).
· يا جماعة الليلة (اتفاقية الحكم الثنائي) دي البفكني منها شنو؟.
· دخلها شنو بالمباراة؟.
· اضغط ليك الحروف وادخل في الموضوع واكتب عن (بشه).
· القى ليك نفسي في السطر التاني دخلت ليك في (اتفاقية الحكم الثنائي).
· قدر ما اتحرفنت ..وحاولت اربط بين اتفاقية الحكم الثنائي والمباراة ما قدرت.
· يا جماعة دي يلحوها كيف؟.
· قلبت العمود ..وفتحت ليك في (بلة جابر).
· تصوروا لقيت في رابط بين اتفاقية الحكم الثنائي وبلة جابر.
· اكيد عاوزين تعرفوا (الرابط) شنو؟.
· الرابط واضح.
· اتفاقية الحكم الثنائي ما فيها (كورة).
· وبلة جابر ما عندو (كورة).
· قفلت العمود على كدا ورسلتو.
· الزول لمن يكون (حريف) ما بتجيه اي عوجة.
· اهم شيء (الحرفنة).
· هسع دا فريق تتعادلوا معاه.
· الشيء البغيظ الهدف في الهلال بيأتي في نفس الميعاد.
· في وقت محدد.
· الواحد فينا بقي في اخر (10) دقائق ..يخش ويطلع.
· يمشي (التلاجة) 51 مرة.
· اعصابنا ذاتها بقت (تبوظ) في تلك الدقائق.
· من تجي الدقيقة (80) الواحد فينا ببقى زي (السواق) الما مرخص وقدامو (دورية) مرور.
· وكمان ما رابط الحزام.
· يا ولد اقفل المروحة ...عملت (ماس).
· ولد شنو؟.
· قلت ليك قاعد الخبط وقت الهلال يكون متعادل...خاصة لمن تكون في مطر.
· والتعادل كان بنفس الطريقة.
· زي (التار) عند الصعايدة في مصر.
· في اي مسلسل مصري قديم بتلقى ليك البطل عليه (تار).
· نحن (كرهنا) الحاجات دي.
· حفظناها حفظ.
· هسع عشان احددها ليكم شوفوا ليكم مسلسل قديم فيه (احمد بدير).
· احمد بدير في الوقت داك صلعتو كانت (جديدة)..ما كانت (عتيقة) كدا.
· احمد بدير الوقت داك كان في سنة اولى صلعة...هسع صلعتو بقت زي معجون الاسنان وقت يكون في اخرو.
· اها احمد بدير في اي مسلسل قديم بتلقاه عليه (تار).
· لدرجة ان احمد بدير مرة مثل مع عادل امام فيلم سينمائي.
· احمد بدير في الفيلم طلع عليه (تار).
· هسع نحن في الهلال تقول علينا (تار).
· في اخر عشرة دقائق يطخونا ليكم زي (حمام) سيكافا.
· سخنوا الحوار شوية...بدلوا الخاتمة.
· ما معقول كل مرة (النهاية) تكون حزينة كدا.
· مرة واحدة خلوا (النهاية) سعيدة شوية.
· الاحزان (العبيطة) دي ..الزي (مشابك الغسيل) في بيت العزابة – غيروها لينا.
· الفيلم دا دخلناه قبل كدا.
· شاهدنه الف مرة.
· دائما الهلال يكون متقدم ومنتصر ويأتي ويفقد النتيجة في اخر (10) دقائق.
· المباراة (90) دقيقة.
· لكن نحن بنلعب على (80) دقيقة فقط.
· ليه حدكم دائما الدقيقة (80).
· بعد ال (80) يحصل البحصل...بتفكوا اللعب ليه؟.
· بتفكوا (المراقبة).
· نحن زمان وقت كنا (طلبة) – كانت (الحرفنة) كاتلانا.
· كنا بننتظر اخر (3) دقائق من انتهاء زمن الامتحان ..عشان المراقب بفك المراقبة في اخر (3) دقائق.
· لو في سؤال ما لاقي ليه اجابة ..في اخر دقائق الامتحان بتلقى ليه اجابة.
· عشان كدا الواحد اصلو ما يطلع بدري.
· يقعد لمن المراقب يجي يخطف منو الورقة.
· الطالعين ليها شنو؟.
· الواحد ما عارف ..وكمان من يقولوا مضى نصف الزمن يقوم يطلع.
· نحن ناسنا ديل ..ناس عمر بخيت ومساوي في اخر (10) دقائق دائما بفكوا المراقبة.
· في القاهرة تقدم الزمالك على الهلال في الدقيقة (80).
· المباراة باقى ليها (10) دقائق سجل الزمالك (المتواضع) وتقدم على الهلال لينتصر.
· الموسم الماضي خرجنا امام فريق سيوسبورت العاجي رغم ان الهلال كان يتقدم عليه الهلال بثلاثية نظيفة...ليأتي ويسجل سيوسبورت العاجي في الدقيقة (93) هدفا في الهلال كفل له التأهل.
· قبل ذلك كان الهلال قريب جدا من التأهل لنهائي الكونفدرالية بعد ان تقدم على دجوليبا المالي في الخرطوم 2 / صفر.
· لكن الهلال خسر في مالي بنفس النتيجة بعد ان سجل الفريق المالي في شباك الهلال في اخر (10) دقائق ليعادل نتيجة الخرطوم ثم يخرج الهلال بالضربات الترجيحية.
· الهلال امس كان متقدم على فيتا كلوب حتى الدقيقة (84) من عمر المباراة ليخسر تقدمه هذا بعد ان احرز الفريق الكنغولي هدفا من ضربة جزاء كفل له ان يخرج متعادلا امام الهلال.
· هذه السيناريوهات اتكررت في فترة قصيرة ...مع ذلك لم يعتبر منها الهلال ولم يتعلم.
· لا نعرف ان نتعامل مع اخر (10) دقائق من عمر المباراة.
· نحتاج الى ان نصحي فينا القدرة ..ونحن نفقد التركيز في هذا الزمن ونغيب تمام فيه.
· حتى الجمهور لا يحسن التعامل مع اخر (10) دقائق من عمر المباراة.
· نحتاج الي (ثقافة) تعيد فينا حسن التعامل مع الدقائق الاخيرة من عمر المباراة.
· نحن في حاجة حقيقة لتربية جديدة ..تقتلع مننا هذا الخمول الذي يدخل على اللاعب السوداني في اخر (10) دقائق.
· عاوزين نتعلم ..ان ال (10) دقائق جزء اصيل من المباراة وان البطولات تحقق في هذا الزمن فان لن نحسن التعامل في ذلك الزمن لن نحقق اي بطولة.
· جيبوا لينا مدرب لهذا الزمن.
· مدرب متخصص في اخر (10) دقائق.
· جيبوا لينا (محترفين) عندهم القدرة على التعامل مع هذا الزمن.
· لا نريد ان نلدغ دائما من اخر (10) دقائق في المباراة.
· كفاية كدا.
· خلاص.
· يا ولد ..اقفل على كدا.
· ملحوظة : جدا ما في مشكلة.
هوامش
· حالتكم دي اخير منها (سيكافا).
· بعد كدا ناس لجنة التسيير ديل إلّا يشوفوا ليهم (سيكافا) ينظموها.
· شوفوا لينا (سيكافا) ..ننسى بيها (التعادل) دا.
· لكن اوعى تلعبوا لينا في سيكافا بي ناس عمر بخيت وكاريكا.
· ديل ما توسخوهم لينا بي كتاحة سيكافا دي.
· سيكافا دي شاركوا فيها بي (الرديف).
· ولا بنغشكم.
· ولا بنقبل في الهلال بي اي سيكافا.
· سيكافا شنو؟.
· سيكافا نحن ولا بنعاين ليها.
· ولا بنقعد ليها.
· المسكنات (السيكافية) دي نحن ما بتنفع معانا.
· قالوا ليك المريخابي وقت يكون عاوز ليه بندول ..ببلع ليه حبة (سيكافا).
· سيكافا دي مسرحية زي مسرحية (النظام يريد).
· ما عندها اي فرق من المسرحية دي.
· يا جماعة والله انا بكتب ليكم في سخانة ..والكهربة تقطع وتجي ..والمطرة شغالة والهلال متعادل.
· يعني العمود دا لو لقيتوا عن (الحكم الثنائي المصري التركي) ما تستغربوا.
· ما تقعدوا تخولعوا لي في عيونكم كدا – زي الترمسة الما فيها شاي.
· الواحد يشيل الترمسة يلقاها تقيلة.
· وقت يقول يكب منها شاي ..يلقى ما فيها الحبة.
· ما تعملوا لي الحركات دي.
· اها الكهربة قطعت.
· بكتب بي (شمعة).
· لكن اللوب توب بشتغل بي شمعة.
· بطاريتو ضعيفة.
· اعمل ليكم شنو؟.
· الواحد لو (احتجب) ناس سلك ومامون ابوشيبة ما بريحوه.
· لكن عشان بحتجب.
· عارفين لو النتيجة دي كانت في سيكافا ..كان سطر ما بكتبو.
· سنة ما كنت بكتب.
· انا ما عارف انتوا قوة العين دي بتجبوها من وين؟.
· هلالنا عظيم ...وجميل ..ورائع.
· ما في اجمل من الهلال ..حتى وان خسر.
· ............
· عاجل : ولا يهمكم يا جماعة ..(عادي)...الكلام الناس الطاروا من سيكافا.

انقر هنا لقراءة الخبر من مصدره.