سودارس : سيكافا..بطولة بدل الفاقد

تحالف "صمود": استمرار الحرب أدى إلى كارثة حقيقية شاهد بالفيديو.. لاعب المريخ السابق بلة جابر: (أكلت اللاعب العالمي ريبيري مع الكورة وقلت ليهو اتخارج وشك المشرط دا) شاهد بالفيديو.. بأزياء مثيرة وعلى أنغام "ولا يا ولا".. الفنانة عشة الجبل تظهر حافية القدمين في "كليب" جديد من شاطئ البحر وساخرون: (جواهر برو ماكس) شاهد بالفيديو.. حسناء الفن السوداني "مونيكا" تدعم الفنان عثمان بشة بالترويج لأغنيته الجديدة بفاصل من الرقص المثير "صمود" يدعو لتصنيف حزب المؤتمر الوطني "المحلول"، والحركة الإسلامية وواجهاتهما ك "منظومة إرهابية" صحة الخرطوم تبحث خطة لإعادة إعمار المرافق الصحية بالتعاون مع الهيئة الشبابية ميسي يستعد لحسم مستقبله مع إنتر ميامي امرأة على رأس قيادة بنك الخرطوم..!! كمين في جنوب السودان كوليبَالِي.. "شَدولو وركب"!! دبابيس ودالشريف إتحاد الكرة يكمل التحضيرات لمهرجان ختام الموسم الرياضي بالقضارف تقرير يكشف كواليس انهيار الرباعية وفشل اجتماع "إنقاذ" السودان؟ محمد عبدالقادر يكتب: بالتفصيل.. أسرار طريقة اختيار وزراء "حكومة الأمل".. ارتفاع احتياطيات نيجيريا من النقد الأجنبي بأكثر من ملياري دولار في يوليو وحدة الانقاذ البري بالدفاع المدني تنجح في إنتشال طفل حديث الولادة من داخل مرحاض في بالإسكان الثورة 75 بولاية الخرطوم "تشات جي بي تي" يتلاعب بالبشر .. اجتاز اختبار "أنا لست روبوتا" بنجاح ! أول أزمة بين ريال مدريد ورابطة الدوري الإسباني "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي الخرطوم تحت رحمة السلاح.. فوضى أمنية تهدد حياة المدنيين المصرف المركزي في الإمارات يلغي ترخيص "النهدي للصرافة" أنقذ المئات.. تفاصيل "الوفاة البطولية" لضحية حفل محمد رمضان بزشكيان يحذِّر من أزمة مياه وشيكة في إيران شهادة من أهل الصندوق الأسود عن كيكل لجنة أمن ولاية الخرطوم تقرر حصر وتصنيف المضبوطات تمهيداً لإعادتها لأصحابها اكتمال عملية التسليم والتسلم بين رئيس مجلس الإدارة السابق والمدير العام للنادي انتظام النوم أهم من عدد ساعاته.. دراسة تكشف المخاطر ترامب يعلق على عزم كندا الاعتراف بدولة فلسطين مصانع أدوية تبدأ العمل في الخرطوم خبر صادم في أمدرمان اقتسام السلطة واحتساب الشعب شاهد بالصورة والفيديو.. ماذا قالت السلطانة هدى عربي عن "الدولة"؟ شاهد بالصورة والفيديو.. الفنان والممثل أحمد الجقر "يعوس" القراصة ويجهز "الملوحة" ببورتسودان وساخرون: (موهبة جديدة تضاف لقائمة مواهبك الغير موجودة) شاهد بالفيديو.. منها صور زواجه وأخرى مع رئيس أركان الجيش.. العثور على إلبوم صور تذكارية لقائد الدعم السريع "حميدتي" داخل منزله بالخرطوم إلى بُرمة المهدية ودقلو التيجانية وابراهيم الختمية رحيل "رجل الظلّ" في الدراما المصرية... لطفي لبيب يودّع مسرح الحياة بنك أمدرمان الوطني .. استئناف العمل في 80% من الفروع بالخرطوم بنك أمدرمان الوطني .. استئناف العمل في 80% من الفروع بالخرطوم زيادة راس المال الاسمي لبنك امدرمان الوطني الي 50 مليار جنيه سوداني وفاة 18 مهاجرًا وفقدان 50 بعد غرق قارب شرق ليبيا احتجاجات لمرضى الكٌلى ببورتسودان السيسي لترامب: ضع كل جهدك لإنهاء حرب غزة تقرير يسلّط الضوء على تفاصيل جديدة بشأن حظر واتساب في السودان استعانت بصورة حسناء مغربية وأدعت أنها قبطية أمدرمانية.. "منيرة مجدي" قصة فتاة سودانية خدعت نشطاء بارزين وعدد كبير من الشباب ووجدت دعم غير مسبوق ونالت شهرة واسعة «ملكة القطن» للمخرجة السودانية سوزانا ميرغني يشارك في مهرجان فينيسيا وزارة المالية توقع عقد خدمة إلكترونية مع بنك النيل الأزرق المشرق مقتل شاب ب 4 رصاصات على يد فرد من الجيش بالدويم السودان..الإعلان عن إنزال البارجة"زمزم" دقة ضوابط استخراج أو تجديد رخصة القيادة مفخرة لكل سوداني أفريقيا ومحلها في خارطة الأمن السيبراني العالمي الشمالية ونهر النيل أوضاع إنسانية مقلقة.. جرائم وقطوعات كهرباء وطرد نازحين شرطة البحر الأحمر توضح ملابسات حادثة إطلاق نار أمام مستشفى عثمان دقنة ببورتسودان السودان.. مجمّع الفقه الإسلامي ينعي"العلامة" ترامب: "كوكاكولا" وافقت .. منذ اليوم سيصنعون مشروبهم حسب "وصفتي" ! بتوجيه من وزير الدفاع.. فريق طبي سعودي يجري عملية دقيقة لطفلة سودانية نمط حياة يقلل من خطر الوفاة المبكرة بنسبة 40% عَودة شريف لماذا نستغفر 3 مرات بعد التسليم من الصلاة .. احرص عليه باستمرار

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

سيكافا..بطولة بدل الفاقد

قوون نشر في قوون يوم 28 - 06 - 2011

المريخ دا كل ما يفشل ليهو في بطولة ...والجمهور يزعل ...جمال الوالي بقول لي ناس العجب خلاص ما تزعلوا.

بعمل ليكم حاجة حلوة.

الجماعة بقولوا ليهو : ما تعمل لينا طابق تاني.

قديمة.

نحن الطابق التاني نعمل بيهو شنو مع (اتوبونجات) الهلال الجديدة دي.

غايتو يا الباشا البشوف (اتوبونج) يعذرك في البتعمل فيهو في (سيكافا).

انت يا الباشا سرحت وإلا شنو؟.

انت قايل نفسك بتلعب في الهلال الي الان.

والله عمليتك دي (سادومبا) ما بعملها.

هسع انت يا الحضري ..فرقك من اكرم الهادي سليم شنو؟.

البتعمل فيهو دا عيب.

زول في العمر دا (بتشربك) في الشبكة كدا.

زمان المريخاب ضحكوا في المعز.

اها الحضري عمرو 40 سنة ..اتشربك.

يحلها الشربكها.

عارفين الشربكها منو؟.

الباشا.

ذكرتنا (طارق مختار).

زولكم قبض قروش التسجيل...بعد كدا ما فارقة معاه.

قلب.

بقي يشوت في شبكتو.

دا الباشا عمل كدا ..موسي الزومة يعمل شنو؟.

المهم يا جماعة.

نرجع ليكم لي بداية العمود.

المريخاب بقولوا ما عاوزين (طابق تاني).

جمال الوالي بفكر في حاجة تانية.

حاجة يعوض بيها الناس المسكينة دي.

في 8 سنوات ..فاوزوا بالممتاز مرة واحدة.

هسه انتوا فرقكم شنو من مريخ الساحل.

ما عندكم أي انجاز.

اخير مريخ بورتسودان ..ما بجيب قون في شبكتو.

جمال الوالي قعد يفكر.

يفكر في حاجة يتخارج بيها.

الاعلام السالب ...بقول ما في حاجة بتعوضنا ما فقدناه.

8 سنوات ..نشيل الممتاز مرة واحدة.

زمالك السودان.

جمال الوالي بفكر هنا ...وهناك.

واخر حاجة بقوم يطلع ليهم بي بفكرة صعبة.

يقول ليهم نحن ح نشارك في سيكافا.

سيكافا عيشتها تطير.

سيكافا مالها؟.

عيبوها لي.

سيكافا دي انتوا قايلنها بطولة ساهلة.

سيكافا دي عند المريخاب زي كأس العالم.

بطولة ما فيها أي كلام.

رغم انو ناس مصطفي الاغا ..قعدوا يضحكوا في اسماء الفرق المشاركة في هذه البطولة.

عليكم الله هسه الصومال دا فيها (المان يوناتيد).

قادر الله.

على كدا.

بورندا بكون فيها ريال مدريد.

وفي ارتيريا (برشلونة).

اما تشيلسي بكون في يوغندا.

دا ممكن.

ما تستغربوا.

عادي.

الصومال فيها المان يوناتيد.

خلاصة الكلام ..(سيكافا) دي عند المريخاب زي (بدل الفاقد).

انتوا موش ..لما الزول يضيع (جنسيتو) بقولوا ليهو طلع (بدل فاقد).

وموش لما الزول (يودر) بطاقتو الشخصية بقولوا ليهو : طلع بدل فاقد.

في زول كان (متلوخبط) كدا...في واحد قال الزول دا مالو؟.

قالوا ليهو الزول دا روح بطاقتو (الشخصية) قام طلع بدل فاقد لي (شخصيتو).

بقي زي الزول البسموا ليهو في (15) يوم.

يخش من باب ويطلع من باب.

تقول راجي سيد اللبن.

يا زول الشفقة في شنو؟.

نحن عندنا (مولود) سمّوا ليهو لمن عمل ليهو (شنب).

اصلوا نحن ما بنسمّي ساكت.

نحن ناس صعبين.

صعبين شديد.

الواحد لو ما بقي للجامعة ما بنسمي ليهو.

قصر الكلام يا جماعة ...سيكافا دي بطولة (بدل فاقد) للممتاز.

الجماعة ديل قنعوا من (الممتاز).

عرفوا ليك حكاية (العلامة الكاملة) دي ما بتمشي.

8 سنوات وبطولة ممتاز مرة واحدة.

بي وارغو ما نفع.

بالحضري ما نفع.

الحضري عرفها ..قال ما بقعد.

قال ناس موسي الزومة ديل ما عندهم طموح.

يا الحضري يعني انت شايف الطموح في (الاعلام السالب).

الواحد يسألوا يقولوا ليهو امنيتك شنو؟.

يقول : يعملوا اضاءة للطابق التاني.

الهواية : الطلوع في الطابق التاني.

اعلى حاجة عندهم (الطابق التاني).

دي ابعد حاجة عندهم.

جمال الوالي دا وقت يعمل ليه حاجة صعبة شديد...بنزل ليهو لوري طوب.

تاني ما في حاجة.

لذلك هم شايفين سيكافا دي احسن بطولة في الدنيا.

عشان كدا قالوا يفكروا ليهم في (بدايل).

بدل الممتاز.

والبطولة الافريقية التي خرجوا منها من دور ال 32.

من (بدري).

وسيكافا دي بتطلعوا منها من (حضري).

الجماعة فكروا في بدايل.

فكروا في ملحق.

قاموا لقوا (سيكافا).

شبكونا ..سيكافا ..سيكافا.

والاعلام السالب يعجبك.

يعمل ليك من الحبة قبة.

سيكافا دي أي فريق بشارك فيها بكون ضاربهو (الملاريا).

ديل ناس ملاريا ساكت.

انتوا ما شفتوا (الباشا) ضعف كيف.

بقي يرجع الكورة من النص.

لكن المريخاب ديل بطولة زي دي عادي يعملوا ليكم منها (توم وشمار).

حكاية الاعلام السالب وبدايل جمال الوالي بتذكرني بي قصة.

قصة حصلت زمان.

قالوا ليك زمان كدا في واحد اسمو (ابودركليم).

ابودركليم دا كمان طلع لينا من وين؟.

دا صيني دا وإلا شنو؟.

ابودركليم دا ..زي أي زول بحدثكم عنو ..زول صعب.

ما بتلفت.

المهم ابودركليم دا قالوا عاوز يعرس.

يلقط في الشيلة ..قطعة ..قطعة.

زول صعب.

هسه (العصوبية) الدخلها هنا شنو؟.

المهم (ابودركليم) دا بقي يجيب في شيلة الاكل.

جاب السكر.

وجاب الصابون.

وجاب العدس.

وجاب الزيت.

وجاب الفحم.

وجاب الدقيق.

ما خلى ليهو حاجة.

في واحد عامل فيها (مفتح) قال لي ابودركليم انت لو مفتح شيل لي نسابتك ديل مع السكر شوالين اسمنت ..عندهم (حيطة) واقعة والخريف داخل.

ابودركليم ..ما كذب.

مع السكر اشترى (الاسمنت).

هسع في ناس بزعلوا ..بقولوا ابودركليم دا عاوز يثبت لينا في شيلة الاكل ...(الاسمنت).

يمين في نسابة ..لو ما شافوا (الاسمنت) مع شيلة الاكل ..يرجعوا ليك العريس من خشم الباب.

الباب تطير عيشتو.

ابودركليم خلى هسع.

قالوا ليك الهلال لعب ليك مع فريق (الصعايدة) في مصر.

كل ما اتوبونج ينفرد بالمرمي ...معوض بقول لي هريدي ..طخوا يا هريدي.

طبعا عندهم (تار) مع اتوبونج.

الصعايدة ما بخلوا حقهم صعبين.

ملحوظة : الصعايدة سجلوا هدف عكسي.

هوامش

انتوا الباشا (صعايدي).

مصعب عمر دا من الصعيد.

الحضري طبعا من (كفر البطيخ).

عشان كدا بقي يمسك الكورة ويفكها.

مع الفكة دي.

الحضري قال ما بقعد.

قال ناس موسي الزومة ما عندهم (طموح).

لكن والله الحضري ظلم (سفاري).

سفاري عندو طموح يلعب في (الهلال).

جياد هو مصاب.

ومشطوب من الهلال بعد 6 ايام من تسجيله.

برضو قال ما عاوز المريخ.

جمال الوالي ضرب ليهو عرض الهلال في تلاتة.

وجياد رفض.

انت يا جمال الوالي قايلو (طمبل).

دا زول صعب.

6 يوم في الهلال ..عرف ليك الفرق.

ما زي طمبل ..6 سنوات ...ما نقش ليهو حاجة من حاجات الهلال.

طمبل رجعوه من كينيا.

ما شاف تنزانيا.

والله يا طمبل دي حقارة.

انا خايف المريخ لو صعد للمرحلة المقبلة في سيكافا يقوم البدري يرجع (العجب).

الحضري قال ما بقعد.

بالمناسبة الحضري دا ماسك حاجات كتيرة على المريخ.

عشان كدا ناس المريخ ما بقدروا يعملوا ليهو أي شيء.

نتيجة الهلال امام الفريق المصري جيدة.

فقط مطلوب ان يلعب الهلال في المباريات القادمة مباريات كبيرة وامام فرق كبيرة.

ناس اتوبونج ديل ما بظهروا إلا مع الكبار.

اصربوا انتوا.

توريه على الطريقة (البرازيلية).

يا ريت لو الهلال خسر.

عاوزنو يخسر مع الجرعات الاعلامية المكثفة على الهلال هذه الايام.

الخسارة افضل.

عاوزين لينا فريق نخسر منو في مصر.

المكسب ما كويس معانا.

لذلك نتيجة مباراة الامس ..نتيجة جيدة.

ومطلوبة.

وفوايدها سوف تكون كبيرة.

عاجل : يا الباشا لو عاوز ترجع الهلال ما تعملها ظاهرة كدا.

انقر هنا لقراءة الخبر من مصدره.