سودارس : رئيس الجمهورية استدعاني في القيادة العامة

مجاعة تهدد آلاف السودانيين في الفاشر والي الخرطوم يشيد بمواقف شرفاء السودان بالخارج في شرح طبيعة الحرب وفضح ممارسات المليشيا المتمردة تجدّد إصابة إندريك "أحبط" إعارته لريال سوسيداد توجيه الاتهام إلى 16 من قادة المليشيا المتمردة في قضية مقتل والي غرب دارفور السابق خميس ابكر لدى مخاطبته حفل تكريم رجل الاعمال شكينيبة بادي يشيد بجامعة النيل الازرق في دعم الاستقرار شغل مؤسس عثمان ميرغني يكتب: لا وقت للدموع.. السودان..وزير يرحب بمبادرة لحزب شهير الهلال السوداني يلاحق مقلدي شعاره قانونيًا في مصر: تحذير رسمي للمصانع ونقاط البيع محمد خير مستشاراً لرئيس الوزراء كامل إدريس "ناسا" تخطط لبناء مفاعل نووي على سطح القمر ريال مدريد الجديد.. من الغالاكتيكوس إلى أصغر قائمة في القرن ال 21 تيك توك يحذف 16.5 مليون فيديو في 5 دول عربية خلال 3 أشهر الناطق الرسمي باسم قوات الشرطة يكشف عن إحصائيات بلاغات المواطنين على منصة البلاغ الالكتروني والمدونة باقسام الشرطةالجنائية وفد المعابر يقف على مواعين النقل النهري والميناء الجاف والجمارك بكوستي الشان لا ترحم الأخطاء صقور الجديان في الشان مشوار صعب وأمل كبير الإسبان يستعينون ب"الأقزام السبعة" للانتقام من يامال السودان.."الشبكة المتخصّصة" في قبضة السلطات مقتل 68 مهاجرا أفريقيا وفقدان العشرات إثر غرق قارب ريال مدريد لفينيسيوس: سنتخلى عنك مثل راموس.. والبرازيلي يرضخ مسؤول سوداني يردّ على"شائعة" بشأن اتّفاقية سعودية السودان..إحباط محاولة خطيرة والقبض على 3 متهمين توّترات في إثيوبيا..ماذا يحدث؟ غنوا للصحافة… وانصتوا لندائها توضيح من نادي المريخ حرام شرعًا.. حملة ضد جبّادات الكهرباء في كسلا شاهد بالفيديو.. بأزياء مثيرة وعلى أنغام "ولا يا ولا".. الفنانة عشة الجبل تظهر حافية القدمين في "كليب" جديد من شاطئ البحر وساخرون: (جواهر برو ماكس) امرأة على رأس قيادة بنك الخرطوم..!! وحدة الانقاذ البري بالدفاع المدني تنجح في إنتشال طفل حديث الولادة من داخل مرحاض في بالإسكان الثورة 75 بولاية الخرطوم الخرطوم تحت رحمة السلاح.. فوضى أمنية تهدد حياة المدنيين "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي المصرف المركزي في الإمارات يلغي ترخيص "النهدي للصرافة" أنقذ المئات.. تفاصيل "الوفاة البطولية" لضحية حفل محمد رمضان لجنة أمن ولاية الخرطوم تقرر حصر وتصنيف المضبوطات تمهيداً لإعادتها لأصحابها انتظام النوم أهم من عدد ساعاته.. دراسة تكشف المخاطر خبر صادم في أمدرمان اقتسام السلطة واحتساب الشعب شاهد بالصورة والفيديو.. ماذا قالت السلطانة هدى عربي عن "الدولة"؟ شاهد بالصورة والفيديو.. الفنان والممثل أحمد الجقر "يعوس" القراصة ويجهز "الملوحة" ببورتسودان وساخرون: (موهبة جديدة تضاف لقائمة مواهبك الغير موجودة) شاهد بالفيديو.. منها صور زواجه وأخرى مع رئيس أركان الجيش.. العثور على إلبوم صور تذكارية لقائد الدعم السريع "حميدتي" داخل منزله بالخرطوم إلى بُرمة المهدية ودقلو التيجانية وابراهيم الختمية رحيل "رجل الظلّ" في الدراما المصرية... لطفي لبيب يودّع مسرح الحياة زيادة راس المال الاسمي لبنك امدرمان الوطني الي 50 مليار جنيه سوداني وفاة 18 مهاجرًا وفقدان 50 بعد غرق قارب شرق ليبيا احتجاجات لمرضى الكٌلى ببورتسودان السيسي لترامب: ضع كل جهدك لإنهاء حرب غزة تقرير يسلّط الضوء على تفاصيل جديدة بشأن حظر واتساب في السودان استعانت بصورة حسناء مغربية وأدعت أنها قبطية أمدرمانية.. "منيرة مجدي" قصة فتاة سودانية خدعت نشطاء بارزين وعدد كبير من الشباب ووجدت دعم غير مسبوق ونالت شهرة واسعة مقتل شاب ب 4 رصاصات على يد فرد من الجيش بالدويم دقة ضوابط استخراج أو تجديد رخصة القيادة مفخرة لكل سوداني أفريقيا ومحلها في خارطة الأمن السيبراني العالمي السودان.. مجمّع الفقه الإسلامي ينعي"العلامة" ترامب: "كوكاكولا" وافقت .. منذ اليوم سيصنعون مشروبهم حسب "وصفتي" ! بتوجيه من وزير الدفاع.. فريق طبي سعودي يجري عملية دقيقة لطفلة سودانية نمط حياة يقلل من خطر الوفاة المبكرة بنسبة 40% عَودة شريف لماذا نستغفر 3 مرات بعد التسليم من الصلاة .. احرص عليه باستمرار

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

رئيس الجمهورية استدعاني في القيادة العامة

قوون نشر في قوون يوم 19 - 07 - 2014

البشير طلب مني اقعد في كوبر واداني قطعة في كافوري ما سلموني ليها وهسع دايرا
كنت بعمل في الطرق والجسور والآن قاعد ساي بفتش شغل آكل منو عيش

الزينآدماسملنتنساه ذاكرة الكرة في بلادي وستظل تذكره جماهير المريخ وتحكي عنه للاجيال القادمة لما صاحب تسجيله من ضجة اعلامية هو ورفيق دربه اسطورة زمانه الفنان الخلوق فيصل العجب سيدو في موسم 97/98 ابان انتقالهما من نادي كوبر الى المريخ والذي كان حكاية وروايه لم يشهدها تسجيل لاعب في القرن الماضي،
وهو اللاعب الوحيد الذي وجد اهتماما كبيرا بسبب موهبته حتى فاوضه رئيس الجمهورية للبقاء في ناديه كوبر ومنحه حافزا ماليا وقطعة ارض بحي كافوري الفخيم
اوجد الزين ثنائية خطيرة مع العجب في فريق كوبر وكانت لهما جماهيرتهما الخاصة التي تدخل الاستاد للاستمتاع بتفاهمهما وتجانسهما وسببا رعبا في دوري الدرجة الاولى بالخرطوم وفرضا نفسيهما نجمان للكرة السودانية،
قصيرا مكيرا يجوب كل شبر في ارض الملعب يبحث عن الكرة بخفة ورشاقة لايصالها للماهر العجب ايا كان موقعه وبالشكل الذي يريده العجب حتى اطلقت عليه الجماهير لقب الركشة))،
بسببهما اندلعت حرب اعلامية شرسة بين الهلال والمريخ ونجح الاخير في خطف الزين والعجب وظلا يتنقلان في كل لحظة من مكان الي آخر خوفا من مخططات الهلال المضادة،
شهدت لحظة توقيعهما للمريخ اجراءات امنية مشددة لم تحدث من قبل في تسجيلات لاعبي كرة القدم،
كل هذه النجومية رحلت وتركت الزين آدم وحيدا يكابد مشقة الحياة والظروف القاسية التي ابعدته حتى من اهله وعشيرته في كوبر واختارت له الحاج يوسف مسكنا جديدا،
خجول وعفيف ورغم علاقتي المميزة به بحثت عنه اياما ولم اجده ولكن بمجهودات جبارة من نجم الموردة السابق نميري سكر عثرت عليه ومازال هو الزين صاحب القلب الكبير ومازال خفيف الدم محافظا على رشاقته وشبابه،
استقبلني ومعي رفيق دربه عصام جوليت ولاحظت بالغرفة البسيطة مليئة بالصحف اليومية في كل مكان خاصة قوون والدار،
‫*…….
سألته هل تذكر ايام تسجيلك.
دي ايام ما بتتنسي وتاني ما بترجع، بتبقي ذكرى حلوة ودي عجلة الحياة كدا كل زمن ليهو رجالو، وزي ما بقول المثل الدنيا يوم ليك ويوم عليك ونحن يومنا جا وفات وهسع عايشين في اليوم العلينا، ومرات الحاجات ذاتا ابتلاء من رب العالمين لاختبار صبر الزول والحمدلله على كل حال،
‫*……….
انت لسع محافظ وشباب.
الحمدلله رب العالمين، انا لسع صغير ومع الشايفو دا ممكن تاني العب لي كم موسم كدا وقاعد اتمرن في الحلة وبشارك في بعض المناسبات،
‫*…….
هسع شغال شنو.
والله قاعد ساي ماعندي اي شغل وبفتش لاي شغل شريف الواحد ياكل منو عيش وفي الاول كنت شغال في شركة مام للطرق والجسور فترة ولكن هسع خليت الشغل معاهم لانو الفترة انتهت وهسع الواحد بجتهد في بعض الاعمال تقدر تقول ما منتظمة، والحياة بقت قاسية مازي زمان،
‫*…….
ما استفدت من نجوميتك.
كنت امتلك منزلا وبنيتو على اعلى مستوى ولكن ضاع المنزل الاشتريتو وبنيتو من قروش التسجيل لبعض الظروف القاسية المريت بيها بعد المريخ ومنها مرض الوالدة ووفاتها لها الرحمة وهسع خليت كوبر وساكن في دار السلام الحاج يوسف،
‫*…….
قصة تسجيلك كانت ضجة،
انا سجلت في المريخ في موسم 97/98 وكان مفروض اسجل في الموسم القبليهو 96/97 براي بدون العجب،
‫*…….
الحصل شنو وخلاك ما تسجل،
الحصل انو السيد رئيس الجمهورية سعادة المشير عمر البشير طلب مني عدم التسجيل للمريخ وتأجيل الموضوع للموسم القادم عشان نساهم في بقاء فريق كوبر بالدرجة الاولى لانو الفريق كان مهدد بالهبوط،
‫*…….
والحاجة دي تمت كيف ولاقيت الرئيس.
بعد اتفقت مع المريخ، تاني يوم الصباح جوني ناس بعربية ساقوني وانا ماعارف ماشي وين وفجأة لقيت نفسي داخل القيادة العامة والى مكتب الرئيس وبعد التحية والسلام قال لي انت داير تمشي المريخ من حقك، لكن نحن كمان عندنا حق تعيد تسجيلك لكوبر والسنة الجاية تمشي المريخ لانو الفريق محتاج ليكم الموسم دا عشان يثبت، ولم اتردد ووافقت مباشرة على طلبه،، الرئيس سألني وقال لي الناس ديل ادوك كم، قلت ليهو 4 ملايين، قال لي ودي كمان 4 ملايين مني وعندك قطعة ارض في كافوري وقام طوالي اتصل على وزير الاسكان في الوقت داك شرف الدين احمد موسى واخبره بمنحي قطعة ارض في كافوري ووافق الوزير وطلب الرئيس من مدير مكتبه جلاس لمتابعة الامر مع الوزارة وبالفعل بدأت اجراءات تسجيل القطعة وتم دفع الرسوم وبعد داك انا انشغلت بفريق كوبر وفي العام التاني سجلت المريخ وما تابعت الموضوع وما عارف الحصل شنو،
‫*…….
تاني لاقيت الرئيس.
لا ما لاقيتو مباشرة ولكن من خلال زياراتو لاهلو ناس كوبر وحاليا انا في اشد الحاجة لقطعة الارض بتاعة كافوري الاداني ليها وبطالب بيها وبديت اتحرك في الموضوع دا واتمني ان احصل عليها وما يعاكسوني فيها وهي حق ما اظن تضيع والاخ جلاس مدير مكتب الرئيس ورئيس النادي السابق موجود ومجلس ادارة نادي كوبر في الزمن داك قاعدين وعارفين الحقايق،
‫*…..
وتسجيلك في الموسم التاني للمريخ تم كيف.
بعد ثبتنا كوبر في الاولى،، في الموسم التاني انا والعجب وقعنا للمريخ وكانت حكاية عجيبة ،، نحن كنا في عطبرة مع كوبر في الدوري التأهيلي المؤهل للممتاز وبعد عودتنا تسلمنا العميد مدني الحارث وظللنا 48 يوم في قبضته ومافي زول عارف الفترة دي كلها نحن كنا وين وناس الهلال كانو مجندين الدنيا كلها عشان يعرفو محلنا وطلعت اشاعة انو سافرنا خارج السودان ودونا نيجيريا ومافي زول قدر يعرف نحن وين لحدي ماسجلنا ونجح الحارث في مهمته وهو رجل مريخي غيور ورغم ما وجده من مضايقات وضغوط هلالية وصلت لاكل عيشو اقسم انو يسجل الزين والعجب للمريخ،
‫*…….
كنتو وين لمدة 45 يوم ومافي زول عارف.
كنا انا والعجب حبيبي في الخرطوم ما طلعنا منها شبر، وطيلة الفترة دي متجولين في مواقع مختلفة واول محل مابين منازل العميد سيف النصر وعمرو توفيق والسفير عوض حسين بالرياض ومدني الحارث بمدينة النيل وفتحي ابراهيم عيسي بابوروف والراحل شاخور وحسن مصطفي بالحلفاية وآخر مكان كنا فيهو منو مشينا الاتحاد كان منزل الراحل اللواء فيصل محمد عبدالله بالحتانة وقعدنا فيهو اسبوعين،
‫*……
كنتو براكم ولا معاكم لاعبين تانين.
كنا نحن الاتنين انا والعجب، لكن في مرات بجيبو لاعب وبفكو واول زول جابو لينا كان ريتشارد جاستن وقعد معانا يومين وطلعو وجا بعدو خالد بخيت وقعد يوم واحد وطلعو وآخر زول جابو لينا كان جعفر الامين قعد تلاتة ايام وهرب وقال لينا انا حلفت مصحف للهلال ما بقدر اقعد،
‫*……
دخلتو الاتحاد كيف للتسجيل.
طبعا ناس الهلال وضعوا خطة يخطفونا لحظة حضورنا الاتحاد باستاد الخرطوم للتوقيع، وفي اليوم المحدد لتسجيلنا جو ساقونا الساعة 4 صباحا ونحن ماعارفين ماشين وين ولامن جات الساعة 4 ونص صباحا دخلونا مكاتب الاتحاد المحلي باستاد الخرطوم ولامن الواطا صبحت تدافعت جماهير الهلال وهي تهتف في انتظار وصولنا ليفاجأ الجميع بما فيهم جماهير المريخ والهلال انو نحن طالعين من الاستاد بعد وقعنا وكانت ايام لاتنسي،
‫*……
حكاية الثنائية مع العجب سرها شنو،
علاقتنا من كنا اطفال صغار في كوبر ولعبنا في دافوري الحلة سوا بعد جو سكنو جيرانا وكان اخوهو الكبير موسى عجب بجي يتفرج في الدافوري بتاعنا قريب من البيت وشافني بلعب واعجب بي وبقى فيصل يجي يلعب معانا وناس موسى كان بوزعونا انا وفيصل نلعب زملان ويشجعونا وبقى في تفاهم بيني وفيصل ومن ديك واستمرت الحكاية في كوبر ومشينا المريخ مع بعض،
‫*……
اول مباراة ليك مع المريخ.
كانت مباراة دولية ضد اوتالي الكيني وفزنا فيها 3/صفر لانو كان غير مسموح لينا اللعب محليا مع المريخ في نفس الموسم، واول مباراة محلية مع المريخ كانت في الموسم التالي ضد مريخ الابيض وفزنا فيها 2/1 وانا فزت بجائزة نجومية المباراة،
‫*…….
اجمل مبارياتك.
كانت ضد هلال بورتسودان وفزنا فيها 2/صفر،
‫*…….
اجمل هدف احرزته،
مع المنتخب الوطني للشباب في مرمى منتخب شباب مصر في تصفيات كاس العالم للشباب بالمغرب،
‫*…….
مدرب استفدت منه.
مع المريخ البوسني خريستو سنادة ومع المنتخبات الوطنية الاستاذ الخبير احمد بابكر،
‫*……
مقال صحفي ازعجك.
نشر في صحيفة قوون وهو تصريح على لسان المدرب جعفر ضرار قال فيهو (الزين ادم ما مطور فنيا)،
‫*……
قاعد تقرأ الجرايد.
باستمرار وخاصة قوون وهي جريدتنا المفضلة من كنا في كوبر و المريخ وانا قاعد اقرأ صفحة (الليلة اتذكرتوني من وين)وفي اي محل الناس بتتكلم عنها وفي ناس بضربو لي تلفونات وبقولو لي الليلة ماشفت فلان في قوون والسبب انو دا عمل جميل وفيهو رسايل كتيرة انكم تفتشو النجوم القدام وتورو الناس معاناتهم ودي حاجة ما ساهلة في شهر رمضان دا وقال لي:شايف فتحي نيالا افضل مهاجم انا شفتو في الكورة يكون عايش كدا، حرام والله،، ثم نهض الزين واتجه نحو تربيزة موضوعة داخل الغرفة مليئة بالصحف اليومية من سياسية واجتماعية واخرج من بينها كمية كبيرة من اعداد صحيفة قوون من بينها عدد اليوم واعداد للحوارات التي اجريناها وقال لي:عشان تصدق كلامي،
‫*…….
شطبوك من المريخ كيف.
لامن شطبوني كنت في معسكر بالامارات وانا في المعسكر ابلغوني بالشطب، والاسباب انو ابوجريشة جاب ليهو تلاتة روانديين دايرين ليهم خانات ضحو بي،
‫*……
بعد شطبك مشيت وين.
ما رجعت مع البعثة الخرطوم وقعدت في الامارات سنتين وكان مفروض اسجل في بفريق الظفرة وما سجلت قمت رجعت الخرطوم وسجلت للموردة وهزمت المريخ وبعد الموردة سافرت الامارات مرة تانية لعبت موسم ومنها سافرت اليمن ومنها الاردن وعدت الخرطوم وسجلت لهلال بورتسودان،
*‫…….
لاعبينكانوقريبمنك.
فيالمريخعصامجوليتوكان معجب بي جدا وفتحي نيالا وجندي نميري ونجم الدين ابوحشيش واسامة مصطفي ومن الهلال خالد بخيت وعيسي ادم وحمد كمال والمرحوم ود الجنيد وكنا في منتخب الشباب مع بعض،
‫*…….
عندك كم من العيال.
اتزوجت وانفصلت وربنا ما اداني العيال لسع
*‫…….
قبل الوداع
قبل ان يودعني الزين ادم قال لي في وجود عصام جوليت وصديقه عبدالله:دايرك توعدني نمشي نزور اسرة الراحل عبدالعظيم الدش عشان تشوف بعينك المأساة العايشنها ونحن ماقادرين نعمل ليهم حاجة ولاحتي نمشي ليهم وهم ساكنين آخر ام درمان في رواكيب وقاعدين في العراء وحالتهم صعبة شديد لانو المرحوم الدش مات وما خلى ليهم حاجة ثم صمت ولم يستطيع التحدث مرة اخرى

انقر هنا لقراءة الخبر من مصدره.