أيهما تُفَضَّل، الأمن أم الحرية؟؟    مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف    بولس : توافق سعودي أمريكي للعمل علي إنهاء الحرب في السودان    إجتماع بسفارة السودان بالمغرب لدعم المنتخب الوطني في بطولة الأمم الإفريقية    عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته    البرهان وأردوغان يجريان مباحثات مشتركة    شاهد بالصورة.. الطالب "ساتي" يعتذر ويُقبل رأس معلمه ويكسب تعاطف الآلاف    شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها)    شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي)    بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها    وحدة السدود تعيد الدولة إلى سؤال التنمية المؤجَّل    بعثه الأهلي شندي تغادر إلى مدينة دنقلا    تراجع أسعار الذهب عقب موجة ارتفاع قياسية    عثمان ميرغني يكتب: لماذا أثارت المبادرة السودانية الجدل؟    الخارجية ترحب بالبيان الصحفي لجامعة الدول العربية    الفوارق الفنية وراء الخسارة بثلاثية جزائرية    نادي القوز ابوحمد يعلن الانسحاب ويُشكّل لجنة قانونية لاسترداد الحقوق    ياسر محجوب الحسين يكتب: الإعلام الأميركي وحماية الدعم السريع    محرز يسجل أسرع هدف في كأس أفريقيا    شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!!    وزير الداخلية التركي يكشف تفاصيل اختفاء طائرة رئيس أركان الجيش الليبي    سر عن حياته كشفه لامين يامال.. لماذا يستيقظ ليلاً؟    "سر صحي" في حبات التمر لا يظهر سريعا.. تعرف عليه    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    إسحق أحمد فضل الله يكتب: كسلا 2    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    احذر من الاستحمام بالماء البارد.. فقد يرفع ضغط الدم لديك فجأة    في افتتاح منافسات كأس الأمم الإفريقية.. المغرب يدشّن مشواره بهدفي جزر القمر    استقالة مدير بنك شهير في السودان بعد أيام من تعيينه    كيف تكيف مستهلكو القهوة بالعالم مع موجة الغلاء؟    4 فواكه مجففة تقوي المناعة في الشتاء    اكتشاف هجوم احتيالي يخترق حسابك على "واتسآب" دون أن تشعر    رحيل الفنانة المصرية سمية الألفي عن 72 عاما    قبور مرعبة وخطيرة!    شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة)    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    عزمي عبد الرازق يكتب: عودة لنظام (ACD).. محاولة اختراق السودان مستمرة!    انخفاض أسعار السلع الغذائية بسوق أبو حمامة للبيع المخفض    ضبط أخطر تجار الحشيش وبحوزته كمية كبيرة من البنقو    البرهان يصل الرياض    ترامب يعلن: الجيش الأمريكي سيبدأ بشن غارات على الأراضي الفنزويلية    قوات الجمارك بكسلا تحبط تهريب (10) آلاف حبة كبتاجون    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    مياه الخرطوم تكشف تفاصيل بشأن محطة سوبا وتنويه للمواطنين    محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



نجم الهلال ياسر رحمة : من سلاح الإشارة إلى الشرطة
قوون نشر في قوون يوم 20 - 07 - 2014


الحمدلله الأمور ماشه وسؤالك دا مابخليني أعرس تاني
مافي أي زول عارف شطبوني ليه إلا أنا وكل القالوا في الصحف ماصاح
بعد وعدوني بالعلاج جو ضحوا بي عشان يبرروا خسارة الدوري الشالو المريخ
‫

ياسر رحمة يعتبر واحد من أفضل المدافعين الذين مروا على الكرة السودانية حتى الآن مع الهلال والمنتخب الوطني.
نشأ وترعرع ما بين ديوم بحري التي ولد فيها وقشلاق الشرطة بالحاج يوسف الذي تفتحت فيه موهبته ولفت إليه الأنظار بأدائه المميز.
فنان يجيد استخلاص الكرة ببراعة فائقة أذهلت كبار النجوم المحترفين بكبرى الدوريات الأروبية على رأسهم جورج ويا الذي رشحه للاحتراف في أي دوري عالمي، وقال عنه: (هذا مدافع فريد يجب أن يكون في أروبا).
قاد الهلال والمنتخب الوطني في أقوى المواجهات وأمام أعتى المهاجمين العالميين نال أمامهم النجومية.
خجول بطبعه وهادي جدًا وبشوش يتعامل بتواضع كبير أيام نجوميته الطاقية، وهو رجل صادق لايعرف الطرق الملتوية
بحثت عنه وبعد مجهود مضني أوصلني له رفيقه في المستطيل الأخضر نجم المريخ الزين آدم.
زرناه بمنزله بالحاج يوسف مربع (31) استقبلنا بحفاوته المعهودة ولحظتها كان قادماً من مشوار خارجي يضع على رأسه طاقية غيَّرت من ملامحه كثيرًا،
كان برفقتنا نجم المريخ السابق عصام جوليت والذي أصبح صاحب لحية بيضاء جعلت ياسر رحمة لا يتعرف عليه في اللحظة الأولى، وقال له جوليت: برضو لو كنت لاقيتك وأنا لوحدي وأنت بطاقيتك دي ما كان عرفتك وأنت كنت جهامة مخوف الناس كلها.
بالصالون الخاص به مجموعة من اللاعبين الحاليين رفقائه في فريق الشرطة الأمنية.
‫*………
حكاية الطاقية دي شنو؟
الطاقية دي عشان رمضان وبس.
‫*……
شكلك كدا لسع مواصل اللعب؟
مازلت مواصل وكابتن فريق الشرطة الأمنية ومعاي مساوي وبنشارك في المنافسات.
‫*…….
رتبتك شنو؟
والله الرتبة دي خليها، قلت له: حضرات صول، قال: لسع ما وصلت حضرات صول لكن قريب من كدا.
‫*……
هسع ماعندك شغلانه أو حرفة تانية غير الشرطة؟
نعم حالياً تابع للشرطة الأمنية وما عندي شغل أو حتى مهنة تانية.
‫*…….
وقبال الشرطة؟
كنت لاعب لفريق سلاح الإشارة أيام كنت في الهلال، وكان معاي فيصل العجب والزين آدم وأشرف ديسي، وعلاقتي بسلاح الإشارة انتهت من أيام كنت في الهلال.
‫*…….
‫أسرار شطبك الحقيقية من الهلال شنو؟
شطبي صاحبتو إشاعات كتيرة وأي كلام اتقال عنو ماكان صاح لأنو مافي زول غيري عارف الأسباب الحقيقية ما الكانت بتتقال في الصحف، والحكاية أصلاً ناس الهلال كانوا دايرين يبرروا خسارتهم من حي العرب في بورتسودان وفقدان الدوري الفاز يبهو المريخ في الوقت داك، الهلال قبال يسافر مباراة بورتسودان أنا كنت مصاب كنت بحضر تمارينهم في سلاح الإشارة و(لامن جو) مسافرين اجتمعوا بي وقالوا لي (لامن) نرجع من بورتسودان حنسفرك القاهرة للعلاج وقدر الله أنو الفريق خسر من حي العرب والدوري فاز بيهو المريخ ولمن رجعوا حاولوا يلقوا مبررات لفقدان الدوري وطلعوا إشاعة في الصحف أنو أنا مامصاب ومتوقف لأني مطالب بقروش تسجيلي وبعد الإشاعة دي استدعتنا لجنة تحقيق داخل سلاح الإشارة وقالوا لي أنت قالوا ما مصاب ومطالب بقروشك عشان كدا متوقف، قلت ليهم دا كلام ماصاح وأنا ماممكن أعمل كدا وأنا لحدي آخر لحظة معاكم ليه ما قلتوا كدا وطالما دي الأسباب دي آخر لي لحظة معاكم وتاني الهلال دا لو بقى بيتنا أنا تاني ما جاي وغادرت في 2002 ولم أعود إلى الآن.
‫*…….
رفضت الوساطات؟
جوني مجموعة من الإداريين وبعض اللاعبين والأقطاب وأصريت على عدم العودة للهلال، وقلت ليهم دا موضوع وانتهى لأنو ديل ناس أنا واقف معاهم لحدي لحظة السفر وعارفني مصاب ويجوا عايزين يعملوني كبش فداء للجمهور، وبعد الأمور تهدأ يجوا يرجعوني تاني عشان كدا أنا الهلال تاني ما راجع ليهو، وفي ناس كتبو استرحام باسمي ومجلس الإدارة استدعاني كم مرة ورفضت الذهاب.
‫*…….
بعد شطبوك مشيت وين؟
سجلت في حي العرب وقبال أسجل حي العرب تدخل الهلال وجوني الريشة وجلال كادقلي وطلبا مني عدم الاستعجال وأنو أكون قاعد عشان يعيدوا تسجيلي ورفضت وسجلت للعرب موسم، بعد داك جيت الجريف 3 مواسم وسجلت كركوج ومازلت مواصل.
‫*…….
سجلت الهلال متين وكيف؟
سجلوني في الهلال سنة 96 من فريق الرابطة أم درمان وتسجيلي كان عادي ما فيهو أي ضجة حتى ناس المريخ ما أدخلوا فيهو لأنو ناس المريخ جابوا خطاب دايرين حسين الضو وناس الهلال جابوا خطاب دايرني أنا، لكن حكاية تسجيلي للهلال وراها الأخ عوض من فريق الرابطة وهلالابي هو الأصر أنو الهلال يسجلني وما أدي فرصة للموضوع يأخد زمن ويطور وأكمل الاجراءات واتسجلت في الهلال.
‫*……..
سجلو معاك منو؟
باكمبا وبهاء الدين عبدالله وحارس النيل منتصر وطارق جاديكا وطلال نيالا وأحمد النور ولقينا قدامنا تنقا ولعب معانا موسم وبرضو لقينا الثعلب وعاكف وهيثم مصطفى وحمد كمال وأبوشامة وزاهر مركز والمرحوم والي الدين.
‫*………
أول مباراة لعبتها مع الهلال؟
كانت مباراة دولية في كينيا وعلى ما أعتقد ضد البيرة.
‫*…….
أول مباراة هلال مريخ تلعبا؟
فزنا فيها وقدمت مردود كويس.
‫*………
أجمل مباراة
والله ياخ المباريات الجميلة كتيرة مع الهلال والمنتخب.
‫*……..
أخطر مهاجم واجهك؟
الزمن داك الكورة جميلة واللاعبين مميزين وكل المهاجمين خطيرين، ولكن اذكر بريش الموردة وبريش المريخ كانوا خطيرين
*‫…….
مسيرتك مع المنتخب الوطني؟
ياسلااااااااااااام ياخ…. كانت جميلة ولعبنا مباريات كبيرة أمام كبار المحترفين في الدوري الأروبي في تصفيات كأس العالم وأجمل المباريات كانت أمام نيجيريا وغانا وليبيريا بقيادة جورج ويا والمنتخبات دي بتلعب بمستوى عالي ومليئة بالنجوم، وكان منتخبنا الوطني في الوقت داك من أفضل المنتخبات وفي قمة مستواه، والحمدلله قدمنا للمنتخب.
*‫……..
حكايتك شنو مع جورج ويا؟
أشاد بي اكتر من مرة في الصحف وقال لي: أنت لاعب كبير ومستواك دا بلعبك في فرق كتيرة وأنت بتلعب في دوري أوربي وكلامو دا أداني دافع كبير.
*‫………
لكن ما احترفت خارجياً؟
في حاجة أوضحا ليك كانت بتحصل في الزمن داك والناس ما عارفنها وهي أنو في أندية كتيرة طلبتني أنا ولاعبين تانين وبقابلوا الإدارة وبعد داك (لامن) نسأل يقولوا ليك العرض ما مناسب لأنو الإدارة مادايره زول يخلي الفريق، وكل المفاوضات كانت بتم بين النادي الطالبنا والإدارة ونحن ما بدخلونا في الموضوع، ولو كانت الإدارة في الزمن داك دايرانا نحترف ما كان في لاعب واحد قعد في الهلال.
*‫……..
عندك كم طفل؟
الموضوع دا خلي لأنو سؤالك دا لو الواحد جاوب عليهو وداير يعرس تاني ما بخليهو يعرس، أب لطفلين.

انقر هنا لقراءة الخبر من مصدره.