سودارس : يا أكرم أول حاجة أرجع انت للمريخ من ثم أحسم انتقال بكري المدينة للوصيف

يوفنتوس يجبر دورتموند على التعادل نادي دبيرة جنوب يعزز صفوفه إستعداداً لدوري حلفا أول دولة تهدد بالانسحاب من كأس العالم 2026 في حال مشاركة إسرائيل 900 دولار في الساعة... الوظيفة التي قلبت موازين الرواتب حول العالم! "مرصد الجزيرة لحقوق الإنسان يكشف عن انتهاكات خطيرة طالت أكثر من 3 آلاف شخص" "نهاية مأساوية" لطفل خسر أموال والده في لعبة على الإنترنت د.ابراهيم الصديق على يكتب: معارك كردفان.. رئيس اتحاد بربر يشيد بلجنة التسجيلات ويتفقد الاستاد سيناريوهات ليس اقلها انقلاب القبائل على المليشيا او هروب المقاتلين عثمان ميرغني يكتب: المفردات «الملتبسة» في السودان خطوط تركيا الجويّة تدشّن أولى رحلاتها إلى السودان شاهد بالصورة والفيديو.. حصلت على أموال طائلة من النقطة.. الفنانة فهيمة عبد الله تغني و"صراف آلي" من المال تحتها على الأرض وساخرون: (مغارز لطليقها) شاهد بالفيديو.. خلال حفل بالقاهرة.. فتيات سودانيات يتفاعلن في الرقص مع فنان الحفل على أنغام (الله يكتب لي سفر الطيارة) وساخرون: (كلهن جايات فلاي بوكس عشان كدة) شاهد بالصورة والفيديو.. حصلت على أموال طائلة من النقطة.. الفنانة فهيمة عبد الله تغني و"صراف آلي" من المال تحتها على الأرض وساخرون: (مغارز لطليقها) حياة جديدة للبشير بعد عزله.. مجمع سكني وإنترنت وطاقم خدمة خاص إحباط محاولة تهريب وقود ومواد تموينية إلى مناطق سيطرة الدعم السريع شاهد بالصورة والفيديو.. خلال حفل خاص حضره جمهور غفير من الشباب.. فتاة سودانية تدخل في وصلة رقص مثيرة بمؤخرتها وتغمر الفنانة بأموال النقطة وساخرون: (شكلها مشت للدكتور المصري) السعودية وباكستان توقعان اتفاقية دفاع مشترك هدف قاتل يقود ليفربول لإفساد ريمونتادا أتلتيكو مدريد المالية تؤكد دعم توطين العلاج داخل البلاد مبارك الفاضل..على قيادة الجيش قبول خطة الحل التي قدمتها الرباعية غادر المستشفى بعد أن تعافي رئيس الوزراء من وعكة صحية في الرياض تحالف خطير.. كييف تُسَلِّح الدعم السريع وتسير نحو الاعتراف بتأسيس! دوري الأبطال.. مبابي يقود ريال مدريد لفوز صعب على مارسيليا شاهد بالفيديو.. نجم السوشيال ميديا ود القضارف يسخر من الشاب السوداني الذي زعم أنه المهدي المنتظر: (اسمك يدل على أنك بتاع مرور والمهدي ما نازح في مصر وما عامل "آي لاينر" زيك) ماذا لو اندفع الغزيون نحو سيناء؟.. مصر تكشف سيناريوهات التعامل الجزيرة: ضبط أدوية مهربة وغير مسجلة بالمناقل السودان يدعو المجتمع الدولي لدعم إعادة الإعمار ريال مدريد يواجه مرسيليا في بداية مشواره بدوري أبطال أوروبا ماذا تريد حكومة الأمل من السعودية؟ الشرطة تضع حداً لعصابة النشل والخطف بصينية جسر الحلفايا شاهد بالصور.. زواج فتاة "سودانية" من شاب "بنغالي" يشعل مواقع التواصل وإحدى المتابعات تكشف تفاصيل هامة عن العريس: (اخصائي مهن طبية ويملك جنسية إحدى الدول الأوروبية والعروس سليلة أعرق الأسر) السودان يستعيد عضوية المكتب التنفيذي للاتحاد العربي لكرة القدم إنت ليه بتشرب سجاير؟! والله يا عمو بدخن مجاملة لأصحابي ديل! وزير الداخلية يترأس إجتماع لجنة ضبط الأمن وفرض هيبة الدولة ولاية الخرطوم عودة السياحة النيلية بالخرطوم في أزمنة الحرب.. "زولو" فنان يلتزم بالغناء للسلام والمحبة إيد على إيد تجدع من النيل شاهد بالصورة والفيديو.. عروس سودانية ترفض "رش" عريسها بالحليب رغم إقدامه على الخطوة وتعاتبه والجمهور يعلق: (يرشونا بالنووي نحنا) حسين خوجلي يكتب: الأمة العربية بين وزن الفارس ووزن الفأر..! ضياء الدين بلال يكتب: (معليش.. اكتشاف متأخر)! في الجزيرة نزرع أسفنا من هم قادة حماس الذين استهدفتهم إسرائيل في الدوحة؟ مباحث شرطة القضارف تسترد مصوغات ذهبية مسروقة تقدر قيمتها ب (69) مليون جنيه في عملية نوعية.. مقتل قائد الأمن العسكري و 6 ضباط آخرين وعشرات الجنود الخرطوم: سعر جنوني لجالون الوقود السجن المؤبّد لمتهم تعاون مع الميليشيا في تجاريًا وصية النبي عند خسوف القمر.. اتبع سنة سيدنا المصطفى عثمان ميرغني يكتب: "اللعب مع الكبار".. جنازة الخوف حكاية من جامع الحارة حسين خوجلي يكتب: حكاية من جامع الحارة تخصيص مستشفى الأطفال أمدرمان كمركز عزل لعلاج حمى الضنك مشكلة التساهل مع عمليات النهب المسلح في الخرطوم "نهب وليس 9 طويلة" وسط حراسة مشددة.. التحقيق مع الإعلامية سارة خليفة بتهمة غسيل الأموال نفسية وعصبية.. تعرف على أبرز أسباب صرير الأسنان عند النوم بعد خطوة مثيرة لمركز طبي.."زلفو" يصدر بيانًا تحذيريًا لمرضى الكلى الصحة: وفاة 3 أطفال بمستشفى البان جديد بعد تلقيهم جرعة تطعيم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

يا أكرم أول حاجة أرجع انت للمريخ من ثم أحسم انتقال بكري المدينة للوصيف

قوون نشر في قوون يوم 18 - 10 - 2014

هيثم مصطفى فضل الجلوس في بيته من اللعب مع ناس عنكبة وضفر وبلة جابر
يا مزمل ..أحسن ترجع تشوف المسح الايميل منو؟..الموضوع دا أسهل ليكم من موضوع بكري المدينة
قصدوا أن يقضوا على خطورة بكري المدينة بتلك (الإشاعات) المغروضة ليضربوا بين الهلال واللاعب (عزلة) ..وليشتتوا جهد اللاعب ويصرفوه عن الجوهر
ما في نادي بعمل اتصالات (سرية) مع لاعب – وبطلع النادي في اليوم التاني يعلن عن تلك الاتصالات ويجيب الصور كمان في الصحف التابعة للنادي
البقرأ كتابات العزيز مزمل ابوالقاسم عن (ولدنا) مهند الطاهر يفتكر ان الشارع الذي يؤدي الى استاد المريخ تغطيه (جويا) صورة مهند الطاهر وهو مرتديا لشعار المريخ.
* فقد كان مزمل ابوالقاسم يقطع بتسجيل مهند الطاهر في المريخ حتى انه سجله وألبسه شعار المريخ وجعله هدافا للمريخ.
* وما بعيد هسع يكون قاعد (كنبة) كمان مع ضفر وعنكبة.
* خيالكم واسع.
* خيالكم دا ممكن يجيب ليكم (ميسي) يلعب جوار رمضان عجب ومجدي عبداللطيف وعنكبة.
* لكن مهند عشان بتعنكب ليكم.
* واظن حسب كتابات مزمل ابوالقاسم ان مهند الطاهر الآن من قدماء لاعبي المريخ شأنه شأن بله جابر.
* عشان مهند ببقى ليكم (بله) يا مزمل.
* يمكن الآن ان نطرح سؤالا مقنعا – اين هيثم مصطفى؟.
* فقد هلل كتاب المريخ وفرحوا واحتفلوا ب (هيثم مصطفى) ونصبوه كما هو اخطر لاعب في المريخ.
* اين هيثم مصطفى الان؟.
* قاعد في بيتو.
* تذكروا مزمل ابوالقاسم وقت كان بكتب (قابيتو لازم يرجع بيتو).
* عارفين الرجع بيتو منو؟.
* الرجع بيتو هيثم مصطفى.
* عشان تاني يا مزمل تكتب عن (قابيتو).
* قلنا ليكم نحن صعبين – حقنا بنخلصو ان شاءالله بعد عشر سنوات.
* فقد فضل هيثم مصطفى الجلوس في بيته من اللعب مع ناس عنكبة وضفر وبله جابر.
* تفتكروا بعد الحكاية دي – بكري المدينة بقعد ليكم في (البيت).
* ما عاوز اقول لمزمل ابوالقاسم المسح الايميل منو؟.
* ولا عاوز اجيب سيرة (سادومبا).
* ولا الايميل.
* لكن عاوز اقول – واطرح سؤالا منطقيا جدا.
* في التسجيلات لو عاوز تسجل ليك لاعب من الحرية او المهدية او تريعة البجا ..فان سبيلك لتسجيل اللاعب يجب ان يكون (سريا).
* الاعلان عن خطوات تسجيل لاعب وطني يحرق الموضوع كله ويفشّله.
* ما في نادي بعمل اتصالات (سرية) مع لاعب – وبطلع النادي في اليوم التاني يعلن عن تلك الاتصالات ويجيب الصور كمان في الصحف التابعة للنادي.
* هي اسمها (اتصالات سرية) – كيف يتم الاعلان عنها بهذه الصورة ان لم يكن يقصد الاثارة والبلبلة.
* انتوا اتعلمتوها وين؟.
* خطوات المريخ واتصالاته مع بكري المدينة هي خطوات لا يقصد بها تسجيل اللاعب وإلا ما كان العرض يتم على ذلك النحو.
* إلا تكونوا قاصدين حاجة تانية.
* الكورة علمتنا ان النادي عندما يفاوض بكري المدينة بكون قاصد نزار حامد.
* لكن استبعد هذا (الذكاء) عن المريخ وعن مجلس ادارته ..واحسب ان مجلس المريخ واعلامه قصد فقط احداث بلبلة في الهلال قبل مباراة القمة.
* قصدوا ان يقضوا على خطورة بكري المدينة بتلك (الاشاعات) المغروضة ليضربوا بين الهلال واللاعب (عزلة) ..وليشتتوا جهد اللاعب ويصرفوه عن الجوهر.
* واحسن من يقوم بهذه المهمة بالطبع هو اكرم الهادي سليم فهو لا يحسن في الكورة غير القيام بهذه الادوار.
* صحيفة الصدي امس جاء ضمن خطوطها الرئيسية هذا العنوان (بالصور ..اكرم الهادي سليم يحسم انتقال بكري المدينة للمريخ).
* شوفوا الامور وصلت وين في المريخ؟.
* اكرم الهادي اصبح يحسم امر انتقال لاعب دولي للمريخ.
* طيب وين جمال الوالي؟ – وقت المريخ بديروا وبحسم ليه اموره اكرم الهادي سليم.
* غايتو ناس المريخ ديل براهم بفرجوا الناس فيهم.
* بعدين اكرم الهادي دا ذاتو بلعب وين؟.
* زول بلعب في نادي تاني – يقعد يفاوض ليكم في اللاعبين – والله كلام.
* تعالوا وانظروا لتفاصيل الخبر بالصورة في الصحفة الاولى لصحيفة الصدي لنعلق بعد ذلك عن الخبر والصورة.
* الخبر جاء على ذلك النحو : ( حسم أكرم الهادي سليم حامي عرين المريخ المعار لاهلي الخرطوم امر انتقال بكري المدينة زميله في المنتخب الوطني لمصلحة المريخ بعد ان ادار التفاوض مع اللاعب واتاح له فرصة الحديث مع قيادي رفيع حسم امر انتقاله للاحمر بصفقة ضخمة ، ونجحت الصحيفة في الحصول على صورة نادرة تكشف لحظات التفاوض بين جبل الجليد والمدينة).
* ناس المريخ – او ناس مزمل ابوالقاسم رجعوا تاني يقولوا عن اكرم الهادي سليم (جبل الجليد).
* جبل الجليد عشان بس بفاوض في بكري المدينة.
* اكرم كورة ما عندو لكن ممكن يكون (جبل الجليد) في المفاوضات.
* في (جبل جليد) في الدنيا بعيروه.
* دا إلّا (لوح تلج) يا اخونا.
* الجبل ما بتعار ..ولا بتزحزح من حتتو.
* بعدين اكرم الهادي دا (ربع كيلو لحمة) ما بحسم ليكم امرو – عاوزنو يحسم ليكم امر بكري المدينة.
* انتوا بتلعبوا.
* ديل ما بعرفوا بكري وإلا شنو؟.
* طبعا اصلا ما في تسجيلات بتتم على هذه الطريقة الساذجة والغريبة.
* صورة تجمع بين بكري المدينة واكرم الهادي وبكري بتكلم بالتلفون.
* نحن علينا ان نشوف الصورة ونصدق الرواية – ونفترض ان بكري في هذه الصورة كان بتكلم مع قيادي رفيع في المريخ.
* قول صدقنا.
* وقول الكلام دا كلو حصل.
* في ناس وقعوا عديل في عقود قبل التسجيلات ..وما انتقلوا للنادي الذي وقعوا له..(قلق نموذجا).
* وفي ناس حلفوا قسم وما انتقلوا للنادي الذي اقسموا باللعب له (ضفر نموذج).
* وفي ناس صاموا ليهم عديل كدا وما انتقلوا (نزار الصاقعة).
* انتوا يا ناس المريخ جايبين ليكم صورة تجمع بين بكري واكرم في معسكر المنتخب السوداني وبتقولوا ان اكرم الهادي حسم انتقال بكري للمريخ.
* كأنو بكري المدينة بلعب في منتخب الارجنتين ..لذلك اجتماعه في صورة مع اكرم يعني انه (حسم) امر انتقاله.
* متين اكرم الهادي دا بقى (رئيس المريخ)؟.
* بعدين البحسم منو في المريخ؟.
* اذا كان الفريق طارق عثمان وهمد ومتوكل احمد علي لا بحلوا لا بربطوا في المريخ.
* قاعدين ساكت.
* عاوزين اكرم الهادي سليم (المعار) للاهلي الخرطوم يحسم ليكم موضوع انتقال بكري المدينة للمريخ.
* والله انتوا بتحلموا.
* ما في تسجيلات بتم بهذه الصورة.
* كل الامر قصدوا به ان يعملوا بلبلة في الهلال قبل مباراة القمة.
* لكن نقول ليكم تعملوا بلبلة او ما تعملوها في كل الاحوال (الاربعة) ما فايتاكم.
* الشيء الكارثي في الامر – ان صحيفة الصدي لم تدس الامر هذا وان وقع ولم تتستر على المريخ وعلى اكرم.
* في زول بسرق ليه (بيضة) بطلع اليوم التاني في الجرايد ويقول انا سرقت لي (بيضة).
* يا جماعة – خلوها تتبلع شوية.
* كيف للاعب في مهمة وطنية ان يفاوض زميله على ذلك النحو وهم في معسكر المنتخب.
* الحاجات دي ما بعملوها في معسكر المنتخب.
* الطريف في الامر ان الصورة التى جمعت بين بكري المدينة واكرم الهادي سليم كانا فيها بزي المنتخب السوداني.
* ديل في المعسكر بفاوضوا.
* يعني اكرم الهادي سليم لو في المباراة قال لمهند الطاهر ارجع شيل مع الطاهر سادومبا – ممكن اعلام المريخ يقول لينا اكرم حسم موضوع مهند.
* هذه الصورة التى نشرتها صحيفة الصدي والخبر الذي جاء معها يجعل هناك (عزلة) كبيرة بين لاعبي الهلال والمريخ في المنتخب.
* افرزوا عيشتكم.
* يعني تاني ما في لاعب من الهلال يقيف ليه مع لاعب من المريخ – عشان ناس المريخ ما يفهموا الحكاية غلط.
* ديل بفرحوا بالصورة معاكم.
* ما بصدقوا.
* وما في لاعب من الهلال يتكلم ليه مع لاعب في المريخ وان كان (معارا) عشان ما يحصل خلط في الامور.
* لقد ادانت صحيفة الصدي المريخ واكدت ان مجلس المريخ ولاعبيه في المنتخب بما فيهم المعارين بلعبوا لصالح ناديهم وهم في مهمة وطنية.
* ونحن نقول التلاتة دي من شنو؟.
* هو اكرم الهادي سليم فاضي لي من (المفاوضات) والصور مع بكري المدينة عشان يجي يضحك على ناس المريخ.
* وبعد دا بقولوا عليه (جبل الجليد).
* يا اكرم – يا اكرم انت سامعني كدا اول حاجة ارجع انت للمريخ من ثم احسم انتقال بكري المدينة للوصيف.
* يا ولد قوم شوف ليك شغلة.
* تاني ما نشوفك في المنتخب.
* عرفنا كيف فاز المنتخب النيجيري على المنتخب السوداني.
* لو دا حارسكم مفروض تتغلبوا عشرة.
* مازدا لو ما كان مثبت (التلاتة) كنا اتغلبنا اتناشر.
* حاجة اخيرة يا مزمل ..احسن ترجع تشوف المسح الايميل منو؟..الموضوع دا اسهل ليكم من موضوع بكري المدينة.
* .....
* ملحوظة : دائما المريخ بتهزم قبل المباراة.
هوامش
* بكرة الكلام دا ان شاءالله بنحددوا معاكم.
* ولا بنجامل.
* الفيصل الملعب.
* الكلام الكتير خلوه.
* تلقوا مامون ابوشيبة جهز ليه من الان (ضربة جزاء) لم يحتسبها الحكم للمريخ.
* ابوشيبة اول حاجة بجهز (ضربة الجزاء) وبتكتب على كدا.
* على العموم ابوشيبة اكتر زول مقتنع بالفروقات الكبيرة بين الهلال والمريخ.
* الدليل على كدا ان ابوشيبة قال ليهم ما في احسن من لاعبي الهلال.
* قال ليهم المحترفين ذاتهم ما نافعين ..بس ركزوا لينا على المفكوكين.
* انتوا عارفين اكرم الهادي كان بقول شنو لي بكري المدينة في الصورة التى نشرتها صحيفة الصدى.
* اكرم كان بقول لي بكري المدينة : الله شافني منكم.
* اكرم مرقتو (الاعارة) عشان كدا قاعد يتصور مع بكري.
* فرحان طبعا.
* لو ما اتعار ما بعمل حركاتو دي.
* جييوا لينا جمال سالم بنكمل فيه فهمنا.
* اكرم مرق – البمرق جمال سالم منو؟.
* .........
* عاجل : بكري المدينة قال ردو في الملعب وبي قون كمان.

انقر هنا لقراءة الخبر من مصدره.