بتعادل جنوني.. لايبزيج يؤجل إعلان تتويج بايرن ميونخ    منظمة حقوقية: الدعم السريع تقتل 300 مدني في النهود بينهم نساء وأطفال وتمنع المواطنين من النزوح وتنهب الأسواق ومخازن الأدوية والمستشفى    التلفزيون الجزائري: الإمارات دولة مصطنعة حولت نفسها الى مصنع للشر والفتنة    السودان يقدم مرافعته الشفوية امام محكمة العدل الدولية    وزير الثقافة والإعلام يُبشر بفرح الشعب وانتصار إرادة الأمة    عقب ظهور نتيجة الشهادة السودانية: والي ولاية الجزيرة يؤكد التزام الحكومة بدعم التعليم    هل هدّد أنشيلوتي البرازيل رفضاً لتسريبات "محرجة" لريال مدريد؟    "من الجنسيتين البنجلاديشية والسودانية" .. القبض على (5) مقيمين في خميس مشيط لارتكابهم عمليات نصب واحتيال – صورة    دبابيس ودالشريف    النهود…شنب نمر    إسحق أحمد فضل الله يكتب: (ألف ليلة و....)    "المركز الثالث".. دي بروين ينجو بمانشستر سيتي من كمين وولفرهامبتون    منتخب الضعين شمال يودع بطولة الصداقة للمحليات    ندوة الشيوعي    الرئاسة السورية: القصف الإسرائيلي قرب القصر الرئاسي تصعيد خطير    د. عبد اللطيف البوني يكتب: لا هذا ولا ذاك    عثمان ميرغني يكتب: هل رئيس الوزراء "كوز"؟    شاهد بالصورة والفيديو.. حسناء الشاشة نورهان نجيب تحتفل بزفافها على أنغام الفنان عثمان بشة وتدخل في وصلة رقص مؤثرة مع والدها    كم تبلغ ثروة لامين جمال؟    حين يُجيد العازف التطبيل... ينكسر اللحن    أبوعركي البخيت الفَنان الذي يَحتفظ بشبابه في (حنجرته)    شاهد بالفيديو.. في مشهد نال إعجاب الجمهور والمتابعون.. شباب سعوديون يقفون لحظة رفع العلم السوداني بإحدى الفعاليات    شاهد بالصور والفيديو.. بوصلة رقص مثيرة.. الفنانة هدى عربي تشعل حفل غنائي بالدوحة    تتسلل إلى الكبد.. "الملاريا الحبشية" ترعب السودانيين    المرة الثالثة.. نصف النهائي الآسيوي يعاند النصر    استئناف العمل بمحطة مياه سوبا وتحسين إمدادات المياه في الخرطوم    هيئة مياه الخرطوم تعلن عن خطوة مهمة    باكستان تعلن إسقاط مسيَّرة هنديَّة خلال ليلة خامسة من المناوشات    تجدد شكاوى المواطنين من سحب مبالغ مالية من تطبيق (بنكك)    ما حكم الدعاء بعد القراءة وقبل الركوع في الصلاة؟    عركي وفرفور وطه سليمان.. فنانون سودانيون أمام محكمة السوشيال ميديا    تعاون بين الجزيرة والفاو لإصلاح القطاع الزراعي وإعادة الإعمار    قُلْ: ليتني شمعةٌ في الظلامْ؟!    الكشف عن بشريات بشأن التيار الكهربائي للولاية للشمالية    ترامب: يجب السماح للسفن الأمريكية بالمرور مجاناً عبر قناتي السويس وبنما    كهرباء السودان توضح بشأن قطوعات التيار في ولايتين    تبادل جديد لإطلاق النار بين الهند وباكستان    علي طريقة محمد رمضان طه سليمان يثير الجدل في اغنيته الجديده "سوداني كياني"    دراسة: البروتين النباتي سر الحياة الطويلة    خبير الزلازل الهولندي يعلّق على زلزال تركيا    في حضرة الجراح: إستعادة التوازن الممكن    التحقيقات تكشف تفاصيل صادمة في قضية الإعلامية سارة خليفة    الجيش يشن غارات جوية على «بارا» وسقوط عشرات الضحايا    حملة لمكافحة الجريمة وإزالة الظواهر السالبة في مدينة بورتسودان    وزير المالية يرأس وفد السودان المشارك في إجتماعات الربيع بواشنطن    شندي تحتاج لعمل كبير… بطلوا ثرثرة فوق النيل!!!!!    ارتفاع التضخم في السودان    انتشار مرض "الغدة الدرقية" في دارفور يثير المخاوف    مستشفى الكدرو بالخرطوم بحري يستعد لاستقبال المرضى قريبًا    "مثلث الموت".. عادة يومية بريئة قد تنتهي بك في المستشفى    وفاة اللاعب أرون بوبيندزا في حادثة مأساوية    5 وفيات و19 مصابا في حريق "برج النهدة" بالشارقة    عضو وفد الحكومة السودانية يكشف ل "المحقق" ما دار في الكواليس: بيان محكمة العدل الدولية لم يصدر    ضبط عربة بوكس مستوبيشي بالحاج يوسف وعدد 3 مركبات ZY مسروقة وتوقف متهمين    الدفاع المدني ولاية الجزيرة يسيطر علي حريق باحدي المخازن الملحقة بنادي الاتحاد والمباني المجاورة    حسين خوجلي يكتب: نتنياهو وترامب يفعلان هذا اتعرفون لماذا؟    من حكمته تعالي أن جعل اختلاف ألسنتهم وألوانهم آيةً من آياته الباهرة    بعد سؤال الفنان حمزة العليلي .. الإفتاء: المسافر من السعودية إلى مصر غدا لا يجب عليه الصيام    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الفيفا قد تلزم (رونالدو) بإرجاع الصور والجوابات ل (إيرنا شايك)
قوون نشر في قوون يوم 16 - 01 - 2015

طبعا وقت يكون في (شمار حار) كدا ..الزول بقول للزول التاني سواء كان في الواتس آب او في الفيس بوك ..تعال لي في الخاص
حكاية إلغاء متابعة الحساب برة بتساوي عندنا هنا في السودان ترجع للزول صورو وجواباتو
أكيد جائزة الكورة الذهبية الفيفا كانت مقررة تمنحها ليونيل ميسي ..لكن وقت جاهم بي (بدلة حمراء) حولوا الجائزة الى رونالدو
ديل المان شنو البيجيبوا فيهم بلة جابر ومحمد عبدالمنعم عنكبة اقوان..ديل تايوان ما المان
* الزول وقت يكون عندو (شمار) حار ...بتلقاه زي الفرحان وما فرحان.
* زي الشايف والما شايف.
* هو بين – بين كدا.
* يدخل ويطلع.
* عاوز يتكلم ..وما عاوز يتكلم.
* ما عارف يعمل شنو؟.
* نفسو يقبض اي زول في الشارع بيعرفو او ما بيعرفو وينفرد بيه في حتة عشان يحكي ليه (الشمار).
* كلكم بتاعين (شمارات) ما تعملوا فيها الكلام دا ما عاجبكم وما بتوافق مع تقاليدكم..وما شغالين بالموضوع.
* انا كنت مفتكر (الشمارات) دي اقتراع سوداني خالص.
* اتاريها الشمارات دخلت (العولمة).
* دخلت التكنلوجيا...وبقت على مستوى رفيع.
* الشمارات حقتني – بقت (عالمية).
* شفتوا الفهم.
* في حفل توزيع جوائز الفيفا لعام 2014م ..لقيت ليك العالم كلو خلى (الجوائز) وشغال بالشمارات.
* طبعا وقت يكون في شمار حار كدا ..الزول بقول للزول التاني سواء كان في الواتس آب او في الفيس بوك ..تعال لي في الخاص.
* شفتوا من الزول يقول للزول التاني تعال لي في (الخاص).
* او تلفوني اتسرق ..اديني رقم تلفونك في الخاص في دردشات الفيس بوك ومواقع التواصل ..اعرف طوالي في (شمار).
* في (كارثة) بتحصل.
* كمان نحن ما بنعرف.
* في جوائز الفيفا الجماعة كلهم دخلوا ليك في (الخاص).
* الما عندو شغلة كبيرة بالموضوع بتلقاه قاعد يعلق ليك على (بدلة) ميسي.
* ميسي لابس ليه بدلة زي (السلطة).
* الزول دا مالو؟.
* موضوع البدل دا ما عندو ..احسن ليه يركز في كورتو.
* شنو كل مرة طالع لينا بي تقليعة جديدة؟.
* امس الصحف تحدثت عن سخرية نشطاء مواقع التواصل الاجتماعي من البدلة التى ارتداها ليونيل ميسي...وقالوا ان شعبان عبدالرحيم ابدي استياء ميسي لبدلة حمراء.
* تقول جزار.
* انا غايتو ..قعدت اشرع براي.
* وفكرت في الامر.
* قلت اكيد جائرة الكورة الذهبية كانت الفيفا مقررة تمنحها ليونيل ميسي ..لكن وقت جاهم بي بدلة حمراء حولوا الجائزة الى رونالدو.
* في زول عاقل بيلبس ليه بدلة حمراء في البرد دا.
* ما عاوز اعمل ليكم (الشمار) كلو في بدلة لونيل ميسي.
* عاوز اكلمكم عن الشمار الجد.
* شمار كريستيانو رونالدو.
* الجماعة خلوا (الكورة الذهبية) وقعدوا يسألوا ويستفسروا عن غياب رفيقته العاطفية عارضة الازياء الروسية (إيرينا شايك).
* والمواقع والصحف دورت في الموضوع دا.
* خلوا الكورة الذهبية وقعدوا يحللوا في موضوع غياب إيرينا شايك.
* شوفوا الشركة قالت شنو؟.
* (ادعت شركة عارضة الأزياء الروسية «إيرينا شايك» أن جدول أعمالها كان السبب الرئيسي وراء تخلفها عن حضور حفل الاتحاد الدولي لكرة القدم «فيفا» مع صديقها البرتغالي «كريستيانو رونالدو» يوم الاثنين الماضي في العاصمة السويسرية زيوريخ).
* لا خلاص ..يعني مشغولة شديد.
* ايرينا شايك عارضة ازياء ..يعني حضورها في محفل مثل هذا المحفل يمثل بالنسبة لها اكبر صفقات حياتها.
* شغل شنو؟.
* هي ايرينا شايك عندها شغل غير الظهور في مثل هذه المناسبات.
* لكن الشمار الجد جد ..جاء في هذا التقرير الرسمي:
* (أشارت تقارير أخرى إلى أن النجمة الروسية قد قامت بإلغاء متابعتها للحساب الشخصي لكريستيانو رونالدو على موقع تويتر للتواصل الاجتماعي ما أضاف مزيدًا من التكهنات حول الانفصال الرسمي، لكن في حقيقة إيرينا شايك لم يسبق لها وأن تابعت رونالدو أبدًا على موقع تويتر أو على أي من حساباته الخاصة على مواقع ووسائل التواصل الاجتماعي المختلفة منذ ارتباطها بنجم مانشستر يونايتد السابق).
* الكلام دي بيعني انو في مشكلة.
* الجماعة ديل الواحد فيهم لمن يصل لطريق مسدود مع صديق او شريك او حبيب بقوم بإلغاء متابعة الحساب الشخصي على مواقع التواصل.
* حكاية إلغاء متابعة الحساب بتساوي عندنا هنا في السودان ترجع للزول صورو وجوباتو.
* موضوع (الصور والجوابات) دي موضوع قديم ...زمان اي مشكلة تقع بين اتنين بيحبوا بعض ..واحد منهم بقول للتاني رجع لي صوري وجواباتي.
* حتي الاغنيات عندنا تعرضت لهذا الموضوع (الصور العندي شيلها شيلها وكل ذكرى حب جميلة).
* هسع مع الواتس آب والفيس بوك وتويتر ..بقى لمن تقع مشكلة بطرفين بقوم واحد من الاطراف يلغي الحساب.
* واكتر حاجة ممكن يعملها مع الزعلة ..يقوم يدلّت الصور.
* لكن عشان تشوفوا العالم دا بقى فارغ كيف ..وكيف بتابع مواضيع (شماراتية) بهذه الصورة.
* نحن قايلين نفسنا برانا.
* شوفوا الموضوع من الرقابة والمتابعة والتحليلات وصل وين؟.
* شوفوا براكم واحكموا.
* جاء في متابعة وسائل الاعلام وملاحقتها للشمار هذا التحليل والربط : (كانت إيرينا قد قضت عطلة في جزر المالديف خلال الفترة التي سبقت حفل زيوريخ ، ولم تقم بالإشارة في أي من تعليقاتها على وسائل التواصل الاجتماعي إلى فوز رونالدو بالكرة الذهبية ولو بتهنئته بينما قامت بنشر صورة مشاركتها في مهرجان لعرض الأزياء في نفس يوم تتويج رونالدو على حسابها الخاص بموقع إنستاجرام).
* والله اخير لينا بدلة ميسي الحمراء.
* نحن مالنا؟.
* العالم خلى الكورة الذهبية ..وقعد يتحدث عن غياب إيرينا شايك.
* بلاتر ذاتو قالوا الشمار كاتلو ..ما عارف الحاصل شنو؟.
* عشان كدا انا متوقع موضوع ايرينا شايك دا يصل الفيفا.
* اكيد الان في مرحلة الاستئنافات.
* وهو بعد ان يكمل مراحل التقاضي في بلده ..الموضوع ح يترفع للفيفا.
* كمان الفيفا بتلعب.
* الكلام ليكم يا المنططين عيونكم.
* الفيفا لو الموضوع وصلها على ذلك النحو ..قد تلزم كرستيانو رونالدو بارجاع الصور والجوابات لصديقته الروسية ايرينا شايك.
* دي شكوى مضمونة.
* في سابقة على الكلام دا.
* واحتمال كمان يوقفوا رونالدو (6) شهور ويمنعوه من الدخول في علاقة عاطفية.
* الطريف في الامر ان صحيفة (اس) الاسبانية تساءلت عما اذا كان الفراغ العاطفي سيؤثر على اداء رونالدو مع ريال مدريد خلال الفترة المقبلة ام لا؟.
* شفتوا الموضوع وصل وين؟.
* حقيقة ما كنت عاوز اشتغل بالموضوع ..لكن الفكرة عجبتني ..قلت لازم اتابع رونالدو واشوف هل الفراغ العاطفي سوف يؤثر عليه.
* عشان لو الفراغ العاطفي اثر على رونالدو ..يبقى علينا ان نعذر لعيبتنا ديل.
* نحن ساكت ظالمنهم.
* بكتب في العمود مستعجل ..عشان عاوز اشوف الموضوع بتاع التأثير دا من مباراة اليوم (امس) بين ريال مدريد واتلتيكو مدريد.
* لو الريال طار من الكأس ..او فشل رونالدو من التسجيل ..يبقى من حقنا ان نقول ان إيرينا شايك سرها باتع.
* مجلس ادارة الريال مفروض يشوف المشكلة دي ويحلها باسرع فرصة.
* غايتو انا شخصيا لو كنت حكم مباراة ريال مدريد واتلتيكو مدريد ..كنت اول حاجة ح اعملها ارفع الكرت الاحمر في وجه رونالدو ..(كمان ايرينا شايك دي بزعلوها!).
* لو في تحكيم عادل ..مفروض طوالي يطرد رونالدو.
* الحقيقة نحن بنقلوها.
* ..........
* ملحوظة : يلا نخلي الهوامش لجماعتنا الذين لعبوا امس امام شالكة الالماني.
هوامش
* ديل لا المان ولا حاجة.
* كمان نحن ما بنعرف الالمان.
* في المان بلعبوا مباراة سرية.
* الجابرهم على كدا شنو؟.
* خلوها المباراة السرية في المان بعملوا ضربة جزاء مع بكري المدينة.
* زول موقوف.
* يعملوا معاه ضربة جزاء.
* والقون البجيبو منو.. بلة جابر.
* انتوا يا جماعة المانكم ديل من الصعيد.
* ديل المان شنو البيجيبوا فيهم بلة جابر ومحمد عبدالمنعم عنكبة اقوان..ديل تايوان ما المان.
* نحن اول مرة نشوف لينا المان بالتواضع دا.
* ديل المان التواضع كاتلهم.
* تعالوا شوفوا الهلال اليوم.
* تعالوا اتمتعوا.
* المباراة منقولة في خمس قنوات فضائية.
* غير الاذاعات الخاصة.
* اتفرجوا في نيمار...
* اتفرجوا في البرغوث فيصل موسى.
* واتمتعوا مع الدون مدثر.
* بكرة احلى بالتأكيد ..افرشوا الفرح بضحكاتكم.
* وابقوا على انتظار.
* ............
* عاجل : دا شنو ؟..اتلتيكو مدريد متقدم بهدف على الريال من اول دقيقة من عمر المباراة .. (إيرينا شايك) دي ما ساهلة.

انقر هنا لقراءة الخبر من مصدره.