الأهلي الكنوز يجدد الثقة في أبنائه.. الشبح والشافعي يعودان لقائمة الأحمر.    ارتفاع اسعار الذرة والسمسم بسوق القضارف    أبرزهم القوني..الاتحاد الأوروبي يفرض عقوبات على سبعة سودانيين بينهم قيادات بارزة في التمرد    شاهد بالفيديو.. لأول مرة منذ 3 سنوات.. اختفاء شبه تام للسودانيين من شوارع العاصمة المصرية القاهرة خصوصاً حي "فيصل"    عضو بمجلس النواب المصري يطالب حكومة بلاده بمنح السودانيين مهلة شهرين لتوفيق أوضاع إقامتهم: (هم ضيوف مصر فى هذه الفترة الصعبة والآلاف منهم عادوا إلى وطنهم يحملون كل معانى المحبة)    خلال انفجار "حارة قارون".. إصابة سودانيين بحروق في حي السيدة زينب بالقاهرة    المالية تعلن ضوابط وترتيبات إنفاذ موازنة العام 2026م    بالفيديو.. ظنوا أنها "مسيرة".. طائرة "درون" تصيب مواطنين سودانيين بالذعر والرعب شاهد لحظة هروب النساء والأطفال بأحد الأحياء خوفاً من سقوطها    الهلال يستقبل صن داونز غدا بكيجالي في دوري الأبطال    الصحفية أم وضاح ترد على الناشطة والكاتبة رشا عوض وتصفها ب"الست رشوة" غفيرة باب الإمام.. اقسم بمن رفع السماء بلا عمد سأصيبك بجلطة    والي الخرطوم يقدم تنويراً حول أعمال لجنة أمن الولاية في ضبط الأمن والتنوير يتناول انخفاض الجريمة وإنجازات الكردونات والطوف المشترك والخلية الأمنية    شاهد بالصورة والفيديو.. مواطن جنوب سوداني يتغزل في الفنانة إيمان الشريف لحظة وصولها "جوبا": (يا حلوة يا جميلة) والمطربة تتجاوب بالضحكات    الهلال يطالب "الكاف" بإلغاء البطاقة الحمراء التي تلقاها محترفه في مباراة صن داونز    بنفيكا يذبح ريال مدريد    والي الخرطوم يقف على أعمال تركيب محولات الكهرباء وتأهيل المحطات وشد الاسلاك    معارك عنيفة في إثيوبيا    وزير الطاقة يعلن التوجه نحو توطين الطاقة النظيفة وتعزيز الشراكات الدولية خلال أسبوع الطاقة الهندي 2026    جوجل تطلق ألفا جينوم.. نموذج ذكاء اصطناعى موحد لفك شيفرة الجينوم البشرى    مصطفى شعبان يعود إلى الدراما الشعبية بعد الصعيدية فى مسلسل درش    مركز عمليات الطوارئ بالجزيرة يؤكد استقرار الأوضاع الصحية    هل تم الاستغناء عن مارك رافالو من قبل ديزنى؟.. اعرف التفاصيل    خسائر الميتافيرس تتفاقم.. "ميتا" أنفقت 19 مليار دولار في الواقع الافتراضي خلال عام واحد    اكتشاف علمي قد يُغني عن الرياضة.. بروتين يحمي العظام حتى دون حركة    ارتفاع تاريخي يدفع الذهب لتسجيل 5565 دولارًا للأونصة مع تصاعد الطلب على الملاذات الآمنة عالميًا    النفط عند أعلى مستوى في 4 أشهر    عثمان ميرغني يكتب: السودان… الهدنة الهشة لا تعني السلام!    دُرَّة دوري الدامر تُزيِّن كشوفات مؤسسة الشمالية    وزير الداخلية السوداني يعلنها بشأن الرئيس السابق عمر البشير    تحذير مهم لبنك السودان المركزي    ترامب يحذر إيران: الوقت ينفد والهجوم القادم سيكون أشد    شاهد بالفيديو.. بعد تعرضه لأزمة صحية.. الصحفي الشهير بابكر سلك يوجه رسالة لشعب المريخ ويمازح "الهلالاب" من داخل المستشفى: (جاي أقفل ليكم جان كلود ونأخد كرت أحمر أنا وهو)    مباحث الخرطوم تعلن توجيه ضربة موجعة لمافيا السيارات..إليكم التفاصيل    البروفيسور ايهاب السر محمدالياس يكتب: مكافحة القوارض .. النظر خارج الصندوق    مفاجأة سارة.. فليك يعلن قائمة برشلونة لموقعة كوبنهاجن    وزير الطاقة : نتطلع إلى شراكة أعمق مع الهند لإعادة إعمار قطاع الطاقة بعد الحرب    شرطة مكافحة المخدرات بتندلتي تضبط شخصاً بحوزته 250 قندول حشيش    جمارك كسلا تحبط محاولة تهريب ذخيرة عبر نهر عطبرة    إسحق أحمد فضل الله يكتب: (عن المستقبل)    بالأرقام.. بنزيما ورونالدو الأكثر إهداراً للفرص في دوري روشن السعودي    تلفزيون السودان يستأنف البث المباشر من مقرّه الرئيسي    الشرطة في الخرطوم تداهم منزل أحد قادة الميليشيا    المُبدع الذي جَعلَ الرؤيَة بالأُذن مُمكِنة    الشرطة في الخرطوم تداهم منزل أحد قادة الميليشيا    شرطة الأزهري غرب تضع يدها على مقتنيات منهوبة    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    رشوة ب 12 ملياراً..إحباط محاولة كبرى في السودان    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    إحباط تهريب أسلحة وذخائر في ولاية نهر النيل    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    «تحشير بالحبر».. وادعاء بالتلاعب في سند صرف ب 2.2 مليون درهم    مستقبل اللغات في عالم متغير.. هل ستبقى العربية؟!    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



درع الاستقلال لو شالو المريخ (الانجليز) كان رجعوا تاني
قوون نشر في قوون يوم 26 - 01 - 2015

صورة التلفزيون بالأريل ..زي شاي الفحم ..بختلف اختلاف توتلي من شاي البوتجاز والغاز
"""""""""""""""""""""""""""""""""""""
وقت يجيبوا ليك (القراصة) مملّحة ...والبصلة قاعدة برة في الصينية متل رجل الخط..تأخد ليك نفس (استكشافي) كدا
"""""""""""""""""""""""""""""""""""""""""""""
انتو شالكا من كونو فريق الماني من فريق ايطالي ما عارفنو ..وعاوزين تشيلوا درع الاستقلال
""""""""""""""""""""""""""""""""""""""""""""""
مرات مباراة الهلال بتنتهي بتعادل سلبي..يعني بدون اهداف ..مع ذلك سيحة بقول ليك هدف الهلال جاء من تسلل واضح
""""""""""""""""""""""""""""""""""
• خايف التلفزيون القومي يفوز بتلفزة ونقل مباريات الدوري الممتاز عبر شاشاته - التلفزيون القومي وقناة النيلين.
• المغصة ح تكتلني.
• اولا بالنسبة لقناة النيلين ..والله لا عندنا (حيل) عشان نقلب الطبق ولا عندنا وقت للحاجات دي ولا بنكضب.
• ولا فاضيين .. عشان الواحد فينا يشوف ليه (زردية) ويبقى طالع في رأس البيت من الساعة اربعة عشان يحول الطبق.
• الطبق يبقى زي (مروحة التربيزة) كل مرة يتحول على اتجاه.
• نظر للحاجات دي ذاتو بقى ما عندنا.
• بالمناسبة حكاية الطلوع في رأس البيت ..ووضع (الطبق) في رأس البيت الموضوع دا انتهى في هذا الزمن.
• رؤوس البيوت ارتاحت في عضمها.
• هسع الطبق بقى مسنتر في نص الحوش.
• او يمكن يكون مدقوق في الحيطة مع الشباك.
• قادر الله.
• شفتوا العلم دي كيف؟.
• نحن زمان قلنا ليكم ..قعدتوا تغالطوا ..قلنا ليكم نحن اي حاجة عندنا بي نظام.
• حليل زمن (الاريل) وقت كان بكون مرفوع في اعلى قمة في البيت...زي الفنار.
• الاريل دا طعمو براهو.
• صورتو وتلفزيونو عندو طعم مختلف ..ما زي طعم صورة التلفزيون الان في زمن الطبق والديجتال.
• صورة التلفزيون بالاريل ..زي (شاي الفحم) ..بختلف اختلاف توتلي من شاي البوتجاز والغاز. وبالتالي صورة الاريل بتختلف عن صورة الديجتال.
• زمان وقت التلفزيون كان ب (الاريل) بتذكر اننا كنا بننتظر الملسلسل بفارق الصبر.
• ننتظر ليك ناس نور الشريف ومحمود يس وميرفت امين زي (عيد الميلاد).
• تقول كانوا من بقية اهلنا.
• ونتعاطف ليك مع المشاهد..ونحزن ..ونفرح لفرحهم.
• جنس طيبة.
• الطيبة كانت كاتلانا.
• وكنا بنستمتع ليك بالاعلانات – وما بنفوت لينا (دعاية).
• شفتوا نحن وصلنا حد من الطيبة وين؟.
• الاعلانات بنستمتع بيها.
• بل كنا نحفظ (الدعاية) عن ظهر قلب.
• وكنا بنتابع (السهرات)..ما في سهرة بتفوتنا.
• التلفزيون لو ما قال (اششششش) اصلو ما بندخلو الغرفة.
• واليوم التالى كنا بنتناقش عن (السهرة) ما سائلين في حسين خوجلي.
• ولا عندنا قضية مع القامة الاعلامية الشامخة علي شمو.
• علم والله.
• هسع في زمن الفضائيات والديجتال والصورة النقية ..بقينا ما شغالين بالموضوع كتير.
• المسلسلات التركية نجي فايتين فيها متل (بلة جابر).
• هسع بلة جابر الدخلو هنا شنو؟.
• لو ما انت عاوز ليك سبب ساكت.
• حليل زمن (الاريل)...والمباراة البتقعد تحرسها متل (الجَبَنة).
• وكان وقت يجيبوا لينا (ابراهيم عوض) يغني في ما قادر اقول وما قادر اصرح ..نفتكر ابراهيم عوض قاصدنا.
• ونشعر ليك ان الدنيا دي كلها كشفت قصتنا.
• نتوارى بينا وبين نفسنا.
• في طيبة اكتر من كدا.
• الدنيا دي اي حاجة فيها لمن تسّهّل وتتيسر بتفقد طعمها وبتبقى ما حلوة.
• بتمسخ.
• حلوة المشقة.
• الكهربة تقطع.
• المواصلات تشمِّع.
• الفول بدون زيت.
• وابوك يقول ليك ..العجلة دي تاني اوعك تطلع بيها.
• ما في احلى من كدا.
• وانت مع دا ..بتطلع بالعجلة ..وبترجع في انصاص الليالي.
• دنيا!!
• كنا عايشين بالطول وبالعرض.
• الواحد فينا وقت يمشي البحر ..بشعر ليك من الفرحة ان البحر دا حقو.
• ما سائل في زول.
• لكن..
• لكن شنو؟.
• ارجع لينا للموضوع الاساسي.
• الدوري الممتاز بي صراحة ما عاوزين تفوز بيه قناة النيلين ..ما عندنا رقَبة عشان نقعد نقلب في (الطبق).
• هو عليكم الله وينها الكورة عشان يقلبو ليها (الطبق).
• كورتنا دي ..(قراصة) ما بتستاهل يقلبوها ليها.
• طبعا ..نحن عندنا فهم في حتة القراصة دي ..عارفكم كلكم بتشاركوني فيه.
• وقت يجيبوا ليك (القراصة) مملحة ...والبصلة قاعدة برة في الصينية متل رجل الخط..تأخد ليك نفس (استكشافي) كدا.
• تتبصر.
• عشان تعرف الحاصل شنو؟.
• وتجر نظر طويل ...(نظام استعداد).
• ترجع لي وراء شوية ..وتنزل في القراصة.
• احلى حاجة في اللحظات دي ..وقت واحد من الجماعة الكبار..الجماعة المسؤولين يقول ليك اقلب القراصة دي.
• دي امتع لحظات القراصة.
• لحظة تاريخية.
• وانت تتحرفن ..القراصة سخنة ..تقلبها في صحنها ..وتجري على كوز الموية.
• انا قلت كوز الموية.
• ما تقعدوا تلخبطوا لي ساكت في السطور.
• الواحد بدون ما يقول حاجة ..تقولوها ليه.
• دا بالنسبة لقناة النيلين.
• اما بالنسبة للتلفزيون القومي ..نحن ما عاوزين التلفزيون القومي يفوز بالنقل الحصري للدوري الممتاز عشان حاجة واحدة.
• عشان فيصل سيحة ما يقوم يطلع لينا كرسيه كل جمعة برة البيت ويقول لينا هدف الهلال جاء من تسلل.
• ورضا يقعد يقول لينا الجهاز الخاص بالاعادة اتعطل.
• عليكم الله لو ما عندكم جهاز إعادة زي الناس ..ما تقدموا ذاتو لنقل الممتاز.
• اخير لينا نحضرها في الراديو من سواتكم دي.
• تسللات سيحة نحن حفظناها.
• تسلل يا سيحة.
• هي التسللات دي وضعها عادل ابوجريشة.
• وضعها صديق علي صالح.
• تسلل شنو؟.
• بعد ما عبدالصمد محمد عثمان قال عن شالكا الالماني انه شالكا الايطالي مفروض ما تتكلموا ليكم في موضوع سياسي.
• لا سياسي ولا تسلل.
• اتلموا على بيوتكم من بدري.
• انتوا شالكا من كونو فريق الماني من فريق ايطالي ما عارفنو ..وعاوزين تشيلوا درع الاستقلال.
• كان شيلتو درع الاستقلال بي طريقتكم دي ..كان الانجليز رجعوا استلموا البلد تاني.
• اوعكم تفكروا في حاجة زي دي.
• لذلك ..الدوري الممتاز ما تمنحوه التلفزيون القومي.
• تشيلو قوون.
• تشيلو بي ان.
• تشيلو الشروق.
• تشيلو اف ام 104.
• ما مشكلة.
• بس ما تمنحوه القومي ..عشان الحركات البعمل فيها فيصل سيحة دي.
• نحن من حولوا الطبق الى فيصل سيحة.
• ليه نحن عملنا شنو في الدنيا دي؟.
• مالنا؟.
• غضبنا منو؟.
• زعلنا منو؟.
• عشان فيصل سيحة دا كل جمعة يطلع الكرسي ..ويقول ليك هدف الهلال جاء من تسلل واضح.
• تصوروا مرات مباراة الهلال بتنتهي بتعادل سلبي .. صفر / صفر ..يعني بدون اهداف ..مع ذلك فيصل سيحة بقول ليك هدف الهلال جاء من تسلل واضح.
• الزول دا اتعود على الحاجات دي.
• علق على موضوع (التسلل) دا.
• نحن ما بنعرف (التسلل).
• اصلو ما تجيبوا لينا الدوري الممتاز في التلفزيون القومي.
• ........
• ملحوظة : قلت ليكم غارزيتو بقى ما بشوف عاوز يطلع بكري المدينة طلع وانغا.
هوامش
• بكري المدينة اي فرصتين بضيع فيها اربعة.
• غايتو الزول دا ريحنا جنس راحة.
• بقينا وقت يقولوا لينا الكورة عند بكري المدينة ..بنقول لي مساوي اتقدم ساكت.
• الزول دا خلوه ..ما في زول يهبشو.
• انتوا وين أحمد الباشا؟.
• خلاص غارزيتو قصد ليك الباشا.
• اصلو غارزيتو اي زول بلقاه (كابتن) للفريق بعمل معاه مشكلة.
• المريخ بي طريقتو دي بطلع من دور ال (64).
• طالع التمهيدي ظاهر.
• قالوا عزام سجل المباراة.
• وعرف ليك ...جمال سالم المباراة كلها بكون قاعد برة القون.
• بتقدم بدون سبب.
• الصور التى عرضتها كاميرا محمد دفع الله ..تثبت ان جمال سالم عندما سجل فيه (كيبي) الهدف كان متقدم.
• قلت ليكم الزول دا بطلع من قونو.
• والتسجيل ساهل فيه.
• مكسيم برضو عندما سجل فيه علاءالدين يوسف كان برة القون.
• الاجانب ديل ما بقعدوا في قونهم.
• جمال سالم ..دي عادة فيه ..بطلع ساكت.
• عشان كدا التسجيل في شباكه امر ساهل للغاية.
• الاعلام الهلالي ..يجب ان لا ينفخ كثيرا في مباراة القمة ..عشان ما ينعكس دا سلبا على مباراة الخميس امام الاهلي شندي.
• الهلال لم يكن مقنع في مباراة القمة.
• ارموا قدام.
• المهم مباراة الخميس.
• وليد علاءالدين ...عوّض الهلالاب كل الذين ذهبوا للمريخ من الهلال.
• نيمار صغير في السن ...وبغير النتيجة..وبقلب المباراة.
• البرغوث فيصل موسى ايضا كان رائعا في المباراة.
• اهداف الهلال اصبحت في المباريات الاخيرة ..لا بد لها ان تمر بمحطة فيصل موسى.
• مدرب الهلال البلجيكي ..ادار مباراة القمة بذكاء عالي.
• يمكن الحاجة الوحيدة التى نختلف فيها مع باتريك ..انه لم يبدأ بنيلسون.
• ولا بد ان المدرب عنده نظرتو الخاصة ..والاسلم.
• ركزوا في مباراة الخميس.
• اقلبوا الصفحة.
• عشان نحن زي ما بنحب الاستقلال بنحب الممتاز.
• الممتاز بطولتنا المحببة.
• .......
• عاجل : يا علاءالدين يوسف ما تفرح شديد ..موسى الزومة مرة جاب هدف في الهلال ..ضفر مرة جاب هدف تسلل...(وعنتر كتلو أعمى)...الموضوع عادي شديد.

انقر هنا لقراءة الخبر من مصدره.