خلال انفجار "حارة قارون".. إصابة سودانيين بحروق في حي السيدة زينب بالقاهرة    عضو بمجلس النواب المصري يطالب حكومة بلاده بمنح السودانيين مهلة شهرين لتوفيق أوضاع إقامتهم: (هم ضيوف مصر فى هذه الفترة الصعبة والآلاف منهم عادوا إلى وطنهم يحملون كل معانى المحبة)    شاهد بالصورة والفيديو.. الفنانة إيمان الشريف تتحدث لغة قبيلة "الدينكا" بطلاقة ومتابع جنوب سوداني يترجم لجمهورها ما قالته    شاهد بالفيديو.. لأول مرة منذ 3 سنوات.. اختفاء شبه تام للسودانيين من شوارع العاصمة المصرية القاهرة خصوصاً حي "فيصل"    المالية تعلن ضوابط وترتيبات إنفاذ موازنة العام 2026م    بالفيديو.. ظنوا أنها "مسيرة".. طائرة "درون" تصيب مواطنين سودانيين بالذعر والرعب شاهد لحظة هروب النساء والأطفال بأحد الأحياء خوفاً من سقوطها    الصحفية أم وضاح ترد على الناشطة والكاتبة رشا عوض وتصفها ب"الست رشوة" غفيرة باب الإمام.. اقسم بمن رفع السماء بلا عمد سأصيبك بجلطة    والي الخرطوم يقدم تنويراً حول أعمال لجنة أمن الولاية في ضبط الأمن والتنوير يتناول انخفاض الجريمة وإنجازات الكردونات والطوف المشترك والخلية الأمنية    الهلال يستقبل صن داونز غدا بكيجالي في دوري الأبطال    الهلال يطالب "الكاف" بإلغاء البطاقة الحمراء التي تلقاها محترفه في مباراة صن داونز    بنفيكا يذبح ريال مدريد    وزير الطاقة يعلن التوجه نحو توطين الطاقة النظيفة وتعزيز الشراكات الدولية خلال أسبوع الطاقة الهندي 2026    والي الخرطوم يقف على أعمال تركيب محولات الكهرباء وتأهيل المحطات وشد الاسلاك    معارك عنيفة في إثيوبيا    جوجل تطلق ألفا جينوم.. نموذج ذكاء اصطناعى موحد لفك شيفرة الجينوم البشرى    مصطفى شعبان يعود إلى الدراما الشعبية بعد الصعيدية فى مسلسل درش    مركز عمليات الطوارئ بالجزيرة يؤكد استقرار الأوضاع الصحية    هل تم الاستغناء عن مارك رافالو من قبل ديزنى؟.. اعرف التفاصيل    نهر النيل تستضيف المؤتمر القومي للشباب    خسائر الميتافيرس تتفاقم.. "ميتا" أنفقت 19 مليار دولار في الواقع الافتراضي خلال عام واحد    اكتشاف علمي قد يُغني عن الرياضة.. بروتين يحمي العظام حتى دون حركة    ارتفاع تاريخي يدفع الذهب لتسجيل 5565 دولارًا للأونصة مع تصاعد الطلب على الملاذات الآمنة عالميًا    النفط عند أعلى مستوى في 4 أشهر    عثمان ميرغني يكتب: السودان… الهدنة الهشة لا تعني السلام!    دُرَّة دوري الدامر تُزيِّن كشوفات مؤسسة الشمالية    وزير الداخلية السوداني يعلنها بشأن الرئيس السابق عمر البشير    تحذير مهم لبنك السودان المركزي    ترامب يحذر إيران: الوقت ينفد والهجوم القادم سيكون أشد    شاهد بالفيديو.. بعد تعرضه لأزمة صحية.. الصحفي الشهير بابكر سلك يوجه رسالة لشعب المريخ ويمازح "الهلالاب" من داخل المستشفى: (جاي أقفل ليكم جان كلود ونأخد كرت أحمر أنا وهو)    الخرطوم تستعيد نبضها: أول جولة دبلوماسية في قلب الخرطوم لدبلوماسي أجنبي برفقة وزير الثقافة والإعلام والسياحة والآثار    البروفيسور ايهاب السر محمدالياس يكتب: مكافحة القوارض .. النظر خارج الصندوق    مفاجأة سارة.. فليك يعلن قائمة برشلونة لموقعة كوبنهاجن    مباحث الخرطوم تعلن توجيه ضربة موجعة لمافيا السيارات..إليكم التفاصيل    وزير الطاقة : نتطلع إلى شراكة أعمق مع الهند لإعادة إعمار قطاع الطاقة بعد الحرب    شرطة مكافحة المخدرات بتندلتي تضبط شخصاً بحوزته 250 قندول حشيش    جمارك كسلا تحبط محاولة تهريب ذخيرة عبر نهر عطبرة    والي الخرطوم يثبت رسوم الأنشطة التجارية للعام 2026 تخفيفاً للأعباء على المواطنين    إسحق أحمد فضل الله يكتب: (عن المستقبل)    بالأرقام.. بنزيما ورونالدو الأكثر إهداراً للفرص في دوري روشن السعودي    تلفزيون السودان يستأنف البث المباشر من مقرّه الرئيسي    الشرطة في الخرطوم تداهم منزل أحد قادة الميليشيا    المُبدع الذي جَعلَ الرؤيَة بالأُذن مُمكِنة    الشرطة في الخرطوم تداهم منزل أحد قادة الميليشيا    شرطة الأزهري غرب تضع يدها على مقتنيات منهوبة    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    رشوة ب 12 ملياراً..إحباط محاولة كبرى في السودان    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    إحباط تهريب أسلحة وذخائر في ولاية نهر النيل    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    «تحشير بالحبر».. وادعاء بالتلاعب في سند صرف ب 2.2 مليون درهم    مستقبل اللغات في عالم متغير.. هل ستبقى العربية؟!    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



عندو سبعة اولاد اتنين مشوا (الدهب) وخمسة مشوا يفتشوا (الغاز)... عنكبة مضمون ولا بكري المدينة مجهجه
الاهداء نشر في قوون يوم 14 - 02 - 2015


الى البلولة مشجع الهلال الراحل ...
كان بشجع الهلال جوة الملعب وبرة الملعب..
اي شارع تلقاه واقف فيه..بتلقاه واقف بيدافع عن الهلال..
سعداء نحن بما يقوم به اقطاب الهلال ورجالاته في المدرجات وتحركاتهم من اجل حملة جماهيرية لدعم اسرة الراحل.
محمد
حاجة اللزوم
هذه الصفحة تصرف بالوريد ....
عشان ما تقعدوا تتغالطوا لينا.
تحذير
قال ليها وهو في منتهى الاناقة..
سيدتي في عيد الحب ..ارجوك لا تحدثيني عن ازمة الغاز ..وعن عقوبة الفيفا لبكري المدينة.
ثم قدم لها وردة (حمراء).
وقعد يقطع في النجيلة.
قصة قصيرة جدا
عنده سبع اولاد.
اتنين مشوا الدهب.
وخمسوا طلعوا يفتشوا ليهم (انبوبة غاز).
تصريح
بكري المدينة قال الكاردينال (جرى) وراه لمن نفسو اتقطع.
يا زول انت جنك (جري).
بريد ليك (الجري) زي عيونو ..في (الفطور) يدخل ليك (الجري).
الجري لو كان فيه ..كان هسع بتلعب في الدوري الاسباني.
احتمال
شكوى الهلال لبكري المدينة – قالوا وصلت (لوزان).
لكن ناس لوزان قالوا متلخبطين ..عاوزين يشوفوا بكري المدينة دا بيلعب (كورة قدم)..وإلا الحاجات البعمل فيها دي ما عندها علاقة بي كورة القدم عشان يرفضوا الشكوى (شكلا).
الكاردينال قال لو لوزان رفضت الشكوى باعتبار ان بكري المدينة ما عندو علاقة بي كورة القدم ح يوصل الشكوى اسباينا (المحكمة الدولية لمصارعة الثيران).
هسع دا احتمال دا.
غارزيتو في لوزان العاقبة لي بكري المدينة
الهلالاب صعبين.
هم الصعوبة ذاتها ..ولا بلعبوا في الحاجات الزي دي.
ولا بجاملوا ليهم زول.
ناس الهلال غارزيتو ..العامل لينا فيها فرنسي ..وعامل فيها ايطالي ..وديناه ليك (لوزان).
غارزيتو المفتح ..مشى (لوزان)..فهم ليك حاجة.
غارزيتو جاء راجع تاني يوم.
غارزيتو جاء راجع من لوزان قنعان ليك من بكري المدينة.
زولكم طوالي جاء يبحث عن بديل لي بكري المدينة.
عرف ليك الموضوع ما نافع.
واحتمال غارزيتو ذاتو يكون قال لي ناس لوزان ..بكري المدينة بيضعو في التشكيلة جمال الوالي ..وقفوه ريحوني منو.
ناس الهلال غارزيتو العاوز من الهلال قروش عملوا فيه كدا...الحال ح يكون كيف بالنسبة لي بكري المدينة العاوز منو الهلال قروش.
اذا كان غارزيتو بي جنسيتو الفرنسية وأصوله الايطالية ما فهم حاجة ..بكري المدينة ح يكون وضعو كيف؟.
احسن ليكم يا ناس المريخ من هسع تركزوا على (عنكبة).
عنبكة مضمون ولا بكري المدينة مجهجه.
مالكم ومال التلتلة..المواضيع الكبيرة دي لا بتقدروا عليها ولا حاجة ..احسن ليكم اتخارجوا من بدري.
وابدأوا في الطابق الثالث...
ناس الفيفا ديل قالوا العقوبات يمكن تصل (الطابق التاني).
احسن تكونوا عارفين.
ابقوا فاهمين.
قبل ما تتهجموا لينا ساكت.
تحري رؤية الهلال
في مباراة الهلال وهلال كادوقلي ..نحن ساعة ونص ..(90) دقيقة بالزمن البدل الضائع ..قاعدين نفتش في الهلال العاصمي.
اتلخبطنا في هلالنا.
وليد علاءالدين ذاتو كان بيلعب في هلال كادوقلي ..عشان كدا (اللخبطة) حصلت.
هلالنا وينو ..مع الاهلة دي.
كلموا باتريك ..قولوا ليه الهلال زمان مع ريال مدريد بكون واضح ..هسع بقينا ما بنعرفو مع هلال كادوقلي.
مقفول من الاتجاهين
الهلال بقى زي القلم المبري من الاتجاهين.
لا بسجل قون.
ولا بسجل قون.
القون في مباراة الهلال بقى زي الخل الوفي والعنقاء والغول.
الكلام دا في مباراة بكرة ما بنفع معانا.
سجلوا لينا اهداف كتيرة ..لكن ما عاوزين نستقبل اي هدف في شباك الهلال.
اقتراح
اداري في احد اندية الدرجة الثانية بام درمان سمع ان الطيب عبدالله كان في التسجيلات بيبيع بيوته ومزارعه عشان خاطر الهلال.
قالوا ليك الاداري غضب ...وقف في التمرين وقال ليهم : انا العملتو ليكم شوية ..التسجيلات الاخيرة بعت لي تلات (انبوبات غاز) عشان نسجل لينا رأس حربة وحارس مرمى وصانع العاب.
انا التضحيات القدمتها للفريق دا قايلنها ساهلة.
هسع دا اقتراح.
داعش
تنظيم داعش قالوا عاوزين يفجروا ليهم (كوبري) في باريس..
ناس داعش سمعوا بتصدعات كوبري المنشية.
قالوا ليك التنظيم ما كذب ..طلب (كميات) مقدرة من (الجقور) السودانية الاصيلة لاستعمالها في عمليات التنظيم التفجيرية القادمة.
حقيقة إلّا شوية
في السودان دا لو عاوز تبقى فنان ..اسهل حاجة.
يكون عندك ناقد فني صاحبك...وبتعرف بتاع الاستقبال في التلفزيون.
لو عندك الحاجات دي ..بعد تلاتة يوم بنسمع بيك عندك حفلة في نادي الضباط.
حالة شبه
واحد عاوز يطق لينا (مكسيم) عين.
قال شنو؟.
قال ناس الهلال قالوا عاوزين يتعاقدوا ليهم مع حارس اجنبي واحد ..قاموا اتعاقدوا ليهم مع (شركة حراسة) كاملة.
مكسيم دا ما شاءالله شركة حراسة عديل كدا.
فلهمة هندية
الزول وقت يكون (متفلهم) لو عمل ليه (نضارة) تلقاه قاعد يعاين من فوق ليها...تقول النضارة لابسها زول تاني.
فاصل اعلاني
عبدالصمد محمد عثمان نائب رئيس المريخ ..اي بعثة للمريخ مسافرة هو بكون رئيس البعثة.
واحد شاف الحكاية دي ...قال عمر الجزلي يسجل (7) حلقات مع عبدالصمد محمد عثمان واول سؤال يسألو عمر الجزلي لعبدالصمد يطلع بينا لي فاصل اعلاني وتاني ما يجينا راجع.
صورة العرس
واحد عاوز يعرس..
قال ما خايف من شيء في الدنيا دي إلّا من حاجة واحدة.
قلنا ليه خايف من شنو؟.
قال لينا خايف لمن يعرس ويمشي للاستديو عشان يتصور مع العروس ..يقوم المصور بتاع الاستديو يقول ليه : (ابتسم).
قلنا ليه طيب والمشكلة في كدا وين؟.
قال لينا : والله بعد القروش البدفعها في العرس لا بقدر ابتسم ولا حاجة.
ولا بجامل في حاجات زي دي.
قلنا ليه : خلاص ما عندك مشكلة ..نادي ليك اي واحد قريب من اصاحبك يضحك ليك في الصورة ويرجع يكمل المناسبة.
يعني بقت على (الابتسامة).
الجماعة ديل صعبوها علينا ..الواحد بقى في صورة العرس ما قادر يبتسم.
محطة سيحة
اتنين بحضروا ليهم في مباراة في نيالا.
في فريق سجل ليه (هدف)..واحد من الاتنين قال الهدف دا (تسلل).
التاني قال الهدف صحيح.
قعدوا يتغالطوا.
واحد فيهم قال الحل نضرب لي فيصل سيحة في الخرطوم عشان يشوف لينا الهدف دا تسلل ولّا ما تسلل.
ضربوا لي سيحة.
سيحة قال ليهم احكوا لي الحاصل ...انقلوا لي الصورة.
الجماعة قعدوا يقصوا لي سيحة ...
يا سيحة شفت الزول دا اتحرك من النجيلة الضاربها الشمس ..لونها لمن مصوفر...والمدافع في الوقت داك يا سيحة واقف تحت الكشافات.
سيحة قال ليهم دا كلو ما مهم.
قالوا ليه المهم شنو يا سيحة؟.
سيحة قال ليهم ..الزول دا الجاب الهدف هلالابي وإلّا مريخابي؟.
الجماعة قالوا ليه هلالابي يا سيحة.
سيحة قال ليهم يبقى الهدف تسلل ..وابوه تسلل كمان.
رضا مصطفى الشيخ ..قعد يتزحزح في الكرسي حقو في الخرطوم.
خاص
قالت ليه في عيد الحب ح تعمل لي شنو؟.
قال ليها ح املأ لي انبوبة الغاز.
الولية قعدت تزغرد.
والله (الروس) يشوفكم بتعملوا كدا في عيد الحب ..انبوبة غاز تاني ما تدخل البلد.
حالة حب
زمان المحبوبة كان بشبهوها بي (القمر).
هسع الواحد لو بالغ شديد كدا ما بوصل ليك المحبوبة (لمبة) الحوش الحرقانة.
ولو قال ليها تشبهي (انبوبة الغاز) بكون ما خلى ليها حاجة..رفعها السما.
مروحة ما عندها شغلة
جني وجن (المروحة) البتكون فاتحة في الصالون ...والصالون ما فيه زول.
حكاية من الصباح كدا
باتريك سمع ان تصدعات كوبري المنشية سببها (الجقور).
شال هم على الاستاد.
وبقى يفكر يقول في المؤتمر الصحفي ان تراجع اداء الهلال سببه (الجقور).
جقور شنو يا باتريك ..انت صدقت كلام الحكومة دي؟.
ملحوظة
لمن تمشي ليك دكان وما تلقى فيه (طحنية)..اعرف يا سيد الدكان دا زول (حاقد)..يا كمان عندو مشكلة في الورثة.
عليكم الله نحن دخلنا شنو بي مشكلتو الفي الورثة.
مفروض بتاعين الدكاكين ..ما يدخلوا لينا مشاكل الورثة في (طحنيتنا).
نحن ممكن نقبل اي حاجة..إلّا التدخلات السياسية البتحصل في (الطحنية).
سوّاق قندران
بتاع قندران اتقدم وطلب ليه ايد بنت.
ابو البنت قال ليه امشي جيب اهلك.
بتاع القندران طلع ..ودور ليك القندران عاوز يتحرك كدا ..ابو البنت لحقو وقال ليه قلت ليك جيب اهلك ..ما تمشي تجيب لينا (حلتكم) كلها.
مثل جديد لنج
بيت ابوك لو خرب ..ركب ليه كشافات جديدة
يمكن
واحد سألوه قالوا ليه عاصمة السودان شنو؟.
قال ليهم بعد الجقور ما صدعت كوبري المنشية ...عاصمة السودان مفروض تكون (شندي).
والله عاصمة السودان تبقى (شندي)...الجقر في اغاني الحقيبة تاني ما بتسمعوا بيه.
شريط فاضي
الشريط القدامك دا شريط فاضي ..عشان ما تقعدوا تتخيلوا لي (عثمان حسين) ساكت.
الشريط القدامك دا (دجاجي يلقط الحب ويجري وهو فرحان) ما فيه.
ما تقعدوا تلخبطوا ساكت.
لولوة ساكت
لو بلة جابر مشى يحترف في الدوري الفرنسي ..افتكر نابليون ح يرجع بي حملتو الفرنسية تاني عشان يحاصر السودان والدول المجاورة.
تنويه
اعتقلت السلطات (14) فأر وهم في طريقهم لكوبري الفتيحاب..وقد ضبطت السلطات في حوزة الفران مواد متفجرة وقنابل نارية.
السلطات اذ تعتقل هذه الفئران تؤكد سهرها وعملها من اجل حماية الوطن من الجقور والفئران ..كما تعلن السلطات عن فرض حظر تجول على الفئران منذ الساعة الخامسة مساء في العاصمة السودانية.
ولا نامت اعين الجقور.
لخطبة
اسامة عطا المنان دا قاعد يلخبط بين وكالتو وبين الفريق القومي.
اسامة عطا المنان ..مرات يمرن (الوكالة) ويقطع التذاكر للفريق القومي.
ما عارف البيدخل اكتر لاسامة عطا المنان شنو؟.
الوكالة ولّا المنتخب الوطني؟.
سين و(قيم)
المحيرني ناس حركة المرور مانعين (الركشات) من عبور الجسور والكباري في ولاية الخرطوم كلها.
فلاحتكم بس في (الركشات)...
(الجقور) دي ما شايفنها.
شاي سادة
ناس الاهلي شندي مفروض بعد ما يلعبوا مباراة مع الهلال – مفروض طوالي يأجزوا ليهم.
الجماعة ديل ما بلعبوا إلّا قدام الهلال.
عيادة خارجية
مشى للدكتور...
الدكتور قال ليه انت ما عندك اي حاجة.
قال للدكتور وقت ما عندي اي حاجة شايل مني (175) جنيه في شنو؟.
استقراع
الحبش ديل بيلعبوا في الدنيا دي كلها زي الطلقة ما عندهم اي مشكلة..ما سمعنا لينا بي حبشي مصاب غير (بوتاكو).
انتوا يا ناس الهلال ..بوتاكو دا سجلتوه من حوادث الخرطوم؟.

انقر هنا لقراءة الخبر من مصدره.