سودارس : شايّنا بي (لو بهمسة) وقهوتنا بي (ولا الحزن القديم إنتى)

قوات الدفاع المدني تنفذ حملة واسعة النطاق لمكافحة نواقل الأمراض وإصحاح البيئة بمحلية جبل أولياء المريخ في اختبار صعب أمام أمام روستيرو عصرا دعم إفريقي واسع للهلال السوداني..سيكافا والرواندي في المقدمة واتحادات موريتانيا والسنغال والكاميرون تلوح في الأفق وزارة الداخلية توضّح بشأن دوي انفجار هزّ منطقة شرق الخرطوم الصفا الأبيض يهز شباك الرفاق... وانطلاقة قوية في الدورة الثانية تطوّرات في ملف شكوى الهلال ونهضة بركان بالصورة والفيديو.. شاهد لحظة القبض على أخطر شبكة تقوم بسرقة العربات و"اسبيراتها" بالخرطوم بعد كمين محكم شاهد بالفيديو.. الممثل ذاكر سعيد في فاصل كوميدي : (لا أشجع فريق برشلونة ولا ريال مدريد أشجع الفريق البرهان "ضقل" بالمليشيا كورة مرقهم في الخلا) شاهد بالصورة والفيديو.. ضحكات ومزاح بين الفنانة إيمان الشريف و "البرنس" في لقاء داخل سيارة الأخير بالصورة والفيديو.. شاهد لحظة القبض على أخطر شبكة تقوم بسرقة العربات و"اسبيراتها" بالخرطوم بعد كمين محكم شاهد بالفيديو.. الفريق أول ياسر العطا يحظي باستقبال تاريخي من جنود الجيش والمستفرين بعد ساعات من تعيينه رئيساً لهيئة الأركان شاهد بالفيديو.. الفنانة إنصاف مدني تفاجئ الجميع وتقتحم بث مباشر لزميلتها ميادة قمر الدين: (أنا مفلسة أعملوا لي مبادرة) "تأسيس" و"صمود" يدينان استهداف أسامة حسن في غارة مسيّرة على نيالا تطور جديد في جلسة محاكمة منيب عبد العزيز شمال السودان يوم اليتيم.. نصائح لدعم اليتيم نفسيا في يومه السنوي صمود يحذر من كارثة إنسانية مع استمرار العمليات العسكرية في النيل الأزرق ماجد المصرى: شخصية راغب الراعى مرهقة بسبب تعدد علاقته داخل الأحداث محمد مهران يكشف أصعب مشهد فى كواليس مسلسل درش ماذا يحدث لجسمك عند التوقف عن تناول منتجات الدقيق الأبيض لمدة أسبوعين؟ ما حقيقة زيارة وفد إيراني إلى السودان سرًا؟ "العاصفة الحمراء" التي ضربت دولا عربية.. هل هي خطيرة؟ "يديعوت أحرونوت": واشنطن بدأت عملية إجلاء طارئة ل60 ألف أمريكي من مصر الدولار يتراجع مع تصاعد توقعات التهدئة في الشرق الأوسط بالصورة.. أبعدوه حتى لا يرى قبرها ويقوم بنبشه.. قصة مؤثرة تدمي القلوب لشاب سوداني معاق ذهنياً في يوم وفاة والدته التي كان متعلق بها ومداوم على مسك "ثوبها" شاهد بالفيديو.. "ماما كوكي" تتحدث عن قضية الساعة.. مطربة شهيرة تقيم علاقة عاطفية مع "البرنس" بعد طلاقها من زوجها وردة فعل أهلها جاءت صادمة لها المغرب يثبت نفسه بين الكبار ويواصل الهيمنة عربيا في تصنيف فيفا أدوية منسية في المنزل قد تهدد صحة العائلة.. تخلص منها فورا نوع نادر من السرطان.. ما هو التليف النخاعى؟ سوداني يسأل: (أنا مغترب وحصلت مشكلة بين زوجتي وزجة أخي واخوي اتصل علي قال لي طلقتها ليك هل الطلاق واقع؟) اللجنة الإقتصادية العليا تصدر عدداً من القرارات المهمة لتحقيق استقرار سعر الصرف السودان.. وفاة لاعب كرة قدم وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين السودان.. وزير يشرع في تكوين قوّة عسكرية ضاربة..ماذا هناك؟ ارتفاع وارد واسعار الذرة والسمسم بسوق القضارف قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

شايّنا بي (لو بهمسة) وقهوتنا بي (ولا الحزن القديم إنتى)

قوون نشر في قوون يوم 18 - 02 - 2015

يا ربي الناس ديل ظلمونا لمن طلعوا لينا الرقم الوطني (جميلة ومستحيلة)
كان شغبنا كله يتمثل في (وتمشي معاي وتروحي وتمشي معاي وسط روحي لا البلقاها بعرفني ولا بعرف معاك روحي)
هل هي صدفة؟ ..أول امتحان جغرافيا جابوا لينا السؤال الأول (حرمت الحب والريدة)...قلنا دا شنو دا؟
قَبُل أهلنا قالوا لينا ..وقت حملة التطعيم ضد شلل الأطفال كانت شغالة ما اشتغلوا بي (الجرعة) نحن طعمونا ب (القمر بوبا)
* اول محاولة (شغب) لينا ...خلدناها في (حيطة) المدرسة – في الحيطة الغربية المقابلة السوق.
* اتسارقنا وعملنا كدا...(من غير ما يشوفنا زول).
* كان شغبنا كله يتمثل في (وتمشي معاي وتروحي وتمشي معاي وسط روحي لا البلقاها بعرفني ولا بعرف معاك روحي).
* ونتراوح...نقعد نفتش في (روحنا) زي (الابرة).
* ما كنا فاهمين الحاصل شنو؟..لكن كنا حاسيين بالوضع..دي اول علاقة لينا مع (الحزن).
* اتفلقنا فيها جنس (تفليق).
* الحزن بقى يعرفنا ..وبقينا نعرفه.
* بينا وبينو كانت (عشرة وملامح).
* خلينا يتشبّك فينا – ما كان عندنا معاه كبير غرض...بقى ملازم خطواتنا يسبقنا على اي حتة نمشي عليها.
* من اليوم داك في عيونا شيلنا (الحزن القديم)...بقوا كل ما يسألونا ..نشيل (روحنا) ونتقطع (ولا الحزن القديم انتي ولا لون الفرح انتي).
* نمرق من جلدنا.
* لمن نصل حتة (بتطلعي انتي من جواي ومن صوت طفلة وسط اللمة منسية)..بنشيل لينا (جك) موية نقطعو..من غير ما نشعر.
* مرات جركانة الموية ما بتحلنا.
* يا ربي الناس ديل ظلمونا لمن طلعوا لينا الرقم الوطني (جميلة ومستحيلة)...ليه خلوا لينا (الاستحالة) من قولة تتيت وقرنوها لينا في (الرقم الوطني).
* في زول رقمو الوطني : (جميلة ومتسحيلة).
* المهنة : (المستحيل).
* عيد ميلادو : (الحزن القديم).
* المؤهل الدراسي : (خاف من الله).
* فصيلة الدم : (الود).
* لون البشره : (الليلة يا سمراء).
* لون العيون : (بنحب من بلدنا ما برة البلد).
* العنوان : (بناديها).
* جواز السفر : (قلت ارحل).
* سنوات الخدمة الوطنية : (يا بلدي يا حبوب).
* رقم التلفون : (نور العين).
* الامنية : (لو بهمسة).
* الهواية : (الطير المهاجر).
* في زول (اتلتل) في الدنيا ...قدر التلتلة الاتلتلناها دي.
* مشينا شوية ..قعدنا في (قوز رملة)..حسينا اننا استقلينا شوية وكوّنا شخصيتنا ..بقينا نمشي الحفلات ..نترصد (لو بالصد ابيتني ولو بالنار كويتني لا لا انا ما بنساك ..لا لا انا ما بنساك).
* نمشي الحفلة مخصوص – نقعد قدام ..في الكراسي الاولى ما عندنا اي قضية مع زول ..عاوزين نسمع بس (لو بالصد ابيتني) نسمعها ونتخارج.
* قبل اهلنا قالوا لينا ..وقت حملة التطعيم ضد شلل الاطفال كانت شغالة ..ما اشتغلوا بالجرعة ، نحن طعمونا ب (القمر بوبا).
* بقينا وقت نسمع (الصغيرة شجيرة الاراك يا قمر عشرة الفي سماك) لو ربطونا بي جنازير ما بنقعد.
* ما مشينا (الروضة) ولا كانت في حاجات بالشكل دا ..دخلونا مدارس طوالي.
* سجلونا في المدرسة ب (مرة افرح ومرة اسرح ومرة تغلبني القراية لما اكتب لك وداعا).
* ليه عملوا فينا كدا؟.
* نحن ناقصين.
* دخلنا المتوسطة ..بقينا نشاكل في (يا نور العين انت وينك وين؟)..الدم ممكن يبقى للركب.
* ولا في زول بقدر يقول حاجة.
* ولا حتى مدير المدرسة.
* العالم كل مقتنع بالنظرية دي.
* هل هي صدفة؟ ..اول امتحان جغرافيا جابوا لينا السؤال الاول (حرمت الحب والريدة)...قلنا دا شنو دا؟.
* نحن عاصمة فرنسا ما عارفنها يجيبوا لينا (الحب والريدة).
* الحب والريدة الدخلها في امتحان الجغرافيا شنو؟.
* الناس ديل فكت منهم.
* احتجينا وقعدنا تحت شجر النيم ..قلنا ليهم جابوا لينا سؤال برة المقرر.
* قالوا لينا انتوا (مجانين) برة المقرر كيف ؟– والسودان كلو بغني في (حرمت الحب والريدة).
* انتوا قاعدين وين؟.
* شلنا (دفتر العيادة) عشان نتخارج من الامتحان ..ونعمل (زغبير).
* فحصوا لينا الدم ...النتيجة طلعت (كدا اسأل قلبك عن حالي اسألو ..ينبيك عن سؤالك اشواقي ..اسألو)..
* قلنا ان بقى كدا اخير (حرمت الحب والريدة)..كتبوا لينا حبوب (لو بهمسة قول احبك) شلناها وصرفناها من (بنحب من بلدنا ما برة البلد).
* رجعنا للامتحانات ..قلنا السنة دي (الجغرافيا) ما بنمرق منها.
* ما اظن نطلع.
* حق الحكومة ما بنجيبو.
* دخلنا امتحان الرياضات.
* السؤال الاول اجباري ..كان بتاع مثلثات.
* جضمناهو.
* السؤال التاني دخلوا لينا في (غصباً عنى وغصباً عنك
* انت حبيتنى وهويتك).
* قلنا دا شنو دا؟.
* لا ديل قاصدننا عديل كدا.
* يا ربي امتحان التاريخ ندخل بي (ولما تغيب عن الميعاد بفتش ليها في التاريخ).
* ديل مالهم عاوزين يحرجونا مع اولياء امورنا.
* نحن ابواتنا لو عرفوا الكلام دا بعلقونا في (الاجازة الصغيرة)..اجازة الفترة الاولى ..الاجازة الكبيرة ما برجونا ليها.
* بعلقونا فوق للمروحة.
* كبرنا شوية ..وقلنا خلاص – نخلي الحركات دي.
* نعقل شوية.
* جينا الخرطوم ..قابلتنا ليك العمارات وشوارع الظلط ...ما عرفنا نتصرف كيف؟.
* يا ربي نرجع بلدنا.
* فتحنا ليك قوس لي (دهشة جديدة) ..وصنقعنا في السماء دا.
* اتشدهنا ب (بشوف في شخصك احلامي ودنيا تفيض بي انغامي وسحر الدنيا في عينيك بيبعد عني اوهامي).
* ختونا في حتة حرجة خلاص.
* ما عرفنا نتصرف كيف؟.
* بقينا نركب في الحافلات ..الكمساري قدر ما يمد علينا ايدو نقول ليه (طلبة).
* ونحن لا طلبة ولا حاجة.
* طلبة كيف ونحن حايمين من حفلة لي حفلة؟.
* مشروقين عديل كدا ب (وردي).
* مصدومين بالحاصل.
* ما قادرين نتسوعب حاجة.
* طالعين برة الشبكة.
* شايلين اماني الدينا كلها ..فرحانين ..وبنطط في الشارع وقت نلقى الشارع فاضي.
* فاكرين الحكاية ح تنتهي ب (حققنا احلامنا والعاشق عقبالو).
* حالة (العشق) البقت في البلد دي يقولوا عليها شنو؟.
* اتخلعنا من (الناس القيافة)..عاينا في نفسنا ..لقينا (الشتارة) لابسنا من فوق لي تحت.
* مالنا بنتلخبط كدا؟.
* الحاصل علينا شنو؟.
* شعرنا ليك بي عيونا دي كل عين من بلد.
* والواحد مرات من (الاستغراب) بيشعر ليك (نخرتو) دي ما نخرتو.
* على الاقل دي ما (النخرة) الجانا بيها من البلد.
* في لخبطة حصلت.
* قربنا نقيف في الصينية.
* قربنا نمشي عكس التيار.
* ونبقى نتكلم برانا.
* ما قدرنا نستوعب (عيونك زي سحابة صيف تجافي بلاد وتدي بلاد)..الكلام دا كبير علينا.
* ولا بنقدر عليه.
* ولا عندنا ليه (قفة).
* كان فهمنا للحاجات بي (القفف).
* كنا مساكين ..وما ناقشين اي حاجة.
* اي حاجة يقولوها لينا نقول ليهم : (طيب دي بتعمل كم قفة؟).
* زي الاسود.
* لمن جابوا لينا (بعد ايه ..بعد ايه جيت تصالحني بعد ما ودرت قلبي الكنت فيه).
* حاولنا نثور.
* حاولنا نعترض.
* نقول لا ...شعرنا ليك بي ريحة خيانات كدا في (بعد ايه).
* قلنا نحاول نصلح بين الجماعة ..طلعنا العصر.
* ريشنا ليك (العطور) دي زي (الكراسي).
* وجدعنا ليك (الشالات) ومشينا لي (لو بيدي كنت طوعت المحال).
* غلبتنا القراية.
* قلنا نرجع البلد تاني.
* لكن نقول ليهم شنو؟.
* نقول ليهم ما قدرنا نستوعب (ح نبنيهو البنحلم بيه يوماتي).
* نقول ليهم غلبنا نخلي (وطن حدادي.. مدادي).
* استلمناه (مليون ميل مربع)..ليه قعدنا نتقسم فيه؟.
* دا وطن ما رطل سكر!!.
* دا وطن ما (كوم لحمة)!!.
* ليه بنجدع لحمنا؟.
* ليه بنمرق ضفرنا من لحمنا؟.
* ونقعد ننتظر (النفط) عشان يمر بي هنا ..نقوم نشيل حقنا (رسوم مرور).
* بقت على رسوم المرور.
* عاوزين ناخد لينا رسوم كمان في (المرور).
* هو المرور كمان بقى بي قروش؟.
* اطلع يا زول من الحتة دي ..خليها مستورة.
* خليها مقفولة ..ما تمشي ابعد من (بيني وبينك والايام)..خلينا في المحطة دي.
* ما عاوزين لحمة.
* ما عاوزين غاز.
* ما عاوزين كوبري ..بس خلوا لينا (بيني وبينك والايام قصة حب طويلة).
* يمكن تصلح تاني.
* كدا وزعوا من جديد.
* اكسروا الحظ...اكسروا (الضل الوقف ما زاد).
* حاولوا ...(امش قول ليه يا المرسال حبيبك خانتو ظروفو).
* يمكن يرجع.
* ويمكن يرجعوا (السكر) تاني في التموين.
* وتاني يقوم يرجع (بص ابو رجيلة).
* وايجار (العجلات).
* اقول ليك ...انت وصلت حتة حساسة شديد ..احسن تقيف.
* رسل العمود كدا.
* كفاية.
* ولو في عمر بنرجع تاني نذاكر الدروس دي.
* لو ما في كمان عمر (العفو والعافية).
* لقطوا (مشاعركم) واتخارجوا.
* وابقوا واقفين في الباب.
* الناس ديل مستعجيلن.
* ما قاعدين.
* .......
* ملحوظة : باقى الكلام القلتو داك – خليه برجع ليه يوم.
هوامش
* اليوم تمر الذكرى الثالثة لي رحيل الفنان محمد وردي.
* اتذكر اليوم داك – زي كأنو كان امس.
* اتلخمنا جنس لخمة ..زي كأنو جابوا لينا خبر من (عطارد).
* اندرونا جنس اندراوة.
* واتلخبطت مشاعرنا.
* عملنا لينا حاجات بدون ما نشعر.
* ما عارفين عملنا شنو؟.
* كنا جاريين كدا.
* كنا ماشين.
* المهم نسيت افصل ليكم العنوان.
* اجيكم ليه راجع تاني.
* نحن باقى من قمنا ..الشاي حقنا بنعملوا بي (لو بهمسة).
* لو ما عملوا لينا (لو بهمسة) في الشاي ..الشاي ذاتو ما بنفعنا.
* والقهوة ...لا تقولوا لينا بي دواء ولا بدون دوا.
* قهوتنا ب (ولا الحزن القديم انتي).
* والباقى معروف.
* الباقى معروف.
* برجع ليكم ليه تاني.
* بس عليكم الله – خلونا نتخارج.
* قفلت.
* ............
* عاجل : يا زول اتخارج ..وقت بقيت بي (كرت).

انقر هنا لقراءة الخبر من مصدره.