• الزمن هو عمر الانسان ساعات وايام وشهور وسنين، لذا كان الرسول صلى الله عليه وسلم يوصي بالاستفادة من العمر المحدود والزمن الموقوت للاستعداد ليوم الميعاد كان هو صلى الله عليه وسلم وصحبه يحرصون على الصلاة في اوقاتها وسائر العبادات والمعاملات. ان الزمن والوقت والاجل واللحظة والساعة اسماء لها رباطها الوثيق بالانسان منذ نشأته وخروجه للدنيا الى يوم وفاته. اذاً فلابد من قياس الزمن وصحبته والاستفادة منه. يقول الاستاذ عبد الحميد محمد حمد في كتابه (الزمن في القرآن) يقف الزمن في مقدمة علامات ومعالم الحضارة الانسانية اذ هو تاريخ وميقات ووعاء يضيق ويتسع فيه عمر الفرد والجماعة والامة والبشرية باجمعها فيستوعب الاحداث ويوثق لها فينسجم مع الواقع والحاضر ويحفظ الماضي ويخطط للمستقبل وتبقى نفثات الامم تاريخاً وثقافةً وعلماً وعليه كان من المفروض ان تكون الامة الاسلامية اكثر التزاماً بالزمن وان يكون المسلم عنواناً صادقاً للاخلاق والالتزام للزمن وليس مقولة مواعيده مضبوطة زى الخواجات. • اذا نظرنا لقياداتنا في الأحزاب وفي السلطة نجد ان هناك انضباطا شديدا في الزمن وعلى رأس هؤلاء الاستاذ/ على عثمان وهناك قيادات تحتاج لحكم حتى يحسب لها الزمن الضائع وعليه فان اهم مقومات الجودة والتفوق هو احترام الزمن لانه مقياس كل شئ وان من ضمن جائزة التميز والجودة انضباط المؤسسات من مديرها لخفيرها بالزمن. • في مباريات كرة القدم الزمن مهم والحكم هو الميقات الوحيد اي فريق يتأخر نصف ساعة يعتبر فاقداً للمباراة واللاعبون الذين يؤخرون الزمن بالتحايل يعطون كرتاً اصفراً وربما يطردون بالكرت الأحمر. • اي زول يتأخر في السفر بالطيارة ستفوته بالتأكيد. • الزمن في الشعر والغناء: • يازمن وقف شوية واهدي لي لحظات هنية • وبعدها شيل باقي عمري شيل شبابي وشيل عنييّ • (ابراهيم عوض) • "المريخاب منتظرين تعثر الهلال وعشمانين يشيلوا الكأس" حلم الجيعان عيش • من زمان انا كنت عارف الزمن لي ما بسيبك • ورغم ريدي كنت حاسس اني زي الماحبيبك • "هاشم ميرغني" • "جماهير المريخ مع كأس الممتاز" • اقابلك في زمن ماشي وزمن جاي وزمن لسع • اشوف الماضي فيك باكراريت باكر يكون هسع • "وردي" • "جماهير الهلال متشوقة للقاء المريخ" • من زمن مستني عودة قلبي راحلكنت بكتب ليه بي دمي الرسائل • "ابو داود" • (المريخاب يحلمون ببطولة الدوري) • بالله يا الطير المهاجر للوطن زمن الخريفطير بسراع ما تضيع زمن • "وردي" • "حكم كورة راجع بغير عربة" • لا زمني ابتسم ولا فارقت هم اصله الريد قسم مقسوم لي الم • "الخالدي" • "حسن محجوب يناجي في الكأس" • "النصيحة ليك والله طريقة مافي" • يا زمن جيب كل احزانك تعال جيب المحن • "الجابري" • "الجماعة اذا انغلبوا في المقبرة" • زمني الخائن ما بدور له شهود ظلمك باين • "حقيبة" • "فريق مهزوم وهابط بيخاطب في حكم المباراة" • الزمان زمانك اهدي لي من فضلك نظرة من رمانك • "حقيبة" • "ده شماسي بيخاطب في فكهاني" هدايا الحلقة: • اثنين عبطة واحد قال للثاني لمن تعرس حتعرس واحدة حلوة قال ليه البت الحلوة زي كرة القدم 22 راجل جارين وراها قال ليه طيب لو بت شينة قال ليه البت الشينة زي كورة التنس كل راجل برميها للثاني. • في طالب بليد دخل الامتحان وهو ما قاري ولا ناقش اي حاجة ولحسن حظه الاسئلة كلها اجب بلا او نعم قام طلع شلن من جيبه بقى يرمي الطسة طرة صاح كتابة غلط انتهى في زمن وجيز وقياسي عاوز يطلع لقى لسة زملاءه ما خلصوا رجع تاني طلع الشلن وعمل الطسة قال عايز يراجع الاجوبة. • طيارة ضمن ركابها في عدد من المجانين مرحلنهم لي مستشفى في مدينة اخرى عملوا ازعاج الطيار قال لمساعده حاول تسكتهم بعد شوية الطيار اكتشف انوا الازعاج انتهى سأل مساعده قال ليه عملت شنو؟ قال ليه فتحت ليهم الباب يلعبوا بره!. • بقرة فريزيان الدكتور البيطري قال عندها جفاف عشان كدة نزلت لبن بدرة لمن حلبوها. • واحد سكران وقع من الدور الرابع الجماعة اتلموا فيهو سألوه الحاصل شنو؟ قال ليهم والله ما عارف انا جيت هسع دي!. • رباطابي راكب في البص كل ما يطلع الحقة عشان يسف في طالب بيقول ليه جيب سفة ياعم قام الرباطابي قال ليه انت بتقرأ وين ياولدي قال ليه في جامعة الجزيرة قال ليه انصحك تكمل في جامعة الفاشر!. • الراجل اشترى ليه تلفون جلاكسي آخر موديل ب 6 مليون جنيه قام لبس البنطلون وختة الموبايل في الجيب الورا وركب البص ونسى، قعد في الموبايل وسمع "طق" قال: ان شاء الله يكون العمود الفقري!. • أشعب الآكول في مجلس الخليفة ابو جعفر المنصور: الناس يعلمون ان اشعب اكول ولا يعلمون انه من حفظة القرآن الكريم. في مجلس الخليفة وبجانب الخليفة طبق من لوز. نظر الخليفة الى اشعب ورمى له بلوزة تلقاها اشعب بفمه والخليفة ينظر، قال اشعب: ثاني اثنين اذ هما في الغار، فرمى له بالثانية، قال: فعززناهما بثالث فرمى له بالثالثة، قال: خذ اربعة من الطير فصرهن اليك فألقى له بالرابعة، قال: خمسة وسادسهم كلبهم فرمى له بالخامسة والسادسة، قال: سخرها عليهم سبعة ليال وثمانية اياماً حسوما فرمى له بالسابعة والثامنة، قال: وكان في المدينة تسعة رهط فرمى له بالتاسعة، قال: ثلاثة ايام في الحج وسبعة اذا رجعتم تلك عشرة كاملة فرمى له بالعاشرة، قال: اني رأيت احد عشر كوكباً فرمى له بالحادية عشر، قال: ان عدة الشهور عند الله اثنا عشر شهراً في كتاب الله فرمى له بالثانية عشر، قال: ان يكن منكم عشرون صابرون يغلبون مائتين قال الخليفة: لغلامه ناوله الطبق، قال اشعب: انتظرتها من البداية وان لم تفعل لقلت لك وأرسلناه الى مائة الف او يزيدون!. خاتمة: • اغتنم ثلاثة قبل ثلاثة (شبابك قبل هرمك، صحتك قبل سقمك وغناك قبل عدمك) دي كلها مربوطة بالزمن وخليك مع الزمن وأصحى يا بريش وأوعك تلعب في الزمن بدل الضائع.
