القوز يقرر السفر إلى دنقلا ومواصلة المشوار    لاعب منتخب السودان يتخوّف من فشل منظومة ويتمسّك بالخيار الوحيد    الدب.. حميدتي لعبة الوداعة والمكر    ⛔ قبل أن تحضر الفيديو أريد منك تقرأ هذا الكلام وتفكر فيه    إلي اين نسير    منشآت المريخ..!    كيف واجه القطاع المصرفي في السودان تحديات الحرب خلال 2025    صلوحة: إذا استشهد معاوية فإن السودان سينجب كل يوم ألف معاوية    إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل    كامل إدريس في نيويورك ... عندما يتفوق الشكل ع المحتوى    مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف    عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته    إجتماع بسفارة السودان بالمغرب لدعم المنتخب الوطني في بطولة الأمم الإفريقية    بولس : توافق سعودي أمريكي للعمل علي إنهاء الحرب في السودان    البرهان وأردوغان يجريان مباحثات مشتركة    شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها)    شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي)    بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها    وحدة السدود تعيد الدولة إلى سؤال التنمية المؤجَّل    تراجع أسعار الذهب عقب موجة ارتفاع قياسية    عثمان ميرغني يكتب: لماذا أثارت المبادرة السودانية الجدل؟    ياسر محجوب الحسين يكتب: الإعلام الأميركي وحماية الدعم السريع    محرز يسجل أسرع هدف في كأس أفريقيا    شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!!    وزير الداخلية التركي يكشف تفاصيل اختفاء طائرة رئيس أركان الجيش الليبي    "سر صحي" في حبات التمر لا يظهر سريعا.. تعرف عليه    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    إسحق أحمد فضل الله يكتب: كسلا 2    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    احذر من الاستحمام بالماء البارد.. فقد يرفع ضغط الدم لديك فجأة    استقالة مدير بنك شهير في السودان بعد أيام من تعيينه    كيف تكيف مستهلكو القهوة بالعالم مع موجة الغلاء؟    4 فواكه مجففة تقوي المناعة في الشتاء    اكتشاف هجوم احتيالي يخترق حسابك على "واتسآب" دون أن تشعر    رحيل الفنانة المصرية سمية الألفي عن 72 عاما    قبور مرعبة وخطيرة!    شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة)    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    عزمي عبد الرازق يكتب: عودة لنظام (ACD).. محاولة اختراق السودان مستمرة!    ضبط أخطر تجار الحشيش وبحوزته كمية كبيرة من البنقو    البرهان يصل الرياض    ترامب يعلن: الجيش الأمريكي سيبدأ بشن غارات على الأراضي الفنزويلية    قوات الجمارك بكسلا تحبط تهريب (10) آلاف حبة كبتاجون    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    مياه الخرطوم تكشف تفاصيل بشأن محطة سوبا وتنويه للمواطنين    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الغزال :الجديد في رمضان السنة دي ( معاي زوجتي ) وصايم في بيتي
أيمن بدوي نشر في قوون يوم 25 - 06 - 2015

أيام قليلة هي التي يتواجد بها اللاعبون في منازلهم ومع أسرهم بسبب تواجدهم رفقة أنديتهم من خلال المعسكرات والمباريات ، وتعتبر أيام تواجدهم بالمنزل هي احتفائية ولها وقع خاص في أنفسهم كما ذكر الكثير من اللاعبين وأسرهم ومن هذه
الأيام القليلة لتواجد اللاعب بمنزله .. كان للصحيفة يوم خاص في ضيافة أسرة نجم الهلال السابق وهلال الأبيض الحالي ونجم المنتخب الوطني محمد طاهر عثمان الشهير بمهند الطاهر وهي أسرة رياضية بقيادة الوالد طاهر عثمان وأباذر نجم التاكا كسلا السابق ومهند الطاهر نجم المنتخب وهلال التبلدي وأحمد الذي لم يلعب لنادي رغم شهادة شقيقه مهند بأنه لاعب حريف وهناك شقيقهم الأكبر مهدي طاهر ويوسف طاهر وهما مقيمان بكسلا . استقبلنا الغزال مهند بإبتسامة خارج المنزل رغم أنه كان يعاني من نزلة برد والتهاب منعه حتى من تمرين ناديه، منزل باهي يطل على مسجد صغير (زاوية) بأبي آدم دلفنا إلى الداخل فقابلنا العم طاهر عثمان والد مهند حيانا بابتسامة وسحبنا إلى الداخل مباشرة ، الوالدة رحمة وزوجته الدكتورة عزاري وشقيقاته جيمعهن يعملن بالمطبخ العام للمنزل بهمة وروح واحدة وأكدن أنه بالرغم من وجود مطبخ متكامل بشقة مهند وزوجته إلا أنهن يعملن على إعداد الوجبات بمطبخ واحد من غير قيود . خضنا مع الجميع دردشة رمضانية لمعرفة تفاصيل حياة الغزال مهند بمنزله وخارج المنزل وكانت البداية معه شخصياً .
• مهند رمضان كريم الله ؟
أكرم وتصوموا وتفطروا على خير .
• أنت مهند ولا محمد ؟
أنا محمد طاهر عثمان .
• ومهند دا اسم دلع يعني .؟
اسم مشى معاي من صغير لكن في الشهادة محمد.
• ما الجديد في رمضان هذا العام ؟
الجديد في رمضان السنة دي معاي زوجتي وبقينا عندنا مسؤولية وفي زول مهتم بيك وبكل تفاصيلك يعني حاجة جميلة أنت يا أيمن بعد تعرس ح تشوف الفرق .
• الفرق شنو بينو وبين رمضان زمان ؟
أولاً أنا لي عشر سنين مع الهلال كنت في حالة معسكرات وسفر وأيامنا في رمضان قليلة مع ناس البيت لكن السنة دي يمكن أخف من السنوات السابقة لأنو الدوري في رمضان ما متواصل طوالي وماعندنا مشاركات خارجية في هلال الأبيض لكن يمكن الموسم القادم تكون عندنا مشاركة خارجية .
• يعني نفهم إنو هلال التبلدي ح يكون من الفرق الممثلة خارجياً العام القادم ؟ أيوا أكيد ولا أنت عندك رأي غير كدا ؟
• لا ما عندي رأي بس أنت بتتكلم بثقة ؟
أنا واثق جداً من مجموعة اللاعبين بهلال التبلدي وبالمجلس والمدرب وحتى الجمهور مهتم بفريقه اهتمام كبير وحكومة الولاية يعني بصراحة فريق لا ينقصه شئ .
• الفرق بين هلال التبلدي والميرغني كسلا وهما فريقا أقاليم ؟
في الميرغني كانت المسؤولية على الإدارة فقط ، لكن في هلال الأبيض كل المدينة واقفة مع الفريق حكومة وشعب وإدارة وأندية وما بتحس أنو في فريق غير الهلال هناك كل الناس حول الفريق .
• نرجع لرمضان .. كيف بتقضي يومك في رمضان ؟
في النهار ما بطلع إلا للضرورة وببدأ يومي بصلاة الصبح وبعد الصلاة بقرأ جزء من القرءان وبشوف لو في أي احتياجات للبيت بعملا وبنوم . وبعد الفطور في التروايح والتمارين .
• مابتساهر يعني ؟
مافي زول مابساهر ، لكن ما سهر شديد ورمضان دائماً جميل بالمساء لأنك محتاج تغذية وتعويض ولازم تكون في حركة وسهر عشان تقدر تهضم .
• عندك نظام غذائي معين ولا بتأكل ساي ؟
والله ببعد من الحاجات الممكن تضر لكن بأكل عادي الحاجات البلدية اكتر ( كسرة – قراصة – عصيدة ) .
• علاقتك بالمطبخ ؟
ماعندي بيه علاقة قوية يعني ممكن أعمل شاي .
• يعني مافي مساعدة للمدام ؟
المدام مع الوالدة والأخوات بيتساعدوا ومطبخهم واحد بالرغم من وجود مطبخين ، لكن بيشتغلوا مع بعض .
• موقف رمضاني مر بيك ؟
في آخر رمضان كنا في زامبيا ومتحركين من لوساكا في آخر يوم من رمضان ونحن صايمن فطرنا في الطيارة وعيدنا برضو في الطيارة قبل نصل الخرطوم ( بقينا ماعارفين نحن معيدين في أي حتة ولا فطرنا وين ) المهم كانت حاجة جايطة والمعز قدم لينا حلاوة العيد.
• الكورة كيف في رمضان خاصة في أفريقيا ودائماً بلعبوا عصراً ؟
والله صعبة شديد ونحن لعبنا صايمين كتير جداً ، ودائماً مافي تعب أثناء المباراة لكن التعب بعد المباراة لأنو بكون في زمن متبقي قبل الإفطار ( ودا اكتر زمن متعب ) .
• أكثر شئ مزعج بالنسبة لك في رمضان ؟
والله بس في كتير من الأخوان والأصدقاء بقدموا ليك دعوة للإفطار وما بنقدر نلبي جميع الدعوات وهو شئ محزن أنك ما تلبي دعوة لزول .
• يعني ما بتمشي للناس ؟
بالعكس بمشي طوالي لكن لو الزول حاول يلبي كل الدعوات ما ح يفطر في بيتهم ولا يوم وأنا بحب برضو الناس تجي تفطر معاي في بيتنا .
• علاقتك بالهلال ولاعبيه كيف حالياً ؟
أنت عاوز تتكلم عن عشر سنوات ودي عشرة عمر بيني وبين ناس فرحنا معاهم وزعلنا معاهم واتشاركنا كل المشاعر ، والهلال دا بيت كبير بجمع الناس لاعبين أخوان وجمهور جميل يحفزك وإداريين بالنسبة لينا آباء ، والهلال عرفنا بالرجال ومعرفة الرجال كنز .
• حصل في زول زعلك في الهلال ؟
الزول في بيتهم عادي بزعل وبرجع في نفس اللحظة وأنا ما زعلان من زول نهائي وسعيد أنو الهلال عرفني على الناس وعرف الناس علي وراضي عن فترتي بالهلال وعافي لأي زول غلط في حقي وبرضو بطلب العفو من أي زول أنا زعلتو أو كنت سبب في ألم لزول وجمهور الهلال مرات كتيرة بزعل بسببنا بس ياريت يعفو لينا ويسامحنا .
العم طاهر عثمان والد مهند الطاهر
مهند بعد العرس بقى عندو حكومة ولازم يلتزم بالقوانين ...ما بدخل في قرارتو ومابفرض عليه شئ والكورة مزاج
عم الطاهر رمضان كريم ؟
الله أكرم وتصوموا وتفطروا على خير ومرحب بيكم في بيتنا وشرفتونا .
• الفرق بين رمضان هنا وفي كسلا شنو ؟
هنا رمضان صعب وهناك اليوم جميل مع الأهل والأصحاب والجو بكون ظريف.
• مهند مع الهلال وبعد الهلال الاختلف شنو ؟
والله بقى موجود معانا بصورة اكتر من زمان لأنو مع الهلال ما بقعد لينا كتير طوالي في حالة سفر ومعسكرات .
• وبعد العرس كيف ؟
يضحك .. بعد العرس بقى عندو حكومة لازم يلتزم بالقوانين والنظم .
• يعني زمان ما كان ملتزم بالنظم ؟
لا بالعكس مهند زول هادئ ومنضبط جداً من صغير ما بتاع فوضى .
• عشان بسمع كلامك حتى في التسجيلات ؟
لا لا دا كلام خاطئ بالمناسبة أنا ما حصل أثرت عليه ولا حددت ليه لأنو الكورة دي يا ابني مزاج والزول ونفسيات والزول بحدد مكان يلعب في المكان البكون مرتاح فيه . وهو زول راشد وعارف أي حاجة.
• في رأيك هل الزواج مفيد للاعب ؟
أيوا بكل تأكيد الزواج استقرار ومسؤولية وبعدين بكون في زول مهتم ليك بحاجاتك وبكون في نظام ، وأنا كنت مبسوط جداً لمن مهند قرر يتزوج

حاجة رحمة والدة الغزال :مهند هادئ وما مكلف ولا بتشهى
كل سنة وأنت طيبة..
- وأنت طيب إن شاء الله كل سنة تامين لامين
• مهند بحب شنو في رمضان ؟
ماعندو حاجة محددة وما قاعد يطلب حاجات معينة نهائي .
• يعني ما بتشهى ؟
لا لا نهائي زول هادئ وكلامو قليل .
• أحسن لمن كان في الهلال ولا هلال الأبيض ؟
زمان لينا (عشر سنة) ما قعد معانا في البيت أسبوعين مع بعض لكن هسي بقى يقعد وأحسن ليه وأحسن لينا .
• بعد ما عرس اتغير ولا في مكانو ؟
هو أصلاً بطبعو هادئ والعرس بس بخلي الولد يقعد في البيت وربنا يهنيه مع زوجتو ويخليهم لبعض .
الدكتورة "عزاري" زوجة مهند:
ما عندو علاقة بالمطبخ لكن زول منظم وكلام قليل
• رمضان كريم
الله أكرم ومرحب بيكم
• مهند دا زول متعب ولا هادئ ؟
هادئ شديد وكلامو قليل
• يعني ما بعاكس ؟
لا نهائي وأي شئ بالتفاهم ببقى .
• ما بساعدك في البيت ؟
هو منظم في حياتو يعني ما متعب لكن ما بعمل حاجة ولا بعرف للمطبخ .

انقر هنا لقراءة الخبر من مصدره.