سودارس : نجمة – كيبي– اندرزينهو– نزار

الكاف.. (الجهاز) في القاهرة و(الريموت كنترول) في الرباط الهلال يشكو لاعب نهضة بركان... وتحدٍ إداري جديد يلوح في الأفق وصول الفوج الرابع من اللاجئين السودانيين بيوغندا مصر.. الدولار يقترب من 54 جنيها لأول مرة دراسة: تناول 3 أكواب قهوة يوميًا يقلل القلق والتوتر عائلة الممثل الكورى لى سانج بو ترفض الإفصاح عن سبب الوفاة.. اعرف التفاصيل نبيل فهمي .. اختيار أمين عام جديد للجامعة العربية بإجماع عربي كامل مصادر تكشف تفاهمات سرية لوقف استهداف مطاري الخرطوم ونيالا المملكة مركز ثقل في حركة التجارة الدولية نتفليكس تزيل الستار عن أول صورة لشخصية جو كينيدى الأب فى مسلسلها الجديد الأهلي يرفض قطع إعارة كامويش وعودته للدوري النرويجى.. اعرف التفاصيل حقيقة مفاوضات بيراميدز مع أحمد القندوسى لضمه فى الصيف سارة بركة: أحمد العوضى مجتهد بشكل كبير وبيحب شغله جدا دار الأوبرا تحتفى بذكرى رحيل عبد الحليم حافظ بحفلين اليوم وغداً لوك غريب ل فتحى عبد الوهاب والجمهور يرد: هتعمل دور الملك رمسيس ولا إيه؟ وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد 7 عناصر غذائية يحتاجها الطفل فى سن المدرسة لدعم نمو وتطور الدماغ مناوي : ناقشت بسويسرا تطورات الأوضاع في السودان وسبل دعم السلام اختيار غير متوقع لمستقبل "الملك المصري" والي الخرطوم يعلن تركيب كاميرات رقابة حديثة في المعابر الحدودية التي تربط الولاية بالولايات الاخرى صبري محمد علي (العيكورة) يكتب: المنصوري يا مكنة شاهد بالصورة والفيديو.. رجل سوداني يُدخل نفسه داخل "برميل" تفاعلاً مع أغنيات "الطمبور" والحاضرون يحملونه ويطوفون به ساحة الحفل شاهد بالفيديو.. بفستان مثير المودل آية أفرو تنصح النساء بطريقة ساخرة: (الرجل مثل العصفور إذا مسكتي شديد بموت ولو فكيتي بطير والحل الوحيد تنتفي ريشه) عاجل..بيان مهم للجيش في السودان شاهد بالصورة والفيديو.. ظهور علم السودان على ظهر سيارة بأحد شوارع مدينة "غلاسكو" الأسكتلندية وفاة داعية سوداني بارز وزير الشباب ووالي الخرطوم يشرفان ختام الفعاليات الرياضية بالشقيلاب هل يمكن علاج الكبد الدهنى؟.. دراسة جديدة تربط الوقاية بفيتامين ب3 شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

نجمة – كيبي– اندرزينهو– نزار – مربع قون

قوون نشر في قوون يوم 08 - 07 - 2015

غايتو يا جمال عبدالرحمن جوك الهندي دا لو مشيتوا ليه الهند بي (طيارة) تكونوا خسرتوا البلد (تذاكر) ما في ليها اي داعي

السنة دي ناس الارصاد الجوي (المطرة) تقول شافوها عند (وداعية) – شغلهم كلو (مجلي)

ناس (شق الديار) عندهم (هايس) حايمين بيها بدون اي معنى ..ونستهم دي في سوق الموردة ممكن يعملوها

في مباراة الخرطوم الوطني ..الهدف جاء بعد (فاصل غنائي) عديل كدا ..الاستاد كلو وقف

· عندنا زول في الحلة من تبدأ ليه موضوع – بيقعد يقاطعك ....ما بخليك تقدم وجهة نظرك.

· ما بيدك فرصة.

· لو جبت ليه سيرة (الطحنية) بقوم يقول ليك هو البلد دي فيها (طحنية).

· يخلي اي حاجة ويمسك ليك في (الطحنية).

· فلاحتكم بس في (الطحنية) يا ناس البلد دي.

· كان بقت على (الطحنية) ما في مشكلة.

· زول بيضايقك في اي جملة مفيدة تقولها ...ما بخليك تتم كلامك بقيف ليك زي (بستلة) الفول.

· اول بستلة الفول بتقيف كدا.

· والله الفول من اختفت منو (البستلة) بقى ما فيه طعم.

· بقوا يجيبوه في (الاكياس).

· تقول (لحمة).

· الفلهمة في الفول ..شينة وما سمحة.

· ولا بتتبلع.

· زولنا الفي الحلة صعب ..بقيف ليك في (حلقك).

· يتعارض متل (قفة الخضار).

· متل (الكوبس) الما شغال...غير يحرق قلبك ما بعمل ليك حاجة.

· يشكك في تلفونك.

· مثلا الزول دا لمن تلقاهو واقف ...وتبدأ معاهو الحديث وتقول ليه : (الملاحيظ) ....

· بقوم قبل ما تتم كلامك بقول ليك عليك الله (ملاحيظك) دي ما تقولها لينا هنا.

· ملاحيظك دائما مجلية ..زي (مطرة) ناس الارصاد.

· السنة دي ناس الارصاد ما عندهم (مطرة) صدفت.

· توقعاتهم كلها (بكري المدينة).

· كلها مجلية.

· مطرتهم كلها في (الكشافات).

· السنة دي ناس الارصاد الجوي (المطرة) تقول شافوها عند (وداعية) – شغلهم كلو (مجلي).

· زولنا الفى الحلة من تبدأ ليه في شرح الموضوع بقوم فيك.

· ما بريحك..زي (المدير) البجيبك يوم الجمعة.

· ما بتفهم اي شيء.

· تقول ليه : بالمناسبة....

· بقوم ينط ليك في رقبتك بقول ليك (مناسباتك) دي زي (جو هندي) - العلاقة الوحيدة بين البعملوا فيه ناس فيصل أحمد سعد وابوبكر الشيخ والهنود ..ان المجموعة السودانية مشت سجلت هذه الحلقات في الهند.

· وفي علاقة تانية ما عاوز اقولها ليكم ..(انتوا قايليني هندي).

· هسع دي حلقات ليكم عشان تسافروا ليها الهند يا فيصل أحمد سعد ...ناس خليفة حسن بلة وصلاح أحمد محمد حاجاتكم دي في (مدني) ممكون يعملوها.

· خسارة (الهند) ساكت.

· جمال حسن سعيد في (سوبا) دي بطلع ليكم جو هندي احسن من جوكم دا.

· غايتو يا جمال عبدالرحمن جوكم الهندي دا لو مشيتوا ليه الهند بي (طيارة) تكونوا خسرتوا البلد (تذاكر) ما في ليها اي داعي.

· نحن ما بنعذركم ..إلّا لو مشيتوا الهند بي (بنطون).

· شغلكم دا (هايس) كتيرة عليه.

· هايس (شق الديار) عليه كتيرة.

· كمان ناس (شق الديار) عندهم (هايس) حايمين بيها بدون اي معنى ..ونستهم دي في سوق الموردة ممكن يعملوها.

· لا في داعي للقضارف.

· ولا في داعي لي بورتسودان.

· وفيصل أحمد سعد ذاتو ما فيه ليه داعي.

· معقولة زول نشاهدو في كل (الفضائيات) السودانية بي نفس القصة.

· نفس الحكاية.

· فيصل احمد سعد زي الزول البيفحص الملاريا خمس مرات.

· كل مرة بمشي ليه معمل جديد ..عشان ما واثق في المعمل السابق الذي فحص فيه الملاريا.

· وزولنا الفى الحلة ما بخليك تقول وجهة نظرك.

· تقول ليه : في الحقيقة....

· يقوم يثبتك من قولة تيت ..ويقول ليك هو عليك الله فضل فيها (حقيقة)...حقيقة شنو؟...نحن ما شايفين لينا حقيقة في البلد دي غير قطوعات الكهرباء والموية.

· دي الحقيقة الوحيدة في الوقت الحالي.

· وصاحبنا الفى الحلة ..ما بخليك تشرح وجهة نظرك وتقول كلامك ، بنط ليك من اول كلمة بيسمعها.

· زي حرس الصيد.

· تقول ليه بي صراحة....

· بقوم يقول ليك من جبت سيرة (الصراحة) يبقى عندك هبرة كبيرة كدا.

· يا ود الناس انت ما تسمع الناس ...ما لك ضايق كدا زي عسكري المرور ...جاري للايصال.

· اول ما تقيف قدامو يقطع ليك الايصال ..وبعد داك يسمع قصتك شنو؟.

· طبعا الوصل لمن يتقطع ما برجع تاني.

· وزولنا الفى الحلة لمن تقول ليه : انا عاوز اقول ليك...

· بقول ليك عاوز تقول شنو؟...انا عشرين سنة بسمع فيك ..ما طلعت منك بي اي حاجة.

· ما تقول اي حاجة.

· هسع انتوا بقيتوا من تشوفوا (عنوان) العمود تقعدوا تشرعوا براكم ..وتتخيلوا ليكم مواضيع ما عندها اي اساس.

· تجتهدوا في وجود (النص).

· افهموني يا جماعة.

· اسمعوني.

· الليلة الصيام مسخن معاكم انا عارف.

· لكن برضو اسمعوني.

· اليوم انتهى.

· الهلال بقى فيه (جملة) تكتيكية لازم تجي قون ..الجملة في الهلال بقت بي (قون).

· إلّا يظهر لينا حكم راية يقوم يفرمل الجملة.

· ملخص الهلال – الشغل التكيكي في الهلال بقى عالى.

· وهذا امر يحسب للمدير الفني للهلال التونسي نبيل الكوكي.

· اسمعوني يا جماعة.

· خلوني اقول كلامي.

· ما تبقوا لي زي الزول الفي الحلة – الكلمتكم عنو.

· كل اهداف الهلال التى سجلها الهلال في المباريات الاخيرة فيها مسحة (هندسية).

· فيها شغل بتاع دماغ.

· ذكرتوني تمريرات (هيثم مصطفى) ودماغو العالي.

· هذه الجمل وضحت وظهرت من مباراة الهلال ومازمبي.

· الناس كلهم شافوا الثنائية والنقل الممرحل للكورة الذي تم بين نزار حامد وجوليام.

· او بين نزار حامد وبشه.

· او بشه وجوليام.

· في شغل بيحصل يا جماعة.

· في نقلات ساحرة كدا ..بقينا نشوفها.

· الوصول لمرمى الفريق الخصم اصبح يتم عبر طريق (علمية) واكاديمية وفنية.

· الموضوع ما قطع من الرأس ساكت.

· ما تخبط.

· ما عشوائية.

· في عطبرة سجل كيبي بعد نقلات رائعة ..وتوزيع موسيقي جميل كان بين نزار حامد وكيبي.

· في مباراة الخرطوم الوطني ..الهدف جاء بعد (فاصل غنائي) عديل كدا ..الاستاد كلو وقف.

· يعني ممكن نقول خدمة (الاهداف) في الهلال بقت (نجمة – نزار حامد – كيبي – كاريكا – مربع قون).

· او (مربع – نزار – اندرزينهو – وليد – مربع قون).

· او (مربع – بشه – الشغيل – كاريكا – مربع قون).

· اي جملة فنية في الهلال بهذه الصورة قون.

· ولا بنلعب.

· الجميل في الهلال انه في الفترة الاخيرة اصبح قادر على التسجيل في التوقيت الذي يريد.

· امام الامل عطبرة ...الهلال نزل الشوط التاني عشان يحسم المباراة في اول (10) دقائق في الشوط التاني ...وقد فعلها الهلال.

· تقدم الهلال بعد ان كان متأخرا بهدف.

· امام الخرطوم الوطني ..نزل الهلال في الشوط عشان يسجل في اول (15) دقيقة.

· هكذا صرح نبيل الكوكي في المؤتمر الصحفي.

· وقد سجل الهلال في اول دقيقة في الشوط التاني.

· اذن الهلال اصبح متحكم على مجريات المباراة وقادر على ان يفعل ما يريد في الجزء الذي يحدده في المباراة.

· الحاجات دي ...من مواصفات الاندية الكبيرة.

· ومن دلائل البطولات.

· الامر هذا نحسبه للمدرب القدير (نبيل الكوكي) الذي وصل الى ان هذه الدرجة العالية من التكتيك.

· الهلال يتقدم الآن بصورة كبيرة ...وبشريات البطولات يظهر الآن.

· مباراة سموحة يوم الاحد القادم سوف تكون (محاضرة) في هذه الخصائص.

· تعالوا لتشهدوا الروعة.

· تعالوا عشان تشوفوا (الثنائيات) والجمل التكتيكية والفنية العالية.

· الجميل ان المدير الفني للهلال يعتمد في (رسمه) هذا ...على نزار حامد وبشه..وهم افضل من ينزل (التطبيق).

· نزار حامد الآن ينفذ ما يطلب منه بالورقة والقلم.

· ...............

· ملحوظة : سموحة وقعت وما سمت.

هوامش

· الشغيل يتطور بصورة مذهلة.

· الشغيل بعمل في حاجات ما منظور مثيلة.

· نيسلون اذا دخل الفورمة ...برشلونة ما بتقدر تقيف قدام تقيف قدام الهلال.

· نزار حامد ما شاءالله.

· الشغيل ما شاءالله.

· بشه ما شاءالله.

· وليد علاءالدين ماشاءالله.

· مكسيم ما شاءالله.

· اتير توماس ما شاءالله.

· فريق كلو يتلتل.

· يوم الاحد ان شاءالله ح تفهموا حاجة.

· خلوا ناس بي ان سبورت يجهزوا من هسع (دهشاتهم).

· عشان ما يتفاجأوا لينا ساكت.

· عشان ما يقعدوا يتلفتوا لينا.

· لكن يوم الجمعة في (حاجات) بتحصل.

· الجمعة في مشاكل بتظهر في الجزائر.

· ابقوا عارفين.

· ............

· عاجل : نزار حامد الايامات دي نزار (حامض) جدا.

انقر هنا لقراءة الخبر من مصدره.