سودارس : احجز (دهشتك) من الان

الي اين نسيير الاتحاد مدني يحسم موقعة الوفاء... و«حمدا» يفتتح للزمالك في ليلة احتفاء بصنّاع المجد *الهلال يواجه موسانزي في الدوري الرواندي* ترامب: إيران ستقدم عرضا سلفاكير إلى أديس أبابا..ورئاسة الجمهورية تكشف شاهد بالفيديو.. نفت من خلالها الشائعات.. الفنانة إيمان الشريف تستقبل مكالمة هاتفية من والدتها أثناء إحيائها حفل جماهيري بالقاهرة بعد إعلان إصابته بورم خبيث.. آخر تطورات الحالة الصحية لنتنياهو شاهد بالفيديو.. عريس سوداني وعروسته يشعلان مواقع التواصل بنشرهما لقطات من احتفالهما بشهر العسل بأحد الشواطئ شاهد بالصورة والفيديو.. الفنانة نسرين هندي تخضع لعملية جراحية وسط دعوات المئات من جمهورها ومتابعيها اللواء الركن (م) أسامة محمد أحمد عبد السلام يكتب: السيد رئيس الأركان هناك راجمة (ضاربة) على السودان هجوم مسلّح على معتقل لميليشيا الدعم السريع يسفر عن قتلى شاهد بالصورة والفيديو.. زوج السودانية "إحسان" يفضحها بنشر مقطع لها وهي في حالة "سكر" بعد شرب "البيرة" في الشارع بجوبا شاهد بالصورة والفيديو.. ظهور أفراد من "المليشيا" بشوارع أم درمان يثير قلق المواطنين ويفجر موجة من الغضب داخل مواقع التواصل شاهد بالصورة والفيديو.. الفنانة نسرين هندي تخضع لعملية جراحية وسط دعوات المئات من جمهورها ومتابعيها تُرى من يقف وراء هذا الخلاف العجيب؟! مكافحة التهريب البحر الأحمر تُبيد (3.5) طناً من المخدرات تحديث جديد من آبل لإصلاح خلل في إشعارات الرسائل "مصر والسعودية وتركيا تستخدم النووي الباكستاني".. تحذير إسرائيلي من تحالف جديد بالمنطقة الزمالك يتفوق على بيراميدز في المواجهات وفارق الأهداف قبل صدام الليلة درة: دور ونيسة فى فيلم الأوله فى الغرام من أحلى الأدوار فى حياتى سلاف فواخرجي ترفض يحيى الفخراني.. وتراقص باسم سمرة القذافي وقصة "الشيخ زبير" المثيرة! ليست حموضة عادية.. دراسة تكشف علامات مبكرة لسرطان المرىء مكافحة التهريب البحر الأحمر تُبيد (3.5) طناً من المخدرات شاهد بالفيديو.. الجاكومي: (قابلت حمدوك في برلين وبادر بالسلام وقال لي نحنا مختلفين سياسياً لكن حب المريخ يجمعنا) عودة (1038)سوداني من مصر وتوقعات بعودة أعداد كبيرة عقب انتهاء إمتحانات الشهادة الثانوية برشلونة يعلن انتهاء موسم يامال برشلونة يستهدف تأمين صدارة الدوري الإسباني ضد سيلتا فيجو هاري كين يتصدر صراع أفضل لاعب فى العالم 2026.. ومحمد صلاح ضمن السباق عادة بسيطة تقلل التوتر وتحسن الصحة النفسية أطباء بلا حدود : علي ظهور الجمال والحمير … اللقاحات تصل جبل مرة ترامب: سنمدد وقف إطلاق النار مع إيران حتى تقدم طهران مقترحاتها وتكتمل المفاوضات تكرار العدوى أو المرض.. أسباب شائعة لا تتجاهلها محافظ مشروع الجزيره :المليشيا نهبت ودمرت أصول المشروع بطريقة ممنهجة والخسائر بلغت 6 مليار دولار الهلال «مدرسة» قبل أن يكون «نادياً رياضياً» إحباط محاولة تهريب في السودان ترامب: استخراج اليورانيوم المخصّب من المنشآت النووية الإيرانية ستكون عملية صعبة إدخال البصات السفرية لحظيرة الميناء البري بالخرطوم وسحب 950 سيارة مدمرة حول السوق المركزي ارتفاع في وارد محصول الذرة وانخفاض في الأسعار بالقضارف الدعيتر.. كان اللغة الثانية في البلاد مصر.. قرار بشأن المنتقبات بعد تدخل شيخ الأزهر في عملية اختطاف هزت البلاد عثمان ميرغني يكتب: الصورة مقلوبة عاجل..إيران: فتح كامل لمضيق هرمز السودان.. انخفاض معدل التضخم موجة مرعبة.. حمى الضنك تتفشى في ولاية نهر النيل بالسودان مكافحة التهريب بالبحر الأحمر تضبط 340 كيلو آيس و200 ألف حبة مخدرة فى عملية نوعية بالتعاون مع المخابرات العامة السودان.. تفاصيل صادمة لاغتيال مواطن بدمٍ باردٍ إيران تهدد: موانئ الخليج لن تكون في مأمن إذا حوصرت موانئنا شرطة ولاية نهر النيل تضبط (53) جوالًا من النحاس المخبأ تحت شحنة فحم بمدينة شندي وتوقيف متهمين الإمارات والبحرين توقعان اتفاقا لمقايضة الدرهم والدينار السودان.. القبض على 4 ضباط قضية أثارت جدلاً.. براءة عصام صاصا من تهمة المشاجرة بملهى ليلي عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي الشيخ بن زومة.. إلى جنة الخلد في زمن الضجيج.. القرآن بوصلة المعنى والسكينة صوت لا يغيب.. محمد رفعت ورحلة الآذان الخالد في رمضان شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

احجز (دهشتك) من الان

قوون نشر في قوون يوم 07 - 05 - 2011

في زمن مضي ...ايام المباراة (مفتوحة) ...والزمن البدل الضايع اكتر من زمن المباراة كلها.
والملح بفتح من اول خمس دقايق في المباراة.
ايام (الباك) بعاين في (لمبة) الجيران ...وبشوت فيها.
ايام (الكورنر) بحسبوه (ضربة مرمي).
والطماطم لونها (اسود).
واللاعب لو وقع ساكت بعملوا ليهو (كشف).
والمدافع من النص بقرش (الكورة).
زمن ابراهيم عطا.
الزمن داك بتذكر ...الهلال وقت تكون عندو مباراة ضد المريخ ...الجرايد بتكبت بعد المباراة ان المباراة كانت بين الهلال وحامد بريمة.
يعني الهلال كان لاعب (مهاجم) ..والمريخ كلو (مدافع).
ناس بابكر سلك الزمن داك كانوا بشجعوا (الزهرة).
كان بمرقكم (حامد بريمة) يا مريخاب.
وخير اثبات على ذلك ان المنتخب الوطني كان كلو بكون من الهلال زايد حامد بريمة.
في واحد زمان قال كان بعرف الهلال بي انو بعاين في مرمي الهلال ..لو لقي حامد بريمة واقف ...بكون دا المنتخب.
لو لقي كمان حامد بريمة ما في ..بعرف ليك انو دا (الهلال).
الهلال من المنتخب كان بتعرف ب (حامد بريمة).
الرمية دي على طريقة الدكتور عبداللطيف البوني قصدت بها ...ان يلعب الهلال مباراة اليوم بهجوم كاسح.
90 دقيقة عاوزين نكون نحن في صندوق فريق الافريقي.
المنطقة المحرمة لفريق الافريقي عاوزين (نستبيحها).
ندخل فيها...نسكن عديل.
في الحالات دي طبعا بنقول ليكم اوعكم من الهجمات المرتدة.
اسامة التعاون موجود ما في مشكلة.
اسامة التعاون دا بالمناسبة افضل من يفسد الهجمة المرتدة.
زول (دغل).
لعبّوا في التشكيلة ...وقولوا ليهو ما عاوزين هجمة مرتدة للفريق المنافس...ونوموا على كدا.
عوجة تاني ما بتجيكم.
يلخبط ليك البلد.
يسوطها سواطة.
مع كل هذه الاشياء ...اسامة التعاون دا لو لقي ليهو (كورة) ساقطة قدام المرمي بجيبها قون.
خاصة في العكسيات.
زول مجربنو نحن في الحكاية دي.
غير اسامة التعاون ...في الهلال لاعب عندو كلو الحلول.
قولوا ما شاءالله عليهو.
يسدوا عليهو المنافذ في الكور العالية ..بجيبها (شقة) عديل كدا...على طريقة ..(عجوبني الليلة جوا ترسوا البحر رجعوا).
اللاعب البعمل كدا ..اكيد عرفتوهو ..دا (بشة).
بشة عديل.
فى واحد قال لي انت تعال هنا ..(بشة) دا كان بعمل في غرفة تسجيلات المريخ شنو؟.
قلت ليهو كان بعلم في موسي الزومة ...كيف يضيّع الضربة الترجيحية.
وما بعيد كمان ..قوة الرأس الظهرت على بلة جابر دا تكون من (بشة).
اصلو بشة كان في غرفة تسجيلات المريخ.
الظاهر السماسرة ما لقوا فيهو (فايدة)..ما عرفو يغشوا الوالي فيهو ..قام طلعوه.
طلع من الغرفة...ناس الهلال جابوه السنة التانية.
اللاعب البشبه الهلال ..لو دخل (غرفة تسجيلات المريخ)...الهلال بجيبو.
غرفة شنو؟.
علاءالدين يوسف دا كان 3 سنوات في المريخ.
3 سنوات وهو النجم الاول في المريخ.
ناس الهلال انتظروه كمل الفترة ...وخطفوه.
الغريبة فييرا كان نجم مباراة اخر قمة لعبها في المريخ.
وتاني انتوا عارفين باقي الموضوع ...وبصم ..ما بصم ...الكلام الكتير دا.
هسع في واحد قال لي : فييرا قال عاوز يلعب في المريخ.
قلت ليهو الناس ديل زوروا (بصمتو)...غالبهم يزوروا (كلامو).
الحكاية دي ...زي حكاية كدا ...ما عندها علاقة بالموضوع.
قالوا ليك في واحد كدا ...مشي الهند.
السنة الاولي ..ما رسل.
السنة التانية ...ما رسل.
السنة الثالثة ..ما رسل.
السنة الرابعة ..ما رسل.
السنة الخامسة ...ما رسل.
السنة السادسة ..(مسكل).
في واحد قال ليهو انت مالك كدا زي (كاس الممتاز) بالنسبة للمريخ ...كل 6 سنوات ...الهلال بخليهم (يمسكلوا) بيهو.
المهم الزول دا في السنة السابعة ..جاء راجع من الهند.
ناس الحلة طبعا (مستعجلين)..كلهم مشوا استقبلوه في المطار.
اول ما نزل من المطار كدا ..في واحد قال ليهو ..اسمع ما عندك تلفون (شاروخان).
زولكم عاين ليهو كدا ...وقال ليهو : عندي تلفون شاروخان ..لكن ما برد على رقم غريب.
المهم ناس الحلة ما قصروا مع الزول الرجع من الهند.
في جماعة ضبحوا ليهو عديل كدا.
اصلوا ما قصروا معاهو.
الموضوع طول ..وزولكم عامل (مصهين).
في واحد شفقان ...اضايق من الموضوع دا ..قال احسن يدخل في الموضوع ..ويسألو عديل.
قام قال ليهو : انت تعال هنا جبت لينا شنو من الهند.
صاحبكم قال ليهو جبت ليكم افلام هندية.
شغل ليهم الفيلم الاول ...طلع ما واضح.
الفيلم الثاني ...طلع ما واضح.
الفيلم الثالث ..طلع فاضي.
الفيلم الرابع طلع ..فاضي.
في واحد قال ليهو : دي شنو الافلام البايخة الجبتها لينا دي.
زولكم برم شعرو ..وقال ليهم الافلام دي ما بايخة ..بس انتوا ما فهمتوها.
دي بتذكرني حكاية تانية.
قصة قريبة من القصة دي.
مرة المنتخب السوداني كان لاعب ليهو مباراة ..هامة.
هيثم مصطفي حفظه الله ورعاه في اول خمس دقايق فك ليهو باص ...المهاجم ما فهم الباص.
بعد عشر دقايق ...هيثم تاني فك نفس الباص.
المهاجم برضو ما فهم الباص.
في الدقيقة 15 هيثم كرر الباص.
المهاجم ..ما فهمو.
هيثم مصطفي في الدقيقة 30 وقت فك الباص للمرة الرابعة للمهاجم ..الزول القاعد جواري عاين لي كدا وقال ..غايتو المهاجم دا بعد كدا لو ما فهم (التمريرة) دي ...مفروض ناس المرور يسحبوا منو (الرخصة).
مفروض يشيلوا منو (اللوحات) عديل كدا.
دا (عجلة) ما مفروض يسوقها.
زي زول كدا.
مشي البكا...اول ما نزل من العربية قعد (يجعر) بي اعلى صوتو ..يا زول استغفر ..يا زول ما كدا ..يا زول قول باسم الله.
شال الفاتحة.
جابو ليهو الموية.
شربها.
جابو ليهو الشاي.
واتلفت للزول القاعد جنبو وسألو..انت المات منو؟.
الزول خطف منو (كباية الشاي)..وقال ليهو والله الموية الشربتها قبل الشاي دا كتيرة عليك.
غايتو الهلالاب ديل الحاجة الما بريدوها ..يتلحوها لما تطير.
ناس صعبين.
زي واحد كدا.
لاقي ليهو روسي في شارع (القصر).
ثبتوا ليك ...وقال ليهو اسمع الشارع دا شارع المطار.
الروسي عاين ليهو كدا ..وقال ليهو هسع شايف ليك (طيارة) هنا ...دا شارع القصر.
ما بتشوف انت.
بعد يومين نفس الزول لاقي نفس الروسي في شارع (عبيد ختم).
الزول سأل الروسي ...قال ليهو : الشارع دا شارع النيل.
الروسي عاين ليهو كدا ..وقال ليهو هسع شايف ليك (نيل) هنا ..دا شارع عبيد ختم.
ما بتشوف انت.
بعد تلاتة يوم ...نفس الزول لاقي نفس الروسي في شارع الحرية.
الزول قال للروسي اسمع دا شارع السيد عبدالرحمن.
الروسي قال للزول ...دا شارع الحرية ...يكون كيف شارع السيد عبدالرحمن ..شايف ليك (انصاري) هنا.
بعد شهر...نفس الزول لاقي ليك نفس الروسي في شارع الاربعين.
الروسي سأل الزول اسمع دا شارع شنو؟.
الزول سريع كدا شاف ليهو جماعة ماشين في الشارع حسبهم ..طلعوا (اربعين)...زولكم طوالي قال للروسي دا شارع الاربعين.
الروسي قال للزول دي عرفتها كيف؟.
الزول قال ليهو ساهلة ..الاربعين ديل لو اضفت ليهم عشرين الشارع دا ببقي شارع (الستين).
بمناسبة الستين دا.
في واحد برجع كل يوم الساعة واحدة صباحا ..بدق جرس الشقة المجاورة لي شقتو.
صاحب الشقة بطلع بلقي واقف في الباب ...بقول ليهو شقتك الشقة التانية.
الجار دا اضايق من الموضوع دا...قام قرر يرحل في الشقة التانية ..عشان الزول دا وقت يرجع الساعة واحدة ..يدق الجرس ..يكون بدق في جرس شقتو.
زولكم اليوم التاني رجع الساعة واحدة صباحا.
ضرب الجرس ...طلعت ليهو زوجتو...عاين ليها كدا ...وقال ليها انا من زمان شاكي فيك ..البطلعك من شقتنا الساعة واحدة صباحا شنو وبجيبك شقة الجيران؟.
الزوجة قالت ليهو : دي شقتنا يا راجل.
عاين للشقة كدا ..لقي اسمو في الباب....قال والله الواحد لو ما بخاف الكذب ..يقول الشقة دي (بتشرب).
بتشرب (لبن).
ملحوظة : هسع الكلام دا دخلوا شنو بي مباراة الليلة.
هوامش
يا جماعة الله الليلة الهلال ان شاءالله ح ينتصر بي ثلاثية.
ساعدونا بس بالشجيع والمساندة.
والقهوة.
مهند الطاهر عندو (هوبة).
والباقي على (بشة).
في واحد قال لي لو الهلال لا قدر الله طار ..بتعملوا شنو؟.
قلت تفتكر ح نظم (سيكافا).
ح ننزل الكونفدرالية.
يعني برضو بي حقنا.
تعالوا الليلة لاستاد الهلال ..عشان تمتعوا نفسكم بالدهشة.
ديون الهلال الليلة كلها (بسددها) بشة.
وجود كثافة جماهيرية كبيرة في استاد الهلال اليوم ..اكبر دافع للهلال لكي يحقق انتصار كبير على الافريقي ان شاءالله.
الانتصار اليوم في حناجر الجماهير.
وقبل ذلك في ثقة الجماهير في فريقها.
ما عندكم مشكلة ...شجعوهم وخلوا الباقي على الله.
ناس سيدا ما بقصروا.
خطورة الافريقي سوف تنتهي بفضل جمهور الهلال.
ارهبوهم.
واعيدوا لنا ...ذكرى مباراة ناساروا ومباراة الاهلي القاهري.
الثلاثة النظيفة ضرورية للتأهل لمرحلة المجموعات.
ام درمان تغني.
ام درمان تفرح.
ام درمان الليلة باذن الله تعيش اجمل لياليها.
خليك في الاستاد.
نحتاج الي مثل هذه الفرحة.
نريد ان نعيد هيبة الهلال وجبروتها.
عاوزين لينا ضحية تونسية.
واذا كان زين العابدين بن على ركب (التونسية) فان (الافريقي) من نفس العجينة ان شاءالله سوف يركب التونسية.
خلونا نفرح بيكم.
رجعوا الفرح لي شوارعنا.
لأن اليوم ...يوم الهلال.
عاجل : يا البدري ركز في (سيكافتك) قلنا ليك...الشغل دا كبير عليك.

انقر هنا لقراءة الخبر من مصدره.