سودارس : هاااااااااااااايل يا الشغيل

رئيس لجنة المنتخبات عطا المنان يتفقد البعثة ويتحدث للجهازين الإداري والفني الهلال يختتم تحضيراته بمران خفيف استعدادًا لمواجهة "روتسيرو" غدًا لاستعادة الصدارة لاعبو الدوريات الخارجية يتوافدون لجدة ويكتمل عقدهم فجراً ارتفاع أسعار الذهب في السودان لواء ركن (م) د. يونس محمود محمد يكتب: جرد الحساب في إحالة العميد طبيب طارق كجاب لأول مرة.. حكم يحمل إنستغرام ويوتيوب المسؤولية عن إدمان وسائل التواصل النفط يصعد والذهب يستقر مع تقييم احتمالات وقف الحرب "ChatGPT" تتيح مقارنة المنتجات بدل الشراء المباشر ترتيبات بالشمالية لتنفيذ مشروع المبادرات المجتمعية المشتركة ترتيبات لقيام مجمع تشخيصي متكامل لتوطين الخدمات الصحية بشرق الجزيرة تقرير أمريكي يكشف استهداف مباشر لمستشفى الضعين في عيد الفطر مقربون من محمد صلاح يرجحون وجهته القادمة.. إيطاليا أو أميركا؟ الزمالك يؤجل ملف تجديد عقد حسام عبد المجيد موقف زيزو من الرحيل عن الأهلى فى الصيف المقبل أحمد العوضي : بشكر جمهوري إنه عمره ما خذلني وصاحب الفضل فى نجاحي شيماء سيف تنشر فيديو طريف مع زوجها محمد كارتر على إنستجرام طارق الدسوقي: اشترطت الإطلاع على السيناريو للموافقة على دوري في علي كلاي دراسة تكشف ترابطا بين أمراض معدية وخطر الإصابة بالخرف 10 أطعمة يجب تناولها لعلاج نقص البوتاسيوم 10 ثوانٍ فقط للمستبدل .. فيفا يعلن تطبيق حزمة تعديلات تحكيمية في المونديال وزير الخارجية ووالي الخرطوم يفتتحان مقر وزارة الخارجية بشارع عبدالله الطيب بالخرطوم ايذانا بعودة كامل الوزارة لممارسة عملها من العاصمة الخرطوم السودان ومصر يوقعان بروتوكول مشترك لمكافحة بعوضة الجامبيا شاهد بالصور.. السلطانة هدى عربي تخطف الأضواء بإطلالة مبهرة من حفلها الأخير بالرياض أمجد فريد الطيب يكتب: حياة تجلت في وضوح المبادئ: وداعا فينك هايسوم الخليج الضحية الكبرى: إيران وجهت 83% من هجماتها إليه… و17% فقط إلى إسرائيل عثمان ميرغني يكتب: حرب السودان ومخطط شد الأطراف شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) نصائح لوقاية مرضى حساسية الصدر من التقلبات الجوية والرياح شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب 4 وجهات محتملة لصلاح بعد قرار رحيله عن ليفربول ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

هاااااااااااااايل يا الشغيل

قوون نشر في قوون يوم 13 - 07 - 2015

الشغيل دا ..لو ناس (الازهري) مشوا ليه ..ممكن يحل ليهم مشكلة قطوعات الموية
""""""""""""""""""""""""""""""""""""
الزول دا لو فتح ليه عيادة بضرب ناس عمر محمود خالد ومامون حميدة...بندمهم على طبهم...بجهجهم..بطلع ليك ناس (طب اعشاب) ساكت
"""""""""""""""""""""
الشغيل مع (طبو) دا ..بجيب القون وما بسمع بيه ..في زول بتواضع قدر التواضع دا
"""""""""""""""""""""""""""""""""""""""""""
البعمل فيه نزار حامد دا – ما شغل دوري ابطال افريقيا ..الكلام دا اكبر من كدا ..ما تخمونا ساكت
"""""""""""""""""""""""""""""""""""""""""""""""""""
· امس وقت قلنا ليكم (السر أحمد قدور) ح يخلي ناس افراح عصام وانصاف فتحي وريماز ميرغني وطه سليمان وحسين الصادق ومكارم بشير وح يقول : (هاااايل يا الشغيل)...قعدتوا تنططوا لينا في (عيونكم) متل لواري الحطب.
· اول لواري الحطب بتنطط عيونها.
· انا عارف.
· الشعراء ..عندهم كلام غريب كدا.
· عندهم حاجات ما مفهومة.
· هسع الشعراء الدخلهم هنا شنو؟.
· دخلهم الشغيل.
· الشغيل دا ..(اتحاد المهن الموسيقية) ذاتو ممكن يدخلو ليك في الموضوع.
· السر قدور ..ح يمسك في الشغيل.
· هاااايل يا الشغيل.
· اغاني واغاني كلو ح يكون (الشغيل).
· نحن لو عاوزين عصام محمد نور.
· لا عاوزين عاصم البنا.
· لا عاوزين حسين الصادق.
· ولا عاوزين طه سليمان.
· لا افراح – لا ريماز ولا انصاف فتحي.
· الشغيل بس.
· تموا لينا باقى (اغاني واغاني) بالشغيل.
· شيلوا (التيم) كلو ..وجيبوا لينا الشغيل.
· امس وقتا قلنا ليكم في (قوون) السر قدور ح يقول (هايل يا الشغيل) قعدتوا تغالطوا فينا.
· تغالطوا ساي.
· في الصيام ما عاوزين تخلوا الغلاط.
· نحن الغلاط عندنا زي (القرع).
· اصلو ما بنرتاح ليه.
· عليك الله (القرع) ما تدخلوا لينا في العمود دا.
· الدينا رمضان – وما في داعي للقرع.
· والله نحن عندنا ناس شفوت.
· شفوت عديل كدا.
· عندنا ناس بتسحروا بي (قرع).
· شفتوا ليكم زول بتسحر بالقرع.
· ناس حلتنا بعملوها.
· عشان كدا ..المسحراتي وقت يدق نوبتو بقول (يا صايم قوم اتقرع).
· لو على (القرع) الزول احسن ينوم.
· معقول اصحي من النوم عشان اضرب لي (قرع).
· امس قلنا ليكم الكلام.
· قلنا ليكم.
· وكررنا ليكم الف مرة (هايل يا الشغيل).
· انتوا قلتوا الكلام دا ما بحصل.
· قلتوا نحن بس مع ناس عصام محمد نور ..عاصم البنا.
· ما عارفين ..(الشغيل) عندو رأي.
· هسع عليكم الله (الشغيل) دا ..لو امس شال ليه في مباراة الهلال وسموحة (سماعة) طبية وعمل ليه عيادة خارجية ...ما بريح الناس من المشاكل الطبيبة الحاصلة في البلد دي.
· الواحد يمشي المستشفى بي (ركشة).
· يطلع بي (اسعاف).
· تمشي بي كرعينك ..تطلع على (احمد شرفي) رأس.
· تمشي بي (نزلة)..يقولوا ليك (سرطان).
· انا ما عارف (السرطانات) دي بجيبوها من وين؟.
· لو ما عندك شيء ..لو شديّد وزي الحصان و(مرافق) ليك (مريض) يفلسوا بيك.
· بكملوا قروشك.
· خلوه الطب.
· انتوا ح تقولوا الزول دا عاوز ينظر.
· يعني شنو لو الهلال فاز على سموحة؟..امر عادي.
· الهلال فاز على الاهلي المصري.
· والزمالك.
· سموحة شنو كمان؟.
· ح تفتكروني بنظر.
· وبتكلم ساكت.
· لكن انا بتلكم ليكم بالجد.
· وبقول ليكم في كلام بقع للمريخاب بعد (21).
· نحن ما بنتكلم زي ناس الارصاد.
· يقولوا ليك بكرة ح تجي (مطرة).
· (مسكول) ما بجي.
· يا جماعة ...عشان اكون واضح معاكم وصريح ..(وانا بكتب ليكم والله قبل الامساك).
· بسابق في (الامساك).
· وما عندي ذاتو فرصة عشان اراجع العمود.
· عاوزين نتسحر.
· يا جماعة – عشان اكون واضح معاكم ..البعمل فيه (الشغيل) دا ..والي الخرطوم الجديد ما عملو.
· ما تزعلوا.
· ما تقعدوا تنططوا لي في عيونك.
· عيونكم دي ح تشرطوها بالطريقة دي.
· عارفكم الكلام دا ح بيحرجكم.
· ويمكن يحرج (الولاة) كلهم.
· بما في ذلك (والي المريخ).
· هسع دا زول بفكوه يا جماعة.
· الشغيل دا ..لو ناس (الازهري) مشوا ليه ..ممكن يحل ليهم مشكلة قطوعات الموية.
· لو ناس الشجرة ..شالوا ورقهم وملفاتهم مع ناس الجريف شرق ..بحل ليهم مشكلة الاراضي.
· اصلو ما عندو مشكلة.
· الشغيل بحل اي مشكلة.
· الشغيل لو مشوا ليه ناس الحاج يوسف ..بشوف ليهم حل جذري لقطوعات الكهرباء.
· حكاية انتظروا الخريف.
· والازمة مفتعلة ..الشغيل ما بعملها.
· ما تسمعوا لي كلام الجماعة ديل.
· قدر ما تحصل ازمة ..يقولوا ليك (مفتعلة).
· طيب انتو ما تفتعلوا.
· بتخلوهم ...يفتعلوا براهم ليه؟.
· افتعلوا ..حاجة عكسية..مضادة لافتعال الازمة.
· إلّا يقولوا ليكم كدا.
· إلّا يشرحوها ليكم بالطريقة دي.
· عاوز اقول ليكم كلام كتير.
· لكن (السحور) دخل.
· وانا ما فاضي انظر ليكم كتير.
· ولا عاوز انظر.
· ولا عاوز اقول حاجة.
· خايف (الامساك) يدخل ..ونقوم نجرح لينا مريخابي بي كلمة او حرف (نصب).
· اصلو جماعتنا ديل ..ما بيستحملوا ليهم كلمة في (الشغيل).
· الشغيل في الهلال ما شاءالله.
· الشغيل في الهلال شغال زي اختصاصي المخ والاعصاب.
· اختصاصي الغدد الدرقية.
· اختصاصي عمليات القلب المفتوحة.
· الزول دا لو فتح ليه عيادة بضرب ناس عمر محمود خالد ومامون حميدة.
· بندمهم على طبهم.
· بجهجهم.
· بطلع ليك ناس (طب اعشاب) ساكت.
· طب بلدي.
· الشغيل صعب.
· الشغيل مع (طبو) دا ..بجيب القون وما بسمع بيه ..في زول بتواضع قدر التواضع دا.
· تواضع شديد.
· زول في منتهى التواضع.
· الشغيل بجيب القون وبحتفل اتير توماس.
· لمن نحن اتلخبطنا.
· قلنا دا شنو دا؟.
· حمودة بشير رجع تاني للهلال.
· معقولة (القرع) بلخبط الزول للدرجة دي.
· القرع اشتغل.
· قلت ليكم يا جماعة في (قوون) دي ذاتها ..وقعدتوا تغالطوا.
· قلت ليكم في (من الغلاف للغلاف) في زاوية (الرقم مشغول) بالحرف.
· قلت ليكم : (يا ناس بي ان سبورت ..عليكم الله الليلة اي حركة يعملها او يقوم بيها (نزار حامد) حولوها لينا طوالي للقنوات النقالة للدوري الاسباني ..افصلوا لينا حركات نزار حامد من دوري ابطال افريقيا..البعمل فيه نزار حامد دا – ما شغل دوي ابطال افريقيا ..الكلام دا اكبر من كدا ..ما تخمونا ساكت).
· الكلام دا قلناه امس.
· ونزار طبقو ..وزيادة شوية.
· خلى ليك ناس بي ان سبورت يتخلعو.
· والخلعة في بي ان سبورت شينة شديد.
· يتخلعوا ناس النيلين.
· ناس النيل الازرق.
· لكن تصل كمان لي لغاية خلعة (بي ان سبورت).
· بتبقى شينة.
· قلنا ليكم.
· العيد جمعة.
· عشان ترضوا.
· او تزعلوا.
· احسن نوضح ليكم الحاجات من هسع.
· يا جماعة والله بقينا على (السحور).
· جابوا لينا (القرع).
· قلنا ليهم انتوا جنيتوا...(القرع) دا العاوز ياكلو ليكم منو مع هدف نزار حامد دا.
· القرع دا شوفوا ليه ناس بلة جابر.
· ناس ضفر.
· نحن قرع بعد الهدف دا ما بنفع معانا.
· اقول ليكم حاجة..المواضيع دي عاوزة ليها تفاصيل في (من الغلاف للغلاف).
· نعمل صفحات للعيد كدا.
· وبنعرج ليكم في الصفحات دي على هدف (شيبون).
· عشان نشوف القصة شنو؟.
· نقوم نتسحر.
· .................
· ملحوظة : غايتو يا السر قدور عرفتها.
هوامش
· مباراة التطواني ومازمبي شغالة ..لكن ما ح اشتغل بيها.
· انا بقيت زول (سحور) ساكت.
· محمد علي دينلسون كان قاسيا على الهلال بعد الشوط الاول.
· وصف مهاجم الهلال البرازيلي بوصف فيه استخفاف بالهلال.
· اما معلق المباراة المصري ..فهو يفضل ان يشوف ليه (كشري) يعصر عليه.
· التعليق المصري بستخف بالسودانيين كلهم.
· قناة بي ان سبورت يجب ان تحترم المشاهد السوداني.
· نحن بنتابع في المباريات دي بقروشنا.
· ما تنظروا لينا ساكت.
· في نفس الوقت لا بد من التحية والتقدير لسامر العمرابي الذي يقدم تغطية وتقارير رائعة عن الهلال.
· سامر العمرابي ينفعل مع انتصارات الهلال ويقدم مادة فيها (الوطنية) والمهنية غالبة.
· فريق سموحة لم يكن سهل.
· لكن هلال الشوط التاني ..ما بتقابل.
· ما بتصاقع.
· ولا بنلعب.
· الحمدلله ما عندنا هدف (منقوض) عشان ما نخلي شغلتنا ونقعد نتجرس.
· .............
· عاجل : قرع برضو!!.

انقر هنا لقراءة الخبر من مصدره.