سودارس : بكري المدينة طلع (معاكم الكاميرا الخفية) الله يستر على (الجوهرة)

كسلا تطلق برنامج الدورة التنشيطية للناشئين تمهيداً لاختيار منتخب الولاية علي الحمادي رئيساً لمجلس أمناء منظمة الدعوة الإسلامية في أجواء عربية جامعة.. تونس تختتم بطولة الشباب لألعاب القوى بنجاح وتنظيم مميز تأهل ثلاثة عدّائين إلى بطولة العالم في ختام البطولة العربية لألعاب القوى للشباب والشابات بتونس السودان.. السلطات تعلن عن تحقيق ضبطية نوعية بوتين: قوة روسيا في تنوعها السودان يتراجع إلى المرتبة 161 في حرية الصحافة لعام 2026 بالفيديو.. قيادي سابق بالدعم السريع يكشف حقيقة ظهور النقيب المتمرد "سفيان": (مات زمان في سجون الرياض وهذا الشخص هو من قام بتصفيته) ⭕️ قوات الجمارك تُسهم في تفويج حجاج بيت الله الحرام عبر ميناء عثمان دقنة بسواكن كوكا وناصر منسي في مهمة خاصة الليلة لإقناع حسام حسن قبل معسكر كأس العالم الموت يفجع محمد الشناوي حارس الأهلي قبل ساعات من مواجهة الزمالك في القمة اللواء الركن (م) أسامة محمد أحمد عبد السلام يكتب: حديثي كان سياسياً وليس (أمنياً) شاهد بالصورة والفيديو.. ناشدت متابعيها: (نبزوني وأرفعوا اللايف).. تيكتوكر سودانية حسناء تثير ضجة إسفيرية واسعة بعد ظهورها في بث مباشر بملابس فاضحة عاقبة غير متوقعة وخطيرة لتناول مسكنات الألم الأهلى والزمالك.. ماذا يحدث فى جسمك عند الانفعال أثناء مشاهدة المباريات لماذا يواجه كبار السن خطرًا أكبر للإصابة بضربة الشمس؟ الهلال السوداني يعلن ضوابط الجمعية العمومية صبري محمد علي (العيكورة) يكتب: *إحالات الشرطة (2023) النخبة المُنتقاه و بداية الكارثة (الأخيرة)* بالفيديو.. قيادي سابق بالدعم السريع يكشف حقيقة ظهور النقيب المتمرد "سفيان": (مات زمان في سجون الرياض وهذا الشخص هو من قام بتصفيته) الأمم المتّحدة: حرب إيران عطّلت المساعدات في السودان بالصورة.. الفنانة إيمان الشريف تفجرها داوية وتشعل خلافها مع "اليوتيوبر": (نحنا بنعرف برنس واحد اسمه هيثم مصطفي) بالصور.. وفاة حفيد الإمام المهدي بجنوب أفريقيا وأصدقاء الأسرة ينعوه بعبارات مؤثرة: "خبر فاجع ورحيل مؤلم لزينة الشباب" النائب العام في الإمارات يحيل 13 متهماً و6 شركات لأمن الدولة بينهم صلاح قوش رئيس الوزراء السوداني يصدر توجيهًا كيليان مبابي ينافس ميسي ورونالدو في مؤشر "الكسل" الدفاعي يحيى الفخرانى رئيسًا شرفيًا لمهرجان مسرح الأطفال مى عمر تكشف عن تفاصيل جديدة من فيلم شمشون ودليلة قبل عرضه بالسينما دراجة بخارية تحقق أرقاما قياسية وتصبح ثانى أسرع دراجة نارية عالميا الإمارات تنسحب من "أوبك" و"أوبك+" "ترجمة جوجل" تضيف التدريب على النطق بالذكاء الاصطناعي وزير المعادن: نعمل مع الهيئة العامة للأبحاث الجيولوجية لتوسعة الشراكات الدولية خطوة استثنائية في الأفق.. السودان يطرق باب "فيفا" لتمديد الموسم المعجزة الحقيقية في كوننا أحياء مشروع إماراتي ب100 مليون دولار في قناة السويس كامل إدريس يكشف أسباب حظر استيراد 46 سلعة ياسمين صبرى بين فيلمين دفعة واحدة من كريم عبد العزيز لمعتصم النهار الشرطة في بورتسودان تصدر بيانًا بشأن عملية اقتحام وزير سوداني يكشف عن ترتيبات وخطط..ماذا هناك؟ سوداتل تعلن تحقيق أعلى دخل تشغيلي منذ التأسيس وأرباحًا صافية 117.5 مليون دولار لعام 2025 من الذروة إلى الجمود.. مطار نيالا يفقد نبضه الجوي أكبر هجوم منسق واغتيال وزير الدفاع.. ما الذي يحدث في مالي؟ متأثّرًا بجراحه..مقتل وزير الدفاع في مالي نجاة ترامب من محاولة اغتيال معماري سوداني يفوز بالجائزة الكبرى لجمعية المعماريين اليابانيين والسفارة بطوكيو تحتفي بإنجازه مكافحة التهريب البحر الأحمر تُبيد (3.5) طناً من المخدرات مكافحة التهريب البحر الأحمر تُبيد (3.5) طناً من المخدرات أطباء بلا حدود : علي ظهور الجمال والحمير … اللقاحات تصل جبل مرة ترامب: سنمدد وقف إطلاق النار مع إيران حتى تقدم طهران مقترحاتها وتكتمل المفاوضات الهلال «مدرسة» قبل أن يكون «نادياً رياضياً» الدعيتر.. كان اللغة الثانية في البلاد مصر.. قرار بشأن المنتقبات بعد تدخل شيخ الأزهر في عملية اختطاف هزت البلاد مكافحة التهريب بالبحر الأحمر تضبط 340 كيلو آيس و200 ألف حبة مخدرة فى عملية نوعية بالتعاون مع المخابرات العامة شرطة ولاية نهر النيل تضبط (53) جوالًا من النحاس المخبأ تحت شحنة فحم بمدينة شندي وتوقيف متهمين عثمان ميرغني يكتب: فساد.. الفساد.. الشيخ بن زومة.. إلى جنة الخلد في زمن الضجيج.. القرآن بوصلة المعنى والسكينة صوت لا يغيب.. محمد رفعت ورحلة الآذان الخالد في رمضان شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

بكري المدينة طلع (معاكم الكاميرا الخفية) الله يستر على (الجوهرة)

قوون نشر في قوون يوم 23 - 07 - 2015

· الكاردينال بي (عضمة لسانو) قال القروش العندنا الحكومة ما عندها - الحكومة ما عندها اتعاب المحامي

· لو (محامي) بجهجهكم – ح تعملوا شنو مع (الاسمنت)؟..الله يستر على (الجوهرة)..ما يتموها لينا (جالوص)

· الاتحاد العام حبس القضية عندو زي قضية مباراة المريخ والامل اربعة شهور لمن الموضوع انتهى

· يقولوا ليك قضية بكري المدينة وصلت (لوزان) وهي من كبري النيل الازرق ما فاتتو

· سبعة شهور – عماد الطيب ينزل ويطلع.

· بدلة وكرفتة.

· وتصريحات.

· واحمد مطر.

· ما كان يقوله عماد الطيب ..(احمد مطر) ما كان بقولو.

· ومحمود درويش.

· ومظفر النواب.

· كلام كبير ..وثقة مبالغ فيها – ونحن واقفين متل (الجواكر) في نص اللعب.

· زي استعدادات الولاية للخريف.

· متل الناس العندها مناسبة.

· غسل يا ولد.

· يا ولد اجري جيب ليك صينية.

· اقعدوا يا جماعة.

· شكلوا ليكم مجموعة.

· الموية يا ولد.

· ما خلينا حاجة.

· الحجاج بن يوسف لو كان موجود كلام زي دا ما بقبل بيه.

· الحجاج شغل زي دا ما بنفع معاهو.

· ولا بقبل بيه.

· والكاردينال مرة في النيل الازرق.

· ومرة في حفل استقبال اللاعبين.

· ومرة في الامارات.

· ومرة في لندن.

· ومرة في تصريح صحفي يؤكد ان قضية بكري المدينة قضية شخصية له.

· وان حدهم (لوزان).

· والسماء قريب.

· وما في قطوعات كهربة.

· والموية قوية.

· الكلام دا كان بسمعّوا لينا زي (محفوظات سنة تالتة).

· ونحن نشيل (ونلحن).

· مرة برعي محمد دفع الله.

· ومرة بشير عباس.

· ومرة ود الحاوي.

· قربنا نبقى (عوض الكريم عبدالله) ونغني (اسمعني يا شادي).

· الغريبة في الوقت داك – لا بجيبوا سيرة للتكلفة – ولا بشيلوا هم (الاتعاب).

· الجرسة دي ظهرت الآن.

· الموضوع دا كان مافي.

· رسوم الشكوى عرفتوها يا دوب.

· حسبوتها الآن يا عمدة.

· سبعة شهور كنتوا قاعدين وين؟.

· عماد الطيب كان كل (48) ساعة بكلمنا عن القضية المضمونة.

· وكانت (لوزان) اقرب ليهم من (الكلاكلة اللفة).

· معقولة دي كانت (لفة) ساكت.

· بعد الغش دا كلو – بتجوا تتكلموا الآن عن اتعاب المحامي.

· بتتكلموا عن (رسوم) الشكوى.

· يعني ممكن (الكاردينال) يطلع هسع دي ويقول لينا (الاسمنت) قطع.

· والسيخ طار السما.

· لو (محامي) بجهجهكم – ح تعملوا شنو مع (الاسمنت)؟.

· الله يستر على (الجوهرة).

· ما يتموها لينا (جالوص).

· يا جماعة الكلام دا ما تقولوه انتوا.

· ولا نحن بنقبلوا منكم.

· ما خليتوا محامي سويسري.

· وصلتوا الحد.

· ما خليتوا شيء للاتحاد العام.

· الاتحاد العام حبس القضية عندو زي قضية مباراة المريخ والامل اربعة شهور لمن الموضوع انتهى.

· والقضية بردت.

· والكاردينال بقى يحسبها.

· لو دي طريقتكم – الله يستر على (الجوهرة الزرقاء).

· نحن تاني ما بنصدق اي شيء.

· لا جوهرة ولا ميسي.

· يقولوا ليك قضية بكري المدينة وصلت (لوزان) وهي من كبري النيل الازرق ما فاتتو.

· على كدا (الجوهرة الزرقاء) يمكن في النهاية تطلع (غرفة).

· او بالكتير كدا برندة وغرفتين.

· يقولوا ليك (ميسي) ييجبوا ليك (جوليام).

· يقولوا ليك (جيان) يجيبوا ليك (كيبي).

· انتوا فاكرننا نحن (اعلام المريخ)...البعملو مجلسهم كلو بقولوا عليه (دا احسن شيء).

· يستقيل جمال الوالي ..يقولوا ليك الاستقالة دي من اجل استقرار المريخ.

· والمريخ في مهمة وطنية.

· يزعل جمال الوالي..يقولوا ليك ما يزعل ان زعل ما في وزول بدفع مع جمال الوالي...فهي زعلة من اجل المريخ.

· والمريخ في مهمة وطنية يا داؤود مصطفى!!.

· يرجع جمال الوالي ويسحب استقالته – يقولوا ليك جمال الوالي سحب استقالته يا جمال الوالي.

· والمريخ وين؟.

· المريخ في مهمة وطنية.

· نحن (الحركات) دي ما بتنفع معانا.

· ما فلاحة مننا – لكن عشان الهلال كدا – وجمهور الهلال ما بقبل اللف والدوران.

· وكلام الجرايد.

· كلام الجرايد ما قاعدين نعملوا في الجرايد.

· اعملوه انتوا يا مريخاب.

· يا كاردينال البتعمل فيه دا غلط.

· ما غلط عشان سحبتوا القضية او شطبتوها.

· غلط عشان سبعة شهور بتتكلموا عن القضية المضمونة وعن (لوزان) والمحامي السويسري.

· غلط يا كاردينال.

· لو دفعت (40) مليار غلط.

· لو فعت (140) مليار ..برضو غلط.

· لو عملت استاد الهلال (15) طابق ..غلط.

· لو جبت ميسي ذاتو – غلط.

· القروش ما بتغير الحاجات.

· ولا بتعصمك من النقد.

· اعمل حاجاتك دي كلها – وقت تغلط – بنقول ليك (غلط).

· كان ترضى او تزعل.

· تدفع ..او تقدم استقالتك زي جمال الوالي.

· الكاردينال بي عضمة لسانو قال القروش العندنا – الحكومة ما عندها.

· الحكومة ما عندها اتعاب المحامي.

· الحكومة طلع ما عندها اي قروش.

· قروشها قطعت.

· بقت على اتعاب المحامي.

· طيب الجوهرة دي ح تموها لينا (بيانات).

· المجموعات دي بتشاركوا فيها (تحويل رصيد).

· اذا تعامل مجلس الهلال مع الاعلام ومع الجماهير بهذه الصورة – يبقى من حق الناس ألا تثق في المجلس.

· مرة قالوا لينا في قناة للهلال.

· فضائية الهلال.

· الفضائية طلعت في (النت).

· طيب بتقولوا فضائية ليه؟.

· في (النت) ذاتها ما شفناها.

· وقت (قوون) جابت الكلام دا – قلتوا قوون بستهدف الهلال.

· نحن بنحسب يا الكاردنيال.

· ما تفتكر الموضوع بمشي كدا.

· قالوا لينا (الثريا).

· وعقد الثريا.

· ومعسكر (الثريا).

· الكاردينال تاني براهو طلع وقال الموضوع ما اكتمل.

· يعني يا هلالاب.

· لا قناة.

· ولا ثريا.

· ولا لوزان.

· موضوع بكري المدينة ذاتو طلع ما عندهم ليه حق اتعاب المحامي.

· طيب بتتفاصحوا في شنو؟.

· 7 شهور بتتكلموا.

· وعماد الطيب بصرح.

· وبتحدي.

· والكاردينال بطلع في قناة النيل الازرق – وبقول لو عاوزين (ميسي) بنجيبو.

· انتوا حق اتعاب المحامي في قضية بكري المدينة ما عندكم – عاوزين تجيبوا (ميسي).

· سيدي بيه ذاتو فرطو فيه.

· ووليد الشعلة سجلوه – وسجلوا (الصيني) في الكشف الافريقي.

· في حاجات غلط كتيرة في الهلال.

· اعلام الهلال ما بسكت.

· اعلام الهلال بتكلم.

· عشان كدا الهلال بمشي لي قدام.

· نحن ما بنحلم بي مجلس يكون ما بغلط.

· لكن كمان انتوا يا ناس المجلس ما تحلموا بي انكم تعملوا حاجاتكم دي ..ونسكت عليكم.

· نحن لو سكتنا – جمهور الهلال ما بسكت.

· جمهور الهلال واعي ..وراقي وعارف اي شيء.

· وهو اقدر على التقويم.

· شوفوا الحاصل براكم.

· وقيموا الموضوع.

· يا الكاردينال باقى ليك (الجوهرة).

· ابقى عليها عشرة.

· وشد حيلك مع الهلال عشان يفوز باللقب الافريقي وتسجل اسمك في تاريخ العظماء.

· ح تبقى اخطر رئيس.

· وح تحقق اعظم انجاز.

· اربط الحزام.

· وابقى عشرة على فريق الكورة.

· يبدو ان السيف الوحيد الذي سوف تقاتل به – ولن يخذلك هو فريق الكورة.

· ابقى عشرة على الفريق.

· وكمّل (جوهرتك).

· لكن مع كل هذه الاشياء.

· مع كل الانجازات – وقت تغلط ..بنقول ليك غلطان.

· وح نكتب عنك زي ما بنكتب عن (عبدالصمد).

· الحجاج لو كان قاعد – الكلام دا ما بفوت ساكت.

· ولا بغشكم.

· ................

· ملحوظة : بيانكم دا يا عماد الطيب ...مفروض يكون بيان (سري).

هوامش

· دا بيان ليكم.

· تاني البصدقكم منو؟.

· اعملوا ساكت.

· ما تتكلموا.

· ما في زول بيصدقكم بعد كدا.

· سيدي بيه فات.

· ونيلسون مصاب.

· وكيبي سافر فرنسا.

· في فوضى في الهلال.

· الشغل دا ما شغل بطولة.

· مرقتونا من (لوزان)...ما تمرقونا من (اليابان).

· اليابان دي ما بنقبل فيها.

· ولا بنجامل.

· مباريات خارج الارض – اصبحت اقل ضغط من مباريات داخل الارض.

· على الاقل مباريات خارج الارض بتلعبها بدون ضغط اعلامي وجماهيري.

· الهلال امام مازيمبي قدم مباراة اجمل من مباراة سموحة.

· سموحة بس فيها هدف نزار حامد.

· مباراة التطواني نتوقع ان يقدم الهلال ان شاءالله مباراة رائعة.

· ونسأل الله ان ينتصر الهلال عديل.

· التعادل ما كفاية.

· نحن بنبحث عن (الصدارة).

· التعادل ممكن يأهلك.

· لكن الانتصار بيجعلك تتصدر المجموعة.

· خلوا هدفكم كبير.

· ما ترضوا بي نقطة.

· عاوزين النقاط التلاتة.

· ...........

· عاجل : قضية بكري شطبوها في الجزائر وشطبوها في لوزان.

انقر هنا لقراءة الخبر من مصدره.