سودارس : الكاردولار

900 دولار في الساعة... الوظيفة التي قلبت موازين الرواتب حول العالم! معارك كردفان تصفية ضباط بالجيش السوداني "نهاية مأساوية" لطفل خسر أموال والده في لعبة على الإنترنت رئيس اتحاد بربر يشيد بلجنة التسجيلات ويتفقد الاستاد سيناريوهات ليس اقلها انقلاب القبائل على المليشيا او هروب المقاتلين خطوط تركيا الجويّة تدشّن أولى رحلاتها إلى السودان عثمان ميرغني يكتب: المفردات «الملتبسة» في السودان شاهد بالصورة والفيديو.. حصلت على أموال طائلة من النقطة.. الفنانة فهيمة عبد الله تغني و"صراف آلي" من المال تحتها على الأرض وساخرون: (مغارز لطليقها) شاهد بالفيديو.. خلال حفل بالقاهرة.. فتيات سودانيات يتفاعلن في الرقص مع فنان الحفل على أنغام (الله يكتب لي سفر الطيارة) وساخرون: (كلهن جايات فلاي بوكس عشان كدة) شاهد بالصورة والفيديو.. حصلت على أموال طائلة من النقطة.. الفنانة فهيمة عبد الله تغني و"صراف آلي" من المال تحتها على الأرض وساخرون: (مغارز لطليقها) إحباط محاولة تهريب وقود ومواد تموينية إلى مناطق سيطرة الدعم السريع حياة جديدة للبشير بعد عزله.. مجمع سكني وإنترنت وطاقم خدمة خاص شاهد بالصورة والفيديو.. خلال حفل خاص حضره جمهور غفير من الشباب.. فتاة سودانية تدخل في وصلة رقص مثيرة بمؤخرتها وتغمر الفنانة بأموال النقطة وساخرون: (شكلها مشت للدكتور المصري) السعودية وباكستان توقعان اتفاقية دفاع مشترك هدف قاتل يقود ليفربول لإفساد ريمونتادا أتلتيكو مدريد كبش فداء باسم المعلم... والفشل باسم الإدارة! ((أحذروا الجاموس)) المالية تؤكد دعم توطين العلاج داخل البلاد مبارك الفاضل..على قيادة الجيش قبول خطة الحل التي قدمتها الرباعية غادر المستشفى بعد أن تعافي رئيس الوزراء من وعكة صحية في الرياض تحالف خطير.. كييف تُسَلِّح الدعم السريع وتسير نحو الاعتراف بتأسيس! دوري الأبطال.. مبابي يقود ريال مدريد لفوز صعب على مارسيليا شاهد بالفيديو.. نجم السوشيال ميديا ود القضارف يسخر من الشاب السوداني الذي زعم أنه المهدي المنتظر: (اسمك يدل على أنك بتاع مرور والمهدي ما نازح في مصر وما عامل "آي لاينر" زيك) ماذا لو اندفع الغزيون نحو سيناء؟.. مصر تكشف سيناريوهات التعامل الجزيرة: ضبط أدوية مهربة وغير مسجلة بالمناقل السودان يدعو المجتمع الدولي لدعم إعادة الإعمار ريال مدريد يواجه مرسيليا في بداية مشواره بدوري أبطال أوروبا ما ترتيب محمد صلاح في قائمة هدافي دوري أبطال أوروبا عبر التاريخ؟ ماذا تريد حكومة الأمل من السعودية؟ الشرطة تضع حداً لعصابة النشل والخطف بصينية جسر الحلفايا شاهد بالصور.. زواج فتاة "سودانية" من شاب "بنغالي" يشعل مواقع التواصل وإحدى المتابعات تكشف تفاصيل هامة عن العريس: (اخصائي مهن طبية ويملك جنسية إحدى الدول الأوروبية والعروس سليلة أعرق الأسر) السودان يستعيد عضوية المكتب التنفيذي للاتحاد العربي لكرة القدم إنت ليه بتشرب سجاير؟! والله يا عمو بدخن مجاملة لأصحابي ديل! وزير الداخلية يترأس إجتماع لجنة ضبط الأمن وفرض هيبة الدولة ولاية الخرطوم عودة السياحة النيلية بالخرطوم في أزمنة الحرب.. "زولو" فنان يلتزم بالغناء للسلام والمحبة إيد على إيد تجدع من النيل شاهد بالصورة والفيديو.. عروس سودانية ترفض "رش" عريسها بالحليب رغم إقدامه على الخطوة وتعاتبه والجمهور يعلق: (يرشونا بالنووي نحنا) حسين خوجلي يكتب: الأمة العربية بين وزن الفارس ووزن الفأر..! ضياء الدين بلال يكتب: (معليش.. اكتشاف متأخر)! في الجزيرة نزرع أسفنا من هم قادة حماس الذين استهدفتهم إسرائيل في الدوحة؟ مباحث شرطة القضارف تسترد مصوغات ذهبية مسروقة تقدر قيمتها ب (69) مليون جنيه في عملية نوعية.. مقتل قائد الأمن العسكري و 6 ضباط آخرين وعشرات الجنود الخرطوم: سعر جنوني لجالون الوقود السجن المؤبّد لمتهم تعاون مع الميليشيا في تجاريًا وصية النبي عند خسوف القمر.. اتبع سنة سيدنا المصطفى عثمان ميرغني يكتب: "اللعب مع الكبار".. جنازة الخوف حكاية من جامع الحارة حسين خوجلي يكتب: حكاية من جامع الحارة تخصيص مستشفى الأطفال أمدرمان كمركز عزل لعلاج حمى الضنك مشكلة التساهل مع عمليات النهب المسلح في الخرطوم "نهب وليس 9 طويلة" وسط حراسة مشددة.. التحقيق مع الإعلامية سارة خليفة بتهمة غسيل الأموال نفسية وعصبية.. تعرف على أبرز أسباب صرير الأسنان عند النوم بعد خطوة مثيرة لمركز طبي.."زلفو" يصدر بيانًا تحذيريًا لمرضى الكلى الصحة: وفاة 3 أطفال بمستشفى البان جديد بعد تلقيهم جرعة تطعيم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الكاردولار

كورة سودانية نشر في كورة سودانية يوم 28 - 03 - 2015

دق الدلجة
محمد عبد الماجد
الكاردولار
بعد (الجوهرة الزرقاء) مفروض اي واحد فينا يعمل ليه (نضارة سوداء).
ونمشي شارع النيل.
ونقعد تشرب في الشاي والقهوة ونضحك في الدنيا دي جنس ضحكة.
والله قال كدا – نلقى لينا مريخابي حايم هناك…عاملين استادكم المتل
(سلطة الطماطم) الما فيها (عجور).
ونحن بعد (جوهرتنا الزرقاء) لي معلوميتكم ح نتعلم اللغة الصينية.
عشان نحرج ليك المريخاب ديل.
تاني بس بنتكلم (صيني).
كل زول يتكلم حسب استادو.
وحذاري ثم حذاري ..نشوف لينا مريخابي لابس ليه نضارة سوداء.
نضارة سوداء تلبسوها على شنو؟.
على استادكم الفاتح من الاتجاهات التسعة دا.
نحن كلامنا بقى (صيني).
صيني عديل كدا.
ما عشان عاوزين نتفلهم على المريخاب – بس عشان الشركة المنفذة للجوهرة
الزرقاء صينية.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سواء رؤياكم الغالية).
والموية قوية.
وساقطة كمان.
ومرات ناس المحلية بيجيبوها لينا (مطعّمة).
اصلو ما قاعدين يقصروا.
بنقصر نحن.
ووقت نمشي ندفع فاتورة الموية بقولوا لينا لو ما عندكم ما في مشكلة.
مريخابي مشى يفحص الملاريا – الدكتور عاين ليه كدا وقال ليه انت ما
عندك اي حاجة – صحتك زي الحصان.
تاكل الزلط.
والضرائب كمان.
المريخابي قال ليه يا دكتور كلامك دا كان تقولو قبل (الجوهرة
الزرقاء)..والله يا دكتور انا من ساعة توقيع العقد وشاعر ليك (قلبي) دا
ما براهو.
وما عارف دا من (المرا) وإلّا من (الجوهرة الزرقاء)؟.
المرا ما قاعد تغلط على كدا دا.
الدكتور قال ليه شاعر بي شنو تحديدا انا ما فاضي ليك؟.
المريخابي قال للدكتور – شفت يا دكتور شاعر ليك بي احساس بتاع انفراد
سادومبا بي اكرم الهادي سليم.
فجأة كدا بشعر ليك بي سادومبا منفرد بي اكرم الهادي سليم.
احساس غريب كدا يا دكتور.
اكرم الهادي سليم بطلع من القون ..وسادومبا بجدع الكورة في المرمي
..موسى الزومة يقوم جاري على الجهاز الفني يشرب ليه موية ويرجع يسرح
تاني.
انت يا موسى الزومة بتسرح مالك؟.
انت موسيقي؟.
فنان تشكيلي؟.
بتاع تراجيديا؟.
البخليك تسرح شنو؟.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سواء رؤياكم الغالية).
والموية قوية.
وساقطة كمان.
ومرات ناس المحلية بيجيبوها لينا (مطعّمة).
اصلو ما قاعدين يقصروا.
بنقصر نحن.
ووقت نمشي ندفع فاتورة الموية بقولوا لينا لو ما عندكم ما في مشكلة.
مريخابي بعد ما شاف ليك تصميم (الجوهرة الزرقاء) مشى تمرين المريخ..دخل الاستاد.
المريخابي شعر ليك بي استاد المريخ ضلمة – ضلمة.
قعد يفرك في عيونو زي العصيدة.
قال ليهم انتوا تعالوا هنا (الرد كسل) دا مالو بقى لي (اشتر) كدا…زي
الدكان الما فيه (طحنية).
عاشت الطحنية حرة ومستقلة.
المريخابي قال ليهم الكهرباء قاطعة وإلّا شنو؟..مالو (مضلم) كدا.
قالوا ليه يا زول كهربة شنو ؟..الكشافات الاربع مولعة…انت عندك مشكلة
في العيون.
قال ليهم عيون شنو؟..والله ناس الهلال عملوا ليهم (استاد) …الرد كسل
قدامو زي (صحن القرع).
القرع بنافس كمان مع الضلع.
غايتو يا الكاردينال ..الجماعة ديل خليتهم يشوفوا جمال الوالي عشرة – عشرة.
جمال الوالي في المريخ بقى ليهم زي هاشم ملاح في الهلال.
جمال الوالي عمل ليه (سور) ساكت ..المريخاب ما قعدونا في البلد.
كملوا لحمنا.
المريخابي من داخل الرد كسل قال ليهم الملعب دا فيه (عراضات) وإلّا انا
ما شايف كويس.
ولو الملعب فيه (عراضات)..العراضات فيها (شبكات).
المريخابي بعد شوية ..قال ليهم انتوا (الرد كسل) منجل ..وإلّا تراب ساكت.
المريخاب في الاستاد قالوا ليه انت هلالابي (مندس).
هلالابي حاقد.
المريخابي قعد يحلف ليهم ..قال ليهم والله ابدا – بس ناس الهلال عندهم
(استاد) بخلي ليك بلة جابر زي ميسي.
ناس الهلال عندهم رئيس بدفع (40) مليار في طقة واحدة.
دي في زول في المريخ بعملها.
الجماعة عاوزين يدقوه.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سواء رؤياكم الغالية).
والموية قوية.
وساقطة كمان.
ومرات ناس المحلية بيجيبوها لينا (مطعّمة).
اصلو ما قاعدين يقصروا.
بنقصر نحن.
ووقت نمشي ندفع فاتورة الموية بقولوا لينا لو ما عندكم ما في مشكلة.
اتخيلوا الموسم القادم ..الهلال يكون لاعب امام المريخ في (الجوهرة الزرقاء).
بلة جابر ح يكون شعورو كيف؟.
بلة جابر ح يكون متل (المفتاح) الرايح ..ما فاهم اي حاجة..ما قدر يستوعب اي شيء.
طبعا في (الجوهرة الزرقاء) لو في لاعب شات ليه كورة في الكشافات بنفتح فيه بلاغ.
بنوديه القسم.
الخمج البتعملوا فيه في (الرد كسل) اوعكم تعملوا لينا في (الجوهرة الزرقاء).
نحن جوهرتنا دي تعبانين فيها.
جوهرتنا دا ..عملناها بقروش رئيس الهلال.
لا في زول دعم.
ولا في دولة ساهمت.
عملناها برانا.
انتوا (الرد كسل) العملتوها بي قروش الحكومة ما ريحتونا فيه.
اي سوداني عندو شوال اسمنت في (الرد كسل).
زي الزواج الجماعي اي واحد فينا عندو فيه ربع رطل سكر.
ضفر طبعا لو دخل (الجوهرة الزرقاء) ما بطلع تاني..بقوم يتخيل نفسو
بيلعب ضد (الارسنال).
بتوقع نفسو في عيادة خارجية.
او في سويسرا.
بكري المدينة بعد ما سمع بالجوهرة الزرقاء ..قالوا قال ان شاءالله
الفيفا توقفني 6 سنوات.
وقال ..لو جابوا لي حكم بكتلو عديل كدا مع الرد كسل دا.
التشجيع في (الجوهرة الزرقاء) مفروض ذاتو يكون عالمي.
جييوا لينا كورال معهد الموسيقى والمسرح.
خلونا نفرح.
والله كمان كورال معهد الموسيقي والمسرح عندهم (غنا) بمشي في الواطة عديل كدا.
لو غنوا ليك اغنية من اغاني الحقيبة ..تقول الحداثة الدخلت في البلد دي شنو؟.
لمن تشعر بي نفسك قطعت ليك جك ليمون.
دا فهم عجيب كدا.
الامواج الزرقاء عاوزنها بي فهم في (الجوهرة الزرقاء).
ما في حاجة ساكت.
نحن استادنا دا تعبانين فيه.
ما عملتوا لينا حكومة.
ولا عملناه بي قرض من بنك.
ولا في زول دفع لينا قرش.
على كيفنا.
رمضان عجب بعد التوقيع على انشاء (الجوهرة الزرقاء)..قال ليهم جيبوا لي
العقد بوقع على بياض.
الواحد لو بقى من سكان (الجوهرة الزرقاء) ساكت ما كعبة معاه.
انت يا رمضان عجب عاوز تسكن لينا كمان في الجوهرة الزرقاء.
صحيح الجوهرة الزرقاء فيها (فندق)..لكن الناس البيجونا من المريخ ديل
اول حاجة بنسكنهم في (المصفاة).
في قري..وبعد داك بنجيبهم (الجوهرة الزرقاء).
يعني يا رمضان عجب انت عاوز ليك على الاقل (4) سنوات ..عشان تبقى زي (الشغيل).
الشغيل الان بقى زي بشه.
ما عندو اي فرق.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سواء رؤياكم الغالية).
والموية قوية.
وساقطة كمان.
ومرات ناس المحلية بيجيبوها لينا (مطعّمة).
اصلو ما قاعدين يقصروا.
بنقصر نحن.
ووقت نمشي ندفع فاتورة الموية بقولوا لينا لو ما عندكم ما في مشكلة.
الكاردينال ما اسموا الكاردينال.
الكاردينال اسمو الكاردولار.
زول بدفع ليه اكتر من اربعة مليون دولار وما نسميه الكاردولار.
شوفوا الاربعة مليون دولار دي فيها كم رمضان عجب.
يا زول عيييك ما تعد.
آلة الحاسبة بتضرب.
نحن لو عندنا آلة حاسبة بتستوعب العملية الحسابية دي ..كان عملنا لينا
كوبري بين جدة وبورتسودان.
يا الكاردولار ..ما تفكر لينا في الموضوع دا.
اعمل لينا كوبري طاير بين جدة وبورتسودان.
عشان نرتاح من الضرائب الكتيرة دي.
بعد الدولارات دي..تاني اوعكم اسمع مقولة رئيس النادي صاحب اكبر شعبية
في الوطن العربي.
الكاردولار جردوا من اللقب.
ولا عاوزين نسمع جمال الوالي رئيس طوالي.
خلاص يا ناس التحالف (حنك) الوالي طلع بيش.
جمال الوالي في اول جمعية ح يسقط بعد الدفع دا.
عندنا فكرة.
بس ما تزعلوا.
عندنا رأي.
بس ما تغضبوا.
وإلّا لو عاوزين تزعلوا ازعلوا.
لو عاوزين تغضبوا ..اغضبوا.
نحن بنفكر نعمل (الرد كسل)..مخازن للسكر.
عشان نقطع رأسكم.
لكن بالصورة دي ح نمقلب (السكر).
السكر ببقى سلعة (وصيفية).
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سواء رؤياكم الغالية).
والموية قوية.
وساقطة كمان.
ومرات ناس المحلية بيجيبوها لينا (مطعّمة).
اصلو ما قاعدين يقصروا.
بنقصر نحن.
ووقت نمشي ندفع فاتورة الموية بقولوا لينا لو ما عندكم ما في مشكلة.
…………
و
الليلة ناس الهلال قالوا ح يضبحوا (تور) في تدشين العمل في الجوهرة.
مالكم يا الكاردولار عاوزين تمسخوا للمريخاب (خرفانهم) كفاية انكم
مسختوا عليهم (الرد كسل).
الرد كسل بقى زي بيت العزابة.
ملايات ما فيه.
بكرة نكمل.
والسيدة (ل)…الدومة لو بتفكر تفكيرك دا كان بقت (نخلة).
وقرّض على كدا.

انقر هنا لقراءة الخبر من مصدره.