سودارس : الكاردينال قال لجمعة (اذهب إلى كوبر مجنساً)

مصادر تكشف تفاهمات سرية لوقف استهداف مطاري الخرطوم ونيالا المملكة مركز ثقل في حركة التجارة الدولية شاهد بالصورة والفيديو.. سودانية تحكي قصتها المؤثرة: (أبوي وأمي اتطلقوا وجدعوني ودمروا حياتي) مصر.. الدولار يقترب من 54 جنيها لأول مرة البنزين الأوروبي والأميركي يتجه إلى آسيا دراسة تحذر: الذكاء الاصطناعي يميل إلى "مجاملة" المستخدمين على حساب الدقة رئيس الوزراء الباكستاني: نعرب عن تضامننا الكامل مع الشعب الإيراني الشجاع في هذه الظروف الصعبة نتفليكس تزيل الستار عن أول صورة لشخصية جو كينيدى الأب فى مسلسلها الجديد الأهلي يرفض قطع إعارة كامويش وعودته للدوري النرويجى.. اعرف التفاصيل حقيقة مفاوضات بيراميدز مع أحمد القندوسى لضمه فى الصيف سارة بركة: أحمد العوضى مجتهد بشكل كبير وبيحب شغله جدا دار الأوبرا تحتفى بذكرى رحيل عبد الحليم حافظ بحفلين اليوم وغداً لوك غريب ل فتحى عبد الوهاب والجمهور يرد: هتعمل دور الملك رمسيس ولا إيه؟ وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد 7 عناصر غذائية يحتاجها الطفل فى سن المدرسة لدعم نمو وتطور الدماغ مناوي : ناقشت بسويسرا تطورات الأوضاع في السودان وسبل دعم السلام اختيار غير متوقع لمستقبل "الملك المصري" والي الخرطوم يعلن تركيب كاميرات رقابة حديثة في المعابر الحدودية التي تربط الولاية بالولايات الاخرى جاهزية متكاملة واعتماد حكام دوليين لبطولة العرب للشباب في ألعاب القوى بتونس حل لجنة المنطقة الشمالية بكوستي وتشكيل لجنة جديدة لإدارة مباريات الدرجة الثالثة صبري محمد علي (العيكورة) يكتب: المنصوري يا مكنة شاهد بالصورة والفيديو.. رجل سوداني يُدخل نفسه داخل "برميل" تفاعلاً مع أغنيات "الطمبور" والحاضرون يحملونه ويطوفون به ساحة الحفل شاهد بالفيديو.. بفستان مثير المودل آية أفرو تنصح النساء بطريقة ساخرة: (الرجل مثل العصفور إذا مسكتي شديد بموت ولو فكيتي بطير والحل الوحيد تنتفي ريشه) عاجل..بيان مهم للجيش في السودان شاهد بالصورة والفيديو.. ظهور علم السودان على ظهر سيارة بأحد شوارع مدينة "غلاسكو" الأسكتلندية وفاة داعية سوداني بارز وزير الشباب ووالي الخرطوم يشرفان ختام الفعاليات الرياضية بالشقيلاب هل يمكن علاج الكبد الدهنى؟.. دراسة جديدة تربط الوقاية بفيتامين ب3 شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الكاردينال قال لجمعة (اذهب إلى كوبر مجنساً)

قوون نشر في قوون يوم 03 - 12 - 2014

انتوا لو عاوزين تكونوا من (المغفلين) باعتبار أن الهلال استغفلكم بي طريقتكم
"""""""""""""""""""""""""""""
بكري المدينة دا إلا يلعب (سيجة)...كورة في البلد دي ما بلعبها ..لو منتظرين كورتو ح تطولوا
""""""""""""""""""""""""""""""""""""""""""""
القانون وقت يكون مع الهلال – ما بتدينو الطرف الآخر ، وعندما يستقل الهلال ثغرة في القانون كلكم بتقوموا في الهلال
"""""""""""""""""""""""""""
شوهتوا القانون ..ومرقتوه من نفس الناس بسبب ضعفكم هذا وتهاونكم في استعماله
"""""""""""""""""""""""""""""""""""""""
• واحد قال لي أنت عارف الكاردينال طبق نفس نظرية الترابي.
• قلت ليه كيف؟.
• يا زول ما تغلط.
• وقبل ما يجيب على السؤال (ثبتو) ليك قلت ليه ما تدخلنا في حتة ضيقة – الموضوع دا ما عندو أي علاقة بالموضوع القاصدو أنت.
• قلت ليه موضوع شنو؟.
• نكرتو ليه (حطب).
• عملت فيها ما عارف أي حاجة.
• ولا ناقش شيء – (كمان أنا بوصوني).
• قال لي أنت موش الترابي في بداية الثورة قالوا ليه (اذهب إلى كوبر حبيساً) وهو ما كان (حبيس).
• حبيس شنو يا زول؟.
• يا زول ما تغلط.
• قلت ليه وعلاقة دي بي دي شنو؟.
• عامل فيها ما فاهم حاجة..(أنا مالي ومال كدا).
• الدخل دي في دي شنو؟.
• مالك أنت؟.
• أنت يا زول جنيت؟.
• أنت يا زول ما نصيح؟.
• أنت رأسك دا ما كويس.
• زولكم قال لي أنت بتفتكر (كوبر) دي صدفة.
• كوبر خليها.
• التمثلية دي صدفة.
• الشغل دا شغل كبير.
• شغل مخطط ليه على كبير.
• تسجيل (جمعة) في كوبر طلع (تمثيلية).
• أول التمثليات شوية.
• اشمعنا نحن.
• يعني يا ناس الاتحاد العام عاوزين تشترطوا على الهلال.
• جمعة مشى إلى كوبر (مجنساً).
• ورجع للهلال (معاراً).
• في حاجة.
• الخطوات دي موش تمت قدام عيونكم.
• الشغل دا تم بالباب.
• لا في ضلمة.
• لا تحت التربيزة.
• شغل على موية نضيفة.
• شفتوا الشغل وقت يكون على كبير.
• وعلى نار هادية...بطلع كيف؟.
• المضحك أن الاتحاد العام الما عندو شغلة عاوز يشترط على الهلال.
• الهلال ما بتقدروا عليه.
• يا مجدي..الموضوع دا أكبر منكم.
• أحسن تشوف ليك مباراة تراقبها.
• شوف ليك شكوى انظر فيها عشان تأجلوا الحكم فيها.
• هسع اتحادكم دا متين نظر ليه في شكوى حسمها في وقتها.
• يقعدوا يتهربوا من (الحكم) لمن القضية تنتهى.
• بكري المدينة دا إلا يلعب (سيجة)...كورة في البلد دي ما بلعبها ..لو منتظرين كورتو ح تطولوا.
• المليارات الاستلمها من المريخ اقنعوا منها.
• بعدين هو جمال الوالي (المليارات) القنع منها شوية.
• مليارات ورميتوها في البحر.
• قوانينكم دي يا مجدي شمس الدين البتبروا بيها بكري المدينة لا قوانين ولا حاجة.
• ولا بتهمنا في شيء.
• ولا بنشتغل بيها.
• القانون وقت يكون مع الهلال – ما بتدينو الطرف الآخر ، وعندما يستقل الهلال ثغرة في القانون كلكم بتقوموا في الهلال.
• القانون عمل لينا شنو في قضية بكري المدينة ؟ ونحن عندنا قضية واضحة وصريحة.
• عاوزين تحاسبونا ب (ثغرة).
• انتوا القانون العديل ما اشتغلتوا بيه ..عاوزين تشتغلوا بالثغرة.
• بالله – قوموا لفوا.
• شوهتوا القانون ..ومرقتوه من نفس الناس بسبب ضعفكم هذا وتهاونكم في استعماله.
• الهلال بيجيكم بالقانون عديل – بستعمل (ثغرات) فايتة عليكم – لا بحنسكم زي المريخ.
• ولا بطلب منكم (تجاوزات).
• نحن شغلنا شغل قانون.
• انتوا تتجاوزوا للمريخ.
• تفوتوا ليه.
• تخلوا كشفوا يكون من (26) لاعباً.
• تقول طيارة.
• 26 لاعباً يا مفترين – وعاوزين تعملوا فيها شطار على الهلال.
• المريخ تعملوا ليه (استثناء).
• تجيبوا ليه (واسطة).
• تجنسوا ليه من المطار.
• توقفوا ليه الدوري الممتاز عشان يمشي يشارك في سيكافا.
• تعطلوا الدوري – وبعد دا المريخ ما بفوز بالممتاز.
• انتوا بتلعبوا على منو؟.
• انتوا بتخسروا في كل لحظة.
• وفي كل صدام لكم مع الهلال – انتوا أو المريخ بتنضربوا وترجعوا بخفي حنين.
• الشغل دا كبير عليكم.
• مجدي شمس الدين عاوز ليه (12) سنة عشان يقع ليه.
• وأسامة عطا المنان – الموضوع دا أصلاً هو ما فاضي ليه.
• ومعتصم جعفر يكون نسى أنو رئيس الاتحاد العام.
• ما أظن يكون فاكر حاجة بالشكل دا.
• الكل عارف أن هناك مصالح مشتركة بين المريخ والاتحاد العام وتجارة وطيارة واحدة.
• ديل طيارتهم واحدة.
• وجمعتهم واحدة.
• واللاعب بعمل إبداء رغبة في الأهلي الخرطوم وبوقع في المريخ.
• نحن (ركشة) ما عندنا ليكم.
• عجلة ما في.
• عجلة شنو؟.
• درداقة ما عندنا ليكم.
• كمان نحن بنلعب.
• نحن شغلنا بالقانون – عندكم (ثغرة) سدوها.
• الهلال من زمن كان العلامة والخبير الدكتور كمال شداد رئيساً للاتحاد كان الهلال بجادل في شداد بالقانون.
• خلوهم ناس معتصم جعفر وأسامة ومجدي والتى لا خبرة لهم ولا معرفة إلا في التجارة والمال.
• كورة شنو كمان؟.
• شداد الفاهم كورة ..وما في زول متلو ..كان الهلال بدخل معاه في جدل قانوني محترم.
• وكان شداد يحترم القانون عندما يكون في صف الهلال.
• وما بقول أي حاجة..حتى لو جاءت الأمور بما لا تشتهي سفنه.
• الهلال عبر القانون – استطاع أن يلعب مباراة الترجي عند الساعة الثانية ظهراً رغم رفض والي الخرطوم وقتها لقرار مجلس الهلال.
• هذا صراع كان مع (السلطة) كسبه الهلال بالقانون.
• عشان الهلال شغلو شغل (قانوني) لا قدر عليه الاتحاد العام – ولا قدرت عليه السلطة.
• الراحل الطيب عبدالله كان قد دخل في مجادلات قانونية مع السلطة كسبها جميعاً...ما خسر ولا جولة.
• زعيم أمة الهلال هو الذي وضع تلك الأسس وخلى الهلال رافعين رأسهم أينما كانوا.
• وبالقانون.
• ما في زول بقدر يقول أي حاجة.
• ولا كلمة.
• البرير وصل للفيفا ..وكسب قضيته من المحكمة الرياضية – عندما حكمت عليه هنا المفوضية والاتحاد وإعلام المريخ بتجميد النشاط.
• انتوا بتلعبوا – دا الهلال.
• كل مرة يديكم درس.
• كل مرة يعلمكم.
• وانتوا ما بتتعلموا – ولا عاوزين تفهموا.
• البرير جابها من (لوزان).
• لا قدرت عليه مفوضية ولا اتحاد ولا وزارة ولا سلطة.
• بل الاتحاد الأفريقي لكرة القدم السوداني ما قدر يعمل ليه حاجة.
• دا الهلال.
• انتوا فاكرين الهلال دا كورة بس.
• لو فاكرنو كورة بس – يبقى نص عمركم ضائع.
• صلاح إدريس دخل في مساجلات طويلة مع الاتحاد العام عندما كان على رأس الاتحاد الدكتور كمال شداد.
• وصل صلاح إدريس حتى (الدستورية) ليكسب الهلال أكثر من معركة كان الطرف الآخر فيها الاتحاد العام.
• بداية من قضية كأس السودان ..ومروراً بالتجنيس وحتى الإعارات.
• الآن أشرف الكاردينال كسب (جولة) مهمة جداً أمام الاتحاد العام – والمريخ برضو.
• جولة ذكية.
• بالقانون.
• كسب معركة – تجعلنا نرفع له القبعات.
• ضربة حقيقية.
• ولا كلمة.
• كسبنا معركتنا ضد الاتحاد وضد المريخ.
• الاتنين (الاتحاد والمريخ) اجتمعوا في عرقلة تسجيل جمعة جينارو في الهلال.
• لذلك كان تسجيل جمعة جينارو في (كوبر) – ثم إعارته للهلال بطريقة (قانونية).
• ما في زول بقدر يقول أي حاجة.
• ولا كلمة.
• كلو شغل بالقانون.
• لو عندكم حاجة طلعوها.
• القانون إذا كانت فيه ثغرات فإن استعمال تلك الثغرات تعتبر نوع من الذكاء – وإلا ما كان هناك محامين بكل هذا الكم مهمتهم في الحياة دي بس بحث (الثغرات) في القانون.
• مسلّم بهذا الأمر حتى في القضايا الجنائية – انتوا عاوزين تمنعونا منها في كرة القدم.
• القانون نفسه من أهم مكوناته السايدة بين الناس أنه لا يحمي المغفلين.
• انتوا لو عاوزين تكونوا من (المغفلين) باعتبار أن الهلال استغفلكم بي طريقتكم.
• بس ما تعملوا لينا ازعاج.
• يلا اتخارجوا.
• نحن ما فاضيين للحاجات دي.
• عندنا جولة في (الفيفا).
• ما تشغلونا بلعب العيال دا.
• ......
• ملحوظة : الضربة القادمة من لوزان – بعد ضربة كوبر.
هوامش
• اتحاد كرة القدم السوداني لو اختصر الحكاية وفتح ليه (بوفية) واختزل القصة في ذلك الأمر – يكون أحسن.
• ما عندكم موضوع.
• انتوا عاوزين تتعلموا متين؟.
• في كل تسجيلات الهلال يدخلكم مدرسة.
• ناس المريخ عجبتهم الفكرة.
• قاموا عملوا إبداء رغبة للغاني في الأهلي الخرطوم وسجلوه في المريخ.
• قالوا ليهم دي حركة (غبية).
• قالوا خلاص التسجيلات القادمة ح يسجلوا ليهم لاعب في كوبر.
• وينتظروا الإعارة.
• جنس تقليد.
• أنا لسع ما رجعت لي بيان الوالي.
• لو فضيت شوية برجع للبيان.
• اصبروا بس.
• ......
• عاجل : تصدعوا بي الزول.

انقر هنا لقراءة الخبر من مصدره.