سودارس : قون برازيلي بالسلم الخماسي

مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال الجمارك في السودان تحسم جدل رسوم بشأن الأثاثات والأجهزة الكهربائية للعائدين الجمارك تؤكد الإعفاء الكامل على الامتعة الشخصية_الاثاثات المنزلية والاجهزة الكهربائية المستعملة ضمن برنامج العودة الطوعية الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز السودان يدين الصمت الدولي تجاه جرائم الحرب والجرائم ضد الإنسانية التي ترتكبها المليشيا في إقليمي دارفور وكردفان بعد غياب 8 سنوات.. عبلة كامل تعود وتثير ضجة ب"إعلان" في طريق عودته للبلاد .. رئيس الوزراء يلتقي سفير السودان لدى إثيوبيا والمندوب الدائم لدى الاتحاد الأفريقي "سامسونغ" تُحبط الآمال بشأن الشحن اللاسلكي في سلسلة "Galaxy S26" هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين توضيح من سوداتل حول مشروع ممر Bypass الإقليمي لحركة الترافيك العالمية عبر السودان حساسية الجلد أثناء الحمل.. متى تستدعى القلق واستشارة الطبيب؟ كاكا قال لدوائر فرنسية إنه يتوقع إنهياراً وشيكاً لقوات التمرد السريع تحديث ذكي جديد ل"واتساب" في آيفون نائب البرهان يفجّرها بشأن حل مجلس السيادة واتّهام قادة كبار في جوبا تشابه دماغ البشر والذكاء الاصطناعي يدهش العلماء لو ليك فى الرومانسى.. لا تفوت هذه المسلسلات فى دراما رمضان 2026 القانون يلزم الشركات السياحية بسداد تأمين مؤقت عن رحلات العمرة اكتشاف وجود علاقة بين الاكتئاب وهشاشة العظام دراسات: إوميجا 3 تحسن الإدراك وتعزز المزاج قرارًا جديدًا لوزير التعليم العالي في السودان عقوبة مالية على الإتحاد وإيقاف عضو الجهاز الفني لنادي المريخ الجيش يفشل هجومًا عنيفًا لميليشيا الدعم السريع والي النيل الأبيض يشيد بالليلة الثقافية الأولى لهلال كوستي (ده ماهلالك ياهلال؟؟) شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا) بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل) أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة الهلال يتلقى أول خسارة بدوري المجموعات أمام مولودية الجزائري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع السودان يرحّب بالقرار 1591 شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان الجوهرة السودانية عامر عبد الله ينضم رسمياً لأحد الأندية الخليجية محاولة أوكرانية جديدة لإفشال مفاوضات السلام بعيداً عن ارض المعركة وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية رفض الزوج شراء سجائر لها فقتلته.. جريمة زوجة مصرية تثير الجدل توصيات المؤتمر القومي لمعالجة قضايا الشباب بيان مهم لوزارة المالية في السودان لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد صعود الذهب عالميًا يرفع أسعار المعدن النفيس فى قطر صباح الخميس رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

قون برازيلي بالسلم الخماسي

قوون نشر في قوون يوم 27 - 07 - 2015

اتنين وربع ..اتنين وتلت ..ونص ..هدف زي دا لا بفوتوا ليكم ولا حاجة

اكتب ليكم عمود بالهندي..يعني كل ما اكتب لي سطر ..اطلع من الشقة ادردق بره – وارجع تاني

لو كنت دكتور باطنية ..كنت بعد هدف اندرزينهو دا أي زول يجيني بيشكي بكتب ليه في الروشتة (دردقة في النجيلة)

الهدف دا مفروض يجيبوا ليه (15) صيني من بكين عشان يشرحوا لينا القصة
*************************************

· ناس طلال مدثر قالوا لي معاك للساعة اتنين ونص.

· والساعة هسع اتنين وتلت.

· دي تتحل كيف؟.

· أنا عارف ناس بشاشة بتحرفنوا في موضوع الزمن دا.

· وعارف أحمد الحاج ببقى زي الحكم الرابع.

· كل دقيقة برفع الزمن.

· وعارف كمان.

· موضوع المطبعة.

· والكلام البقول فيه أحمد الحاج دا.

· لكن والله اتنين وربع ..اتنين وتلت ..ونص ..هدف زي دا لا بفوتوا ليكم ولا حاجة.

· كنت عاوز اكتب ليكم عمود بالفرنسي.

· ادخل ليكم على الفرنسي ..دا اجهجه ليكم نابيلون ذاتو.

· كنت عاوز أعملها.

· لكن زمن مافي.

· والفرنسي الفي رأسي دا ما بتم ليه عمود.

· يمين (تهنئة) ما يتمها.

· طيب اكتب ليكم عمود بالهندي.

· يعني كل ما اكتب لي سطر ..اطلع من الشقة ادردق بره – وارجع تاني.

· لكن ما في زمن للدردقة دي.

· الهنود ديل ما عندهم موضوع.

· يعني معقولة بعد العمر دا – اقعد ادردق في (النجيلة).

· قلت ليكم ناس فيصل أحمد سعد عملوها.

· ناس فيصل أحمد سعد أنا مالي ومالهم.

· ديل أصلهم (الدردقة) دي جزء من شغلهم.

· جزء من عملهم.

· لكن يمين – وأنتوا ما طالبني حليفة.

· لو كنت دكتور باطنية ..كنت بعد هدف اندرزينهو دا أي زول يجيني بيشكي بكتب ليه في الروشتة (دردقة في النجيلة).

· دا هدف يستاهلو يدردقوا ليه.

· يستاهلوا يبقى ليه (هنود).

· دكاترة.

· مهندسين.

· وفنان شعبي كمان.

· اكتب ليكم عمود بالانجليزي.

· انجليزي شنو لكن؟.

· هو وينو الانجليزي.

· الانجليز ديل بالذات أنا عندي معاهم موقف.

· اكتب ليكم بالصيني.

· الهدف دا مفروض يجيبوا ليه (15) صيني من بكين عشان يشرحوا لينا القصة.

· زول دخل من كنبتو.

· جاء من البرازيل – عشان ينفذ (الضربة) دي ويرجع.

· دي ما علم؟.

· دا ما طب دا؟.

· دي ما هندسة؟.

· أنا متأكد بعد الهدف دا ناس الجنوب يكون ندموا على الانفصال.

· متأكد ناس جون وميري ومايكل ..يكونوا عاوزين يرجعوا تاني.

· نحن لو عارفين الموضوع دا بيحصل ما كنا اتعشينا بي (ساردين).

· باسم الله.

· الساردين الدخلو شنو في العمود دا.

· ناس بشاشة ما بنتظروا لي الكلام دا.

· ولا عندهم وقت.

· ونحن عارفنك ..لمن تجيب (الساردين) – ح تجيب (الطحنية).

· وشوية شوية ح تجيب (القرع).

· والبامية المفروكة.

· تعمل لينا العمود – زي عمود المستشفى.

· عليك الله اختصر لينا.

· وشيل لينا المواضيع دي.

· انتوا ناس الهلال ديل دخلوا معهد الموسيقى والمسرح.

· بقى عندهم استعراض غريب.

· شغلهم دا بقى فيه (توزيع موسيقي).

· شغل عالي.

· مرة القون يجيبوا نزار حامد بمتوالية هندسة ..تتخلص من مدافع كلما تقدمت 10 خطوات من المرمى.

· ومرة يجيبوا اندرزينهو ..أنت البتتفرج في البيت تجيك (فلايت).

· تحس أنو في فليتة ناقصة.

· دا شنو البتعملوا فيه دا؟.

· نحن لي هسع ما كملنا فرحة هدف نزار حامد ..تقوموا تجيبوا لينا هدف اندرزينهو.

· نحن نكتب عن شنو ؟..ولّا شنو؟..ولّا شنو؟.

· مالها (الحروف) بقت تزاوغ مني.

· الألف بقيت اشوفها زي الكاف.

· والسين مرات أشوفها لام – ومرات ما أشوفها.

· غايتو الزول وقت يكون فرحان.

· يا المريخاب ما تقولوا نسيتكم.

· ما تفتكروا الكلام البتعملوا فيها دا ..بنخليكم فيه.

· يمين ما بنريحكم.

· شنو مرة يدوكم ضربة جزاء سنة 1910 ما بحسبوها.

· ومرة الحكم يوقف ليكم هجمة ماشى على القون.

· شفتوا الاقوان نحن بنجيبها كيف؟.

· وماسكين لي في موضوع ميت.

· طلعت.

· وما طلعت.

· واتقوست.

· كورة هي ..ولّا (فتة) عدس.

· فتة العدس الدخلها شنو في العمود؟.

· انتوا ما شفتوا الاقوان في الهلال بسجلوها كيف؟.

· نزار حامد شغال زي (فرقة الاصدقاء).

· شغل جماعي.

· شغال زي البعثة الصينية.

· يلملم ليك في المدافعين ويرجعهم تاني.

· زي العناقريب.

· يجمع ويفرق تقول (بحر).

· فلنكات بس.

· نزار حامد عمل الحاجات القاعد يعمل فيها الايامات دي ..الجماعة اتفقعوا قدامو.

· يدخل ليك الطب في الهندسة.

· وعلوم البحار في فن الغناء الشعبي.

· اتكوموا قدامو زي (الطماطم).

· شيء بالكرعين ..وشيء باليدين.

· الحكم حسبها (مخالفة).

· الكوكي شفت.

· عرف ليك الموضوع عاوز ليه (برازيلي).

· طوالي قال لي اندرزينهو قوم سخن.

· اندرزينهو قال ليه الموضوع دا يا كوتش ما عاوز ليه (تسخينة).

· الكوكي قال ليه طيب شيل الشنطة معاك.

· اندرزينهو قال ليه ما عاوز ليه (شنطة).

· شيل ليك (مفك).

· ولا مفك.

· طيب يا ود الناس شيل معاك (السماعة) يمكن تحتاج ليها.

· اندرزينهو قال ليه جداً.

· شال سماعتو ودخل الملعب.

· نحن قلنا الزول دا عاوز يعمل شنو؟.

· هسع ح يقعد ينظر لينا.

· نحن (التنظير) عند سيدي بيه ما بنحبو.

· زولكم ما اشتغل بينا.

· مشى اتكلم مع كاريكا.

· وقعد مع نزار حامد.

· كمان عشان اثبت ليكم الكلام دا – نزار حامد فتح ليه شبابيك الصالون.

· اتشاروا.

· واتكلموا.

· واحد من الجماعة الكبار قال نعقد.

· أحسن نعقد (الولد طلع ولدنا).

· أنتوا قايلنهم ما عقدوا.

· المحيرني ..وما قادر افهمو لغاية الآن ..(المأذون) دا في تطوان وفي الوقت دا لقو وين؟.

· غايتو مرات (المأذون) بكون قاعد على الهبشة.

· من يجيبوا سيرتو بقوم يطلع.

· مرات في (تعارف) ساكت بقولوا نعقد.

· هسع نحن موضوع (اندرزينهو) دا ما وصل عندنا مرحلة (الخطوبة).

· لسه ما بنعرفو كويس.

· مرحلة (تعارف).

· مع ذلك ..عقدنا ليه.

· اندرزينهو من قولة تيت من أول لمسة جاب قونو.

· يعني قون اندرزينهو دا لو وزعنا توزيع سوداني ح نلقاه بي (محمد وردي) (يا أول غرام).

· في ناس ح يعترضوا ويقولوا الهدف دا (المستحيل).

· مستحيل شنو؟.

· الهدف دا (نور العين) عديل كدا.

· هدف اندرزينهو بالطيب عبدالله (قالوا لي أنساه وامسح من خيالك ذكرياتو).

· يا زول (النسيان) الدخلو شنو في الموضوع.

· الهدف بي عبد العزيز محمد داؤود (رشقتي عيونوا).

· اندرزينهو جدع ليك الكورة في الشبكة زي (المرارة).

· بي العطبراوي (بين جناين الشاطي).

· بي زيدان إبراهيم (ليه كل العذاب وليه كل الألم).

· تكتروا كلامكم بعملوا ليكم في (الليلة ديك).

· أنا عارف ناس المريخ مضايقين شديد.

· والقعدة غالباهم.

· بي النور الجيلاني (كدراوية).

· الهلال في المجموعات لعب مباراة واحدة في أرضو مع ذلك عندو (5) نقاط.

· غير قابل للخسارة.

· انتوا فرحانين لي بي تعادل.

· يمين تلعبوا مع فريق زي دا تأخدوا ستة.

· جمهور وإرهاب.

· وحكم ما بوقف الهجمة.

· الحكم دا عاين لاتير توماس ..ما عجبتو حلاقتو اداهو كرت.

· عاين لي الشغيل ..لقى طويل شديد ..أداهو كرت.

· عاين لي فداسي ..لقى صاري ..أداهو كرت.

· يعني أي لاعب عندنا لعبو حار كرتو.

· كل دا عشان شنو؟.

· عشان المغرب التطواني يرتاح.

· مع ذلك نحن ما بنقول الحكم ظلم الهلال.

· التحكيم كان جيد.

· الحاجات دي نحن ما عندنا فيها مشكلة.

· ولا قاعدين نتكلم فيها.

· بنغلب بي حكامهم.

· ...

· ملحوظة : ما في وقت للملحوظة الليلة.

هوامش

· يا طلال أدوني وقت شوية.

· الهدف دا عاوز ليه (مخمخة).

· عاوز ليه (أسامة أنور عكاشة).

· والطيب صالح ذاتو.

· والله نحن لا بنقدر عليه ولا حاجة.

· ولا عندنا ليه (باسطة).

· الباسطة الدخلها شنو.؟.

· يا زول رسل العمود.

· علامة الاستفهام بقيت تكتبها زي حلاوة حربة.

· حليل زمن حلاوة حربة.

· غايتو اندرزينهو جاب ليه قون ..مفروض يلعبوا في أسبانيا.

· ناس اتلتيكو مدريد قالوا دوروا تلفونات.

· تلفونات نص الليلة.

· أنا البفكني من تلفونات أحمد الحاج شنو؟.

· خلاص يا أبو حميد استلم.

· إن شاء الله بعد دا يقولوا ليكم قون اندرزينهو (اتقوس) كدا.

· وتقعدوا تشكوا لينا.

· وتحكوا لينا عن ظروفكم.

· .................

· عاجل : نقطة اندرزينهو دي جبناها بدون مجدي شمس الدين.

انقر هنا لقراءة الخبر من مصدره.