سودارس : الما شاف (هدف) الشغيل بتخلعو (صناعة) بكري المدينة

كلمات مؤثرة في الوداع... كجاب يترجل عن الخدمة برسالة إيمانية السودان ومصر يوقعان بروتوكول مشترك لمكافحة بعوضة الجامبيا حاكم النيل الازرق يصدر قرارا بتعديل ساعات حظر التجوال واستعمال المواتر الله يستر.. الناس دي ح تبدأ تدور..!! شاهد بالصور.. السلطانة هدى عربي تخطف الأضواء بإطلالة مبهرة من حفلها الأخير بالرياض أمجد فريد الطيب يكتب: حياة تجلت في وضوح المبادئ: وداعا فينك هايسوم عثمان ميرغني يكتب: حرب السودان ومخطط شد الأطراف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل محاولة قصقصة (أجنحة) الهلال بعثة المنتخب تصل بورتسودان وسط إهتمام كبير 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي كواليس صادمة... كيف تعطلت صفقة تسليح الجيش السوداني في اللحظات الأخيرة؟ الباشا طبيق : السيطرة على الكرمك تعيد تشكيل الخريطة العسكرية في السودان بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب 11 دقيقة إضافية من النوم ليلا تساعد فى الوقاية من النوبات القلبية يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الما شاف (هدف) الشغيل بتخلعو (صناعة) بكري المدينة

قوون نشر في قوون يوم 13 - 09 - 2015

· الشغيل الذي رفضه المريخاب ..ودخل لكشوفات الهلال بدون ترحيب حقق نجاحات لم يسبقه عليها احد وصعد بالهلال لنصف النهائي

· شكرا للصادق المهدي ...الذي شكل وجوده دافعا قويا للهلال ..وكان في حضرته الهلال بدرا

· يفعل الشغيل كل ذلك بعيد عن (التهويل) الاعلامي الذي يجده بكري المدينة من اعلام المريخ ومن الاتحاد والحكام

· المتقريف ...ورأسو واقع ..و(القهوة) مؤثرة معاه شديد ...يفتح البلوتوث ..بنرسل ليه بدل القهوة – هدف الشغيل

""""""""""""""""""""""""""""""""""""""""""""""

· الذين لم يستمعوا لعبدالعزيز محمد داؤود وهو يغني (اجري يا نيل الحياة) ...وعبدالعزيز بسردب بيك (سردبة) بالاغنية ، ويطلع بيك برة شعورك، والنيل بعيش في الدور...الذين لم يستمعوا لهذه الاغنية يشوفوا (جرية) نصرالدين الشغيل اللاعب رقم (23) بعد التسجيل في شباك (سموحة).

· سموحة عاوزة تتفرعن على الهلال.

· جرية الشغيل زي عصير الليمون بالنعناع.

· تحتل فيه لي نصك.

· تقبع فيها انقباعا...او حاجة كدا زي ما بقولوا ناس اللغة العربية.

· الما سمع حافظ عبدالرحمن وهو يخرج من (الفلوت) لحن اغنية احمد المصطفى (الوسيم القلبو رادو)...يقعد في واطة الله دي ..ويصبر وما يضيق ناس (بي ان سبورت) بجيبوا ليه هدف الشغيل في النشرة.

· تتكيف كدا – زي كأنك شغلت المكيف.

· المتقريف ...ورأسو واقع ..و(القهوة) مؤثرة معاه شديد ...يفتح البلوتوث ..بنرسل ليه بدل القهوة – هدف الشغيل.

· الما قرأ طب.

· ولا كمل الثانوي العالي.

· وكان بجيب في الانجيلزي تلاتة درجات ...ونفسو ومنى عينو يبقى طبيب – ما عندو مشكلة.

· يشوف هدف الشغيل ...بيبقى دكتور اختصاصي (جراحة).

· ولا تزعل – ولا تشعر بي حرج.

· العندو (جلابية) جديدة – عاجباه وداسها للعيد.

· يطلعها.

· ما في فرحة اكبر من الفرحة دي.

· يفرها ويلبسها ..ويمشي يبارك بيها على الناس في الحلة هدف نصرالدين الشغيل.

· هدف (حلال).

· شرعي ..وبي عرق الجبين.

· لا صحبة راكب ..ولا مساعدة حكام.

· البحلم يسافر.

· عاوز يطلع من البلد دي.

· عاوز يتخارج.

· بحلم بي (اللوتري).

· كلموه – قولوا ليه الشغيل فتح ليه وكالة سفر.

· تفاصيل اوفى في الصحف اليومية.

· الطول من ريحة الدعاش – يقيف في القيفة..يسمع سجعي (القمري).

· يسرح بعيد..ويتذكر هاشم صديق في (عيونك ديل عيون اهلي حنان زي نغمة في مقطع) قلبو يفر منو.

· عيون الاهل فيهن (راكوبة) وصينية الشاي ...ومشاوير العصاري.

· تنزل في العيون لي اضنيك.

· قلبك في الحالة دي يقرب يطلع من القفص الصدري.

· يأخد ليه نفس عميق ..(بي تعمق كدا زي وقت تطلب ليك طلب سمك).

· وانت سارح.

· بتجدع ليك حجر في البحر.

· الحجر يعمل (دائرة).

· تقطع ليك صفقة.

· تشيل ليك (بلحة).

· وترمي (النواة) بعيد كدا بي حركة شفتنة.

· العاوز يعيش المشهد دا – يشوف هدف الشغيل ...اذا (يتبدع) مدثر كاريكا وهو لافي رأسو – رأسو بكب في الدم – يكمل اللاين بي دمو.

· كاريكا دا شاف الصادق المهدي عمل فيها طالع من ام دبيكرات على التو.

· من كرري.

· من (توشكي).

· حلايب سودانية – ولا كلمة بعد هدف الشغيل.

· تاني كدا نشوف لينا مصري في حلايب.

· كاريكا يخش خط 18 ويمرر الكورة وسط (120) كراع.

· لا وسط (121) كراع – الشغيل عندو (كراع) زايدة...ما تستغربوا من العدد الفردي.

· ولا تصنقعوا وتعاينوا لي في المراوح.

· الكورة تلقى (الشغيل) – هادي ورايق – وما عندو اي مشكلة.

· يسجل قونو ويمشي على (المصور) عبدالله يونس عشان يطلع ليه (4) صور باسبورت.

· صورتين لنصف النهائي.

· وصورتين للكأس.

· يتخيل لي من حيث (المبدأ)...لو الجماعة ديك لغاية الآن عندهم (مباديء).

· يتخيل لي ..ودي حاجة ما بقدر اجزم ليكم بيها – الشغيل دا لو جيب ليه (عود)...وشال ليه (كرسي) وطلع قعد قدام الباب ..يتخيل لي ممكن يجضم اغنية محمد وردي (الطير الهاجر).

· يتخيل كدا – ممكن ينافس فيها (وردي) بعد الهدف الذي سجله في شباك (سموحة).

· عندنا مريخابي في الحلة بعد هدف الشغيل دا ...جرينا بيه (الحوادث).

· نفسو اتقطع ..وعيونو راحت في نص وشيه.

· الدكتور فحص النبض لقاه واقف.

· هبش القلب – لقاه ما شغال.

· تبن العيون لقاها متجمدة في حالة ذهول.

· الدكتور دخل وطلع ...وقال لينا بي صراحة كدا زولكم دا منتهي.

· قلنا ليه يا دكتور يعني ما في امل.

· الدكتور قال لينا والله في امل واحد بس...لكن صعب شوية.

· قلنا ليه امل شنو يا دكتور؟ ...لو المشكلة مشكلة قروش اصلو ما في مشكلة.

· لو تبرع بالدم – نحن كلنا جاهزين.

· الدكتور قال المشكلة اكبر من كدا.

· قلنا ليه يا دكتور عاوز ليه (كبدة جديدة).

· عاوز ليه (مرارة) ساكند هاند.

· طوحال..

· قلب نص عمر.

· مالو يا دكتور؟.

· الدكتور قال لينا بي صراحة كدا زولكم دا ما بقوم تاني إلّا اذا قلتوا ليه سموحة جابت القون التاني.

· قلنا ليه : ان شاءالله ما يقوم منها ..سموحة شنو كمان؟ – عليك الله يا دكتور طلع لينا تقرير الوفاة ...الزول دا بندفنو في ليلتو دي ...الصباح ما بنرجيه ليه.

· نرجع للموضوع.

· المريخاب امس طلعوا علينا فرحانين بي بكري المدينة.

· قلنا ليهم بكري المدينة عمل شنو؟.

· قالوا لينا بكري المدينة (صنع) القون.

· شفتوا (الخلعة).

· شفتوا الحالة وقت تكون جديدة عليهم.

· زي الزول الجديد في الخرطوم.

· برالمة (دهشة) ديل.

· قلنا ليهم بكري المدينة صنعو لي منو؟.

· قال صنعو لي (ديدي).

· نحن عندنا تحفظ في الحتة دي ...نحن على قناعة تامة..قناعة لي هنا – ان اقوان المريخ كلها بصنعها (الحكم).

· في مباراة المريخ والاتحاد الجزائري صرف حكم المباراة جهاد ابوجريشة (ضربة جزاء) فيصل سيحة ذاتو ما بقدر ينكرها.

· واضحة ..لكن نحن اتعودنا على الحاجات دي.

· بقت طبيعية.

· سيحة ولا بقدر يقول فيها حاجة.

· إلّا يقول ليكم (الجهاز) اتعطل.

· ورضا مصطفى الشيخ يعملها ليكم كلها (اعتذارات) تقول بتاع تحويل رصيد.

· المريخاب طلعوا فرحانين بي (صناعة) بكري المدينة.

· مزمل ابوالقاسم بعد (الشكاوي) المتلتلة القاطعها من رأسو – السمعها بي اضانو دي ...قال بكري المدينة صنع القون.

· طيب نحن نقول شنو؟.

· نعمل شنو مع (الشغيل) دا؟.

· الشغيل بجيب القون عديل كدا..ولا بكضب.

· ولا بجامل.

· لا بتشقلب ..ولا بضرب ليه حكم بونية.

· بجيب قونو بي كل هدوء.

· قون فيه الاخلاق كلها.

· منتهى الانضباط والسلوك.

· ما شاءالله عليه – نصرالدين الشغيل...هذا اللاعب الذي منذ ان جاء للهلال يقدم في (كورة) علمية زي ما بقول الكتاب.

· كورة (فيزياء) عديل كدا.

· وكيمياء.

· الشغيل يعطي بعيدا عن النفخ الاعلامي..وشغل المكاوة والحكام الشغال بيه بكري المدينة.

· كم نحن سعداء ..لأن هدف التأهل لنصف النهائي جاء من قدم لاعب يستحق ان يكون له هذا الشرف.

· نصرالدين الشغيل ...تأهل بالهلال للمربع الذهبي ...ليثبت ان اللاعب الكبير لا يحتاج الى (مط) اعلامي.

· لا يحتاج الى مساعدات من الحكام وحاجات تانية حاميني.

· نصرالدين الشغيل ...هو ليس جمل الشيل فقط كما كان يسموه المريخاب ..هو قافلة كاملة.

· هو الذوق والاخلاق والهدوء والانضباط والالتزام.

· منذ ان جاء الشغيل للهلال (ما شاءالله عليه) وهو يقدم مباريات كبيرة في صمت كبير.

· في لوممباشي ..رمى الشغيل نفسه امام تصويبة مهاجم مازيمبي ليحرمه من هدف اكيد.

· الشغيل انقذ هدف اكيد.

· في سموحة عندما كان لا بد من هدف حتى يتأهل الهلال – كان الشغيل وكأنه خريج للكلية الحربية يتقدم لاستلام شهادة التخرج ووشاح التميز.

· تقدم الشغيل في الدقيقة (73) ليسجل للهلال.

· مبروك يا ولد.

· سجل له هدف ..صعد بالهلال الى المربع الذهبي ..وابعد المغرب التطواني الذي كان حتى الدقيقة 73 هو المتأهل للمربع الذهبي.

· هذا هو الشغيل ...نحتاجه في الدفاع ..فنجده في الوقت الذي نريده فيه مدافعا.

· نحتاجه مهاجما فيأتي هدفه في توقيت لا يسجل فيه إلّا الشغيل.

· الشغيل جاء للهلال وهو (مشطوب) من المريخ بحجة (الاصابة).

· رموه وابعدوه من الكشف في آخر الثواني قبل ان يغلق باب التسجيل.

· شطبوه في المريخ بحجة الاصابة فجاء للهلال ليكون حائط الصد الاول.

· ما اعظم هذا الهلال.

· ما اعظم هذا الهلال الذي يملك مكسيم والشغيل وكاريكا.

· ليس هناك اعظم من هؤلاء ...لتثبت عظمة الهلال وتظهر.

· الشغيل الذي رفضه المريخاب ..ودخل لكشوفات الهلال وهو مرفوض حتى من الهلال ..حقق نجاحات لم يسبقه عليه احد.

· يفعل الشغيل كل ذلك بعيد عن (التهويل) الاعلامي الذي يجده بكري المدينة من اعلام المريخ ومن الاتحاد والحكام.

· هذا هو الشغيل الذي نراهن عليه.

· بل هذا هو نصرالدين الشغيل الذي نفاخر به ونعتز.

· اخلاقه قبل موهبته.

· وسلوكه جزء من احترافياته.

· مهارة وقوة وحماس ...باختصار هو كل شيء.

· ما شاءالله – ما شاءالله – ما شاءالله.

· فيه كل خصال اللاعب المتميز ...اجتمعت هي لتكون في (الشغيل).

· الشغيل الذي رفضه كل الهلالاب إلّا الامين البرير عندما وقع في كشوفات الهلال ..يسعد الآن كل الهلالاب.

· يفرحهم ويصعد بهم الى المربع الذهبي.

· من حكايات محمد أحمد بشه ..انه حكى ان الهلال عندما يخسر فان اكثر ما يخشى عليه هو نصرالدين الشغيل.

· قيل ان الشغيل عندما يخسر الهلال يدخل في حالة صعبة ..ويقاطع كل شيء ويبقى معزولا في غرفته.

· هذا الحب ..وهذا الانتماء والعطاء ..كان لا بد ان يكون في الهلال.

· اذا سجل جمال الوالي بكري المدينة للمريخ فنحن نشكره الف مرة ..مليون مرة على انه اعطانا نصرالدين الشغيل.

· اعطانا اغلى ما يمكن ان يعطي.

· كفي انه مضى للهلال للمربع الذهبي ..وقد فشل في ذلك الكثير من الاسماء الكبيرة التى مرت على الهلال.

· شكرا جمال الوالي!!.

· شكرا جمال الوالي.

· شكرا جمال الوالي.

· شكرا نصرالدين الشغيل!!.

· شكرا الامين البرير!!.

· وشكرا اشرف الكاردينال الذي يمضى بالهلال بعيدا ..حيث اللقب باذن الله وتوفيقه.

· لن نتوقف بعد.

· لن يمنعنا شيء من (الكاس).

· طمحونا يكبر...وآمالنا تزيد ..يوم بعد يوم ..مباراة بعد الاخرى.

· لن يصدنا شيء عن الكاس ..ولن يمنعنا (عارض).

· لا بد من اللقب.

· مزيدا من العمل والكد والجد والتضحية والحب للهلال العظيم.

· نحن نمضي للكاس في منتهى الهدوء والثقة والجمال.

· نضرب بقوة.

· ...........

· ملحوظة : في ناس هدف الشغيل دا خلاهم يطلعوا من الواتس اب.

هوامش

· شكرا للصادق المهدي ...الذي شكل وجوده دافعا قويا للهلال ..وكان في حضرته الهلال بدرا.

· الصادق المهدي شرفنا ..كما شرفنا الشغيل.

· الشغيل الغم مراسل بي ان سبورت ..عندما صحح معلوماته.

· انت يا ناس بي ان سبورت ما تجيبوا ليكم مراسل زي الناس.

· مراسل المعلومات العامة ما عارفها.

· سوار الذهب لم يكن موفق في تعليقه على المباراة.

· سوار الذهب صدر احساس ما جميل عن المباراة رقم ان الهلال قدم مباراة كبيرة.

· المباراة كانت صعبة شديد.

· اي زول ينظر للمباراة بصورة غير انها مباراة صعبة ..يبقى دا زول ما عندو علاقة بالكورة.

· ولا بعرف كورة.

· رشاقة سوار الذهب ..ما كانت حلوة.

· وحكاية اللاعب وكأنه بمشي في شارع النيل – او بمشي في كورنيش البحر ..عليك الله ما تقولها لينا في كل مباراة.

· ما بنقبل اي زول يقلل من الهلال.

· او يقلل من اي لاعب.

· كان الهلال مية المية.

· وكل اللاعبين ادوا بمسؤولية كبيرة.

· سموحة لعبت بقوة ..وبقت كمان تضيع في الزمن.

· الناس ديل تقول محفزين.

· تقول محرشين.

· لكن الهلال في الموعد.

· كاريكا كان نجم المباراة الاول قاد الهلال ولعب بمسؤولية حتى سالت دماؤه.

· يستحق الهلال استقبالا كبيرا.

· المرحلة القادمة مرحلة الجمهور.

· اتأهلنا للمربع الذهبي.

· والممتاز صدارة بفارق (6) نقاط.

· او بفارق (8) نقاط من الخرطوم الوطني.

· اي حاجة تمام.

· الحمد ليك يا الله.

· ............

· عاجل : اندرزينهو اشتغل (خياطة) عديل كدا بعد مشاركته.

انقر هنا لقراءة الخبر من مصدره.