صمود يحذر من كارثة إنسانية مع استمرار العمليات العسكرية في النيل الأزرق    "تأسيس" و"صمود" يدينان استهداف أسامة حسن في غارة مسيّرة على نيالا    تطور جديد في جلسة محاكمة منيب عبد العزيز شمال السودان    يوم اليتيم.. نصائح لدعم اليتيم نفسيا في يومه السنوي    ماجد المصرى: شخصية راغب الراعى مرهقة بسبب تعدد علاقته داخل الأحداث    محمد مهران يكشف أصعب مشهد فى كواليس مسلسل درش    ماذا يحدث لجسمك عند التوقف عن تناول منتجات الدقيق الأبيض لمدة أسبوعين؟    "العاصفة الحمراء" التي ضربت دولا عربية.. هل هي خطيرة؟    ما حقيقة زيارة وفد إيراني إلى السودان سرًا؟    الرابطة السليم تكتسح بركيه بخماسية اعداديا    ساردية تختتم التحضيرات لمواجهة الموسياب    جاهزية فنية متكاملة تسبق انطلاق "عربية القوى" في تونس    المغرب يثبت نفسه بين الكبار ويواصل الهيمنة عربيا في تصنيف فيفا    الدولار يتراجع مع تصاعد توقعات التهدئة في الشرق الأوسط    "يديعوت أحرونوت": واشنطن بدأت عملية إجلاء طارئة ل60 ألف أمريكي من مصر    شاهد بالفيديو.. "ماما كوكي" تتحدث عن قضية الساعة.. مطربة شهيرة تقيم علاقة عاطفية مع "البرنس" بعد طلاقها من زوجها وردة فعل أهلها جاءت صادمة لها    بالصورة.. أبعدوه حتى لا يرى قبرها ويقوم بنبشه.. قصة مؤثرة تدمي القلوب لشاب سوداني معاق ذهنياً في يوم وفاة والدته التي كان متعلق بها ومداوم على مسك "ثوبها"    أدوية منسية في المنزل قد تهدد صحة العائلة.. تخلص منها فورا    نوع نادر من السرطان.. ما هو التليف النخاعى؟    سوداني يسأل: (أنا مغترب وحصلت مشكلة بين زوجتي وزجة أخي واخوي اتصل علي قال لي طلقتها ليك هل الطلاق واقع؟)    اللجنة الإقتصادية العليا تصدر عدداً من القرارات المهمة لتحقيق استقرار سعر الصرف    الصحفية عائشة الماجدي: (لاحظت في الخرطوم مجموعة من الناس نشطة عايزة تبيع بيوتها وفي كمية عرض بيوت للبيع ما طبيعية)    بالفيديو.. شاهد ماذا قالت الفنانة توتة عذاب عن أغنيتها التي تصدرت "الترند" في الوطن العربي؟ وتوجه رسالة للمطربة بلقيس فتحي والممثلة إيمي سمير    وزير التربية يدشن استلام الدفعة الثانية من كتب الصف الاول الثانوي للولايات    "معاناة 5 سنوات".. برشلونة يتلقى نبأ سارا من رابطة الليجا    شاهد بالفيديو.. علاء الدين نقد يدخل في حالة بكاء هستيري في سرادق عزاء القيادي بحكومة "تأسيس" أسامة حسن    تغيير كبير في هيكلة الجيش السوداني والعطا رئيسا لهيئة الأركان    الأمم المتحدة تفتتح مقرها بالخرطوم    السودان.. وفاة لاعب كرة قدم    وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين    السودان.. وزير يشرع في تكوين قوّة عسكرية ضاربة..ماذا هناك؟    ارتفاع وارد واسعار الذرة والسمسم بسوق القضارف    قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر    عثمان ميرغني يكتب: فساد.. الفساد..    شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي    السيسي للرئيس ترامب: لا أحد يمكنه وقف الحرب في المنطقة إلا أنت    مصر.. الدولار يقترب من 54 جنيها لأول مرة    وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد    رئيس الوزراء يصدر قرارًا بشأن الرسوم الجديدة في المعابر    محمد عبد الباسط يكتب: لهذا تحركت باكستان الآن للوساطة بين أمريكا وإيران    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ترامب يصدر أوامره ويكشف تطورات مثيرة مع إيران    الأمن يداهم مخزن يبيع الوقود المهرب لعصابات التنقيب عن الذهب    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



21 اكتوبر تعالوا نحتفل بمواقفنا
قوون نشر في قوون يوم 21 - 10 - 2015

حتى الصرافات الآلية بقت تشتغل بي (موت الضمير)...لا بطاقة لا رقم سري
الطفلة تطلع من صباح ...مهمومة ..مكسورة وحفت...لمتين نرقع في (الدموع) والحسرة ..والامة الحست
اخلاقنا وصلت لهذه الدرجة التى تجعل المسؤول المساء ب (موقف) والصباح يطلع ب (موقف) تاني خالص
كنت اظن ان الحكومة مغرمة فقط بتحويل (مواقف) المواصلات – وجدتها مغرمة ايضا بتحويل (مواقف) الاندية


* وكأن ازمات الرياضة في السودان تتكرر بذات السيناريو والحبكة والاخراج...و(الضباح) الذي يتحدث باسم القانون.
* والبدلة والكرفتة والعربية المظللة.
* والولد البيرجعوه من المدرسة عشان ما دفع الرسوم ..دمعو في عيونو متل باقى العشا وقت تقوم الصباح تلقاهو في صحنو.
* كلام مجدي وصمت اسامة ...وفراغات محمد سيد أحمد...ادوه (مايك) وقالوا ليه اتكلم.
* قول اي شيء.
* ان شاءالله تتكلم عن (المطرة).
* هاجم الهلال بس ..وقول نحن ح نفذ القانون.
* لو بتنفذوا القانون دا كلو ما كان بيحصل.
* الحاجات مالها بقت واحد كدا.
* نفس العدس.
* والزول الواقف في الكورنر.
* وكيلو الطماطم البتلقاهو في كل يوم زايد ...تقول (فيضان).
* لجنة الاستئنافات عندها علاقة بالطماطم؟.
* طيب مالها طارت كدا؟.
* عندهم علاقة بي صفوف الهجرة الواقفة في السفارات.
* طفشتوا الناس من البلد.
* الضمائر التى يبعونها في السوق هذه الايام – ضمائر غير مسجلة.
* هذه معلومة مهمة ..وتذكرة ضرورية.
* عشان كدا اعملوا حسابكم ..ما يغشوكم.
* يوم داك في واحد جاب لينا (ضمير) قدر ما قلبناهو ما فهمنا فيه حاجة.
* دا ما شغال نهائي.
* ما فيه اي حركة.
* آخر شيء قلنا نعملو (بدال عجلة) – عشان قاعد يتبدل كتير.
* يوم داك ...عامن اول ...في واحد محترم جدا.
* زول كويس والله.
* وقف ..ودخل ليه (صراف آلي).
* زولكم قدر ما بعبص في الصراف الآلي ما عرف يصرف ليه شيء.
* وعندو رصيد.
* يطلع البطاقة ..يدخلها تاني ..برضو الصراف الآلي يكتب ليه : (تم رفض البطاقة).
* يكتب الرقم السري ويراجعو كويس.
* الشاشة بتكتب ليه فيها (تم رفض البطاقة).
* معقولة (لجنة الاستئنافات) وصلت المنطقة دي.
* آخر حاجة وقت (الصراف الآلي) زهج من المحاولات الكتيرة كتب ليه على شاشتو : (يا زول انت ضميرك ما مات ...ما عندك قروش عندنا).
* حتى الصرافات الآلية بقت تشتغل بي (موت الضمير)...لا بطاقة لا رقم سري.
* لو ضميرك ما ميت ..لا بتصرف ولا بتشتغل.
* نفس الاشياء ...والخداع والنفاق والضحك على الدقون.
* نفس الشيء.
* الوقفة – والناس الشقت.
* والدمعة ...والزيفة البقت.
* الطفلة تطلع من صباح ...مهمومة ..مكسورة وحفت.
* لمتين نرقع في (الدموع) والحسرة ..والامة الحست.
* مالكم كدا بتشابهوا في (حلة لبنكم).
* في بستلة الفطور.
* وشاحن الموبايل.
* في كل ازمة ...مجدي واقف هناك ..واسامة بحاول يطلع بالواحد ..وينزل بالامل.
* من الممتاز.
* حتى (البيانات) واحدة.
* ما قادرين يغيروا حتى في (بياناتهم).
* ما في ابداع ...حنك واحد ...وكواريك بنفذ فيها محمد سيد أحمد.
* غيروا شوية ..بدلوا (المقاعد) – يمكن نصدقكم.
* ما تجونا بي نفس الصورة – نحن (الخلق) دي بقينا ما بنصدقها.
* ولا بنثق فيها.
* ولا بنعرف ليها شيء غير اللف والدوران.
* التشابه في كل شيء.
* في اللهجة وتدخل السلطة ...وظلم الهلال.
* في الفول والقرع – ودافوري العصر.
* والشافع الواقف في الباب ..منتظر ابوه يجيب ليه (عجلة).
* كل يوم بقول ليه بكرة.
* ما صارفت يا ولدي.
* بعد كل ازمة تجد اسامة (وكالات) يتحدث في تلفونه اليوم كله – ومجدي (نثريات) يبحث عن مخرج للازمة بي طريقة ظريفة.
* كل الاشياء تتشابه ...حتى ادعاءات فيصل سيحة يوم الجمعة (مطبوخة).
* واعتذارات رضا.
* وتحويل (الطبق).
* وتحويل (المواقف).
* كنت اظن ان الحكومة مغرمة فقط بتحويل (مواقف) المواصلات – وجدتها مغرمة ايضا بتحويل (مواقف) الاندية.
* معقولة نحن وصلنا المستوى دا.
* اخلاقنا وصلت لهذه الدرجة التى تجعل المسؤول المساء ب (موقف) والصباح يطلع ب (موقف) تاني خالص.
* الناس ديل في (الليل) بحصل عليهم شنو؟...عشان يغيروا (مواقفهم) كدا.
* مجدي في البرلمان بي موقف.
* وفي الاتحاد السوداني بي موقف.
* وفي الاتحاد الافريقي بي موقف.
* وان لاقتو صدفة في شارع – تلاقيه بي (موقف) آخر.
* الناس ديل ما بخجلوا من (مواقفهم).
* ليه بيبدلوا (مواقفهم) اكتر من تبديل (جلاليبهم)؟.
* ليه (المواقف) في البلد دي بقت زي (الفاصل الاعلاني) – نطلع ليها ونرجع.
* مراوحنا ذاتها فقدت رغبتها في (اللف)...عشان (اللف) بقوا يعملوه ناس اسامة عطا المنان.
* والليلة يوم الهلال ...عاوزين نحتفل.
* عاوزين نفرح ..نستحق ذلك..نستهال.
* تعالوا كلكم الاستاد عشان نمارس الفرح ..وعشان نثبّت موقفنا ..ونقول كلمتنا.
* في زيارة انتخابية سابقة ...طلع ابن المنطقة لمخاطبة الجماهير – كان يتحدث بنفس حار وانفعال كبير وكمية من ريحة البصل.
* وكان المرشح (ابن المنطقة) بعد كل جملة يقول : (والله نحن ما عندنا جداد).
* لا نعرف الرابط الزول دا في موضوع (الدجاج) شنو؟.
* حتى ان ابناء المنطقة تململوا في وقفتهم وقالوا الزول دا قصتو شنو مع (الجداد).
* والمرشح كان في كل مرة يحلف ..ويندلق ويقول للجماهير : (والله نحن ما عندنا جداد)..مع كمية من ريحة البصل التى تخرج من فمه.
* الزول دا فاطر بي شنو؟.
* واحد من ابناء المنطقة نفسو مارقة من الكلام – وروحو محرقاهو ..وقف في نص الناس واتجه نحو المرشح ..وقال ليه بي صوت عالى : (الجداد خليه – نحن مواقف ما عندنا).
* لو بقت على (الجداد) هينة.
* من يومها الناس عرفت ان القصة ما قصة (جداد).
* ولا رغيف فاخر.
* ولا صراف آلي.
* الموضوع اكبر من كدا.
* اكبر من طاقة اي (كلمة) يمكن ان تكتب او تقال.
* والليلة يوم الهلال.
* امسية الاحتفاء بالهلال.
* ساقية الازمات – هي هي ..كأننا نعيد ساقية الدوش بذلك الوجع والحزن العريض.
* (فى اللى ماشين المدارس - فى المصاريف فى الكتب - فى اللى ضاق بيهو المكان - هسه سافر واغترب).
* طلع من البلد.
* مالنا بقينا نصرف الكلام دا مع الاكل؟.
* في هذا اليوم الخالد (21 اكتوبر) – تعالوا نحتفل بمواقفنا.
* ما اشبه الليلة بالبارحة.
* الساقية ليسه مدورة.
* قبل سنوات ..خسر المريخ في الملعب اماما سيمبا التنزاني في بطولة سيكافا التى كان ينظمها المريخ.
* خسر المريخ في ملعبه – عندما سجل سيمبا الهدف الثاني – حصبت جماهير المريخ الملعب ..واصابت لاعبي سيمبا – حتى (مات) صحفيا تنزانيا في استاد المريخ بسبب تلك الاحداث.
* كان من الطبيعي ان يلغى الحكم المباراة التى تسبب شغب جماهير المريخ في إلغاها والمريخ خسران المباراة.
* المفاجأة كانت في ان اللجنة المنظمة لسيكافا اجتمعت في اليوم التالي وقررت اعادة المباراة باعتبار ان الجمهور الذي حصب الملعب بالحجارة واحدث الشغب الذي ادى لانهاء المباراة هو (جمهور سيكافا).
* جمهور سيكافا!!!.
* علما ان بطولة سيكافا بطولة لا قيمة لها ...وهي (مشجع) واحد ما عندها – ناهيك من ان يكون لها (جمهور).
* اللجنة المنظمة اتنكرت عن جمهور المريخ واعتبرته جمهور سيكافا ...واعادت المباراة على طريقة اعادة مباريات الامل مع المريخ الأن.
* بعد هذه الفضيحة كان من الطبيعي ان ينسحب سيمبا من البطولة ..وقد تضامن مع سيمبا احتراما للقانون واعتراضا على الكارثة التى حدثت فريق الهلال الذي اعلن انسحابه من بطولة لا قيمة له.
* الهلال بتاع مواقف.
* اللف والدوران ما بعجبو.
* ولا بحب الفوضى.
* الآن يتجدد الموفق بنفس السيناريو والاخراج لينسحب الهلال والامل عطبرة بعد كارثة اشنع من كارثة سيمبا.
* ناس سمير فضل طبقوا نظرية (جمهور سيكافا).
* في كل الاحداث التى يحصل فيها تجاوزات في القانون تجد المريخ (طرف) اصيل في الاحداث.
* اتعودنا على الحاجات دي.
* لكن اغرب شيء ان المريخ عندو امين عام ..ما عارف اي شيء.
* الزول دا قاعد وين؟...في (حي العرب).
* ما جايب خبر.
* الامين العام للمريخ – الفريق طارق محمد عثمان (على ما اعتقد) قال انهم ما عندهم مدرب هرب ولا لاعب طالب بفسخ عقده.
* سيادة الفريق نحن برضو ما عندنا لجنة استئنافات بتاعة (كلفتة).
* ولا عندنا سلطة.
* ولا اسامة ولا مجدي ولا فيصل سيحة.
* سيادة الفريق طارق يبدو ان مجلس المريخ ما قاعد يقول ليك اي شيء.
* الفريق طارق بقرأ اعمدة ناس (سلك) وبتكلم على كدا.
* يا سيادة الفريق انتوا مجلسكم كلو (هرب).
* ما مدرب.
* مجلس بي حالو...(معقولة الزول دا يكون ما عارف استقالتو).
* يكون قدمها بدلا عنه صديق علي صالح ..(اصلا قاعد ساي).
* سيادة الفريق ..اقول ليك حاجة ما بتلقاها في اعمدة ناس مزمل ابوالقاسم ...(تراوري ما سافر منكم عشان يحترف في غلطة سراي).
* سيادة الفريق يا الما عارف اي حاجة ..تراوري دا (هارب).
* وعبدالصمد.
* وعادل ابوجريشة.
* وجمال الوالي.
* والفريق طارق ذاتو.
* غايتو إلّا يرجعكم انسحاب الهلال.
* إلّا ترجعكم لجنة الاستئنافات.
* سيادة الفريق طارق ...انت طالع من مؤسسة محترمة ..نحن بالنسبة للمريخ قنعانين منك ..لكن مفروض شوية تكون على قدر مسؤولية الشرطة التى اتيت منها.
* سيادة الفريق طارق – اقول ليك حاجة اخيرة ..كلامك دا مشجع ترك الكورة قبل عشرين سنة ما بقولو.
* ............
* ملحوظة : تعالوا الليلة نحتفل بهذا اليوم – نحتفل بي مواقفنا.
هوامش
* مجلس الهلال عليه ان يؤكد انه لن يشارك في الموسم القادم.
* وانه لن يلعب في وجود هذا الاتحاد.
* الاتحاد بلم قروش الرعاية والتلفزة عن طريق (الهلال).
* اها تاني يا اسامة عطا المنان ..(خزنتكم) دي إلّا تملاها (تذاكر).
* تذاكركم ذاتها ح تبور.
* معقولة كورة القدم في السودان يحكمها (تجار).
* الليلة اي هلالابي لازم يكون في استاد الهلال.
* تعالوا نؤكد موقفنا.
* تعالوا ندعم مجلس الهلال.
* يجب ان يكون هذا اليوم يوما تاريخيا كما كان.
* ...........
* عاجل : الكورة البقوا يديروها من (البرلمان) لا كورة ولا حاجة.

انقر هنا لقراءة الخبر من مصدره.