سودارس : اتوقوووووووووووووووون

كاكا قال لدوائر فرنسية إنه يتوقع إنهياراً وشيكاً لقوات التمرد السريع تحديث ذكي جديد ل"واتساب" في آيفون نائب البرهان يفجّرها بشأن حل مجلس السيادة واتّهام قادة كبار في جوبا تشابه دماغ البشر والذكاء الاصطناعي يدهش العلماء القانون يلزم الشركات السياحية بسداد تأمين مؤقت عن رحلات العمرة لو ليك فى الرومانسى.. لا تفوت هذه المسلسلات فى دراما رمضان 2026 اكتشاف وجود علاقة بين الاكتئاب وهشاشة العظام دراسات: إوميجا 3 تحسن الإدراك وتعزز المزاج عقوبة مالية على الإتحاد وإيقاف عضو الجهاز الفني لنادي المريخ قرارًا جديدًا لوزير التعليم العالي في السودان والي النيل الأبيض يشيد بالليلة الثقافية الأولى لهلال كوستي الجيش يفشل هجومًا عنيفًا لميليشيا الدعم السريع (ده ماهلالك ياهلال؟؟) السعودية تدين بشدة الهجمات الإجرامية لقوات الدعم السريع على مستشفى الكويك العسكري وعلى قافلة إغاثية لبرنامج الغذاء العالمي مهارات يامال تعجز مبابي ونجم مانشستر سيتي شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا) شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا) بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل) بالصور.. الشيخ محمد هاشم الحكيم يحتفل بزواج إبنته الدكتورة من زميلها بالجامعة (قلت له لا أريد منك شيئا سوى أن تتقي الله فيها وتعينها في دراستها) الفنان محمد صبحى يعود إلى ماسبيرو بالمسلسل الإذاعى «مرفوع مؤقتا من الخدمة» أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة ذكرى رحيله.. قصة حب نور الدمرداش وكريمة مختار وزواجهما أبل تفتح CarPlay أمام تطبيقات الذكاء الاصطناعي الصوتية الهلال يتلقى أول خسارة بدوري المجموعات أمام مولودية الجزائري 8 علامات تنذر بمشكلات في الأمعاء لا ينبغي تجاهلها هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع السودان يرحّب بالقرار 1591 شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان الجوهرة السودانية عامر عبد الله ينضم رسمياً لأحد الأندية الخليجية محاولة أوكرانية جديدة لإفشال مفاوضات السلام بعيداً عن ارض المعركة وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية رفض الزوج شراء سجائر لها فقتلته.. جريمة زوجة مصرية تثير الجدل توصيات المؤتمر القومي لمعالجة قضايا الشباب بيان مهم لوزارة المالية في السودان المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد صعود الذهب عالميًا يرفع أسعار المعدن النفيس فى قطر صباح الخميس صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا رسالة أخيرة في بريد الرئيس البرهان قبل تمرد الحركات المسلحة الدارفورية تعرف على سعر الأسمنت اليوم الاثنين 2 -2 -2026 فى مصر ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

اتوقوووووووووووووووون

قوون نشر في قوون يوم 09 - 07 - 2011

} معروف ..واي زول في الدنيا عارف (الهزائم) التي ألحقها فريق (سيمبا) بالمريخ.

} دس حكاية قديمة.

} من زمن (الباسطة) احلى حاجة في الدنيا.

} في بطولة (سيكافية) سابقة نظمها فريق المريخ بالخرطوم ..كان فريق سيمبا قد انتصر على المريخ في ملعبه ووسط جمهوره بهدف نظيف.

} انكروها.

} قام جمهور سيكافا (الصفوة) اعترض وفلع ...وجدع ..والمباراة لم تكتمل.

} تصوروا في الاحداث دي في صحفي تنزاني اتوفي نتيجة للبمبان الذي تعرض له.

} بعد هذا (الموت) تتخيلوا الحصل شنو؟.

} اللجنة المنظمة رأت اعادة المباراة ..عشان جمهور سيكافا حسب رأي اللجنة المنظمة هو الذي تسبب في عدم اكمال المباراة.

} علما ان كل الجمهور الذي كان في الملعب كان ينتمي للمريخ.

} الحكام ذاتهم كانوا مريخاب.

} لكن اللجنة المنظمة كتر خيرها رأت ان هذا الجمهور هو جمهور سيكافا.

} جمهور سيكافا جابو للمريخاب شنو؟

} جمهور سيكافا بيلس احمر.

} جمهور سيكافا بشيل شعار المريخ.

} جمهور سيكافا بهتف لي ابراهومة.

} انا ما عارف الوقت داك (العجب) كان بيلعب وإلا لا؟.

} بكون.

} يتخيل لي كان قاعد.

} الحاجة الاكيدة هو ان عصام الحضري الوقت داك كان بيلعب في الاهلي المصري.

} انتوا قايلين الحضري دا صغيّر.

} الزول دا بيلعب في الاهلي من زمن (محمود الخطيب) بقيف ورا القون عشان يجيب الكورة لي ناس سليم صالح.

} عارفو صالح سليم.

} عاوز اقلب الاسم ..في زول عندو اعتراض.

} مالكم انتوا.

} ركزوا في ورقكم.

} الحضري دا قديم ما تشوفوه كدا.

} ظاهر في سنونو.

} (التورتة) ساكت خربت طبعو.

} هسه (التورتة) دخلها شنو بالموضوع دا؟.

} المهم المباراة ما اكتملت ..واللجنة (المبرجلة) اقصد (المنظمة) رأت اعادة المباراة.

} بمناسبة الاعادة دي.

} مرة كنا بنحضر لينا في كورة.

} مباراة مولعة.

} موت احمر.

} زي الضيوف البجوك ساعة المسلسل.

} المباراة انتهت 1- صفر.

} القون جابو بكرى المدينة.

} الهدف بنحضر فيهو في (الاعادة)...طلع (كورنر).

} قعدنا نتغالط.

} اصلو نحن جننا غلاط.

} مفتاح اللمبة بنتغالط فيهو.

} عندنا زول برسل ولدو عشان يجيب ليهو (موية).

} الولد مسكين بمشي جري ويجيب الموية.

} الاب بشرب الموية وبقعد يغالط في ولدو.

} بقول ليهو الموية الجبتها دي ما من (التلاجة).

} مويتك دي من (الزير).

} الولد مسكين بقعد يحلف.

} والله ..وانا ..واسأل الوالدة.

} الاب اصلو ما بقتنع.

} نحن اصلو ما بنقتنع بالساهل.

} نحن أي حاجة عندنا بي نظام.

} عندنا زول صعب.

} صعب شديد.

} النوع البشرب الشاي قبال ما يسوهو ليهو.

} الزول دا مرة جاء داخل شال (نضارتو).

} شال (النضارة) كدا ووقع ليك (خبط) في الولد.

} قال للولد (الكسر) النضارة دا منو؟.

} الولد يحلف انو ما كسر النضارة.

} والاب يضرب في الولد.

} المشكلة ما كانت في انو الولد ما كسر (النضارة).

} المشكلة كانت في انو (النضارة) اصلا هي ما مكسورة.

} النضارة سليمة.

} لكن البقنع (الاب) شنو؟.

} في اباء كدا.

} بس يضربوا في اولادهم.

} وقت ما يلقوا سبب (منطقي)..بقولوا لي ناس البيت : (الكسر النضارة) منو؟.

} نضارة في عينك.

} هسه (النضارة) دي عندها دخل بي سيكافا.

} مرة عندنا واحد (منتهي).

} ما فيهو أي روح.

} اهلو شالوه وجري على المستشفي.

} شالوه (منتهي).

} نفس ما فيهو.

} خشوا الحوادث.

} الدكتور جاء طائر زي (مؤجز الاخبار).

} الطبيب عاين ليهو كدا ..وضع السماعة في القلب.

} رفع ايدو...وقال ليهم انا ما اكذب عليكم.

} زولكم دا ميت من قبل اربع ساعات.

} زولكم العيان قام (مفندر) ..جدع ليك (السماعة) من صدرو ..وقال للدكتور : الواحد اصلو ما ينوم.

} عشان بموت ليكم.

} حالتو دي كان (منتهي).

} قلت ليكم نحن ناس صعبين.

} ما صدقتوني.

} ما عندنا زول بتقيف ليهو (شوكة).

} السمك دا بناكلو بي (شوكو) عديل.

} واله قدر (شافع) يقول خنقتو (شوكة).

} ونحن ...اي حاجة عندنا بي نظام.

} هسه انتوا نستوني (سيكافا).

} نرجع ليكم لي بداية الكلام.

} اللجنة المنظمة قرررت اعادة المباراة.

} مباراة شنو يا زول؟.

} مباراة سيمبا والمريخ.

} انتوا قايلننا بننسي ..نحن ما بننسي.

} مامون ابوشيبة طبعا بتذكر (ضربة جزاء) قال ارتكبت مع عبدالمجيد جعفر سنة 1996 من مخالفة احمد النور.

} بتذكر ابوشيبة الموضوع دا زي امس.

} لكن موضوع اعادة مباراة سيمبا ما بتذكر فيهو أي حاجة.

} رغم انو المباراة دي انسحب بعدها الهلال وسيمبا اعتراضا على النهج الذي اتبعته (اللجنة المنظمة).

} والمباراة دي مات فيها صحفي من تنزانيا.

} ابوشيبة ما بتذكر أي حاجة في الموضوع دا.

} بس بتذكر ضربة الجزاء التي يظن ابوشيبة انها ارتكبت مع عبدالمجيد جعفر.

} هسه عبدالمجيد جعفر لو سألتو من الكلام دا يقول ليك : متين حصل.

} قصر الكلام يا جماعة.

} فريق سيمبا هزم المريخ في بطولة سيكافا التي نظمها فريق المريخ.

} وفريق سيمبا في البطولة الافريقية برضو هزم المريخ في ام درمان واخرجه من البطولة.

} اها بعد الهزائم دي موش مفروض المريخ يجيب (تارو) من سيمبا عندما واجه المريخ فريق سيمبا وكان فريق المريخ في كشفه 7 اجانب.

} المريخ بدل ما يجيب (تارو)..رضي بالهزيمة.

} (قصدوا التار رضو بالهزيمة).

} هيع.

} تتخيلوا اعلام المريخ قال لينا شنو؟.

} اعلام المريخ قال سيكافا (اعداد).

} اعداد شنو؟.

} بنصدقكم.

} في اعداد بتجرسو فيهو كدا.

} في اعادا فيهو اهداف عكسية.

} انتوا ما قلتوا ماشيين من هنا عشان تجيبوا (الكأس).

} مالو كلامكم اتغيير.

} والحضري ذاتو ما قال عاوز يجيب ليهو بطولة ويمشي.

} في سيكافا فشلتو.

} أي دمعة حزن لا لا.

} تررم ..ترررم.

} دمعة شنو؟.

} دا كان زمان.

} هسه ناس المريخ جلدهم بقي (تخين).

} الطلوع بقي عادي.

} مع جمال الوالي دا أي خسارة عادية.

} ما في أي مشكلة.

} زمان كان بكون في (دموع).

} وخجل ...وحزن.

} هسه المريخ بطلع من البطولة عادي جدا ..تلقي المريخ واقف في صف العيش وبتكلم عن كوبا امريكا.

} عادي.

} كأنو المريخ دا ما فريقو.

} المريخابي بقي تلقي الصباح شايل جك الفول ..يثبتك ويقول ليك : انت كورة المريخ انتهت كم؟.

} حليل المريخ زمان.

} حليل مريخ ابوالعائلة.

} واي دمع حزن لا لا لا.

} ترررم ...تررررم.

} ومريخ ود اليأس.

} مريخ جمال دا ما فارقة معاهو أي شيء.

} لا دمعة.

} لا ملوخية.

} الملوخية هسه ذنبها شنو؟.

} في 8 سنوات شالوا الممتاز مرة واحدة.

} والمرة الفازوا فيها بالكأس كان بواسطة لجنة الحكام.

} حليل زمن (أي دمعة حزن لا لا).

} تررررم ...تررررم.

} ناس بلة جابر ديل (البوفيه المفتوح) خرب طبعهم.

} لياقتهم كلها بكوبوها في (البوفيه المفتوح).

} ديل ناس انتظروا الحلو.

} انت يا ود الناس عاوز تكتب لينا هسع عن مباراة الهلال وامس والتمانية اهداف...وإلا عاوز تكتب لينا عن (سيكافا).

} سيكافا دي نحن كرهناها.

} هن شن طعمها.

} شن فيها.

} يا جماعة ما تضيقوا.

} ما تضايقوا.

} انا براجع ليكم في المواقف دي بي فهم.

} عشان بعدين ما تقعدوا تغالطوا ساكت.

} باقي نحن.

} أي حاجة عندنا بي نظام.

} المريخاب ديل سيمبا محل ما تقابلهم ..بتهزمهم.

} في أي حتة.

} بالحضري.

} بالتورتة.

} بالبوفيه المفتوح.

} ما فارق معاهم.

} احسن نخلى الكلام دا ..وندور في حتة تانية.

} قالوا ليك هيثم مصطفي (حفظه الله ورعاه) امس قدم ليك كورة ...كل الشافو ..قالوا قعد يعاين في الساعة.

} خايف المباراة تنتهي.

} في زول بشبع من الكورة.

} ناس الهلال ديل شبعونا كورة عديل.

} أي زول قاعد يطقطق في اصابعو.

} تقول في (حدايق السلام).

} حاجة ما تخلص.

} حاجة روعة.

} حصل سمعتوا (حافظ عبدالرحمن).

} اها الما سمع حافظ يشوف كورة الهلال.

} الخالق ...الناطق.

} انت يا هيثم لو ناس الامم المتحدة شافوك ...تاني بدوك جواز دبلوماسي.

} مفروض يبقوك الامين العام للامم المتحدة.

} عشان تتطقطقها ليهم كدا ...لما يفهموا حاجة.

} كل ما اشوف (الباشا)..بقول الزول دا ما محظوظ.

} الجابروا يلعب مع ناس (بلة جابر) شنو؟.

} شلة البوفيه المفتوح.

} انتوا مجاهد دا برضو تابع للجماعة.

} يعني تابع للبوفيه المفتوح.

} مالو بعمل كدا.

} فقد تركيزوا.

} انت قايلك نفسك وين يا كابتن.

} دي سيكافا.

} سيكافا دي مفروض تقعد فيها ساي.

} ما تقول ولا كلمة.

} ارجع ليكم للمباراة.

} المريخاب طبعا الايامات دي عندهم حملة ضد (اتوبونج).

} مفتكرين اتوبونج بفشل زي (واغو).

} نحن بنتابع في الحملة ونضحك عليهم.

} بعد مباراة الهلال والفريق الكيني الاولي ...الجماعة قالوا اتوبونج ليها ما جاب قون.

} انتوا يا جماعة بتستهبلوا.

} خلوا عندكم منطق شوية.

} وارغو دا بيلعب موسم كامل ...ما جاب ليهو قون.

} لمن لعبتو بيهو قدام (الشجرة).

} المشكلة شنو يعني لو اتوبونج ما جاب قون في اول شوط يلعبو.

} طبعا المريخاب من (خلعتهم) ...وخوفهم من (اتوبونج) ..فاكرين (اتوبونج) دا من ينزل من (المطار) يمسك ليك (الحضري) زي البيبسي يجيب فيه (3) اقوان.

} الحضري ...شن طعمو؟.

} نجم الدين بجيب فيه قون.

} الباشا بجيب.

} مصعب.

} سعيد السعودي.

} خلوها مستورة ساكت.

} قلت ليكم المريخاب من (الخلعة).

} قايلين (اتوبونج) دا ...لو فات في شارع الاربعين ساكت ..بجيب ليهو (7) اقوان.

} شارع الاربعين طبعا زي (الحضري).

· أي حاجة فيهو بتفوت.

} يا الحضري ...كمان بقيت (تفكها).

} واي دمعة حزن لا لا لا.

} تررم ..ترررررم.

} والله نحن لو ما (الغرامة) ما عندنا معاك أي قضية يا الحضري.

} تفكها ..وإلا ما تفكها ما فارقة معانا.

} لكن برضو بالغت.

} تفكها في (سيكافا).

} سيكافا.

} سيكافا ..يا الحضري.

} لكن برضو معذور ...اتوبونج دا بخليك ما براك.

} قالوا ليك بلة جابر (البوفيه المفتوح) طلع من نفسو.

} بقي ولا بياكل.

} المسكين شايل هم (اتوبونج).

} اتوبونج براهو.

} والله لو شفتو (توريه) يا موسي الزومة تاني ما بتقعد في البلد.

} بتتخارج من بدري.

} امس اتوبونج ..فهم ليكم المريخاب حاجة.

} في 8 دقايق ..جاب ليهو 3 اقوان.

} عليكم الله يا هلالاب هسع في داعي تغلبوا الفريق دا تمانية.

} دا شنو البتعملو فيهو دا.

} المريخ مشي سيكافا ...ما قدر يغلب ليهو فريق غير المان الصومالي.

} وفرحانين كمان للغلب دا.

} قوموا يلا.

} شوفوا ليكم بلد.

} بكرة ما تنتظرونا.

} بالمناسبة.

اتوقووووووووووون.

} 3 اقوان في 8 دقايق.

} ماشاءالله وتبارك الله.

} والله يحفظ لينا (الهلال).

} ملحوظة : الفريق الكيني دا تاني ما بجيكم.

هوامش

} ياريت لو كان الهلال والمريخ في الاسبوع التاني.

} عشان نفرتك ليكم (حضريكم) دا.

} نفرتكو ليكم حرف ..حرف.

} اصلو نحن غضبانين.

} غضبانين شديد.

} من التورتة.

} ومن الغرامة.

} ونحن حقنا ما بنخلى.

} ونحن أي حاجة عندنا بي نظام.

} المستفيد الاول من التعاقد مع اتوقوووون ...كاريكا والمدينة.

} بكرى المدينة دا انا قايلو محترف روسي.

} هسه الروس ذنبهم شنو؟.

} اما المستفيد الاول من التعاقد مع توريه ...فهو مهند الطاهر.

} يا رب الحضري يستمر مع المريخ.

} لو فشلتوا تقنعوا الحضري يا مريخاب.

} الامين البرير بقنعوا ليكم.

} الامين البرير طلع مفتح.

} في مباراتين ..طلع ليهو نص مليار جنيه.

} شفت والله.

} تقولوا لي اتوقوووون (غالي).

} نحن قروشنا بنطلعها.

} مباراة الهلال والمريخ في الدورة الممتاز في المقبرة.

} والمباراة دي براها ممكن تجيب مليار.

} طبعا مباراة المريخ والهلال في الدورة الاولي كانت حقت المريخ.

} قرش ما جابتو.

} عشان المباراة كانت بدون جمهور.

} شفتوا الهلال دا كيف.

} أي حاجة عندنا بي نظام.

} لكن اتوقوووون بالغ.

} يا بلة جابر ..الزول البشطيك من (البوفيه المفتوح) جا.

} شوف ليكم (مطعم) تعبان كدا.

} البفويه المفتوح خلاص ح يستغني عنكم.

· عاجل: جمال الوالي بعد (اتوقوووون) قال للحضري شوف لي طريقة اتخارج بيها من المريخ.

انقر هنا لقراءة الخبر من مصدره.