سودارس : الممتاز بقى زي (الحوار الوطني) أندية مشاركة وأندية مقاطعة

منع قناة تلفزيونية شهيرة في السودان وزارة الصحة تلتقي الشركة المصرية السودانية لترتيب مشروعات صحية مشتركة ماذا قال ياسر العطا لجنود المدرعات ومتحركات العمليات؟! شاهد الفيديو تم مراجعة حسابات (398) وحدة حكومية، و (18) بنكاً.. رئيس مجلس السيادة يلتقي المراجع العام انطلاق مناورات التمرين البحري المختلط «الموج الأحمر 8» في قاعدة الملك فيصل البحرية بالأسطول الغربي شاهد بالصور.. ما هي حقيقة ظهور المذيعة تسابيح خاطر في أحضان إعلامي الدعم السريع "ود ملاح".. تعرف على القصة كاملة!! تقارير صادمة عن أوضاع المدنيين المحتجزين داخل الفاشر بعد سيطرة الدعم السريع لقاء بين البرهان والمراجع العام والكشف عن مراجعة 18 بنكا السودان الافتراضي ... كلنا بيادق .. وعبد الوهاب وردي د.ابراهيم الصديق على يكتب:اللقاء: انتقالات جديدة.. لجنة المسابقات بارقو توقف 5 لاعبين من التضامن وتحسم مباراة الدوم والأمل المريخ (B) يواجه الإخلاص في أولي مبارياته بالدوري المحلي بمدينة بربر الهلال لم يحقق فوزًا على الأندية الجزائرية على أرضه منذ عام 1982…. شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان وزير الطاقة يتفقد المستودعات الاستراتيجية الجديدة بشركة النيل للبترول أردوغان يفجرّها داوية بشأن السودان وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الممتاز بقى زي (الحوار الوطني) أندية مشاركة وأندية مقاطعة

قوون نشر في قوون يوم 24 - 11 - 2015

غارزيتو قالوا قال ليهم: أنا لو لقيت (لجنة الاستئنافات) دي في الهلال كان بجيب كاس العالم
أصبحت المباراة في عهد أسامة ومعتصم ومجدي وشمس الدين وسمير فضل مدتها (15) دقيقة
الكورة في إستاد الخرطوم بقوا يحرسوها بقوات من الشرطة..ومدتها (15) دقيقة فقط
إن لم يطبق القانون وترد حقوق الهلال والأمل ..يمكن أن نقول إن السلطة سوف تدخل (جراحات) السياسة للوسط الرياضي
• عتمان ود سل الروح غرق في بحر الله دا.
• النسوان طقن الكواريك – اتوزعن على (الضللة) في الحلة متل باقى الملاح في الحلة.
• والشفع مع بكاهم ياكلوا في (الطعمية) زي المفرمة الجديدة.
• الطعمية دي ممكن أعملها ليكم (لقيمات).
• عتمان ود سل الروح طلعوه بعد (15) يوم من البحر.
• ما بتعرف.
• الجماعة عاوزين يدفنوه ...طلع ليهم (حسن ود الفريع) قال ليهم ما تدفنوه الزول دا فيه (حريكة).
• التاج ود خلف الشجر ..قال ليه (حريكة) يجيبها من وين بعد (15) يوم – نحن الزول دا طلعناهو بعد (15) يوم من البحر ولّا طلعناهو من شهر العسل!!.
• يا زول ما تبالغ.
• عليكم الله – هسع الكلام دا ما أقرب من أنك تعمل ليك فريق خسر (5) مرات بطل للممتاز.
• فريق خسر في ملعبو دا مرتين.
• بي جمال الوالي.
• ولجنة الاستئنافات.
• وغارزيتو.
• أنتوا الممتاز دا قلبتوه لتوزيع الساردين.
• قلبتوه حاجة تانية.
• غارزيتو قالوا قال ليهم أنا لو لقيت (لجنة الاستئنافات) دي في الهلال كان بجيب كاس العالم.
• علاء الدين يوسف اعمل بيه شنو؟.
• أنا ما عارف لكن ال (3) مليار التى منحتوها أمير كمال لو منحتوها أسامة عطا المنان كان أفضل ليكم.
• أنتوا هسع مع عمكم سمير فضل دا بكري المدينة عاوزين بيه شنو؟.
• نخش ليكم على (الضلع).
• أخشى على تلوث الوسط الرياضي .. فهو قد دخلته بعض الأجسام الغريبة، المسببة للتسمم.
• نحن لينا شهر ونص ما بنتكلم لينا في (كورة).
• لينا شهر ونص ما شفنا (بشه).
• ما شفنا نزار حامد.
• نشوف بشه وين مع ناس سمير فضل ديل.
• ديل بقوا هم البيلعبوا.
• الكورة في إستاد الخرطوم بقوا يحرسوها بقوات من الشرطة..ومدتها (15) دقيقة فقط.
• تقول فحص.
• أمس الأول وقت شفت المريخ داخل على إستاد الخرطوم والشرطة محاصرة الملعب ..قلت أنتوا المريخ دا لاعب ضد (الحركة الشعبية)؟.
• ناس ضفر بقوا يحرسوهم بالشرطة كدا مالهم.
• حكمة الله المريخ الذي طالب في مباراته مع مريخ الفاشر بإخراج الشرطة ..هو الذي احتمى بها أمس الأول.
• شفتوا الشرطة دورها كبير كيف؟.
• ما قلتوا الشرطة تطلع.
• مالكم بقت عليكم حارة.
• الوسط الرياضي بقى بيانات وتصريحات ولجان ولجان منبثقة.
• رئيس الاتحاد منو؟.
• معتصم جعفر ولّا الصادق المهدي.
• سكرتير الاتحاد منو مجدي ولّا كمال عمر.
• أخشى أن يصبح الوسط الرياضي مثل الوسط السياسي المأزوم بالوجع والفرقة والضياع.
• أخشى أن تصبح كورة القدم ...(معارك) مثلها مثل المعارك السياسية – ندوات ولقاء جماهيري.
• فقد دخلنا في عهد هذا الاتحاد إلى أن يعتبر الفريق الذي خسر المباراة (فائزاً) فيها.
• تغلب في (الملعب) – يطلعوك مغلوب في (المكتب).
• يعني ممكن تحضر الكورة في عطبرة في الملعب ..وتشاهدها وتشوفها وتكورك فيها ..وتضرب تاني يوم لي (سمير فضل) عشان تسألوا عن نتيجة المباراة؟.
• النتيجة التى تنتهي بها المباراة في الملعب – هي غير النتيجة التى يحددها سمير فضل.
• من عجائب كورة القدم في السودان أن الفريق الذي يخسر خمس مرات في البطولة هو الفريق الذي يفوز بالبطولة.
• أصبحت المباراة في عهد أسامة ومعتصم ومجدي شمس الدين وسمير فضل مدتها (15) دقيقة.
• حكاية (90) دقيقة دي بقت ما في.
• شوطين واستراحة بين الشوطين ..بقت ما عندنا.
• زمن بدل الضائع ..دا كان زمان.
• المباراة الآن بقت (15) دقيقة فقط.
• المباراة لا فيها هدف.
• ولا فيها كورنر.
• ولا فيها ضربة مرمى.
• ولا فيها مخالفة واحدة.
• مباراة (طرف تاني) ما فيها.
• يدخل الفريق براهو ...جمهور ما في ..وينتصر ويطلع.
• في الدنيا.
• في الواق الواق في كورة زي الكورة دي.
• الخسارة في كورة القدم أمر عادي ..وشيء طبيعي وما فيها أي حاجة.
• الهزيمة ممكن تكسب منها فوائد في كورة القدم مثلما تكسب من الانتصار.
• لم تبن مباريات كورة القدم على الانتصار فقط – وإلّا فقدت روعتها ودهشتها وإثارتها.
• كونك تفقد (بطولة) هذا أمر وارد بصورة كبيرة في كورة القدم.
• تتنافس على البطولة عدد من الأندية وفي النهاية بفوز فريق واحد فقط بالبطولة.
• لذلك نحن نقول إن فقدان مباراة أو بطولة في (الميدان) شيء طبيعي في كورة القدم.
• المشكلة في كورة القدم الإحساس ب (الظلم).
• الأزمة تطلع من هنا – من (الظلم).
• استباحة (القانون) لتحقيق مآرب أخرى.
• الكوارث – الأزمات – المصائب تأتي عند الإحساس بالظلم.
• لا الخسارة ولا القانون في الدنيا بيزعل ليه زول.
• الظلم الذي تعرض له الهلال – هو الذي يمكن يهتك شرف المنافسة الرياضية.
• المجتمع الرياضي إذا انفلت ودخله (الاختلاف) يبقى لملمته من المستحيل.
• شاهدتم كلكم كيف انتهى إخراج بطولة الممتاز هذا الموسم.
• الممتاز هذا الموسم (كارثة)...شيء يخجل منه حتى مجدي شمس الدين.
• لو خرج مجدي شمس الدين أو معتصم جعفر أو أسامة عطا المنان لن يقولوا أنهم متقنعين بهذا الذي يفعلونه الآن.
• هم في غرارة نفسهم بيشعروا بالظلم الكبير الذي أداروا به الممتاز في هذا الموسم.
• لا تلفزة.
• ولا رعاية.
• ولا إثارة.
• ليس هناك شيء.
• كل الحديث أصبح عن انسحاب الهلال من الممتاز ..أين الممتاز هنا؟.
• الدنيا قامت وما قعدت.
• البلد وقفت على رجل واحد.
• الاتحاد العام ما عرف يعمل شنو؟.
• اجتماعات متواصلة ..ووجود في المكاتب 24 ساعة.
• هذا شيء لأول مرة يحدث من أعضاء الاتحاد العام.
• الجماعة ديل بقوا يجتمعوا يوم الجمعة.
• معتصم جعفر بقى برشح نفسو في سيكافا.
• ومجدي شمس الدين بسافر سويسرا وبرجع من هناك لأنه فقد الجواز.
• فقد الجواز دي علينا نحن.
• وزارة الشباب والرياضة كل 48 ساعة تصدر ليها بيان.
• وزير العدل تدخل في الأمر.
• الموضوع وصل البرلمان.
• وتدخلت رئاسة الجمهورية.
• والشرطة الأمنية.
• هذه الأشياء في (السياسة) ما قاعدين نسمع بيها – بقينا نسمع بيها في كورة القدم.
• ما في أكبر من كدا.
• الهلال دا عاوز يعمل شنو؟.
• يمكن أن نصل إلى كوارث أكبر إذا لم يتم معالجة هذه الأزمة بصورة تراعي للمصلحة العام.
• إن لم يطبق القانون وترد حقوق الهلال والأمل ..يمكن أن نقول إن السلطة سوف تدخل (جراحات) السياسة للوسط الرياضي.
• وإذا بلغت الجراح الوسط الرياضي فإن الوطن هو الخاسر الأول.
• الإحساس بالظلم يمكن أن يولّد الكثير من الانفلاتات والكوارث.
• الدوري الممتاز هذا العام أصبح متل (الحوار الوطني).
• الممتاز بقى صورة أخرى من (الحوار الوطني).
• أندية مشاركة – وأندية مقاطعة.
• اجتماعات ولجان وبرلمان.
• عليكم الله بي حالتكم دي يا مجدي شمس الدين خليتوا شنو للحوار الوطني.
• نحن ناقصين.
• حركات الحوار الوطني عاوزين تعملوها لينا في إستاد الخرطوم.
• طبعاً المريخ في الممتاز بمثل الحزب الحاكم في الحوار الوطني.
• بحدد أي شيء براهو.
• الفريق البنتصر.
• والفريق البيخسر.
• والفريق البنزل.
• والفريق البشيل البطولة.
• المريخ زي (المؤتمر الوطني) بحدد أي شيء في الممتاز.
• العاوز يحاور بي هذا الشكل ..يحاور ..الما عاوز بي طريقتو.
• وناس مجدي شمس الدين وأسامة عطا المنان يعجبوك (ملكيين) اكتر من الملك.
• لو استمريتوا لينا بالطريقة دي في الممتاز ..الموسم القادم مشكلتكم بتصل (أديس أبابا).
• وما بعيد (الدوحة) تدخل في الموضوع.
• أحسن حلوا مشاكلكم الرياضية في البلد دي ...أحسن من تطلعوها لينا بره زي مشاكلكم السياسية.
• طبعاً في الممتاز دا في أندية ما عندها أي موقف ...بس عاوزة مصلحتها زي بعض الأحزاب في الحوار الوطني.
• الأحزاب السياسية في السودان اكتر من تسعين حزباً ...الأحزاب المعروفة ما بتتجاوز ليها أربعة أحزاب.
• في الكورة السودانية – عليكم الله في زول بعرف غير (الهلال) بره السودان.
• الهلال هو الفريق الوحيد المعروف بره.
• المريخ بعرفوه ب (وصيف) الهلال.
• ممتازكم دا بدون الهلال – إذاعة (هوى السودان) حقت معتصم جعفر ما بتنقلو.
• هسع الناس خلت الممتاز وشغالة بانسحاب الهلال.
• البلد قائمة وقاعدة في انسحاب الهلال.
• (بي ان سبورت ) خلت الدوري الأسباني قبلت على انسحاب الهلال.
• الهلال هو الذي يحدد الأشياء.
• الأشياء تبنى على الهلال.
• ......
• ملحوظة : عندكم كلام تاني.
هوامش
• قالوا ليك المريخ وقت سجل خالد النعسان ..قام قسم حافزو.
• 500 ألف جنيه أعطوها فريق الأمير.
• و200 ألف جنيه للاعب.
• وباقى المبلغ مفروض تمنحوه لجنة الاستئنافات.
• السنة دي أي لاعب تسجلوه في المريخ – اقسموا معاكم للجنة الاستئنافات.
• في واحد مريخابي: بعد ما شفت خالد النعسان قلت ليه الزول دا جسمو كعب ..قصيّر وما بقدر على الضرب.
• قال لي جسم شنو؟..نحن خالد النعسان ما عاوزين منو شيء مع ناس عمك سمير فضل ديل.
• التسجيلات باقى ليها ستة يوم.
• امسكوا في خالد النعسان قوي.
• دا الطلعتوا بيهو في التسجيلات.
• ناس راجي ديل موقفهم شنو؟.
• الظاهر عليهم ..عاوزين يقنعوه ب (أنت ابن النادي).
• طيب يا راجي أنت أمير كمال دا جابوه من شالكة الألماني.
• يا زول افتح تلفونك.
• ناس الأهلي شندي بفتشوا ليكم.
• على قناعة تامة ..أنو اللاعب الحقيقي في المريخ هو أحمد الباشا.
• الباشا هو المكسب الوحيد.
• لاعب منضبط ومهاري وإمكانيات كبيرة.
• يا الكاردينال ناس ولاء الدين ديل وأبو عاقلة عازوين ليهم خبرات.
• .........
• عاجل : الصباح قريب ...أوعى (الضلام) يفتركم.

انقر هنا لقراءة الخبر من مصدره.