سودارس : بَرْشَا... بَرْشَا.. شيبوب

ياسر محجوب الحسين يكتب: الإعلام الأميركي وحماية الدعم السريع الفوارق الفنية وراء الخسارة بثلاثية جزائرية نادي القوز ابوحمد يعلن الانسحاب ويُشكّل لجنة قانونية لاسترداد الحقوق السعودية..فتح مركز لامتحانات الشهادة السودانية للعام 2025م كامل ادريس يلتقي نائب الأمين العام للأمم المتحدة بنيويورك شاهد بالفيديو.. شباب سودانيون ينقلون معهم عاداتهم في الأعراس إلى مصر.. عريس سوداني يقوم بجلد أصدقائه على أنغام أغنيات فنانة الحفل ميادة قمر الدين الجزائر تتفوق على السودان بثلاثية نظيفة شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي) وزير الداخلية التركي يكشف تفاصيل اختفاء طائرة رئيس أركان الجيش الليبي البرهان يزور تركيا بدعوة من أردوغان سر عن حياته كشفه لامين يامال.. لماذا يستيقظ ليلاً؟ "سر صحي" في حبات التمر لا يظهر سريعا.. تعرف عليه تقارير: الميليشيا تحشد مقاتلين في تخوم بلدتين شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) سيدة الأعمال رانيا الخضر تجبر بخاطر المعلم الذي تعرض للإهانة من طالبه وتقدم له "عُمرة" هدية شاملة التكاليف (امتناناً لدورك المشهود واعتذارا نيابة عنا جميعا) شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة في افتتاح منافسات كأس الأمم الإفريقية.. المغرب يدشّن مشواره بهدفي جزر القمر استقالة مدير بنك شهير في السودان بعد أيام من تعيينه مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر ريال مدريد يزيد الضغط على برشلونة.. ومبابي يعادل رقم رونالدو وفاة مسؤول بارز بناد بالدوري السوداني الممتاز رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! انخفاض أسعار السلع الغذائية بسوق أبو حمامة للبيع المخفض تونس.. سعيد يصدر عفوا رئاسيا عن 2014 سجينا ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) حريق سوق شهير يسفر عن خسائر كبيرة للتجار السودانيين مياه الخرطوم تكشف تفاصيل بشأن محطة سوبا وتنويه للمواطنين محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

بَرْشَا... بَرْشَا.. شيبوب

قوون نشر في قوون يوم 05 - 01 - 2016

شيبوب الناس منتظرنو في بيت جمال الوالي بحي الصفا ظهر ليهم في بيت الكاردينال في قاردن سيتي ، بعاينوا ليه في المغرب ظهر في تونس
الطريف أن الأمين العام للمريخ ماسك (النظام العام)..تتصوروا مع ذلك ما قدر يمسك (شيبوب)

* تاني (كلامكو) شنو؟.
* شيبوب الجماعة منتظرنو في (المغرب) ظهر ليهم في (تونس).
* سبحان الله.
* ح أكتب ليكم الليلة عمود باللهجة (التونسية).
* المريخاب ديل ما فيهم زول بيفهم حاجة في العمود دا.
* تونسي ساكت.
* شيبوب (عسلامة).
* يعني شيبوب مع السلامة (ساهلة دي يا سلك).
* ما صعبة.
* ما تعملوا لينا أزمة في (الغاز).
* الموضوع دا ما عندو علاقة ب (الغاز).
* أحسن نوضح ليكم الحاجات من بدري.
* ما تقعدوا تصنقعوا لي ساكت وتضربوا لي في حساباتكم.
* أدخل ليكم في الغريق شوية.
* الغريق قدام.
* شيبوب (أشنيا أحوالك) في (البرد) دا.
* قالوا ليك كمان تونس فيها جنس برد.
* النخرة من (البرد) في تونس بتبقى زي (الترباس).
* والعيون الاتنين بتلمن في عين واحدة نسبة لبرودة الطقس.
* العلم بقول كدا.
* دا شنو دا كلو ما أقول أكتب العمود باللهجة التونسية بلقى نفسي دخلت في العربي حقنا دا.
* شيبوب ناس مزمل أبو القاسم وسلك ومعاوية الجاك وإبراهيم عبد الرحيم وإبراهيم عبد اللهذاتو قالوا ليك (تَوَحَشْتكْ) شديد.
* (توَحَشْتكْ) دي بالتونسي ..يعني (اشتقنا ليك يا زول).
* في توضيح أكتر من كدا.
* في علم أكتر من كدا.
* الكاردينال ذاتو ح نتكلم معاهو بالتونسي.
* تاني أصلو ما بنتكلم ليكم بالسوداني.
* يا الكاردينال (يزي) ...( يزي).
* يعني يكفي.
* المريخاب ديل كفاهم البتعملو فيهم دا.
* أبو جريشة (آش رأيك) في شيبوب.
* أبو جريشة (مازن شمس الفلاح) قطع قلبو.
* خلاهو يسافر أديس أبابا ب (14) لاعباً.
* تقول ماشين ليكم عرس.
* تغيير الجوازات ساكت من الأخضر إلى الأزرق فلس بيهم المريخاب.
* خالد النعسان قالوا ليه أنت وقت ما عندك جواز الكتروني ..البخليك تسجل في المريخ شنو؟.
* عملت ليهم قومة نفس ساكت.
* قالوا ليك (وقتاش) شيبوب ظهرت صورتو أمس بشعار (شبيبة القيروان) ناس المريخ قلبهم وقف.
* قلبهم طار.
* أي واحد فيهم بقول ليك واللهالليلة (القهوة) الشربتها ما عملت لي أي حاجة.
* (حليت عيوني) بالصور وشيبوب بشعار شبيبة القيروان..
* ما مصدق.
* (حليت عيوني) يعني جمّلت عيوني.
* على ما يبدو كدا أن مجلس المريخ برئاسة أسامة ونسي كتير (مشحاح).
* مشحاح دي يعني (بخيل).
* مجلس جمال الوالي المعز محجوب على قعاده في (الكنبة) منح مليار ونصف.
* تقول عاوز يقعد فيها ب (سماعات).
* لجنة أسامة ونسي ما عندها قروش... ونسي (قليل) يعني (فقير).
* واللهفترت عديل كدا من الشرح.
* (آش خص) غير الكاردينال.
* أترجم ليكم - يعني من يستطيع أن يفعل ذلك غير الكاردينال.
* علم والله.
* الكلام دا ما بالفرنسي.
* الكلام دا بالدارجي بتاع تونس (باقى نحن عندنا لاعب احترف في تونس).
* (ربي يعيشك) شيبوب.
* يعني ربي يخليك.
* (ما يسالش) أسامة ونسي.
* يعني أنسى أنسى يا ونسي.
* أما إذا كنا عاوزين نخاطب جمال الوالي بالتونسي فسوف نقول له : (كيفاش).
* يعني كيف تخلي شيبوب (هاوي).
* هاوي دي حقتنا نحن.
* ما حقت (التوانسة).
* واللهكتابة العمود بالتونسي صعبة شديدة ..أتارينا نحن لاقين راحتنا ساكت مع اللغة الدراجية حقتنا دي.
* معلوم (بالتونسي أيضاً) أن شيبوب (ايجا) في مايو القادم عشان يوقع في كشوفات الهلال.
* ايجا في فترة التسجيلات القادمة.
* اللهيجيب لينا مايو.
* شيبوب ح يرجع مع افتتاح الجوهرة الزرقاء.
* يا ربي الجوهرة الزرقاء بالتونسية يعني شنو؟.
* الجوهرة الزرقاء (نايض – نايض – نايض) بالتونسي.
* كمان قولوا ما بتعرفوا (نايض).
* ما بشرحها ليكم.
* عشان ما تفهموا حاجة في (الجوهرة الزرقاء).
* شيبوب الناس منتظرنو في بيت جمال الوالي بحي الصفا ظهر ليهم في بيت الكاردينال في قاردن سيتي
* متل الزول البكون عازمنو (سمك)..يجيبوا ليه (عدس).
* أول مرة نشوف لينا (كبري) بالطريقة دي.
* من مقرن النيل للقيروان.
* الحكاية دي زي الزول البقرأ طب بالمساء.
* شيبوب المريخاب ديل لفوا بيه في (4) مطارات.
* الغريبة ال (4) مطارات ...لفوا بيه بدون (جواز).
* شيبوب (ساحر).
* ما عاوز ليه (جواز).
* قالوا ليك في جوبا كانو حارسنو (21) بودي قاردي ..شيبوب فات فيهم زي الما حصل حاجة.
* زول شعر بيه ما في.
* لا عرفوه طلع بالشباك ..ولا عرفوه طلع بالباب.
* حارس الفندق قال ليهم الزول دا لغاية الساعة (2) صباحاً كان قاعد في غرفته.
* طلع كيف ؟...ما عارفين.
* ما تسألوني عليكم الله.
* دا شغل عالي.
* ناس يقولوا ليك نزل بالماسورة (ديل ناس مزمل أبو القاسم ومعاوية الجاك).
* ماسورة في البرد دا!!.
* وناس يقولوا ليك قفز من الطابق الرابع (ديل ناس بابكر سلك وهيثم كابو).
* هيثم كابو ما كضب ..قال دا شمشون عديل كدا.
* سماهو ليك شيبوب (الجبار).
* كابو ما عارف (الجبار) خافي شنو في مقبل الأيام.
* شيبوب لا اتسلق ليه ماسورة لا قفز من الطابق الرابع.
* الزول دا طلع بالباب عديل ..لكن زول شافو مافي.
* عارفين ليه؟.
* عشان كان لابس (طاقية الإخفاء).
* لابس (الكسكتة).
* أنتوا قايلين (الكسكتة) دي ساهلة ولّا ساهلة ولّا ساهلة.
* والكسكتة دي وقت الزول يلبسها تاني ما بتشاف.
* إلّا في تونس.
* بعد الفأس ما يقع في الرأس.
* شيبوب دا قالوا ناس المريخ مروا بيه على (4) مطارات – ما في ضابط جوازات واحد ثبتو.
* دا ما (سحر).
* شيبوب (الحاوي).
* زول جواز سفر ما عندي يمر بي (4) مطارات.
* شيبوب وصل الخرطوم الساعة 2 صباحاً.
* ناس عبد التام وأبو جريشة منتظرنو ليك بالصور.
* اتصوروا معاه ...أصلو الزول دا ما مضمون.
* ممكن يتسرب في أي لحظة.
* زول بعرفو مافي.
* شيبوب قعد مع أسامة ونسي في بيتو.
* مع ذلك طلع من بيت أسامة ونسي من غير ما يشعر بيه رئيس المريخ.
* الكسكتة ليها أثر.
* فيها (سحر) عديل كدا.
* سحر الهلال.
* المريخاب في الخرطوم عيّنوا ليه (4) بودي قاردات – الواحد فيهم يسد عين الشمس.
* لو عاوز (تتنفس)..لو (النفس) ما عملوا ليه (فحص) ما بفكوا ليك.
* حارسنو ليك حراسة شديدة.
* شيبوب قال ليهم ماشي البيت أسلم على الأسرة وأرجع ليكم.
* البودي قاردات قالوا ليه الحجل بالرجل.
* مشوا معاه البيت شايلين (خروفهم).
* ضربوا ليك الخروف بي مراراتو.
* وقت بقوا على غسيل الأيادي من الدهن واللحوم ..اتلفتوا يمين وشمال لقوا ليك شيبوب مافي.
* فص ملح وداب.
* الزول دا وينو؟.
* البقول ليك هسع كان هنا.
* والبقول ليك واقف في الركن.
* والبقول ليك بتكلم بالتلفون.
* والبقول بيجي راجع – ما فات بعيد.
* 7 دقائق بس.
* زولكم ظهر ليك مع الكاردينال في قاردن سيتي.
* الاستغراب في شنو؟.
* إذا كان الزول دا في نص ساعة بيظهر في جوبا.
* وفي 40 دقيقة بيظهر في تونس ..غريبة عليه يظهر في قاردن سيتي في (7) دقائق.
* الزول دا لو لبس (الكسكتة) لو عاوز يظهر في (روما) مع ناس (محمد) صلاح بيظهر.
* ولا بيغلبو.
* لكن عشان الصدمة ما تكون كبيرة عليكم قلنا يظهر بس في تونس.
* أقول ليكم جملة تونسية كاملة – عشان ما تفهموا أي حاجة (شْنُوَّا خُويَا مَوْ لابَاسْ).
* وهو عليكم اللهأنتوا لو فاهمين حاجة الزول دا بعد ما تجيبوه من (جوبا) وتلفوا بيه في (4) مطارات وتتصوروا معاه ..تسلموه الكاردينال في (قاردن سيتي).
* أنتوا يا ناس أبو جريشة – يا عبد التام شغالين مع أسامة ونسى ولّا شغالين مع الكاردينال.
* في هلالابي (شفت) – قال لي عبد التام دا مفروض يضموه للقطاع الرياضي في الهلال.
* الزول دا الخدمات البقدمها للهلال حسن علي صالح ما قاعد يقدمها!!.
* الموضوع دا كبير عليكم.
* قالوا ليك شيبوب طلع من السودان وسافر تونس في شكل (بخار).
* ناس المطار ديل قدر ما حاولوا يثبتوه ...ويرجعوه ما قدروا عليه.
* في (بخار) بيثبت.
* الطريف أن الأمين العام للمريخ ماسك (النظام العام)..تتصوروا ما قدر يمسك (شيبوب).
* أنتوا شيبوب ما قدرتوا عليه ..ح تقدروا على النظام العام.
* براكم بتختوا نفسكم في حتات بايخة.
* توقيع شيبوب في شبيبة القيروان (طاحت) في المريخ زي الصاقعة.
* (طاحت) دي تونسية.
* نسيت أقول ليكم (يقفز) من الطابق الرابع من الفندق بالتونسي شنو؟.
* عشان الأمور توضح ليكم.
* وما تتلخبطوا تاني.
* شيبوب (ينقّز) من الطابق الرابع.
* شفتوا العلم.
* يعني (يقفز).
* الشغل دا ما بتقدروا عليه.
* ولا عندكم ليه (رقبة).
* خليكم في (الوك).
* قالوا ليك (الوك) ناس المريخ ما قادرين يطلّعوا ليه (جواز).
* جواز الوك عند الكاردينال.
* واللهتكتروا كلامكم ..نقوم نطلع ليكم (الوك) ذاتو في تونس.
* نلبسو (الكسكتة).
* ونظهروا ليكم تاني يوم في (الهند).
* العلم بقول كدا.
* ..........
* ملحوظة : الموضوع دا لو صعب عليكم نرجع ليكم للسوداني.
* هوامش
*
* لكن السوداني دا في (الجنيه) ادهور.
* وزارة المالية قالت (الدولار) عندو (نفسيات).
* غايتو (الدولار) العند الكاردينال (شديد) وما عندو أي نفسيات.
* أسألو شيبوب منو؟.
* يمين (نصيح) نصاحة.
* نصاحة دي سودانية ما تونسية – عشان ما تلخبطوا ساكت.
* يلا بعد ما شيبوب وقع في شبيبة القيروان عاوزين الولد ينضم لمعسكر الهلال.
* عشان يدخل في اللاعبين.
* ويدخل في الجو.
* وشهر (5) الحكاية ما تكون عليه صعبة.
* كنت عاوز أكتب عن تصريحات عصام الحضري في قناة الحياة ..لكن شيبوب فرض نفسو.
* ممكن نرجع تاني للحضري.
* الحضري ح يمشي مننا وين يعني؟.
* نحن قاعدين.
* والحضري قاعد.
* إن شاء الله.
* وبرشا ..برشا ..برشا شيبوب.
* شيبوب من الليلة اسمو برشا شيبوب.
* ما اسموا شرف شيبوب.
* أبداً.
* اسمو برشا شيبوب.
* مجلس الهلال مفروض ما يستجعل على الجوهرة الزرقاء.
* ومفروض ما يفتتحها أو يلعب فيها قبل ما تكتمل.
* ما تكلفتوا الشغل ساكت.
* أرواح الناس أهم.
* قفل الجوهرة الزرقاء حتى تكتمل أحسن وأفضل.
* الفرحة ذاتها بتكون أكبر بيها.
* تصريحات الكاردينال في حق الفاتح النقر ومصطفى النقر وطارق أحمد آدم لم تكن موفقة.
* لا أحد يمكن أن يزايد على النقر أخوان وطارق أحمد آدم.
* يا الكاردينال أحسن تركز في الجوهرة الزرقاء.
* ركز في (شيبوب).
* وكما قال شوقي عبد العزيز أي لاعب ارتدى شعار الهلال يجب أن يجد الاحترام والتقدير.
* من حق النقر أخوان وطارق أحمد آدم أن يطالبوا بحقوقهم المادية.
* اللجوء للقضاء سلوك (حضاري) أي كانت التقديرات.
* الكاردينال الذي أنصف لاعبي الرديف والشباب – أولى أن ينصف قدماء لاعبي الهلال.
* هذه كلمة حق نقولها في حق الفاتح النقر ومصطفى النقر وطارق أحمد آدم ..نتمنى أن لا نعود للموضوع مرة ثانية.
* فرحة (شيبوب) لا تعني التجاوز في حق النقر أخوان وطارق أحمد آدم.
* وفرحة (الجوهرة الزرقاء)...أيضاً لا تعني التجاوز في حقوق قامات بحجم النقر 2 وطارق أحمد آدم.
* الكاردينال قدم الكثير للهلال ..وهو قريب من صناعة تاريخ (ناصع) له في الهلال – نتمنى ألّا يفسده بمثل هذه (الصغائر).
* وبرشا برشا برشا شيبوب.
* ...........
* عاجل : الحمدلله شيبوب ما ظهر في (الصين)..لو عملها كنت احتجبت لظروف فنية ..ما بقدر أكتب ليكم بالصيني..لكن شيبوب بيعملها.

انقر هنا لقراءة الخبر من مصدره.